Paytmની જબરદસ્ત ભેટ! : 350 કર્મચારીઓ એક જ ઝાટકે કરોડપતિ બની જશે
Paytmની પ્રારંભિક જાહેર ઓફર (IPO-initial public offering)ને કદાચ ધીમો પ્રતિસાદ મળ્યો હશે, પરંતુ લિસ્ટિંગ પહેલા કંપની 350 કર્મચારીઓને કરોડપતિ બનાવશે. ન્યૂઝ એજન્સી રોઈટર્સના સમાચાર અનુસાર, Paytmના $2.5 બિલિયન IPO પછી લગભગ 350 કર્મચારીઓની નેટવર્થ 1 કરોડ રૂપિયા થઈ જશે. જેમાં સેવા આપતા અને નિવૃત્ત કર્મચારીઓનો સમાવેશ થાય છે. આ એવા કર્મચારીઓ છે જેમણે Paytmમાં રોકાણકાર તરીકે હિસ્સો મૂક્યો હતો.
Paytm IPOના શેરની ફાળવણી 15 નવેમ્બર સુધી શક્ય છે. આજ દિન સુધી એ જાણી શકાશે કે કોને Paytm IPO મળશે અને કોને નહીં. Paytm 18 નવેમ્બરે શેરબજારમાં લિસ્ટ થવા જઈ રહ્યું છે. આ દિવસે IPO લેનારા રોકાણકારોના હિસાબ સમજાશે. Paytm IPO દ્વારા 18,600 કરોડ રૂપિયા એકત્ર કરશે.
Paytmએ IPO માટે શેર દીઠ રૂ. 2,080 થી રૂ. 2,150ની કિંમતની શ્રેણી નક્કી કરી હતી. તે જ સમયે, કંપનીના એક લોટમાં 6 શેર હતા. પેટીએમની પ્રાઇસ રેન્જના ઉપલા છેડે કંપનીનું મૂલ્યાંકન રૂ. 1.39 લાખ કરોડનું છે. Paytmને અત્યાર સુધીનો સૌથી મોટો IPO માનવામાં આવે છે. અગાઉ કોલ ઈન્ડિયાનો આઈપીઓ રૂ. 15,000 કરોડનો હતો.
Paytm મુખ્યત્વે 1,000 કરતા ઓછા સ્ટાફ સાથે નાની પેમેન્ટ કંપની હતી. આજે ફર્મમાં 10,000 કરતાં વધુ કર્મચારીઓ છે અને બેંકિંગ, શોપિંગ, મૂવી અને ટ્રાવેલ ટિકિટિંગથી લઈને ગેમિંગ સુધીની વિવિધ સેવાઓ પ્રદાન કરે છે.
Paytm એ મોબાઈલ વોલેટ એપ (Wallet app) છે. હાલમાં તેના 300 મિલિયન (30 કરોડ) સબ્સ્ક્રાઇબર્સ છે. ફોર્બ્સ ઈન્ડિયાના અહેવાલ મુજબ, માર્ચ 2021 સુધીમાં, પેટીએમ દ્વારા દર મહિને 750 મિલિયનથી 800 મિલિયન ટ્રાન્ઝેક્શન થઈ રહ્યા હતા. રૂપિયામાં 65,000 કરોડ રૂપિયાથી વધુના વ્યવહારો થઈ રહ્યા હતા.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp