National

બિહારના રોહતાસ જિલ્લામાં ઐતિહાસિક રોહતાસગઢ પર્વત પર નિર્માણાધીન રોપવેના ટ્રાયલ રન અને પરીક્ષણ દરમિયાન ટેક્નિકલ ખામી જોવા મળી હતી. ટ્રાયલ દરમિયાન ઘણા થાંભલા અને બેસવા માટેની કેબિન અચાનક તૂટી પડ્યા હતા, જેનાથી ઉપલા ટર્મિનલ સ્ટેશનને નુકસાન થયું. જોકે, આ ઘટનામાં કોઈ જાનહાનિ કે મિલકતનું નુકસાન થયું નથી.

ઉત્તર પ્રદેશના બાગપત જિલ્લામાંથી એક હૃદયદ્રાવક ઘટના સામે આવી છે, જ્યાં કરિયાવરની ભૂખે એક પરિણીત મહિલાનો જીવ લઈ લીધો. કોતવાલી ખેકરા વિસ્તારના ગોઠરા ગામમાં એક પતિએ તેની પત્નીની હત્યા ફક્ત એટલા માટે કરી કારણ કે તે તેના માતા-પિતાના ઘરેથી સ્કોર્પિયો કાર અને 10 લાખ રૂપિયા ન લાવી શકી. આ ઘટનાએ ફરી એકવાર કરિયાવર પ્રથાની કડવી વાસ્તવિકતા ઉજાગર કરી છે.

મૃતકની ઓળખ ઇશિકા તરીકે થઈ છે, તે મૂળ ઉત્તર પ્રદેશના ગૌતમ બુદ્ધ નગર જિલ્લાના દાદરી વિસ્તારના બઢપુરા ગામની રહેવાસી હતી, તેના લગ્ન ગોઠરા ગામના રહેવાસી સચિન સાથે થયા હતા. તેમના લગ્નના થોડા સમય બાદ, ઇશિકા પર કરિયાવર લાવવા માટે દબાણ થવા લાગ્યું.

થોડા દિવસો અગાઉ સોશિયલ મીડિયા પર એક વીડિયો વાયરલ થયો હતો જેમાં ઇન્ડિયન પ્રીમિયર લીગ (IPL)ના ભૂતપૂર્વ ચેરમેન લલિત મોદી અને ભાગેડુ ઉદ્યોગપતિ વિજય માલ્યા સાથે પાર્ટી કરતા જોવા મળ્યા હતા. ભારત સરકારે હવે આ વીડિયો પર પ્રતિક્રિયા આપી છે.

હાલ સમગ્ર દેશમાં 'અરવલ્લી બચાવો'ની ઝુંબેશ જોર-શોરમાં ચાલી રહી છે. ત્યારે આ મુદ્દા સાથે જ સંકળાયેલો ગેરકાયદેસર ખનનનો મુદ્દો પણ બહાર આવી રહ્યો છે. માહિતી મુજબ, રાજસ્થાનમાં છેલ્લા સાત વર્ષમાં ગેરકાયદે ખનન, પરિવહન અને સંગ્રહના ગુના હેઠળ કુલ 7,173 એફઆઇઆર નોંધાઈ છે. અહીં ચોંકાવનારી વિગત એ છે કે, એકલા અરવલ્લી પટ્ટાના જિલ્લામાં જ 4,181 પોલીસ કેસ નોંધાયા છે. ઉપરાંત સમગ્ર રાજસ્થાનની વાત કરીએ તો છેલ્લા સાત વર્ષમાં ગેરકાયદે ખનનની નાની-મોટી 71,322 ઘટનાઓ સામે આવી છે, જેમાં પોલીસ કેસની સાથે દંડ ભર્યો હોય એવા કિસ્સા પણ સામેલ છે. આ પ્રકારના કેસની વાત કરીએ તો અરવલ્લી ક્ષેત્રના જિલ્લામાં કુલ 40,175 કેસ નોંધાયા છે. ઉલ્લેખનીય છે કે, રાજસ્થાનના 20 જિલ્લા અરવલ્લીની શ્રેણીમાં આવે છે.

