Sports

ચીનના હાંગઝાઓ શહેરમાં રમાઈ રહેલી 19મી એશિયન ગેમ્સમાં ભારત તરફથી અલગ-અલગ રમતમાં સારી એવી હિસ્સેદારી જોવા મળી રહી છે. જો કે, 27 સપ્ટેમ્બરથી શરૂ થયેલી પુરુષ ક્રિકેટ પ્રતિયોગીતામાં અત્યાર સુધી ભારતના ખેલાડીઓને જલવો દેખાડવાનો મળ્યો નથી, પરંતુ ફેન્સનો ઇંતજાર હવે ખતમ થઇ ગયો છે. આજે ભારતીય ટીમ પહેલી ક્વાર્ટર ફાઇનલમાં નેપાળ સામે 23 રને જીત મેળવી લીધી. મેચ અગાઉ ટીમના કોચ વીવીએસ લક્ષ્મણ (VVS Laxman)એ પ્રતિક્રિયા આપી હતી, સાથે જ બધા ખેલાડીઓ માટે તેને એક શાનદાર અવસર પણ બતાવ્યો.

આગામી વનડે વર્લ્ડકપને લઇને મોટા સમાચાર સામે આવ્યા છે. સુત્રો તરફથી માહિતી મળી છે કે, આગામી 5મી ઓક્ટોબરથી શરૂ થઇ રહેલા આઇસીસી વનડે વર્લ્ડકપની ઓપનિંગ સેરેમની નહીં યોજાય, જોકે, ઓપનિંગ મેચ જરૂર અમદાવાદમાં રમાશે. આ ટૂર્નામેન્ટની ઓપનિંગ મેચ ઓપનિંગ સેરેમની વિના જ શરૂ થશે, જોકે, આ દરમિયાન માત્ર વર્લ્ડકપની 10 ટીમોના કેપ્ટનોનું જ ફોટોશૂટ કરાશે. ગુજરાત ક્રિકેટ એસોસિએશન દ્વારા આ અંગે બુધવારે ઓફિશિયલ પ્રેસ કૉન્ફરન્સ કરવામાં આવશે.

સુત્રો તરફથી મળતી માહિતી પ્રમાણે, અમદાવાદના નરેન્દ્ર મોદી સ્ટેડિયમમાં આગામી 5 મી ઓક્ટોબરથી આઇસીસી વનડે વર્લ્ડકપની શરૂઆત થઇ રહી છે, અહીં ઓપનિંગ મેચ ગઇ ચેમ્પીયન ઇંગ્લેન્ડ અને રનરઅપ રહેલી ન્યૂઝીલેન્ડ ટીમ વચ્ચે રમાશે. આ મેચ પહેલા અહીં ઓપનિંગ સેરેમની યોજવાનું પ્લાનિંગ હતુ, જોકે, સુત્રો તરફથી માહિતી છે કે, આ વખતે ઓપનિંગ સેરેમની નહીં યોજાય.

આ વખત ICC વન-ડે વર્લ્ડ કપનું આયોજન ભારતની મેજબાનીમાં થઈ રહ્યું છે. 5 ઑક્ટોબર 2023થી વર્લ્ડ કપની શરૂઆત થવા જઈ રહી છે, પરંતુ વર્લ્ડ કપ માટે પ્રેક્ટિસ મેચોની શરૂઆત થઈ ચૂકી છે. 30 સપ્ટેમ્બરના પણ બે મેચ રમાવાની હતી. તેમાંથી એક મેચ ભારત અને ઇંગ્લેન્ડ વચ્ચે થવાની હતી, પરંતુ ગુવાહાટીમાં સતત વરસાદ પડી રહ્યો હતો એટલે ટોસ બાદ મેચ ચાલુ જ ન થઈ શકી કેમ કે ભારત અને ઇંગ્લેન્ડને આ વર્લ્ડ કપના બે પ્રબળ દાવેદાર માનવામાં આવી રહ્યા છે.

