આ અઠવાડિયાની ટોપ સીરિયલનું TRP લિસ્ટ જાહેર, જાણો કઈ સિરિયલે બાજી મારી?
બૉલીવુડ ડેસ્ક : ભારતમાં ફિલ્મોની સાથે-સાથે ટીવી સીરિયલનો ક્રેઝ પણ વધેલો છે. દેશના દરેક ઘરમાં ટીવી સીરિયલનો ક્રેઝ જોવા મળતો હોય છે. ત્યારે આ સીરિયલોમાં કોણ આગળ છે તેને માપતું ટીઆરપી લીસ્ટ આવી ગયું છે. દર્શકો એ જાણવા ઉત્સાહિત રહેતા હોય છે કે તેમનો પસંદગીનો શો ક્યા નંબર પર છે. ત્યારે અમે તમને જણાવા જઈ રહ્યા છીએ કે આ અઠવાડિયામાં ટોપ 5 ટીવી સીરિયલમાં કોણ છે અને કયા નંબર પર છે. આ TRP લિસ્ટને ઓમરેક્સ મીડિયા દ્વારા જાહેર કરાઈ છે.
સબ ટીવી પર આવતો ઓલ ટાઈમ હિટ શો તારક મેહતા કા ઉલ્ટા ચશ્મા લોકોની પસંદગીની ટીવી સીરિયલ્સમાંનો એક છે. જેના આધારે આ અઠવાડિયામાં ટોપ ટીવી સીરિયલ્સની ટીઆરપી લિસ્ટમાં આ કોમેડી શોએ નંબર વનની બાજી મારી છે. હાલ આ શોમાં દયાબેનની એન્ટ્રી થવા અંગે ફેન્સ ખુબ જ ઉત્સાહિત છે.
ગયા અઠવાડિએ ટીઆરપી લીસ્ટમાં નંબર વનનો તાજ મેળવનાર રુપાલી ગાંગુલીનો જાણીતો શો અનુપમા આ વખતે નીચે આવી ગયો છે. આ અઠવાડિએ અનુપમાને દર્શકોએ ઓછો પસંદ કર્યો છે. જેથી તે ટીઆરપી લીસ્ટમાં બીજા નંબર પર રહ્યો છે.
સોની ટીવીના સૌથી મોટા શોમાંના એક ધ કપિલ શર્મા શોએ આ વખતે ટોપ 5 સીરિયલમાં એન્ટ્રી મારી છે. મશહૂર કોમેડિયન કપિલ શર્માનો આ શો પોતાના અંતિમ પડાવ પર છે. એવામાં સાઉથ એક્ટર કમલ હાસન શોમાં આવ્યા બાદ શોની ટીઆરપીમાં ઘણો વધારો જોવા મળ્યો છે. જેનાથી આ શો ત્રીજા નંબર પર રહ્યો હતો.
13 વર્ષોથી નાના પડદા પર પોતાની પકડ જમાવી રાખનાર ટીવી સીરિયલ યે રિશ્તા ક્યા કહેલાતા હૈ આ ટીઆરપી લિસ્ટમમાં ચોથા નંબર છે. જો કે ગયા અઠવાડિયાની સરખામણીએ આ શોને બે પાયદાન નીચે આવવું પડ્યું છે.
જીટીવીનો જાણીતો શો કુંડલી ભાગ્ય છેલ્લા બે સપ્તાહથી એક જ સ્થાન પર યથાવત રહ્યો છે. કુંડલી ભાગ્ય ટીવી સીરિયલ્સની આ ટીઆરપી લિસ્ટમાં નંબર 5 પર છે. જો કે, સતત ટોપ 5માં આવવું આ શો માટે મોટી વાત છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp