બિગ બુલ રાકેશ ઝુનઝુનવાલા માત્ર 9 દિવસમાં આ સ્ટોકમાંથી ₹ 1600 કરોડ કમાયા!
બિગ બુલ રાકેશ ઝુનઝુનવાલાના પોર્ટફોલિયોમાં સમાવિષ્ટ કંપનીના સ્ટોકે છેલ્લા 9 દિવસમાં રૂપિયા 1600 કરોડનો નફો કર્યો છે. તાજેતરમાં, ટાટા મોટર્સના શેરની કિંમત નવી 52-સપ્તાહની ઉચી સપાટીએ પહોંચી છે, જ્યારે ટાઇટન કંપનીના શેર ઓલટાઇમ હાઇ પર છે. હકીકતમાં ટાઇટન કંપનીના શેર 2021ની શરૂઆતથી આસમાને છે. જો કે, ઓક્ટોબર 2021માં તેની ગતિ ઝડપી થઈ. ઓક્ટોબર 2021ના 9 ટ્રેડિંગ સત્રોમાં ટાઇટનના શેરની કિંમત લગભગ 17.50 ટકા વધી હતી, જેનાથી રાકેશ ઝુનઝુનવાલાને આશરે ₹ 1600 કરોડની કમાણી થઈ હતી.
ઓક્ટોબર 2021 માં Titanના શેરની કિંમત ₹ 2161.85 (NSE પર 30 સપ્ટેમ્બર 2021ના બંધ ભાવ) થી વધીને ₹ 2540 (NSE પર 13 ઓક્ટોબર 2021ના બંધ ભાવ) થઈ છે. છેલ્લા 9 ટ્રેડિંગ સત્રોમાં, તે પ્રતિ શેર ₹ 378.15 વધ્યો છે. આ રેલીમાં, ટાઇટનના શેરની કિંમત ₹ 2,608.95ની નવી ઓલટાઇમ હાઇ સપાટી પર પહોંચી હતી.
એપ્રિલથી જૂન 2021 ના ત્રિમાસિક ગાળા માટે ટાઇટન કંપનીની શેરહોલ્ડિંગ પેટર્ન મુજબ, રાકેશ ઝુનઝુનવાલા (Rakesh Jhunjhunwala) અને તેમની પત્ની રેખા ઝુનઝુનવાલા ટાટા જૂથની કંપનીમાં હિસ્સો ધરાવે છે. રાકેશ ઝુનઝુનવાલા પાસે કંપનીના 3,30,10,395 શેર છે, જ્યારે તેની પત્ની રેખા પાસે 96,40,575 શેર છે. એટલે કે, ઝુનઝુનવાલા પાસે ટાઇટનના કુલ 4,26,50,970 શેર છે. છેલ્લા 9 સત્રોમાં ટાઇટનના શેરની કિંમત ₹ 378.15 પ્રતિ શેર વધ્યો હતો. આનાથી રાકેશ ઝુનઝુનવાલાની નેટવર્થ વધીને ₹ 1600 કરોડ (₹ 378.15 x 4,26,50,970)ની નજીક પહોંચી ગઈ.
રાકેશ ઝુનઝુનવાલાએ એપ્રિલ-જૂન 2021 ક્વાર્ટરમાં ટાઇટન કંપનીમાં પોતાનો હિસ્સો વેચ્યો હતો. માર્ચ 2021 ક્વાર્ટર મુજબ રાકેશ ઝુનઝુનવાલા પાસે 3,52,60,395 શેર હતા, જ્યારે તેની પત્ની રેખા ઝુનઝુનવાલા પાસે ટાઇટનના 96,40,575 શેર હતા, પરંતુ રાકેશ ઝુનઝુનવાલાની શેરહોલ્ડિંગ જૂન 2021 ક્વાર્ટરમાં 3,30,10,395 શેર હતી. જ્યારે રેખા ઝુનઝુનવાલાની શેરહોલ્ડિંગ 96,40,575 શેર પર યથાવત છે. આનો અર્થ એ થયો કે રાકેશ ઝુનઝુનવાલાએ એપ્રિલથી જૂન 2021 ક્વાર્ટર દરમિયાન ટાઇટનના 22,50,000 અથવા 22.50 લાખ શેર વેચ્યા.
જો કે, ટાઇટન કંપનીની જુલાઈથી સપ્ટેમ્બર 2021 ક્વાર્ટર માટે તેમના શેરહોલ્ડિંગની જાહેરાત કરવાની બાકી છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp