ક્રાઇમ

સુરત ડાયમંડ નગરીને બદલે ધીરે-ધીરે ક્રાઇમ નગરી બનવા તરફ પ્રસ્થાન કરી રહી હોય તેમ લાગી રહ્યું છે કારણ કે શહેરમાં હવે ગુનાઓની ઘટનાઓ બેફામ વધી રહી છે. શહેરમાં હવે કોના પર વિશ્વાસ કરવો એજ સમજ પડતી નથી. અહીં અવારનવાર બળાત્કાર, ધાક ધમકી જેવી ગંભીર ઘટનાઓ સામે આવી રહી છે. હવે વધુ સુરતમાં એક વખત બળાત્કાર અને ધમકી આપવાની ઘટના સામે આવી છે.

આણંદ જિલ્લાની ખંભાત સેશન્સ કોર્ટે 7 વર્ષની માસૂમ બાળકી પર બળાત્કાર અને હત્યાના કેસમાં 24 વર્ષના દોષિતને બેવડા મૃત્યુદંડની સજા ફટકારી છે. ઓક્ટોબર 2019માં, આણંદના ખંભાતના કાણીસા ગામમાં પોલીસને એક માસૂમ છોકરીનો મૃતદેહ પાણીમાં ડૂબી ગયેલી હાલતમાં મળ્યો હતો.

Rajkot: ગુજરાતમાં છેલ્લા ઘણા સમયથી બનતી ક્રાઇમ અને હિટ એન્ડ રનની ઘટના શાંત ગુજરાતીઓને હચમચાવી રહી છે અને તેને કારણે લોકોમાં રોષ પણ જોવા મળી રહ્યો છે. હોળીની રાત્રે અમદાવાદના વસ્ત્રાલમાં એક છાકટા કાર ચાલકે ઘણા વાહનોને અડફેટે લઇ લીધા હતા, જેમાં એક મહિલાનું ઘટનાસ્થળે જ મોત થઇ ગયું હતું, જ્યારે 7 જેટલા લોકો ઇજાગ્રસ્ત થયા હતા. આ ઘટના બાદ પોલીસ એક્શનમાં છે, પરંતુ હજી પણ ગુનેગારોના પેટનું પાણી પણ હલતું ન હોય તેમ એક બાદ એક ઘટના આવી બની રહી છે, જે પોલીસ સામે સવાલ ઉભા કરે છે.

પોરબંદર નજીકના દરિયામાંથી 300 કિલો ડ્રગ્સ જપ્ત કરવામાં આવ્યું છે. ATS અને કોસ્ટ ગાર્ડે સંયુક્ત ઓપરેશનમાં આ સફળતા મેળવી હતી. આ ડ્રગ્સની કિંમત 1800 કરોડ રૂપિયા હોવાનું કહેવામાં આવી રહ્યું છે. એક અધિકારીએ જણાવ્યું હતું કે, પાકિસ્તાનથી તસ્કરી કરીને લાવવામાં આવેલા ડ્રગ્સને તસ્કરોએ માછલી પકડવાની બોટમાંથી દરિયામાં ફેંકી દીધું હતું. જ્યારે તસ્કરોએ પેટ્રોલિંગ ટીમને જોઈ, ત્યારે તેમણે ધરપકડથી બચવા માટે ડ્રગ્સ ફેંકીને પાકિસ્તાનના કબજા હેઠળના દરિયાઈ વિસ્તારમાં જતા રહ્યા. ATSએ ડ્રગ્સ જપ્ત કરી લીધું છે અને મામલાની તપાસ કરી રહી છે.

વડોદરા સહિત રાજ્યભરમાં સતત હિટ એન્ડ રનની ઘટનાઓમાં વધારો થઇ રહ્યો છે. છેલ્લા 3 દિવસમાં વડોદરા શહેરમાં 3 લોકોએ અકસ્માતમાં જીવ ગુમાવ્યો છે. વડોદરામાં લોકો હજુ રક્ષિત ચૌરસિયા કાંડની ઘટના ભૂલી શક્યા નહોતા ત્યાં તો દારૂ પીને વાહન ચલાવવાનો વધુ એક કિસ્સો પ્રકાશમાં આવ્યો છે. એક છાકટા વાહનચાલકે એકસાથે 5-7 વાહનોને ટક્કર મારીને હાહાકાર મચાવી દીધો હતો. ખોડિયાર નગર ચોકડીથી એસઆર પેટ્રોલ પંપ તરફ જતી વખતે, બળિયાદેવ મંદિરની સામે એક કાર ચાલકે એક સાથે 5-7 વાહનોને ટક્કર મારી દીધી હતી. આ ભયાનક ઘટના વડોદરા મ્યુનિસિપલ કોર્પોરેશનના મેયર પિંકી સોનીના ઘરની બહાર બની હતી. કોંગ્રેસ નેતા હેરી ઓડે આ અકસ્માત અંગે માહિતી આપી છે.