તમામ ક્રિકેટ ચાહકો 5 ઓક્ટોબરથી ભારતીય ધરતી પર શરૂ થવા કઈ રહેલા વર્લ્ડ કપ 2023ની આતુરતાથી રાહ જોઈ રહ્યા છે. BCCIએ 15 સભ્યોની ટીમ પણ ફાઈનલ કરી છે. એવામાં હવે દરેક પૂર્વ ખેલાડી પોતાના મનપસંદ ખેલાડી વિશે ભવિષ્યવાણી કરી રહ્યા છે અને પૂર્વ ક્રિકેટર હરભજન સિંહે પણ પોતાના વિચારો વ્યક્ત કર્યા છે.

ભારતની મેજબાનીમાં આયોજિત થનાર વન-ડે વર્લ્ડ કપ 2023ની જલદી જ શરૂઆત થવાની છે. ટૂર્નામેન્ટની શરૂઆત 5 ઓક્ટોબરથી થશે, જ્યારે ફાઇનલ મેચ 19 નવેમ્બરના રોજ થશે, પરંતુ આ દરમિયાન ફેન્સ ભારત અને પાકિસ્તાન વચ્ચે થનારી મેચની કાગડોળે રાહ જોઈ રહ્યા છે. આ મેચ 14 ઓક્ટોબરના રોજ અમદાવાદના નરેન્દ્ર મોદી સ્ટેડિયમમાં રમાશે. વર્લ્ડ કપ માટે પાકિસ્તાની ટીમ ભારત આવી ગઈ છે. હૈદરાબાદમાં ટીમનું શાનદાર સ્વાગત થયું, જેને જોઈને પાકિસ્તાની ફેન્સ ગદગદ થઈ ગયા. પાકિસ્તાની ખેલાડી પણ ભારતની મહેમાન નવાજીના ભરપેટ વખાણ કરી રહ્યા છે.

ભારતમાં ICC વર્લ્ડ કપની શરૂઆત થવા જઈ રહી છે. ત્યારે પૂર્વ દિગ્ગજ ખેલાડીઓ અને ક્રિકેટ વિશેષજ્ઞો પોત-પોતાના મંતવ્યો રજૂ કરતા હોય છે. કોઈક કઇ ટીમ વર્લ્ડ કપ જીતવાની પ્રબળ દાવેદાર છે તેની ભવિષ્યવાણી કરે છે તો કોઈક ટીમમાં ખેલાડીને સામેલ ન કરવાને લઈને નિરાશા વ્યક્ત કરે છે. હવે પૂર્વ દિગ્ગજ ઓલરાઉન્ડર યુવરાજ સિંહની પ્રતિક્રિયા સામે આવી છે. ICC ક્રિકેટ વર્લ્ડ કપની વોર્મ-અપ મેચોની શરૂઆત થઈ ગઈ છે. ભારતની પહેલી પ્રેક્ટિસ મેચ આજે ઈંગ્લેન્ડ સામે રમાશે, જ્યારે વર્લ્ડ કપની પહેલી મેચ ઈંગ્લેન્ડ અને ન્યૂઝીલેન્ડ વચ્ચે અમદાવાદના નરેન્દ્ર મોદી સ્ટેડિયમમાં રમાશે. આ વર્લ્ડ કપ માટે ભારતીય ટીમની તૈયારીઓ ખૂબ સારી લાગી રહી છે.

રાજકોટને હવે ક્રિકેટનો રંગ લાગ્યો છે. રાજકોટ શહેરનું વાતાવરણ ક્રિકેટમગ્ન બની ગયું છે. ભારત અને ઓસ્ટ્રેલિયા વચ્ચે આગામી 27મી સપ્ટેમ્બરના રાજકોટના ખંઢેરી સ્ટેડિયમમાં વન-ડે મેચ રમાશે. ત્યારે ક્રિકેટરસિકોમાં ઉત્સાહનો માહોલ જોવા મળી રહ્યો છે. ક્રિકેટ ટીમ જ્યાં ઉતરવાની છે તે સયાજી હોટલમાં અત્યારથી તડામાર તૈયાર શરૂ કરી દેવામાં આવી છે. ખાસ વાત એ છે કે 3 વર્ષ બાદ વન ડે મેચ રમાવા જઈ રહ્યો છે. બંને ટીમોના આગમનને લઈને તૈયારી શરૂ કરી દેવામાં આવી છે.

