GeoPolitics

Who is Ahmad Al Sharaa: સીરિયામાં 50 વર્ષના અસદ શાસનનો અંત આવ્યો છે. બુધવારે (29 જાન્યુઆરી)ના રોજ, અહમદ અલ-શરાની દેશના વચગાળાના રાષ્ટ્રપતિ તરીકે નિમણૂક કરવામાં આવી અને અને તેમને વિધાયિકા રચનાની જવાબદારી સોંપવામાં આવી. 8 ડિસેમ્બરના રોજ ઇસ્લામિક બળવાખોર ગઠબંધન હયાત તહરિર અલ-શામ (HTS) ના નેતૃત્વ હેઠળના બળવાખોરોએ બશર અલ-અસદને સત્તા પરથી દૂર કર્યા બાદ આ નિર્ણય લેવામાં આવ્યો.

સીરિયાની રાજ્ય સમાચાર એજન્સી SANA અનુસાર, લશ્કરી અધિકારી હસન અબ્દેલ ગનીએ જાહેરાત કરી કે અહમદ અલ-શરા દેશમાં વચગાળાના રાષ્ટ્રપતિ તરીકે સેવા આપશે અને આંતરરાષ્ટ્રીય મંચો પર સીરિયાનું પ્રતિનિધિત્વ કરશે. અહમદ અલ-શરા સત્તા પર આવ્યા બાદ, દેશમાં 2012ના બંધારણને સ્થગિત કરી દેવામાં આવ્યું છે. આ ઉપરાંત, અસદ સરકારની સંસદનું વિસર્જન કરવામાં આવ્યું છે. એક નવી કામચલાઉ વિધાન પરિષદની રચના કરવામાં આવશે. શરાએ કહ્યું કે તેમની પ્રાથમિકતાઓ દેશમાં શાંતિ સ્થાપિત કરવી, સંસ્થાઓનું પુનર્નિર્માણ કરવું અને સ્થિર અર્થતંત્રનું નિર્માણ કરવાનું રહેશે

.

PM Modi likely to visit US in February: અમેરિકાના રાષ્ટ્રપતિ ડોનાલ્ડ ટ્રમ્પનો ફોન આવતાની સાથે જ PM મોદીને પણ અમેરિકા તરફથી આમંત્રણ મળ્યું છે. જી હાં, વડાપ્રધાન નરેન્દ્ર મોદી ફેબ્રુઆરીમાં અમેરિકા જઈ શકે છે. આ ફોન વ્હાઇટ હાઉસ તરફથી જ આવ્યો છે. ડોનાલ્ડ ટ્રમ્પે આ વાતના સંકેત આપ્યા છે. જો આવું થાય, તો ડોનાલ્ડ ટ્રમ્પ રાષ્ટ્રપતિ બન્યા બાદ PM મોદી વોશિંગ્ટનની મુલાકાત લેનારા પહેલા વિશ્વ નેતાઓમાં સામેલ થશે. ડોનાલ્ડ ટ્રમ્પે એમ પણ કહ્યું કે તેમણે PM મોદી સાથે ઇમિગ્રેશન જેવા ગંભીર મુદ્દા પર વાત કરી.

ડોનાલ્ડ ટ્રમ્પે સોમવારે ફ્લોરિડાથી 'જોઈન્ટ બેઝ એન્ડ્રૂઝ' પરત ફરતી વખતે એરફોર્સ વન પર પત્રકારોને જણાવ્યું હતું કે, 'આજે સવારે મેં તેમની (મોદી) સાથે લાંબી વાતચીત કરી.' તેઓ આગામી મહિને વ્હાઇટ હાઉસ આવી રહ્યા છે. ભારત સાથે અમારા ખૂબ સારા સંબંધો છે.' સોમવારે વડાપ્રધાન મોદી સાથેની તેમની ટેલિફોનિક વાતચીત વિશે પૂછવામાં આવતા, ડોનાલ્ડ ટ્રમ્પે કહ્યું હતું કે, 'મોદી સાથેની ટેલિફોનિક વાતચીત દરમિયાન બધા વિષયો પર ચર્ચા થઈ હતી.'

