Glamour

Akanksha Dubey suicide : રવિવારે વારાણસીની એક હોટેલમાંથી હોટ ભોજપુરી એક્ટ્રેસ આકાંક્ષા દુબેની આત્મહત્યા કરેલી લાશ મળી આવી, એ પછી સમગ્ર ભોજપુરી ફિલ્મ ઇન્ડસ્ટ્રી આઘાત અને શોકમાં સરી પડી હતી. સાથે જ આકાંક્ષાએ આત્મહત્યા કરી છે કે પછી એના મૃત્યુ પાછળ કોઈકની દુષ્પ્રેરણા કામ કરે છે, એની ચર્ચાઓ પણ થવા લાગી છે. માત્ર 25 વર્ષની આશાસ્પદ અભિનેત્રીની માતાએ મીડિયા સમક્ષ મોઢું ખોલતા પોતાનો આક્રોશ વ્યક્ત કર્યો હતો. સાથે જ આકાંક્ષાની પહેલી ફિલ્મના નિર્માતા એવા યશ કુમારે પણ ભોજપુરી ફિલ્મ ઇન્ડસ્ટ્રીની કાળી બાજુઓ વિષે વાત કરતો એક વિડીયો પબ્લિશ કર્યો હતો.

Bhojpuri Actress Akanksha Dubey suicide : ગઈકાલે, તા. 26 માર્ચ, રવિવારના રોજ વારાણસીની એક હોટેલના રૂમમાંથી ભોજપુરી એક્ટ્રેસ આકાંક્ષા દુબે મૃત અવસ્થામાં મળી આવી હતી. હોટેલ સ્ટાફના જણાવ્યા અનુસાર 25 વર્ષની અભિનેત્રી પંખા પર લટકેલી હાલતમાં મળી આવી હતી, જે પછી તાત્કાલિક પોલીસ બોલાવાઈ હતી. ઉત્તર પ્રદેશના ભદોહી જીલ્લાની રહેવાસી એવી આકાંક્ષા દુબે એક ફિલ્મના શૂટિંગ સંદર્ભે વારાણસી આવી હતી. જ્યારે લાંબો સમય સુધી આકાંક્ષા હોટેલની રૂમમાંથી બહાર ન નીકળી, ત્યારે હોટેલ સ્ટાફે માસ્ટર કી વડે રૂમ અનલોક કરતા આખી ઘટના સામે આવી હતી. હાલમાં આ ઘટના આત્મહત્યાની જણાઈ અહીં છે. પરંતુ પોલીસ દરેક શક્યતાઓ તપાસી રહી છે.

Satish Kaushik sory : સતીશ કૌશિક હવે આપણી વચ્ચે નથી રહ્યા, એ માનવું એમના ચાહકો માટે અત્યંત મુશ્કેલીભર્યું છે. સતીશનું શબ્ ગુરુગ્રામની ફોર્ટીસ હોસ્પિટલ ખાતે રાખવામાં આવ્યું છે. ત્યાંથી આજે એમના પાર્થિવ દેહને અંતિમ સંસ્કારઅર્થે મુંબઈ લાવવામાં આવશે. હજી એક દિવસ પહેલા તો સતીશ કૌશિકના બીજા બોલીવુડ સ્ટાર્સ સાથે ધૂળેટી રમતા ફોટોઝ વાઈરલ થયા હતા. અને પછી અચાનક સતીશના મૃત્યુના સમાચાર આવતા બોલીવુડ સ્ટાર્સ પણ ઊંડા આઘાતમાં સરી પડ્યા છે. 2023ના વર્ષમાં બોલીવુડ માટે આ સૌથી મોટો આઘાત છે. નાના મોટા દરેક સ્ટાર્સ હાલમાં સોશિયલ મીડિયા ઉપર સતીશ કૌશિકને અંજલિ આપી રહ્યા છે.

Satish Kaushik passed away : મશહુર એક્ટર અનુપમ ખેર દ્વારા આજે મળસ્કે 5.15 વાગ્યે કરવામાં આવેલી એક ટ્વિટ વાંચીને લોકોને આઘાત લાગો હતો. અનુપમ ખેરે આ ટ્વિટ દ્વારા પોતાના અંગત મિત્ર અને બોલીવુડમાં ઉમદા કલાકાર તરીકે ખ્યાતિપ્રાપ્ત સતીશ કૌશિકના મૃત્યુની જાહેરાત કરી હતી! લોકોને અનુપમ ખેરની ટ્વિટ દ્વારા જ સતીશ કૌશિકની દુઃખદ વિદાય અંગે જાણ થઇ હતી.

એક સમયે પોતાની ફિલ્મો માટે લાઈમલાઈટમાં રહેતો નવાઝુદ્દીન સિદ્દીકી આ દિવસોમાં પોતાના ઘરેલુ વિવાદોને કારણે ચર્ચામાં છે. નવાઝુદ્દીને મહેનત કરીને સંપત્તિ કમાવી, આલીશાન ઘર બનાવ્યું, પરંતુ આ સંપત્તિ તેના જીવન માટે સમસ્યા બની ગઈ છે. મહેલ જેવા વૈભવી મકાનો હોવા છતાં નવાઝુદ્દીન પોતાના ઘરે રહી શકતો નથી.

