04/11/2024
IPLની 17મી સિઝનમાં મુંબઈ ઈન્ડિયન્સની ટીમે જ્યારથી રોહિત શર્માને કેપ્ટન્સીમાંથી હટાવીને હાર્દિકને કેપ્ટન્સી સોંપી હતી, ત્યારથી ફેન્સના ગુસ્સાનો સામનો કરવો પડી રહ્યો છે. તો ટીમ માટે સીઝનની શરૂઆત પણ સારી રહી નથી, જેમાં પહેલી 3 મેચોમાં સતત હારનો સામનો કરવો પડ્યો, ત્યારબાદ રોહિતને ફરીથી કેપ્ટન બનાવવાની ચર્ચા તેજ થવા લાગી. જો કે, મુંબઈની ટીમે પોતાની ચોથી મેચમાં જીત હાંસલ કરતા જરૂર 2 પોઇન્ટ્સ હાંસલ કર્યા. તો હવે બેંગ્લોર વિરુદ્ધ મેચ અગાઉ રોહિતનો એક વીડિયો સામે આવ્યો છે, જેમાં તે ફ્રેન્ચાઇઝી માલિક આકાશ અંબાણી સાથે નજરે પડ્યો.