Rakshit Chaurasiya FSL Report: વડોદરામાં હોળીના દિવસે બનેલી હિટ એન્ડ રનની ઘટનાના મુખ્ય આરોપી રક્ષિત ચૌરસિયાનો FSL રિપોર્ટ સામે આવ્યો છે. જેમાં રક્ષિત ચૌરસિયાના બ્લડ સેમ્પલની તપાસમાં નશાની પુષ્ટિ થઈ છે. વડોદરા પોલીસે આ મામલે મોટો ખુલાસો કરતા જણાવ્યું હતું કે, રક્ષિત ચૌરસિયાએ તેના મિત્ર પ્રાંશુ ચૌહાણ સાથે મળીને સુરેશ ભરવાડના ઘરે ગાંજા પીધો હતો. ગાંધીનગર FSLમાંથી પોલીસને મળેલા રિપોર્ટમાં રક્ષિત ચૌરસિયા, પ્રાંશુ ચૌહાણ અને સુરેશ ભરવાડ નશામાં હોવાની વાતની પુષ્ટિ થઇ છે. આ બાબતે બધાનું ધ્યાન ખેંચ્યું હતું. બોલિવુડ એક્ટ્રેસ જાહ્નવી કપૂરની પ્રતિક્રિયા પણ સામે આવી હતી. હવે FSLના રિપોર્ટમાં ડ્રગ્સની લત હોવાની પુષ્ટિ થયા બાદ રક્ષિત ચૌરસિયાની મુશ્કેલીઓ વધી શકે છે.

Surat Civil Hospital: શુક્રવારે સાંજે સુરત સિવિલ હૉસ્પિટલમાંથી તાજા જન્મેલા બાળકની ચોરી થઇ જતા હાહાકાર મચી ગયો હતો અને સુરત સિવિલ હૉસ્પિટલની બેદરકારી છતી થઇ ગઈ હતી. ઘટનાની જાણ થતા જ પોલીસની ટીમ પણ ઘટનાસ્થળ પર દોડી આવી હતી અને ત્યારબાદ આ મામલે તપાસ શરૂ કરી દેવામાં આવી હતી. આ ઘટનાની ગંભીરતાને ધ્યાનમાં લઈને સુરત પોલીસે તાત્કાલિક કાર્યવાહી શરૂ કરી અને ગણતરીના કલાકોમાં જ બાળચોર મહિલાની ધરપકડ કરી લેવાની પ્રશંસનીય કામગીરી કરી છે. હાલમાં બાળક સ્વસ્થ હોવાનું કહેવાઇ રહ્યું છે.

View this post on Instagram

A post shared by SidhiKhabar (@sidhikhabar)

Surat New Civil Hospital: નવી સિવિલ હૉસ્પિટલ દક્ષિણ ગુજરાતના લોકો માટે જીવાદોરી સમાન છે, પરંતુ આ હૉસ્પિટલ વારંવાર વિવાદ અને ચર્ચામાં આવતી રહે છે. હવે નવી સિવિલ હૉસ્પિટલની ઘોર બેદરકારી સામે આવી છે. નવી સિવિલ હૉસ્પિટલના સ્ટેમસેલ બિલ્ડિંગમાંથી એક અજાણી મહિલએ નવજાત ચોરી કરવાની ઘટના ઘટી છે.

Surat: સુરત પોલીસ દ્વારા સમયાંતરે અસામાજિક તત્વો સામે તવાઈ બોલાવવામાં આવે છે અને જાહેરમાં સરઘસ કાઢવામાં આવે છે તો પણ આ તેમનામાં પોલીસનો ભય નામ જોગ પણ ન હોય તેમ સુરતમાં દિવસે ને દિવસે લુખ્ખા તત્વોનો આતંક વધતો જઈ રહ્યો છે. હવે અહીં ગુનાની ઘટનાઓ સામાન્ય ઘટનાની જેમ બની રહી છે. એક લુખ્ખાની તો હિંમત એટલી વધી ગઈ કે તેને પરિણીતાના ઘરે જઈને સાસુ, નણંદ અને દિયર સામે જ પરિણીતાના કપડા ખેચીને શરીરિક સંબંધ બાંધવાની માગ કરી નાખી. આ સિવાય સુરતમાં જ રેપની અન્ય એક ઘટનાનો મામલો પણ સામે આવ્યો છે.

Surat Fake Notes: સુરતમાંથી ઘણી વખત નકલી નોટોનો કારસો સામે આવતો રહે છે. ફરી એક વખત સુરતના પુનાથી નકલી નોટો ઝડપાઈ છે, સુરત શહેર SOGની ટીમને મોટી સફળતા મળી છે. SOGએ પુણા ગામ વિસ્તારમાંથી નકલી નોટ ઝડપી પાડી છે. આ નકલી નોટોનું પશ્ચિમ બંગાળનું કનેક્શન સામે આવ્યુ છે.