એશિયા કપના સુપર-4માં ભારતે પાકિસ્તાનને 228 રને હરાવ્યું. વરસાદના કારણે વિક્ષેપિત થયેલી મેચ બે દિવસમાં સમાપ્ત થઈ ગઈ હતી. મેચ રવિવાર (10 સપ્ટેમ્બર)ના રોજ શરૂ થઈ હતી, પરંતુ વરસાદને કારણે પૂર્ણ થઈ શકી ન હતી. ભારતે 24.1 ઓવરમાં રમત બંધ થતાં સુધીમાં 147 રન બનાવી લીધા હતા. સોમવાર મેચનો રિઝર્વ ડે હતો. આગળ રમતા ભારતીય ટીમે 50 ઓવરમાં 356 રન બનાવ્યા હતા. જવાબમાં પાકિસ્તાનની ટીમ 32 ઓવરમાં આઠ વિકેટે 128 રન જ બનાવી શકી હતી. નસીમ શાહ અને હરિસ રઉફ ઈજાના કારણે બેટિંગ કરી શક્યા ન હતા. આ રીતે ટીમ ઈન્ડિયા 229 રનથી જીતી ગઈ.

પાકિસ્તાનની ટીમ હારી, હવે શ્રીલંકાનો વારો. પોતાના સૌથી મોટા હરીફને હરાવીને ટીમ ઈન્ડિયા બીજી મેચ માટે તૈયાર છે.આ મેચ કોલંબોના એ જ પ્રેમદાસા સ્ટેડિયમમાં છે, જ્યાં ભારત-પાકિસ્તાનની મેચ રમાઈ હતી. જેના પર ભારતીય ક્રિકેટ ટીમે જીત મેળવી હતી. આ વખતે ફરક માત્ર એટલો છે કે આ વખતે શ્રીલંકા સામે છે. મતલબ કે જે ટીમનું પ્રેમદાસા તેનું હોમ ગ્રાઉન્ડ જ નહીં પરંતુ ટુર્નામેન્ટની ડિફેન્ડિંગ ચેમ્પિયન પણ હશે. સવાલ એ પણ થશે કે કોલંબોમાં હવામાન કેવું રહેશે?

ભારત પાકિસ્તાન વચ્ચેની એશિયા કપની સુપર-4ની મેચ રમાશે કે નહીં તે અંગે હવે મોટો સવાલ ઊભો થયો છે. ગઈ કાલે બે વાર ભારે વરસાદને કારણે મેચ રિઝર્વ ડેમાં મૂકાઈ હતી, જે આજે બપોરે 3 વાગ્યે શરુ થવાની હતી પરંતુ મેચ શરુ થતા પહેલા ફરી પાછો એવો જ ઘાટ થયો કે ધોધમાર વરસાદ શરુ થયો હતો જેને કારણે ક્રિકેટ મેનેજમેન્ટ પણ મૂંઝાયું છે હવે શું કરવું?

મુશળધાર વરસાદને કારણે 10 સપ્ટેમ્બરે ભારતીય દાવમાં માત્ર 24.1 ઓવર જ રમાઈ શકી હતી. આજે ભારતને 2 વિકેટે 147 રનના સ્કોર સાથે આગળ રમવાનું હતું પરંતુ ફરી પાછો વરસાદ શરુ થયો છે. રોહિત શર્મા અને શુભમન ગિલે ભારતને મજબૂત શરૂઆત અપાવી હતી. રોહિતે 49 બોલમાં 56 રનની ઇનિંગ રમી હતી. આ દરમિયાન તેણે 4 સિક્સર અને 6 ફોર ફટકારી હતી. જ્યારે શુભમન ગિલે 52 બોલમાં 58 રનની શાનદાર ઇનિંગ રમી હતી. હવે બાકીની ઓવરોમાં ભારતીય બેટ્સમેનો તરફથી વિસ્ફોટક રમતની આશા છે.