Gujarat : સુરતના આ સ્ટેશન પર ચાલતી બસમાં લાગી ભીષણ આગ, માંડ માંડ બચ્યો ડ્રાઈવરનો જીવ
ગુજરાત ડેસ્ક : સુરતમાં (Surat) સીટી બસમાં (City Bus) આગ (Fire) લાગી જવાની વધુ એક ઘટના પ્રકાશમાં આવી છે. સુરતમાં સીટી બસમાં આગ લાગતા બસ ભડભડ સળગી ઉઠી હતી. બસ સ્ટોપ પર જ બસમાં આગ લાગી જતા અફરાતફરીનો માહોલ સર્જાયો હતો. ઘટનાની જાણ થતા જ ફાયર વિભાગનો કાફલો ઘટના સ્થળે પહોંચી આગ પર કાબૂ મેળવ્યો હતો.
કોસાડ ગામમાં સીટી બસ સ્ટોપ પર સવારે 11 વાગ્યાની આસપાસ એક GJ/05/bx8563 બસમાં આગ લાગી હોવાની ઘટના સામે આવે હતી. આગ લાગ્યાનો કોલ મળતા જ ફાયર વિભાગના જવાનો ઘટના સ્થળે પહોંચ્યા હતા. બસના ડ્રાઈવર શૈલેશ ભોજાનીના જણાવ્યા અનુસાર બસ નંબર 112 કોસાડથી સ્ટેશનના ફેરા માટે જ્યારે 11:02 વાગ્યે બસમાં સેલ માર્યો ત્યારે બસ ચાલુ ન થઈ હતી, ત્યાર બાદ બીજી ટ્રાય કરતા બસમાંથી ધૂમાડો નીકળવા લાગ્યો હતો. શૈલેશભાઈએ સીટી બસના મેકેનીકને કોલ કરતા તેમણે જણાવ્યું કે 5 મિનિટમાં પહોંચું છું, મેકેનીક બસમાં શું ખામી છે તે જોવા આવે તે પહેલા જ બસના બોનેટમાં આગ લાગી ગઈ હતી.
જોત જોતામાં આગે વિકરાળ સ્વરૂપ ધારણ કરી લીધું હતું. ડ્ર્રાઈવર શૈલેશભાઈએ સેફ્ટી વોટર ટેન્કનો ઉપયોગ કરી આગ પર કાબૂ મેળવવાનો પ્રયાસ કર્યો હતો. આ સાથે જ આસપાના સ્થાનિક દુકાનદારોએ પણ પાણીનો મારો ચલાવી આગને કાબૂમાં લેવાના પ્રયત્નો કર્યા હતા. પરંતુ આગે વિકરાળ રૂપ ધારણ કરી લેતા ફાયર વિભાગને જાણ કરવામાં આવી હતી.
આગ લાગ્યાનો કોલ મળતા જ ફાયર વિભાગે ઘટના સ્થળે પહોંચી આગ પર કાબૂ મેળવવા માટે પાણીનો મારો ચલાવ્યો હતો. 20 મિનિટની જહેમત બાદ આગ કાબૂમાં આવી હતી. કહેવામાં આવી રહ્યું છે કે સેલ મારતાની સાથે જ બસનું સ્ટાર્ટ બળી ગયું અને બોનેટમાં શોર્ટ સર્કિટ થતાં આગ ફાટી નીકળી હતી. ડ્રાઇવર કંઈ સમજે તે પહેલા જ આગે પ્રસરી ગઈ હતી. જો કે જ્યારે બસમાં આગ લાગી ત્યારે કોઈ પેસેન્જર હાજર ન હતું તેમજ બસની આસપાસ અન્ય કોઈ વાહન પણ ન હતું. આ ઘટનાના જાનહાનીના સમાચાર હાલ સામે આવ્યા નથી.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp