Videos

સોશિયલ મીડિયા પર એક વીડિયો અયોધ્યાનો બતાવીને ખૂબ વાયરલ થઈ રહ્યો છે. વીડિયોમાં દાવો કરવામાં આવ્યો છે કે પહેલા વરસાદમાં જ કરોડોના ખર્ચે તૈયાર થયેલો અયોધ્યાનો રામ પથ ધસી ગયો. જેમાં તથા કથિત એક મહિલા પડી ગઈ. આ વીડિયો પર હવે અયોધ્યા પોલીસનું નિવેદન સામે આવ્યું છે. પોલીસનું કહેવું છે કે આ વીડિયો પૂરી રીતે ભ્રામક છે અને આ મામલે 3 લોકો વિરુદ્ધ કેસ નોંધાઈ ચૂક્યો છે. ચાલો આ આર્ટિકલમાં જાણીએ આ વીડિયો ક્યાંનો છે?

ઉત્તરપ્રદેશના ગાઝીપુરમાં એક મોટો અકસ્માત સર્જાયો છે. એક હાઇટેન્શન વાયર ચાલુ બસ પર પડતાં આ બસ આગની ઝપેટમાં આવી ગઇ હતી. જેના કારણે અનેક લોકો જીવતા ભડથું થઈ ગયા હોવાની માહિતી મળી રહી છે. આ બસ દુર્ઘટનામાં આશરે 20 લોકો અકસ્માતનો ભોગ બન્યા હોવાની પ્રાથમિક માહિતી મળી રહી છે.

ખાલિસ્તાની આતંકવાદી હરદીપ સિંહ નિજ્જરને ગયા વર્ષે જૂનમાં ઠાર કરવામાં આવ્યો હતો. હવે નિજ્જરની હત્યાનો કથિત વીડિયો સામે આવ્યો છે. આ વીડિયોમાં હુમલાખોરો નિજ્જરને ગોળી મારીને ભાગતા જોવા મળી રહ્યા છે. નિજ્જરની હત્યાને લઈને ભારત અને કેનેડા વચ્ચેના સંબંધોમાં ખટાશ આવી ગઈ હતી અને આ મામલો બંને દેશો વચ્ચે વિવાદનું કારણ બની ગયો હતો.

જમ્મુ-કાશ્મીરમાંથી કલમ 370 હટાવ્યા બાદ આજે પ્રથમ વખત કાશ્મીરના શ્રીનગરમાં વડાપ્રધાન નરેન્દ્ર મોદીની વિશાળ રેલી યોજાઈ હતી. પીએમ મોદીએ કહ્યું કે, 'પૃથ્વી પરના સ્વર્ગમાં આવવાનો આ અહેસાસ અદભૂત છે. અમે દાયકાઓથી આ નવા જમ્મુ-કાશ્મીરની રાહ જોઈ રહ્યા હતા. જમ્મુ-કાશ્મીર ફક્ત ક્ષેત્ર નહીં પણ ભારતનું મસ્તક છે.

રશિયા અને યુક્રેન વચ્ચે છેલ્લા બે વર્ષ કરતા પણ વધારે સમયથી યુદ્ધ ચાલી રહ્યું છે. ત્યારે રશિયા ફરવા ગયેલા સાત જેટલા ભારતીય યુવકોને રશિયન આર્મીમાં દગાથી ભરતી કરીને યુદ્ધ લડવા માટે યુક્રેન મોકલવવામાં આવ્યા છે. આ યુવકોનો વીડિયો સામે આવ્યો છે જેમાં તેઓ ભારત સરકારને મદદ માટે અપીલ કરી રહ્યા છે. 

