ટેસ્ટ ક્રિકેટમાં પહેલીવાર આ ખેલાડી કેમેરા સાથે ઊતરશે મેદાનમાં, ભારત-ઈંગ્લેન્ડ મેચમાં જોવા મળશે અનોખા દ્રશ્યો
જે આજ સુધી ટેસ્ટ ક્રિકેટમાં (Test cricket) બન્યું નથી. હવે તે ભારત અને ઈંગ્લેન્ડ (India and England) વચ્ચેની એકમાત્ર ટેસ્ટ મેચમાં ઉતરશે. ટેસ્ટ ક્રિકેટમાં પ્રથમ વખત કોઈ ખેલાડી કેમેરા (Player camera) સાથે મેદાનમાં ઉતરશે. જેના કારણે ચાહકોમાં અનેરો ઉત્સાહ જોવા મળી રહ્યો છે.
ઈંગ્લેન્ડના ઓલી પોપ જ્યારે ભારત સામેની ટેસ્ટ મેચમાં મેદાનમાં ઉતરશે ત્યારે તેની હેલ્મેટમાં કેમેરા ફીટ હશે. તે ફિલ્ડિંગ દરમિયાન આ કેમેરા લગાવી શકશે. ઓલી પોપના હેલ્મેટમાં લગાવવામાં આવેલો આ કેમેરો સીધો જ બ્રોડકાસ્ટર સાથે જોડાયેલ હશે, જેથી દર્શકો મેદાન પરની એક્શનને ખૂબ જ સરળતાથી જોઈ શકશે. તે જ સમયે, ICC અને ઇંગ્લેન્ડ ક્રિકેટ બોર્ડ (ECB) એ આ માટે માન્યતા આપી છે.
ઓલી પોપના હેલ્મેટમાં લાગેલો આ કેમેરો મેદાન પર કોઈનો અવાજ રેકોર્ડ કરી શકતો નથી. જોકે અવાજ માટે સ્ટમ્પ માઈકનો ઉપયોગ પહેલાથી જ થાય છે. હવે મેદાન પર લાગેલા કેમેરાના કારણે દર્શકોને એક નવું અને અદ્ભુત સાહસ જોવા મળશે. આવા પ્રયોગને ટેસ્ટ ક્રિકેટમાં પ્રોત્સાહન તરીકે જોવામાં આવી રહ્યું છે.
સ્કાય સ્પોર્ટ્સે ધ હન્ડ્રેડ 2021 દરમિયાન મેચમાં આ પ્રકારની મેચનો ઉપયોગ કર્યો છે. આ મેચમાં દર્શકોને એવું લાગ્યું કે જાણે તેઓ મેદાન પર જઈને મેચ ખૂબ નજીકથી જોઈ રહ્યા હોય. છેલ્લા એક વર્ષથી ભારત અને ઈંગ્લેન્ડ સામે ટેસ્ટની રાહ જોવાઈ રહી છે. ટીમ ઈન્ડિયા શ્રેણીમાં 2-1થી આગળ છે. રોહિત શર્માની ઈજાના કારણે જસપ્રીત બુમરાહને કેપ્ટન બનાવવામાં આવ્યો છે. સાથે જ વાઇસ કેપ્ટનની જવાબદારી રિષભ પંતને સોંપવામાં આવી છે. ઈંગ્લેન્ડે ભારત સામે ઈંગ્લેન્ડની પ્લેઈંગ ઈલેવન જાહેર કરી દીધી છે.
એલેક્સ લીસ, જેક ક્રોલી, ઓલી પોપ, જો રૂટ, જોની બેરસ્ટો, બેન સ્ટોક્સ (સી), સેમ બિલિંગ્સ (ડબલ્યુકે), મેથ્યુ પોટ્સ, સ્ટુઅર્ટ બ્રોડ, જેક લીચ, જેમ્સ એન્ડરસન.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp