આગામી 24 કલાકમાં આખું ગુજરાત ભીંજાઈ શકે છે, હવામાન વિભાગ દ્વારા મહત્વની જાહેરાત
ગુજરાત ડેસ્ક : રાજ્યના લોકો અને ખાસ કરીને ખેડૂતો જેની આતુરતાથી રાહ જોઈ રહ્યા હતા તે ક્ષણ આવી ગઈ છે. રાજ્યમાં ચોમાસાનું સત્તાવાર આગમન થઈ ગયું છે. હવામાન વિભાગ દ્વારા આ જાહેરાત કરવામાં આવી છે. હવામાન વિભાગના જણાવ્યા અનુસાર રાજ્યમાં સુરત સુધી ચોમાસુ બેસી ગયું છે. આગામી બે દિવસમાં સમગ્ર રાજ્યમાં ચોમાસું ત્રાટકે તેવી શક્યતા છે. રાજ્યમાં આગામી પાંચ દિવસ સુધી સામાન્ય વરસાદની આગાહી કરવામાં આવી છે.
હવામાન વિભાગના જણાવ્યા અનુસાર, આગામી 24 કલાકમાં રાજ્યમાં છૂટોછવાયો વરસાદ પડશે. આ દરમિયાન થંડરસ્ટ્રોમ એક્ટિવિટી પણ જોવા મળશે. સાથે જ લોકોને ગરમીથી રાહત મળશે. 17મીથી ફરી વરસાદ શરૂ થશે. આ ઉપરાંત આગામી ત્રણ દિવસ રાજ્યમાં વાદળછાયું વાતાવરણ રહેશે. હવામાન વિભાગે એમ પણ કહ્યું કે ચોમાસું આગામી 48 કલાક સુધી ચાલુ રહી શકે છે. હવામાન વિભાગે જણાવ્યું કે આગામી પાંચ દિવસ સુધી રાજ્યના તમામ જિલ્લાઓમાં છૂટાછવાયા વરસાદની શક્યતા છે.
ગુજરાતમાં કેટલો વરસાદ પડ્યો?
ગુજરાતમાં પ્રિ-મોન્સૂનમાં મેઘરાજાએ તોફાની બેટિંગ શરૂ કરી છે. તંત્ર દ્વારા બહાર પાડવામાં આવેલા આંકડા મુજબ રાજ્યના 91 તાલુકાઓમાં છેલ્લા 24 કલાકમાં વરસાદ નોંધાયો છે. છેલ્લા 24 કલાકમાં 11 તાલુકામાં એક ઈંચથી વધુ વરસાદ નોંધાયો છે. જ્યારે એક તાલુકામાં ત્રણ ઈંચથી વધુ વરસાદ નોંધાયો છે. મહીસાગરના સંતરામપુરમાં સોમવારે સવારે 6 વાગ્યે પૂરા થયેલા 24 કલાક દરમિયાન 76 મીમી વરસાદ નોંધાયો હતો.
સોમવારે સવારે 6 કલાકે પૂરા થતા 24 કલાક દરમિયાન મહીસાગરના સંતરામપુરમાં 76 મીમી વરસાદ પડ્યો હતો. જૂનાગઢ તાલુકામાં 43 મી.મી. અને જૂનાગઢ શહેરમાં 43 મીમી વરસાદ નોંધાયો છે. વરસાદ પડી રહ્યો છે. અમરેલીના વડીયામાં 34 મી.મી. વરસાદ પડી રહ્યો છે. દાહોદમાં 34 મીમી, ઝાલોદમાં 32 મીમી, નવસારીના ખેરગામમાં 27 મીમી, સાબરકાંઠાના તલોદમાં 27 મીમી, પંચમહાલના મોરવા હડફમાં 27 મીમી, મહિસાગરના કડાણામાં 26 મીમી, બનાસકાંઠાના પાલનપુરમાં 25 મીમી વરસાદ નોંધાયો છે.
91 તાલુકામાં વરસાદ
છેલ્લા 24 કલાકમાં સરેરાશ 3.94 મી.મી. વરસાદ પડી રહ્યો છે. 26 જિલ્લાના 91 તાલુકાઓમાં વરસાદ નોંધાયો છે. સૌથી વધુ વરસાદ 76 મીમી સંતરામપુરમાં નોંધાયો છે. છેલ્લા 24 કલાકમાં 125 તાલુકાઓમાં વરસાદ થયો નથી. રાજ્યમાં અત્યાર સુધીમાં સરેરાશ 7.79 મી.મી. વરસાદ પડી રહ્યો છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp