ડુમસ રોડ પર પુત્ર સાથે 'શીતલ આંટી' કરતી હતી ધંધો, જાણીને ચોંકી જશો, ક્રાઈમ બ્રાન્ચે ઝડપ્યું કૌભાંડ
સુરત પોલીસને “સુરત શહેરમાં (Surat)કોઈ ડ્રગ્સ નહીં” ના સંકલ્પ સાથે કામ કરતાં વધુ એક મોટી સફળતા મળી છે. નવસારી (Navsari) ખાતે તેના ઘરે દરોડો પાડી 1560 ગ્રામ ચરસના જથ્થા સાથે ઘરના અન્ય બે શખ્સોને પણ ઝડપી લેવામાં ક્રાઈમ બ્રાન્ચને સફળતા મળી છે.
સુરત શહેર પોલીસ કમિશનર અજય તોમરના નેતૃત્વ હેઠળ શહેરમાં “નો ડ્રગ્સ ઇન સુરત” અભિયાન ચલાવવામાં આવી રહ્યું છે. શહેર પોલીસ દ્વારા અસંખ્ય કેસોમાં 50 મિલિયનથી વધુનો ડ્રગ્સ, હશીશ અને ગાંજો જપ્ત કરવામાં આવ્યો છે.
આ મામલે સુરત ક્રાઈમ બ્રાન્ચને વધુ એક સફળતા મળી છે. સુરતના ડુમસ રોડ પર લક્ઝરી હબ ટ્રેક પરથી મોપેડ લઈને જઈ રહેલા માતા-પુત્રને ક્રાઈમ બ્રાંચે 235 ગ્રામ ચરસના જથ્થા સાથે ઝડપી લીધા છે. આરોપી પુત્ર ઉત્સવ રમેશ સાંગાણી અને માતા શીતલ રમેશભાઈ સાંગાણીની ધરપકડ કરવામાં આવી હતી.
માતા અને પુત્ર બંને પાસેથી ચરસ અને રોકડના જથ્થા સાથે એક મોપેડ મળી આવી હતી. 1,13,343ની કિંમતનો મુદ્દામાલ કબજે કર્યો હતો. જે બાદ સુરત ક્રાઈમ બ્રાન્ચે જિલ્લા LCB સાથે સંકલન કરીને નવસારીના જલાલપોર ખાતેના તેમના નિવાસસ્થાન ધર્મનંદન એપાર્ટમેન્ટના ફ્લેટ નંબર 304માં પણ દરોડો પાડ્યો હતો. તપાસ દરમિયાન મહિલાના પતિ રમેશ સાંગાણી અને બીજો પુત્ર દર્શન સાંગાણી હાજર મળી આવ્યા હતા.
સુરત ક્રાઈમ બ્રાંચ દ્વારા જીલ્લા એલસીબીની મદદથી ઘરની તલાશી લેતા 1560 ગ્રામ ચરસ અને 1,95,300 રોકડ મળી આવી હતી. આ ઉપરાંત ઘરમાંથી ડિજિટલ તોલના કાંટા, ચરસના જથ્થાનું ખાલી પેકિંગ મટિરિયલ, પ્લાસ્ટિકની થેલીઓ અને અન્ય સામાન મળી આવ્યો હતો. ક્રાઈમ બ્રાંચે ચરસના કાળાબજારમાં સંડોવાયેલા એક જ પરિવારના ચાર સભ્યોની ધરપકડ કરી ચાર લાખથી વધુની મતા કબજે કરી વધુ પૂછપરછ હાથ ધરી છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp