વ્હોટ્સએપ જેવી ઇન્ટરનેટ કોલિંગ એપ પર ખોટી ઓળખ આપી તો થઇ શકે છે આટલાં વર્ષની સજા!
શું તમે પણ એવા લોકોમાંથી એક છો જેઓ છેતરપિંડી કરીને સિમ ખરીદે છે અથવા OTT પ્લેટફોર્મ પર ખોટી માહિતી આપે છે? અહીં OTT પ્લેટફોર્મનો અર્થ WhatsApp અને અન્ય ઇન્ટરનેટ કૉલિંગ એપ્સ છે. જો તમે પણ આવા લોકોમાં હોવ તો મુશ્કેલીમાં મુકાઈ શકો છો. કારણ કે સરકાર નવા નિયમો લાવી રહી છે.
આ નિયમોને કારણે તમે જેલમાં પણ જઈ શકો છો. ટેલિકોમ્યુનિકેશન વિભાગે નવા ભારતીય દૂરસંચાર બિલ, 2022નો મુસદ્દો તૈયાર કર્યો છે. ડ્રાફ્ટમાં યુઝર્સના કેવાયસી અને યુઝર પ્રોટેક્શન વિશે જાણકારી આપવામાં આવી છે. ચાલો જાણીએ કે જો આ બિલ પસાર થઈ જાય તો શું થઈ શકે?
આ બિલ મુજબ, જો તમે તમારી ખોટી ઓળખ જેમ કે વોટ્સએપ, ટેલિગ્રામ, સિગ્નલ પર જણાવો છો. અથવા જો તમે નવું સિમ કાર્ડ ખરીદવા માટે ખોટા દસ્તાવેજનો ઉપયોગ કરો છો, તો 50 હજારનો દંડ થઈ શકે છે. આ સિવાય દોષિતોને એક વર્ષની જેલ પણ થઈ શકે છે.
આ માહિતી હાલમાં ડ્રાફ્ટમાં છે, પરંતુ બિલ પાસ થયા બાદ દરેકે તે મુજબ કાર્યવાહી કરવી પડશે. ટેલિકોમ બિલના આ મુદ્દા પર ભાગ્યે જ કોઈને વાંધો હશે. સરકાર યુઝર્સની સુરક્ષાને ધ્યાનમાં રાખીને આ પગલું ઉઠાવી રહી છે. છેલ્લા કેટલાક સમયથી સાયબર ફ્રોડના ઘણા કિસ્સાઓ સામે આવ્યા છે. આ કિસ્સાઓમાં, ગુનેગારો માત્ર નકલી સિમ કાર્ડનો ઉપયોગ કરે છે. તેથી તેમને ટ્રેક કરવું મુશ્કેલ બની જાય છે. કેટલાક સમયથી, વોટ્સએપ અને અન્ય OTT પ્લેટફોર્મ પર પણ આ જ પ્રકારનું કામ કરવામાં આવી રહ્યું છે. અહીં છેતરપિંડી કરનારાઓ નકલી ઓળખની મદદથી લોકોને છેતરવાનું કામ કરી રહ્યા છે.
ટેલિકોમ મંત્રી અશ્વિની વૈષ્ણવે તાજેતરમાં કહ્યું હતું કે, કોલરને ખબર હોવી જોઈએ કે તેને કોણ ફોન કરી રહ્યું છે. આ તમામ પ્રકારના કોલ પર લાગુ થાય છે. પછી ભલે તે સામાન્ય વૉઇસ કૉલ હોય કે વૉટ્સએપ કૉલ, ફેસટાઇમ અથવા અન્ય કોઈ OTT. ભારતીય ટેલિકોમ્યુનિકેશન બિલ, 2022માં આવા કેસમાં સજાની જોગવાઈ છે. ખોટી ઓળખ આપીને ટેલિકોમ સેવાઓનો ઉપયોગ કરનાર કોઈપણ વ્યક્તિને એક વર્ષની જેલ અથવા 50,000 રૂપિયાના દંડની સજા થઈ શકે છે. આ સિવાય તેની ટેલિકોમ સેવાઓ પણ સસ્પેન્ડ કરવામાં આવી શકે છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp