Sports

ટી20 વર્લ્ડ કપ 2026 માટે ભારતીય ટીમની જાહેરાત કરી દેવામાં આવી છે. જે બાદ સૌથી મોટો ચર્ચાનો વિષય શુભમન ગિલનું નામ ટીમમાં ન હોવું બન્યો છે. મુંબઈમાં થયેલી પસંદગી બેઠક પછી જાહેર થયેલી ટીમમાં ગિલને આખી 15 સભ્યોની ટીમમાંથી જ બહાર રાખવામાં આવ્યો છે. ત્યારે હવે આ નિર્ણયને લઈને ક્રિકેટ જગતમાં અનેક પ્રકારની ચર્ચાઓ ચાલી રહી છે. જે મામલે ચીફ સિલેક્ટર અજીત અગરકરે ખુદ સામે આવીને સમગ્ર મુદ્દે સ્પષ્ટતા કરી છે.

T20 World Cup 2026 માટે ભારતીય ટીમની જાહેરાત કરી દેવામાં આવી છે. ટીમની પસંદગી માટે મુખ્ય પસંદગીકાર અજિત અગરકરના નેતૃત્વમાં ભારતીય પસંદગીકારોની એક બેઠક મુંબઈમાં યોજાઈ હતી. જે બાદ 15 સભ્યોની ભારતીય ટીમની જાહેરાત કરવામાં આવી છે. બીસીસીઆઈના સચિવ દેવજીત સૈકિયાએ એક પ્રેસ કોન્ફરન્સમાં આ ટીમની જાહેરાત કરી હતી. આ વખતે પણ ટીમનું સુકાની પદ સૂર્યકુમાર યાદવને સોંપવામાં આવ્યું છે. જ્યારે અક્ષર પટેલને વાઈસ કેપ્ટન પદ મળ્યું છે.

છેલ્લા ઘણા સમયથી ટીમ ઈન્ડિયાની બહાર રહેલા સ્ટાર સ્પિનર ​​યુઝવેન્દ્ર ચહલનો સમય સારો ચાલી રહ્યો નથી. ટીમ ઈન્ડિયાના દરવાજા તેના માટે બંધ થઈ ગયા હોય તેવું લાગી રહ્યું છે. ચહલના અંગત જીવનમાં પણ ઉતાર-ચઢાવ આવી રહ્યા છે. હવે, તે એક સાથે બે ખતરનાક બીમારીઓનો ભોગ બન્યો છે, જેના કારણે તે સૈયદ મુશ્તાક અલી ટ્રોફી 2025ની ફાઇનલમાં રમી શક્યો નથી, જ્યાં તેની ટીમ હરિયાણા ઝારખંડ સામે ટકરાઈ હતી. ચહલને ડેન્ગ્યુ અને ચિકનગુનિયાની બીમારીએ જકડી લીધો છે.

ગુરુવાર, 18 ડિસેમ્બરે, પુણેમાં હરિયાણા અને ઝારખંડ વચ્ચે મુશ્તાક અલી T20 ટ્રોફીની ફાઇનલ રમાઈ હતી. સ્ટાર સ્પિનર ​​ચહલ આ મેચ માટે પ્લેઇંગ ઇલેવનનો ભાગ નહોતો. જોકે તે અગાઉની કેટલીક મેચો પણ ચૂકી ગયો હતો, પરંતુ તેનું કારણ સંપૂર્ણપણે જાણી શકાયું નથી. પરંતુ ગુરુવારે, જ્યારે તેની ટીમ હરિયાણા ટાઇટલ જીતવાના ઇરાદા સાથે મેદાનમાં ઉતરી, ત્યારે ચહલે આ વાતનો ખુલાસો કર્યો.

ભારતની મુલાકાતે આવેલા પ્રખ્યાત ફૂટબોલર લિયોનેલ મેસ્સીનો કોલકાતામાં થયેલા કાર્યક્રમ દરમિયાન સોલ્ટ લેક સ્ટેડિયમમાં અરાજકતાભરી સ્થિતિ સર્જાઈ હતી. આ કાર્યક્રમમાં ભૂતપૂર્વ ભારતીય કેપ્ટન સૌરવ ગાંગુલી અને ક્રિકેટ એસોસિએશન ઓફ બંગાળના વર્તમાન પ્રમુખ પણ હાજર હતા. તેમણે હવે કોલકાતાના લાલબજાર જિલ્લામાં આર્જેન્ટિના ફેન ક્લબના પ્રમુખ ઉત્તમ સાહા વિરુદ્ધ સોલ્ટ લેક સ્ટેડિયમ ઇવેન્ટ પછી તેમની વિરુદ્ધ કરેલી વિવાદાસ્પદ ટિપ્પણી બદલ માનહાનિનો દાવો દાખલ કર્યો છે.

સોલ્ટ લેક સ્ટેડિયમમાં અરાજકતાભરી સ્થિતિ સર્જાયા બાદ આર્જેન્ટિના ફેન ક્લબના પ્રમુખ ઉત્તમ સાહાએ સૌરવ ગાંગુલી પર ઇવેન્ટના મુખ્ય આયોજક સતાદ્રુ દત્તાના કામકાજમાં 'વચેટીયા'ની ભૂમિકા ભજવવાનો આરોપ લગાવ્યો હતો.

ભારત અને દક્ષિણ આફ્રિકા વચ્ચે 5 મેચની T20 શ્રેણીની ચોથી મેચ લખનૌના એકાના ક્રિકેટ સ્ટેડિયમમાં રમાવાની હતી. જોકે, મેદાન પર ભારે ધુમ્મસને કારણે મેચ રદ કરવાની ફરજ પડી હતી. લખનૌમાં છેલ્લા ઘણા દિવસોથી સતત ઠંડી પડી રહી છે, જેમાં ધુમ્મસ અને વાયુ પ્રદૂષણની અસર વર્તમાન ધુમ્મસમાં પણ જોવા મળી. ભૂતકાળમાં વિવિધ કારણોસર T20 આંતરરાષ્ટ્રીય મેચ રદ કરવામાં આવી છે, પરંતુ ભારે ધુમ્મસને કારણે આ પહેલી વાર મેચ રદ કરવામાં આવી છે.

મંગળવારે અબુ ધાબીના એતિહાદ એરીનામાં આઈપીએલ-2026નું મિની ઓક્શન યોજાયું હતું. આ ઓક્શમાં કુલ 369 ખેલાડીઓ પર બોલી લગાવવામાં આવી હતી, જેમાંથી માત્ર 77 ખેલાડીઓને ફ્રેન્ચાઈઝીઓએ ખરીદ્યા છે. આ સોલ્ડ પ્લેયર્સમાં 48 ભારતીય અને 29 વિદેશી સ્ટાર્સ સામેલ હતા. આ ઓક્શનમાં કુલ 215.45 કરોડ રૂપિયા ખર્ચાયા હતા. પરંતુ મહત્વનું એ છે કે, આ કુલ ખર્ચ કરવામાં આવેલી રકમનો લગભગ 40% હિસ્સો માત્ર પાંચ ખેલાડીઓ પર જ ખર્ચાયો છે.

અંડર-19 એશિયા કપ 2025માં પોતાના શાનદાર પેર્ફોર્મંસને કારણે વૈભવ સૂર્યવંશી બાદ વધુ એક યુવા ખેલાડી ચર્ચામાં આવ્યો છે. મંગળવારે દુબઈમાં રમાયેલી અંડર-19 એશિયા કપ મેચમાં વિકેટકીપર-બેટ્સમેન અભિજ્ઞાન કુંડૂએ મલેશિયા સામે 125 બોલમાં 209 રન બનાવીને નવો ઈતિહાસ રચી દીધો છે. પોતાની બેવડી સદી સાથે કુંડુએ અંડર-19 વન-ડે ક્રિકેટમાં સૌથી વધુ સ્કોર મામલે અંબાતી રાયડુ (177)ને પાછળ છોડી દીધો છે. આ મેચ દરમિયાન કુંડૂએ નવ છગ્ગા અને 17 ચોગ્ગા ફટકાર્યા છે.

IPL 2026ની મિની હરાજી પૂર્ણ થઈ ગઈ છે અને બધી 10 ટીમોએ 25-25 ખેલાડીઓની પોતાની ટીમ પૂર્ણ કરી લીધી છે. ઘણી ટીમોએ સ્માર્ટ ખરીદી કરી, જ્યારે અન્ય ટીમોએ મોટા નામો પર ખૂબ ખર્ચ કર્યો. કોલકાતા નાઈટ રાઈડર્સ (KKR)એ સૌથી વધુ 63.85 કરોડ રૂપિયા ખર્ચ કર્યા, અને હરાજીના સૌથી મોંઘા ખેલાડીને પણ હસ્તગત કર્યો. તેણે કેમરોન ગ્રીનને 25.20 કરોડમાં ખરીદ્યો હતો. ચેન્નાઈ સુપર કિંગ્સ (CSK)એ પણ પોતાની ટીમ પૂર્ણ કરવા માટે 41 કરોડ રૂપિયા ખર્ચ કર્યા. કુલ મળીને 10 ટીમોએ 215 કરોડ રૂપિયામાં 77 ખેલાડીઓને ખરીદ્યા હતા.

શ્રીલંકાના 1996 વર્લ્ડ કપ વિજેતા ટીમના કેપ્ટન અર્જૂન રણતુંગાની મુશ્કેલીઓ વધતી જતી હોય તેવું લાગે છે. શ્રીલંકાના અધિકારીઓએ કોર્ટને જાણ કરી છે કે પેટ્રોલિયમ મંત્રી તરીકેના તેમના કાર્યકાળ દરમિયાન કથિત ભ્રષ્ટાચારના આરોપોમાં તેમની ધરપકડ કરવાની યોજના બનાવવામાં આવી રહી છે. આ માહિતી કોલંબોની કોર્ટને આપવામાં આવી હતી.

માત્ર 14 વર્ષના વૈભવ સૂર્યવંશીની બેટ અત્યારથી જ આખી દુનિયામાં ડંકો વગાડી રહી છે. IPL 2025માં સૌના આકર્ષણનું કેન્દ્ર બનેલ આ યુવા ખેલાડી હવે અંડર-19 ક્રિકેટમાં ધમાલ મચાવી છે. ભારતીય U-19 ટીમ હાલ દુબઈમાં ચાલી રહેલા અંડર-19 એશિયા કપમાં ભાગ લઈ રહી છે. ભારતની પ્રથમ મેચ યુએઈ  સામે હતી, જેને ટીમ ઇન્ડિયાએ 234 રનના વિશાળ માર્જિનથી જીતી લીધી હતી. ભારતની આ જીતમાં વૈભવ સૂર્યવંશીએ 171 રનની ધમાકેદાર ઇનિંગ્સ રમીને મહત્વની ભૂમિકા ભજવી છે.