Sports

South Adrica vs India T20I Series: હાલમાં જ ભારતીય ટીમે સૂર્યકુમાર યાદવના નેતૃત્વમાં દક્ષિણ આફ્રિકા સામે 4 મેચોની T20 શ્રેણી રમી હતી. ભારતીય ટીમે આ શ્રેણી 3-1થી જીતી લીધી હતી. ICCએ હવે એક એવા ખેલાડીને સજા કરી છે જેણે આ સીરિઝની એક મેચ દરમિયાન અમ્પાયર સાથે ગેરવર્તન કર્યું હતું. ચોથી મેચ દરમિયાનનો આ મામલો છે, જેના માટે ICCએ દક્ષિણ આફ્રિકાના ફાસ્ટ બોલર ગેરાલ્ડ કોએત્ઝીને ફટકાર લગાવી છે.

IPL 2025 Mock Auction: ક્રિકેટ ચાહકો IPL 2025ની મેગા ઓક્શનની આતુરતાથી રાહ જોઈ રહ્યા છે. મેગા ઓક્શનમાં કુલ 574 ખેલાડીઓ પર બોલી લાગવાની છે. એ અગાઉ પૂર્વ ભારતીય ક્રિકેટર શ્રીકાંતે પોતાની યુટ્યુબ ચેનલ પર મોક ઓક્શન કરી હતી. આ મોક ઓક્શનમાં દિલ્હી કેપિટલ્સનો પૂર્વ કેપ્ટન રિષભ પંત સૌથી મોંઘો ખેલાડી બન્યો, જેને પંજાબ કિંગ્સે 29 કરોડ રૂપિયામાં ખરીદ્યો.

જ્યારે બીજા સ્થાને લખનૌ સુપર જાયન્ટ્સનો પૂર્વ કેપ્ટન કેએલ રાહુલ રહ્યો, જેને રોયલ ચેલેન્જર્સ બેંગ્લોરે 20 કરોડ રૂપિયામાં ખરીદ્ય. તો, મોક ઓક્શનમાં રાજસ્થાન રોયલ્સના ભૂતપૂર્વ વિસ્ફોટક બેટ્સમેન જોસ બટલરની ધમાલપણ જોવા મળી હતી. મોક ઓક્શનમાં કોલકાતા નાઈટ રાઈડર્સમાં જોસ બટલરની એન્ટ્રી જોવા મળી હતી.

India vs South Africa 2nd T20: ભારતીય ટીમને દક્ષિણ આફ્રિકા સામેની બીજી T20 મેચમાં 3 વિકેટથી હારનો સામનો કરવો પડ્યો હતો. તેની સાથે આફ્રિકન ટીમે સીરિઝ 1-1થી બરાબર કરી લીધી છે. આ મેચમાં ભારતીય બેટ્સમેનોએ ખૂબ જ ખરાબ પ્રદર્શન કર્યું. જેનું પરિણામ ભારતીય ટીમે ભોગવવું પડ્યું. પ્રથમ બેટિંગ કરતા ભારતીય ટીમ માત્ર 124 રન જ બનાવી શકી હતી. ત્યારબાદ આફ્રિકાએ 19મી ઓવરમાં જ આ લક્ષ્ય હાંસલ કરી લીધું હતું. સ્પિન બોલર વરુણ ચક્રવર્તી અને રવિ બિશ્નોઈએ વાપસી કરાવવાનો પ્રયાસ કર્યો, પરંતુ સૂર્યકુમાર યાદવના નિર્ણયે મેચનું પાસુ પલટી દીધું.