વધી રહેલા ડિજિટલાઇઝેશનના સમયમાં સોશિયલ મીડિયાનો ઉપયોગ ખૂબ વધી ગયો છે. આજે સોશિયલ મીડિયા પર પણ તમામ પ્રકારની ગુનાખોરી હદ વટાવી ચુકી છે. જેનો શિકાર નાસમજ લોકો અને ખાસ બાળકો આસાનીથી બની જતાં હોય છે. ત્યારે ઇન્ટરનેટ અને સોશિયલ મીડિયાના માયાવી જગતમાં બાળકોની સુરક્ષાને લઈને મદ્રાસ હાઈકોર્ટે એક મહત્વનું અવલોકન કર્યું છે. હાઈકોર્ટની મદુરાઈ બેન્ચે કેન્દ્ર સરકારને સૂચન કર્યું છે કે, ભારત સરકારે પણ ઓસ્ટ્રેલિયાની જેમ 16 વર્ષથી ઓછી ઉંમરના બાળકો માટે સોશિયલ મીડિયા પ્લેટફોર્મના ઉપયોગ પર સંપૂર્ણ પ્રતિબંધ મૂકતો કાયદો લાવવાની દિશામાં વિચારવું જોઈએ.

પિત્ઝા, બર્ગર, ચિપ્સ, ફ્રાઈસ અને નૂડલ્સ એટલા સ્વાદિષ્ટ હોય છે કે તે નાનાથી લઈને મોટા બધાના મોઢામાં પાણી આવી જાય છે. એટલે તે મોટાભાગના બાળકોનું પ્રિય ફૂડ છે, પરંતુ આ જ ફેવરિટ ફૂડ જીવલેણ પણ હોઈ શકે છે. તાજેતરમાં, એક ચોંકાવનારા સમાચાર સામે આવ્યા જેમાં વધુ પડતું ફાસ્ટ ફૂડ ખાવાથી અહાના નામની 16 વર્ષની છોકરીનું મોત થઈ ગયું થયું. આ કિસ્સામાં ડૉક્ટરોનું માનવું છે કે વધુ પડતું જંક ફૂડ ખાવાથી તેના આંતરડાને ડેમેજ થઇ ગયા અને તેમાં છિદ્ર પણ થઈ ગયા. જોકે તે AIIMSમાં સ્વસ્થ થઈ રહી હતી, પરંતુ અચાનક તેની તબિયત બગડી ગઈ, તેનું હાર્ટ ફેઇલ થઈ ગયું અને તેને બચાવી ન શકાઈ.

લખનૌમાં વડાપ્રધાન નરેન્દ્ર મોદીનો કાર્યક્રમ પૂરો થતાં જ એક એવી તસવીર સામે આવી જેણે રાજધાનીને શરમસાર કરી દીધી. રાષ્ટ્રીય પ્રેરણા સ્થળના ઉદ્ઘાટન બાદ ત્યાં અને તેની આસપાસ મૂકવામાં આવેલા સુશોભન ફૂલોના કુંડા લોકો દ્વારા ચોરી રહ્યા હોવાના વીડિયો સોશિયલ મીડિયા પર વાયરલ થયા છે.