મધ્યપ્રદેશ પહોંચેલી ‘ભારત જોડો ન્યાય યાત્રા’માં કોંગ્રેસ નેતા રાહુલ ગાંધીને ફરી ભાજપના કાર્યકર્તાઓનો સામનો કરવો પડ્યો છે. એક તરફ રાહુલ ગાંધી યાત્રા સાથે આગળ વધી રહ્યા છે, તો બીજી તરફ આ યાત્રાને જોઈ ભાજપ કાર્યકર્તાઓ મોદી-મોદીના નારા લગાવી રહ્યા છે. એટલું જ નહીં જ્યારે રાહુલ સૂત્રોચ્ચાર કરનારા કાર્યકર્તાઓ પાસે જાય છે, તો તેઓ રાહુલને બટેકા આપે છે અને તેઓ લઈ પણ લે છે. આ ઉપરાંત રાહુલે રાજ્યના શાજાપુરમાં પહોંચેલી યાત્રા દરમિયાન સંબોધન પણ કર્યું હતું, જેમાં તેમણે વડાપ્રધાન નરેન્દ્ર મોદી અને કેન્દ્રની ભાજપ સરકાર પર નિશાન સાધતાં કહ્યું કે, ‘મોદી ઈચ્છે છે કે, તમે આખો દિવસ જય શ્રી રામ બોલો અને ભૂખ્યાં મરી જાવ.’

ભારતના સૌથી અમીર બિઝનેસમેન મુકેશ અંબાણીના પુત્ર અનંતની પ્રી-વેડિંગ સેરેમની જે ગુજરાતના જામનગર ખાતે યોજાઈ હતી. ત્રણ દિવસ સુધી ચાલેલા આ પ્રી વેડિંગના કાર્યક્રમમાં દેશ-વિદેશના દિગ્ગજો મહેમાન બની હાજરી આપવા આવ્યા હતા. ત્યારે ભવ્યાતિ ભવ્ય રીતે સંપન્ન થયેલ આ પ્રી વેડિંગ ચારે તરફ ચર્ચામાં છે.

દિગ્ગજ ઉદ્યોગપતિ મુકેશ અંબાણીના સૌથી નાના પુત્ર અનંત અંબાણીનું પ્રી વેડિંગ સેલિબ્રેશન ગુજરાતના જામનગરમાં ચાલી રહ્યું છે. સમગ્ર દુનિયાની નજર હાલ જામનગર પર છે. કારણ કે મનોરંજન, ઉદ્યોગ જગતની ધૂરંધર હસ્તીઓ જામનગરની મહેમાન બની છે. રિલાયન્સ ટાઉનશીપના જોગવાડ ગામમાં સમગ્ર અંબાણી પરિવાર ભેગુ થયું છે. પ્રી વેડિંગમાં પણ એક લગ્ન જેવો જલસો જોવા મળી રહ્યો છે. 

પ્રસિદ્ધ બિઝનેસમેન મુકેશ અંબાણીના નાના દીકરા અનંત અંબાણી (Anant Ambani) ટૂંક સમયમાં રાધિકા મર્ચન્ટ (Radhika Merchant) સાથે લગ્ન બંધનમાં બંધાશે. ભારતના ટોચના ધનિકોમાં સામેલ મુકેશ અંબાણી તેમના આ લગ્ન સમારોહમાં કોઈ કચાશ રાખવા માગતા નથી. હવે આ લગ્ન માટે જામનગરમાં એક જ પરિસરમાં એક સાથે 14 વિવિધ મંદિરોનું સુંદર રીતે નિર્માણ કરાવાયું છે. જેનો એક વીડિયો પણ શેર કરવામાં આવ્યો હતો. 

પાકિસ્તાન ક્રિકેટ ટીમનો પૂર્વ કેપ્ટન જાવેદ મિયાંદાદ રમતની પીચ પર પોતાની અજીબોગરીબ હરકતો અને હવે પોતાના ઉશ્કેરણીજનક નિવેદનોને લઈને મોટા ભાગે ચર્ચામાં રહે છે. હાલના દિવસોમાં સોશિયલ મીડિયા પર તેનો એક જૂનો વીડિયો ખૂબ વાયરલ થઈ રહ્યો છે. અયોધ્યા રામ મંદિર પર તેનું વિવાદિત નિવેદન ચર્ચામાં છે. વીડિયોમાં તે કહી રહ્યો છે કે વડાપ્રધાન નરેન્દ્ર મોદીએ એક ખૂબ સારું કામ કર્યું છે. રામ મંદિરમાં જે જશે, મુસ્લિમ બનીને બહાર નીકળશે.