તાજેતરમાં જ એક સેટેલાઈટના સફળ પ્રક્ષેપણ બાદ મિશન ચંદ્રયાન વિશે મોટા સમાચાર, ઇસરોના વડાએ કરી પુષ્ટિ, જાણો
ચંદ્રયાન-3ના સફળ લેન્ડિંગના લગભગ 6 મહિના બાદ ભારતીય અવકાશ સંશોધન સંસ્થા (ISRO)એ વધુ એક સારા સમાચાર આપ્યા છે. ઈસરોનું કહેવું છે કે ચંદ્રયાન-4ને લઈને આંતરિક રીતે ચર્ચા ચાલી રહી છે. આ માટે અનોખી ડિઝાઇન અને આધુનિક ટેક્નોલોજી વિકસાવવામાં આવી રહી છે.
મહત્વનું છે કે, ચંદ્રયાન-3ને ઓગસ્ટ 2023માં ચંદ્રના દક્ષિણ ધ્રુવ પર સફળતાપૂર્વક લોન્ચ કરવામાં આવ્યું હતું. આ પછી, ઇસરોએ ચંદ્રની સપાટીથી પૃથ્વી પર માટી લાવવા માટે વધુ જટિલ મિશનની યોજના બનાવી છે. ઈસરોના અધ્યક્ષ એસ. સોમનાથે શનિવારે GSLV-F14/INSAT-3DS સેટેલાઈટના સફળ પ્રક્ષેપણ બાદ આ માહિતી આપી હતી. તેમણે કહ્યું કે ચંદ્રયાન-3ની સફળતા બાદ સ્પેસ એજન્સી ભવિષ્યમાં ચંદ્રયાન-4, 5, 6 અને 7 મિશન મોકલવા માંગે છે.
સોમનાથે કહ્યું, ‘ચંદ્રયાન-4 અવકાશયાનમાં શું હોવું જોઈએ તેના પર અમે કામ કરી રહ્યા છીએ. પહેલો સવાલ એ છે કે ચંદ્રયાન-4માં સાધનો કેવા હોવા જોઈએ. તેણે કહ્યું કે આ વખતે કંઈક અલગ કરવાની યોજના છે. ઈસરોના વડાએ કહ્યું, ‘અમે સૌ પ્રથમ નક્કી કર્યું કે ચંદ્રયાન-4 દ્વારા ચંદ્રની માટીના નમૂનાને પૃથ્વી પર લાવવાનો હતો. અમે તેને રોબોટિક રીતે કરવા માંગીએ છીએ. તેથી, આ ચર્ચા ચાલી રહી છે. અમે બધા ઉપલબ્ધ રોકેટ સાથે આ કેવી રીતે કરવું તેની ચર્ચામાં સામેલ છીએ. તમે જાણો છો કે ચંદ્ર પર જવું અને સેમ્પલ લાવવું એ ખૂબ જટિલ કાર્ય છે.
અંતરીક્ષ વિભાગના સચિવે કહ્યું કે વૈજ્ઞાનિકો ચંદ્રયાન-4 મિશન માટે ઉચ્ચ સ્તરીય ટેકનોલોજી વિકસાવી રહ્યા છે. તેમણે કહ્યું, ‘આ મિશનને પૂર્ણ કરવા માટે અમે ઉચ્ચ ટેકનોલોજી વિકસાવી રહ્યા છીએ. સરકારની મંજૂરી બાદ અમે તમને આ વિશે ટૂંક સમયમાં જ જણાવીશું. ફક્ત રાહ જુઓ.’
કેન્દ્રીય ગૃહ પ્રધાન અમિત શાહે આગામી પેઢીના હવામાન આગાહી ઉપગ્રહના સફળ પ્રક્ષેપણ માટે ઈસરોના વૈજ્ઞાનિકોને અભિનંદન આપ્યા છે. શાહે X પર એક પોસ્ટમાં કહ્યું, ‘ત્રીજી પેઢીના સાધનો ભારતને કુદરતી આફતો સામે લડવામાં વધુ મજબૂત બનાવશે. વડાપ્રધાન મોદીના સંકલ્પને સાકાર કરવાની દિશામાં આ એક મોટું પગલું છે કે દરેક આપત્તિમાં કોઈ જાનહાનિ ન થવી જોઈએ.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp