GeoPolitics

ઇઝરાયલ અને ઈરાન વચ્ચે યુદ્ધ ઉગ્ર થતું નજરે પડી રહ્યું છે. એક તરફ, બેન્જામિન નેતન્યાહૂની IDF એટલે કે ઇઝરાયલ ડિફેન્સ ફોર્સ એક બાદ એક તેહરાન સહિત ઈરાનના મુખ્ય શહેરો પર બોમ્બમારો કરી રહી છે. તો બીજી તરફ, ઈરાનના સર્વોચ્ચ નેતા અલી ખામેનેઇ પણ બદલો લેવા માટે તૈયાર છે. યુદ્ધમાં ઈરાનની સ્થિતિ નબળી પડી રહી હોય તેવું લાગે છે. આ દરમિયાન, અમેરિકાના રાષ્ટ્રપતિ ડોનાલ્ડ ટ્રમ્પના તાજેતરના નિવેદને હોબાળો મચી ગયો છે. ટ્રમ્પે ચોખ્ખા શબ્દોમાં કહ્યું છે કે ઈરાને સરેન્ડર કરવું જ પડશે. તેનાથી ઓછા પર મિડલ-ઈસ્ટમાં શાંતિ પર વાત બનવાની નથી.

Donald Trump: જ્યારે દુનિયાના 7 મુખ્ય લોકતાંત્રિક દેશો કેનેડાના ઠંડા રોકી હિલ્સમાં G7 શિખર સંમેલન માટે ભેગા થઈ રહ્યા હતા, ત્યારે અમેરિકના રાષ્ટ્રપતિ ડોનાલ્ડ ટ્રમ્પે બધાને આશ્ચર્યચકિત કરી દીધા. કોન્ફરન્સની ઔપચારિક શરૂઆત અગાઉ જ, ટ્રમ્પે જાહેરાત કરી કે તેઓ એક દિવસ પહેલા જ અમેરિકા જતા રહેવાના છે.

Israel-Iran conflict: ઇઝરાયલ સાથેના તણાવ વચ્ચે ઇરાનના આરોગ્ય મંત્રાલયે રવિવારે જણાવ્યું હતું કે છેલ્લા 3 દિવસમાં ઇઝરાયલી હુમલાઓમાં 224 લોકો માર્યા ગયા છે અને 1200થી વધુ ઇજાગ્રસ્ત થયા છે. મંત્રાલયના પ્રવક્તા હુસૈન કેરમનપોરે જણાવ્યું હતું કે 65 કલાકના ઇઝરાયલી બોમ્બમારા બાદ કુલ 1277 લોકો ઇજાગ્રસ્ત થયા છે અને 224 લોકો માર્યા ગયા છે તેમાં મહિલાઓ, પુરુષો અને બાળકોનો સમાવેશ થાય છે. તેમણે એમ પણ કહ્યું હતું કે મૃતકોમાં 90 ટકા સામાન્ય નાગરિકો હતા. ઇરાનના રિવોલ્યુશનરી ગાર્ડે કહ્યું હતું કે, આ હુમલામાં ઇરાનના ગુપ્તચર વડા મોહમ્મદ કાઝમી અને 2 અન્ય જનરલો પણ માર્યા ગયા છે. આ ઉપરાંત, આ હુમલામાં ઘણા ઉચ્ચ સ્તરીય લશ્કરી અધિકારીઓ અને પરમાણુ વૈજ્ઞાનિકોએ પણ પોતાનો જીવ ગુમાવ્યો છે.

અમેરિકાના કોલોરાડોમાં એક વ્યક્તિએ ‘ફ્રી પેલેસ્ટાઇન’ના નારા લગાવતા આગ લગાવતું ઉપકરણ ફેંક્યું. આ હુમલામાં ઓછામાં ઓછા 6 લોકો ઇજાગ્રસ્ત થઈ ગયા છે, જેને FBI દ્વારા આતંકવાદી કૃત્ય (એક્ટ ઓફ ટેરર) ગણાવ્યું. પોલીસે જણાવ્યું કે રવિવારે થયેલા હુમલા બાદ એક પુરુષ શંકાસ્પદને કસ્ટડીમાં લેવામાં આવ્યો છે. FBIના આસિસ્ટન્ટ ડિરેક્ટર ઓફ પબ્લિક અફેર્સ બેન વિલિયમસને સોશિયલ મીડિયા સાઇટ X પર જણાવ્યું હતું કે, શંકાસ્પદ વ્યક્તિએ યહૂદી લોકોના ટોળા પર બોમ્બ ફેંકતી વખતે ‘ફ્રી પેલેસ્ટાઇન’ની બૂમો પાડી હતી.

ઓપરેશન સિંદૂર પર શશિ થરૂરના નેતૃત્વમાં ભારત દ્વારા મોકલવામાં આવેલા પ્રતિનિધિમંડળને મોટી સફળતા મળી છે. કોલંબિયાએ ઓપરેશન સિંદૂર દરમિયાન પાકિસ્તાનમાં માર્યા ગયેલા આતંકવાદીઓ પર સંવેદના વ્યક્ત કરી હતી, પરંતુ હવે તેણે સત્તાવાર રીતે પોતાનું નિવેદન પાછું ખેંચી લીધું છે.

બાંગ્લાદેશમાં હાલમાં રાજકીય અસ્થિરતા છે. બાંગ્લાદેશના વચગાળાના સરકારના વડા મોહમ્મદ યૂનુસે રાજીનામું આપવાની ધમકી આપ્યા બાદ બાંગ્લાદેશમાં રાજકીય ઘટનાક્રમ ઝડપથી બદલાયો છે. આ દરમિયાન, બાંગ્લાદેશમાં ચીની દૂતાવાસે પોતાના નાગરિકો માટે એક એડવાઈઝરી જાહેર કરી છે.

પહેલગામ આતંકવાદી હુમલા બાદ ભારતે સિંધુ જળ સંધિ રદ કરવાની જાહેરાત કરી હતી. તેનાથી પાકિસ્તાની નેતાઓ બોખલાઈ ગયા છે. પાકિસ્તાનના પૂર્વ વડાપ્રધાન ઇમરાન ખાનની પાર્ટીના સાંસદ સૈયદ અલી ઝફરે આ નિર્ણયને લઈને કહ્યું કે આ આપણા પર લટકતો વોટર બોમ્બ છે. જેને આપણે તાત્કાલિક નિષ્ક્રિય કરવો પડશે. તેમણે દાવો કર્યો હતો કે ભારતના આ પગલાથી 10માંથી એક પાકિસ્તાનીને નુકસાન થશે.

આ દિવસોમાં ફિલ્ડ માર્શલ મુનીર પાકિસ્તાનમાં ચર્ચામાં છે. કારણ છે પાકિસ્તાન સરકારનો એ નિર્ણય, જે આર્મી જનરલ મુનીરને ફિલ્ડ માર્શલ બનાવવાની જાહેરાત કરી. કહેવામાં આવ્યું હતું કે મુનીરને ભારત સાથેના તાજેતરના સંઘર્ષ દરમિયાન તેમની ભૂમિકા માટે પ્રમોશન આપવામાં આવ્યું છે. પાકિસ્તાન સરકારના આ નિર્ણય પર હવે જેલમાં બંધ દેશના ભૂતપૂર્વ વડાપ્રધાન ઇમરાન ખાને ટિપ્પણી કરી છે.

ભારત વિરુદ્ધ સૈન્ય કાર્યવાહીમાં પાકિસ્તાનની મદદ કરનાર તુર્કી પર ભારત સરકાર સતત કડક કાર્યવાહી કરી રહી છે. તાજેતરમાં, બ્યીરો ઓફ સિવિલ એવિએશન સિક્યુરિટીએ, સેલેબી એવિએશન સર્વિસિસ ઈન્ડિયા પ્રાઈવેટ લિમિટેડનું સુરક્ષા ક્લિયરન્સ તાત્કાલિક અસરથી રદ કરી દીધું હતું. સરકારે રાષ્ટ્રીય સુરક્ષાના હિતમાં આ નિર્ણય લીધો છે.

પાકિસ્તાનના નાયબ વડાપ્રધાન અને વિદેશ પ્રધાન ઇશાક ડારની 3 દિવસની ચીન મુલાકાતની શરૂઆત અપમાનજનક રહી. ચીનની રાજધાની બીજિંગના એરપોર્ટ પર તેમનું સ્વાગત ખૂબ જ ઉદાસીન રહ્યું, જ્યાં કોઈ વરિષ્ઠ ચીની અધિકારી કે મંત્રી તેમનું સ્વાગત કરવા ન આવ્યા. ઘટનાસ્થળે માત્ર થોડા જુનિયર અધિકારીઓ હાજર હતા, જેના કારણે પાકિસ્તાની સોશિયલ મીડિયા પર ડારની ભારે મજાક ઉડાવવામાં આવી રહી છે. તાજેતરમાં એવા કેટલાક અહેવાલો આવ્યા હતા કે ચીન ગુસ્સે છે કારણ કે ભારત સાથે યુદ્ધવિરામ માટે પાકિસ્તાનના અમેરિકા પાસે જવાને કારણે ચીન નારાજ છે.