ટીવી એક્ટ્રેસ જસ્મીન ભસીન પોતાની શાનદાર એક્ટિંગથી દેશભરમાં જબરદસ્ત ઓળખ બનાવવામાં સફળ રહી છે, પરંતુ તેના જીવનમાં એક સમય એવો પણ આવ્યો જ્યારે તેને ઘણી સમસ્યાઓનો સામનો કરવો પડ્યો. જ્યારે જાસ્મિન મોડલિંગ કરતી હતી ત્યારે તે એક સારી તકની શોધમાં હતી જેથી તે અભિનેત્રી બની શકે, તે દરમિયાન તે ઘણા બધા ઓડિશન માટે જતી હતી, પરંતુ તેના જીવનમાં ઓડિશનનો અનુભવ ખૂબ જ ખરાબ રહ્યો.

Pathaan Protest : શાહરુખની ફિલ્મ ‘પઠાણ’ રજૂ થાય એ પહેલા જ વિવાદોમાં સપડાઈ ચૂકી છે. ‘બેશર્મ રંગ’ વાળા ગીતમાં બિકીનીના ભગવા રંગ બાબતની બબાલ થવાથી જમણેરીઓનો એક મોટો વર્ગ શાહરુખની ફિલ્મનો વિરોધ કરી રહ્યો છે. બીજી તરફ જેની ગણના લિબરલ્સ અને ડાબેરીઓમાં થાય છે, એવા લોકો શાહરુખની ફિલ્મને ‘હીટ’ સાબિત કરવા માટે એડી-ચોટીનું જોર લગાવી રહ્યા છે. સોશિયલ મિડીયા ઉપર બન્ને પક્ષો તરફથી સામસામા દાવાઓ થઇ રહ્યા છે. પણ આ વખતે શાહરુખ ખાન પોતાની આ ફિલ્મ બાબતે સખત ટેન્શનમાં તો છે જ, એ સ્પષ્ટ જણાઈ રહ્યું છે.

વર્લ્ડ ડેસ્ક : અમેરિકામાં હાલ ગોલ્ડન ગ્લોબ એવોર્ડ્સની 80મી શ્રેણી ચાલુ છે. એવોર્ડ સમારોહ કેલિફોર્નિયાના બેવર્લી હિલ્સ ખાતે આવેલા બેવર્લી હિલ્ટનમાં યોજાયો છે. રેડ કાર્પેટ પર આ વખતે ભારતમાથી પણ લોકો સામેલ થયા છે. ગોલ્ડ ગ્લોબ એવોર્ડ્સ જીવતવાની રેસમાં વિશ્વભરની ફિલ્મો ફિલ્મો સ્પર્ધા કરી રહી છે. જેમાં એસ.એસ રાજામૌલીની ફિલ્મ 'RRR'એ બાજી મારી લીધી છે.

ગ્લેમર ડેસ્ક : તુનિષા શર્મા (Tunisha Sharma) હવે આ દુનિયામાં નથી રહી. 24મી ડિસેમ્બરે તેણે સીરિયલના સેટ પર આપઘાત કર્યો હતો. મંગળવારે સાંજે તેના અંતિમ સંસ્કાર કરવામાં આવ્યા હતા અને તેના હૈયુ ચીરી નાખે તેવા વીડિયો ઈન્ટરનેટ પર વાયરલ થયા હતા. 20 વર્ષીય દિવંગત એક્ટ્રેસના આમ ચાલ્યા જવાથી ટીવી ઈન્ડસ્ટ્રી આઘાતમાં છે. મોટાભાગના સેલેબ્સ તેને અંતિમ વિદાય આપવા માટે પણ હાજર રહ્યા હતા. જ્યાં એક તરફ તમામ શોક વ્યક્ત કરી રહ્યા છે તો બીજી તરફ મુકેશ ખન્નાએ (Mukesh Khanna) આ માટે માતા-પિતાને જવાબદાર ગણાવ્યા છે. તેમનું કહેવું છે કે, સુશાંત સિંહ રાજપૂતથી સુસાઈડનો સિલસિલો શરૂ થયો અને અત્યારસુધીમાં ન જાણે કેટલાય કલાકારોએ પોતાના જીવનને ખતમ કરી નાખ્યું.

ગ્લેમર ડેસ્ક : એક્ટ્રેસ તુનિષા શર્માના મોતના સમાચારથી લોકો હચમચી ગયા છે. તેવામાં આ વચ્ચે વધુ એક આત્મહત્યાના સમાચાર સામે આવી રહ્યાં છે. એક 22 વર્ષની ઇન્સ્ટાગ્રામ મોડલ લીના નાગવંશી (Leena Nagwanshi)એ ગળે ફાંસી લગાવીને સુસાઇડ કરી લીધું છે. લીનાનો મૃતદેહ તેના ઘરના ધાબા પર લટકેલો મળ્યો હતો. તેના મૃતદેહની આસપાસ કોઇ સુસાઇડ નોટ નથી મળી અને તે વાતની પુષ્ટિ પણ નથી થઇ શકી કે લીનાએ આખરે આવુ પગલુ શા કારણે ભર્યુ.