IPL 2025 Mega Auction:  IPL 2025 મેગા ઓક્શન માટે 1574 ખેલાડીઓએ પોતાનું રજીસ્ટ્રેશન કરાવ્યું છે. ખેલાડીઓની હરાજી 24 અને 25 નવેમ્બરે થવા જઈ રહી છે. આ વખતે મેગા ઓક્શન સાઉદી અરેબિયાના જેદ્દાહ શહેરમાં થઈ રહ્યું છે. ઈંગ્લેન્ડના પૂર્વ ફાસ્ટ બોલર જેમ્સ એન્ડરસને 13 વર્ષ બાદ મેગા ઓક્શન માટે પોતાનું નામ નોંધાવ્યું છે. એન્ડરસને છેલ્લે 2012ની હરાજીમાં સામેલ થયો હતો, પરંતુ એ સમયે તે ખેલાડી અનસોલ્ડ રહ્યો હતો. હવે આંતરરાષ્ટ્રીય ક્રિકેટમાંથી નિવૃત્તિ લીધા બાદ જેમ્સ એન્ડરસને જણાવ્યું કે તે શા માટે IPL રમવા માગે છે.

CSK IPL 2025 Mega Auction: IPL 2025 મેગા ઓક્શનની તારીખો જાહેર કરી દેવામાં આવી છે. સાઉદી અરેબિયાના જેદ્દાહ શહેરમાં 24 અને 25 નવેમ્બરે 1574 ખેલાડીઓના ભાવિનો નિર્ણય થવાનો છે. ચેન્નાઈ સુપર કિંગ્સે હરાજી અગાઉ 5 ખેલાડીઓને રીટેન કરવાનો નિર્ણય લીધો છે. આ યાદીમાં કેપ્ટન ઋતુરાજ ગાયકવાડ, એમએસ ધોની, શિવમ દુબે, રવિન્દ્ર જાડેજા અને પથિરાનાના નામ સામેલ છે. જો કે, મેગા ઓક્શનમાં એવા 5 મોટા નામ આવવાના છે, જે CSKના રડાર પર હશે. તેમાં સૌથી મોટું નામ રિષભ પંતનું છે.

IPL 2025 Mega Auction: IPL મેગા ઓક્શનની તારીખ જાહેર થઈ ગઈ છે. મેગા ઓક્શન 24 અને 25 નવેમ્બરે જેદ્દાહ શહેરમાં થશે. જેના માટે IPLની તમામ ફ્રેન્ચાઈઝી તૈયાર છે. આ વખતે ઘણા ખેલાડીઓ પર પૈસાનો વરસાદ થવાનો છે. કારણ કે ઘણી ટીમોએ ઓક્શન અગાઉ પોતાના મોટા ખેલાડીઓને રીલિઝ કરી દીધા છે. જેમાં ઘણી ટીમોના કેપ્ટન પણ સામેલ છે. બીજી તરફ આ વખતે ઓક્શનમાં 16 દેશોના ખેલાડીઓએ રજીસ્ટ્રેશન કરાવ્યું છે. આ વખતે મેગા ઓક્શનમાં ખેલાડીઓની ભરમાર જોવા મળી રહી છે. વિદેશી ખેલાડીઓમાં સૌથી વધુ દક્ષિણ આફ્રિકાના ખેલાડીઓએ ઓક્શન માટે પોતાના નામ આપ્યા છે.

Wriddhiman Saha Announces Retirement: તાજેતરમાં જ ભારતીય ટીમને ન્યૂઝીલેન્ડના સામે ટેસ્ટ શ્રેણીમાં 3-0થી હારનો સામનો કરવો પડ્યો હતો. બીજી તરફ, ભારતમાં રણજી ટ્રોફીની નવી સીઝન રમાઈ રહી છે, આ દરમિયાન ભારતીય ટીમના વિકેટકીપર બેટ્સમેન રિદ્ધિમાન સાહા (Wriddhiman Saha)એ ક્રિકેટમાંથી નિવૃત્તિ લેવાની જાહેરાત કરી દીધી છે. 40 વર્ષીય સાહાએ 17 વર્ષની પોતાની કારકિર્દીને અલવિદા કહેવાનો નિર્ણય લીધો છે. શાનદાર વિકેટકીપરે 2007માં બંગાળ તરફથી રમતા ડેબ્યૂ કર્યું હતું અને તેણે નિર્ણય લીધો છે કે તેની અંતિમ મેચ પણ તેના રાજ્ય માટે જ હશે.

સાહા રણજી ટ્રોફી 2024-25ની વર્તમાન સીઝનની સમાપ્તિ બાદ ક્રિકેટ છોડી દેશે અને તેની બીજી ઇનિંગ શરૂ કરશે. સાહાએ પોતાના સોશિયલ મીડિયા પર લખ્યું કે, “ક્રિકેટમાં શાનદાર સફર બાદ, આ મારી છેલ્લી સીઝન હશે. હું નિવૃત્તિ લેવા અગાઉ છેલ્લી વખત બંગાળ માટે રમવા બદલ સન્માનિત અનુભવું છું. હું સંન્યાસ લેવા અગાઉ માત્ર રણજી ટ્રોફી રમીશ. આવો આ સીઝનને યાદગાર બનાવીએ!”

એક તરફ દરેક ખેલાડીઓ કરોડો રૂપિયા કમાવવા માગે છે તો બીજી તરફ એક એવો ખેલાડી છે જે પોતાની ટીમ માટે કરોડો રૂપિયા છોડવા તૈયાર છે. આપણે વાત કરી રહ્યા છીએ શુભમન ગિલની, જેણે IPL 2025 અગાઉ મોટું બલિદાન આપ્યું છે. મીડિયા રિપોર્ટ્સ અનુસાર, ગુજરાત ટાઇટન્સ ટીમ રાશિદ ખાન અને શુભમન ગિલ બંનેને રીટેન કરવા જઇ રહી છે, પરંતુ રસપ્રદ વાત એ છે કે રીટેન થનાર પ્રથમ ખેલાડી શુભમન ગિલ નહીં, પરંતુ રાશિદ ખાન હશે. શુભમન ગિલ ટીમનો સુકાની છે, તેમ છતા તે રાશિદ બાદ રીટેન થવા તૈયાર છે.

IPL Mega Auction 2025: IPL 2025 મેગા ઓક્શન આ વર્ષના અંતમાં જોવા મળશે. ક્રિકેટ ચાહકો તેની આતુરતાથી રાહ જોઇ રહ્યા છે. આ અંગે તમામ ફ્રેન્ચાઇઝીઓએ પોતાની તૈયારીઓ પણ શરૂ કરી દીધી છે. 31 નવેમ્બરે તમામ ટીમો તેમની રીટેન્શન લિસ્ટ BCCIને આપશે. ગયા વર્ષે ઘણા ખેલાડીઓ પર કરોડો રૂપિયાનો ખર્ચ કરવામાં આવ્યો હતો, ત્યારબાદ આ વખતે હરાજીમાં એવા ઘણા ખેલાડીઓ હશે જે ગત સીઝનમાં કરોડપતિ બની ગયા હતા પરંતુ આ સીઝનમાં તેમને વેચવા થોડા મુશ્કેલ હશે. આજે અમે એવા જ એક ખેલાડી વિશે વાત કરવાના છીએ.

Border Gavaskar Trophy 2024:  ઓસ્ટ્રેલિયા સામેની 5 મેચની બોર્ડર-ગાવસ્કર ટ્રોફી માટે 18 સભ્યોની ભારતીય ટીમની જાહેરાત કરી દેવામાં આવી છે. 22 નવેમ્બરથી શરૂ થનારી આ શ્રેણી માટે ટીમમાં અભિમન્યુ ઇશ્વરન, હર્ષિત રાણા અને નીતિશ રેડ્ડી જેવા ઘણા યુવા ખેલાડીઓની પસંદગી કરવામાં આવી છે. તેમાંથી ઘણા ખેલાડીઓ પ્રથમ વખત ઓસ્ટ્રેલિયાના પ્રવાસે જશે. બંગાળના ઓપનર ઇશ્વરનને નામે ઘરેલુ ક્રિકેટમાં 7000થી વધુ રન છે અને તે ઓસ્ટ્રેલિયા સામેની સીરિઝ માટે રોહિત શર્મા અને યશસ્વી જાયસ્વાલ સાથે રિઝર્વ ઓપનર તરીકે ટીમ સાથે પ્રવાસ કરશે.