કોંગ્રેસ અધ્યક્ષ બનવા થરૂર આક્રમક, કહ્યું- "ખડગે કોંગ્રેસમાં પરિવર્તન લાવી શકે એમ નથી!"
નેશનલ ડેસ્ક : વરિષ્ઠ નેતા મલ્લિકાર્જુન ખડગે અને લોકસભા સાંસદ શશિ થરૂર કોંગ્રેસ અધ્યક્ષ પદ માટે ચૂંટણી લડશે. થરૂરે રવિવારે કહ્યું કે તેઓ ઈચ્છે છે અને ઉમેદવારો વચ્ચે જાહેર થાય અને આ ચર્ચા માટે તેઓ તૈયાર છે. તેમણે કહ્યું કે આનાથી પાર્ટી માટે તે જ રીતે લોકોમાં રસ પેદા થશે જે રીતે બ્રિટનમાં કન્ઝર્વેટિવ પાર્ટીના નેતૃત્વ પદ માટે તાજેતરની ચૂંટણીમાં હતો.
શશિ થરૂરે એમ પણ કહ્યું કે નેહરુ-ગાંધી પરિવારનું કોંગ્રેસ પાર્ટીના સભ્યોના દિલમાં હંમેશા વિશેષ સ્થાન છે અને રહેશે. થરૂરે કહ્યું કે કોંગ્રેસના વર્તમાન પડકારોનો જવાબ અસરકારક નેતૃત્વ અને સંગઠનાત્મક સુધારાના સંયોજનમાં છે. ઉલ્લેખનીય છે કે, શનિવારે ઝારખંડના પૂર્વ મંત્રી કે. એન. ત્રિપાઠીના નામાંકન પત્રો નકારી કાઢવામાં આવ્યા બાદ હવે ઓલ ઈન્ડિયા કોંગ્રેસ કમિટી (AICC)ના અધ્યક્ષ પદ માટે ખડગે અને થરૂર વચ્ચે હરીફાઈ થશે.
થરૂરે કહ્યું, “મારી પાસે ઉચ્ચ સ્તરે અગ્રણી સંસ્થાઓનો વિશ્વસનીય ટ્રેક રેકોર્ડ છે. યુનાઇટેડ નેશન્સ ડિપાર્ટમેન્ટ ઓફ પબ્લિક ઇન્ફર્મેશનના પ્રભારી અન્ડર-સેક્રેટરી-જનરલ તરીકે, મેં વિશ્વભરની 77 ઓફિસોમાં 800 થી વધુ કર્મચારીઓના સૌથી મોટા યુએન વિભાગ માટે સંદેશાવ્યવહારનું સંચાલન કર્યું. આ જોતા ઘણા લોકોએ મને યુનાઈટેડ નેશન્સ ઓર્ગેનાઈઝેશનના વડા તરીકે ચૂંટણી લડવાની અપીલ કરી."
તે જ સમયે, મલ્લિકાર્જુન ખડગેએ રવિવારે કહ્યું કે તેઓ આ ચૂંટણીમાં કોઈની વિરુદ્ધ નહીં, પરંતુ પાર્ટીને મજબૂત કરવા માટે આવ્યા છે. તેમને ગાંધી પરિવારનું સમર્થન હોવાની ધારણાને પણ તેમણે નકારી કાઢી હતી. ખડગેએ કહ્યું કે તેઓ કોંગ્રેસના ઘણા વરિષ્ઠ અને યુવા નેતાઓના કહેવા પર મેદાનમાં ઉતર્યા છે.
આ દરમિયાન પાર્ટીના પ્રવક્તા ગૌરવ વલ્લભે કહ્યું કે, 'કોંગ્રેસ અધ્યક્ષની નિષ્પક્ષ ચૂંટણી માટે દીપેન્દ્ર હુડ્ડા, સૈયદ નાસિર હુસૈન અને મેં કોંગ્રેસના પ્રવક્તા પદ પરથી રાજીનામું આપી દીધું છે, હવે અમે મલ્લિકાર્જુન ખડગે માટે પ્રચાર કરીશું'. નોંધનીય છે કે કોંગ્રેસ અધ્યક્ષ પદ માટેની ચૂંટણીમાં નામાંકન પરત ખેંચવાની છેલ્લી તારીખ 8 ઓક્ટોબર છે. જરૂર પડશે તો 17 ઓક્ટોબરે ચૂંટણી યોજાશે. 19 ઓક્ટોબરે મતગણતરી થશે અને તે જ દિવસે પરિણામ જાહેર થશે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp