10/01/2024
અમદાવાદમાં એક જ્વેલરીના વેપારીને બૉલિવુડ અભિનેતા અનુપમ ખેર (Anupam Kher fake notes photo)નો ફોટો ધરાવતી નોટો આપીને રૂ. 1.60 કરોડની છેતરપિંડી કરવામાં આવી હતી. આરોપીઓએ રૂ. 1.30 કરોડની નકલી નોટો આપીને 2 કિલોથી વધુ સોનાની કથિત છેતરપિંડી કરી હતી. બાકીના 30 લાખ લેવાની જવાની વાત કહી ભાગી ગયો હતો. અનુપમ ખેરે પણ આ છેતરપિંડી અંગે પ્રતિક્રિયા આપી છે. તેમણે પોતાના સોશિયલ મીડિયા પ્લેટફોર્મ X પર એક વીડિયો પોસ્ટ કરતા લખ્યું કે, 500ની નોટ પર ગાંધીજીના ફોટાને બદલે મારો ફોટો? કંઇ પણ થઇ શકે છે.
વીડિયોમાં 500 રૂપિયાની નોટ પર મહાત્મા ગાંધીની જગ્યાએ અનુપમ ખેરનો ચહેરો દેખાઇ રહ્યો છે. અમદાવાદ પોલીસે નકલી નોટો જપ્ત કરી છે. જેમાં નોટો પર 'રિઝર્વ બેંક ઓફ ઇન્ડિયા'ને બદલે 'Resol Bank of India' લખવામાં આવ્યું હતું. નકલી નોટોનો વીડિયો સોશિયલ મીડિયા પર ખૂબ વાયરલ થઇ રહ્યો છે.