આપણે આપણી રોજિંદી જરૂરિયાતો માટે ઘણી વસ્તુઓ ખરીદીએ છીએ. સારી ગુણવત્તા સુનિશ્ચિત કરવા માટે આપણે બ્રાન્ડેડ સામાનો પર પૈસા પણ ખર્ચીએ છીએ, પરંતુ ઘણીવાર, શૉરૂમમાંથી ખરીદેલી બ્રાન્ડેડ વસ્તુઓ અથવા ઉત્પાદનો પણ નબળી ગુણવત્તાવાળા નીકળે છે. દુકાનદારો ઘણીવાર આપણને ખામીયુક્ત સામાન આપે છે. જ્યારે આપણે તેને પરત કરીએ છીએ, ત્યારે તેઓ નો-રીટર્ન પોલિસીનો ઉલ્લેખ કરે છે. આનાથી આપણને છેતરાયાનો અનુભવ થાય છે. જો કોઈ ઉત્પાદન ખામીયુક્ત અથવા ભેળસેળયુક્ત હોવાનું બહાર આવે છે, તો વ્યક્તિઓને ગ્રાહક ફોરમમાં ફરિયાદ કરવાનો અને વળતર મેળવવાનો અધિકાર છે.

આ જ મહીને ઈન્ડિગો દ્વારા ઊભા કરાયેલા ક્રાઈસિસમાં હજારો ફ્લાઈટ્સ કેન્સલ થતા લાખો મુસાફરો અટવાઈ પડ્યા હતા. આખરે સરકાર અને ડીજીસીએની કડકાઈથી મામલો થાળે પડ્યો હતો. તેથી હવે સરકાર તરફથી કોશિશ કરવામાં આવી રહી છે કે, આ પ્રકારની મુશ્કેલીઓ મુસાફરોએ આવનારા સમયમાં ફરીથી ન ખમવી પડે. તેથી ઈન્ડિગો સંકટના કેટલાક દિવસો બાદ સરકારે બે નવી એરલાઈન્સને 'નો ઓબ્જેક્શન સર્ટિફિકેટ ' (NOC) આપ્યું છે. જેની જાહેરાત ખુદ સિવિલ એવિએશન મિનિસ્ટર રામમોહન નાયડુએ કરી છે.

ઉન્નાવ રે*પ પૂર્વ ધારાસભ્ય કુલદીપ સેંગરની સજાને સ્થગિત કરવા વિરુદ્ધ દિલ્હીના લાલ દરવાજા પર વિરોધ પ્રદર્શન કરવા બદલ કટાક્ષ કર્યો. વિરોધ કરનારાઓને બળજબરીથી હટાવ્યા બાદ, ઉત્તર પ્રદેશના મંત્રી ઓ.પી. રાજભરે બુધવારે આ ઘટનાને ઓછી કરીને બતાવી, હસતાં-હસતાં કહ્યું- ‘પરંતુ પણ તેનું ઘર તો ઉન્નાવમાં છે.’ જ્યારે પત્રકારોએ રે*પ પીડિતાને લાલ દરવાજામાંથી બહાર કાઢવા અંગે તેમની પ્રતિક્રિયા વિશે પૂછ્યું, ત્યારે રાજભર હસ્યા પહેલા કહ્યું, ‘તેનું ઘર ઉન્નાવમાં છે, હી-હી-હી...’

2017ના રે*પ કેસમાં સેંગરને જામીન આપવાના દિલ્હી હાઈકોર્ટના આદેશનો વિરોધ કરતા ઈન્ડિયા ગેટ નજીકથી બળજબરીથી ખેંચી લેવામાં આવ્યા બાદ, રે*પ પીડિતાએ કહ્યું હતું કે, તે ત્યાં આત્મહત્યા કરવા માંગતી હતી, પરંતુ તેના પરિવાર વિશે વિચારીને આવું કરવાનું બંધ કરી દીધું.’ બુધવારે સવારે, રે*પ પીડિતાએ દિલ્હી હાઈકોર્ટના ભાજપમાંથી હાંકી કાઢવામાં આવેલા નેતાની જેલની સજાને સ્થગિત કરવાના નિર્ણયને તેના પરિવાર માટે ‘કાલ (મૃત્યુ)’ ગણાવ્યો અને કહ્યું કે તે સુપ્રીમ કોર્ટમાં જશે.