અમેરિકાએ બાંગ્લાદેશ વિરુદ્ધ મોટી કાર્યવાહી કરી છે. ટ્રમ્પ વહીવટીતંત્રે તાત્કાલિક અસરથી બાંગ્લાદેશને આપવામાં આવતી તમામ સહાય પર પ્રતિબંધ મૂક્યો છે. તેમજ બાંગ્લાદેશમાં અમેરિકાની મદદથી ચાલતી તમામ ગતિવિધિઓ પર પ્રતિબંધ મુકવામાં આવ્યો છે.અમેરિકાના રાષ્ટ્રપતિ ડોનાલ્ડ ટ્રમ્પે બાંગ્લાદેશ વિરુદ્ધ સૌથી મોટી કાર્યવાહી કરી છે. ટ્રમ્પે બાંગ્લાદેશને આપવામાં આવતી તમામ સહાય તાત્કાલિક અસરથી બંધ કરી દીધી છે. ટ્રમ્પના એક્ઝિક્યુટિવ ઓર્ડરમાં બાંગ્લાદેશને આપવામાં આવતી તમામ પ્રકારની સહાય તાત્કાલિક અસરથી બંધ કરવાનો આદેશ આપવામાં આવ્યો છે. 

Donald Trump: ડોનાલ્ડ ટ્રમ્પ અમેરિકાના રાષ્ટ્રપતિ બન્યા તેનું હજું એક અઠવાડિયું પણ થયું નથી. તેઓ એક બાદ એક એવા નિર્ણયો લઈ રહ્યા છે, જેને કારણે વિશ્વભરના દેશોમાં તેમની ચર્ચા થઈ રહી છે. સૌથી વધુ અશાંતિ મુસ્લિમ દેશોમાં છે. ટ્રમ્પના નિર્ણયોથી અમેરિકાથી બ્રિટન સુધીના મુસ્લિમો હેરાન-પરેશાન છે. ટ્રમ્પના પહેલા કાર્યકાળ દરમિયાન 2017નો કાર્યકારી આદેશ અમેરિકામાં 'વિદેશી આતંકવાદીઓ'ના પ્રવેશ સાથે સંબંધિત હતો, જેમાં બિનસત્તાવાર રીતે મુસ્લિમોને નિશાનો બનાવવામાં આવ્યા હતા. હવે ટ્રમ્પ 2.0 દરમિયાન નવા રાષ્ટ્રપતિનો દંડો, અમેરિકામાં આવેલા આ સમુદાય પર નિયમ વધુ કડક બન્યો છે. ટ્રમ્પે પેલેસ્ટાઇન તરફી વિદ્યાર્થીઓ સામે કડક વલણ અપનાવ્યું છે.

ઇન્ટરનેશનલ રેફ્યૂજી આસિસ્ટન્સ પ્રોજેક્ટ (IRAP)ના વકીલ દીપા અલાગેસને જણાવ્યું હતું કે નવો આદેશ ટ્રમ્પ દ્વારા 2017માં તેમના પ્રથમ કાર્યકાળ દરમિયાન ઘણા મુસ્લિમ બહુમતી ધરાવતા દેશો પર લાદવામાં આવેલા અઘોષિત મુસાફરી પ્રતિબંધ કરતા પણ ખરાબ છે. એવું કહેવામાં આવ્યું હતું કે આ ફક્ત અમેરિકાની બહારના લોકોને અહીં પ્રવેશવા પર પ્રતિબંધ મૂકવાના પ્રયાસ જેવું નથી, પરંતુ તે જ દલીલોનો ઉપયોગ કરીને લોકોને અમેરિકામાંથી બહાર કાઢવાનો પણ પ્રયાસ છે. ટ્રમ્પના આદેશ બાદ આરબ દેશોમાં પણ હાહાકાર મચી ગયો છે. તેમને ડર છે કે ઇસ્લામોફોબિયા વધી શકે છે.

વિદેશ સચિવ વિક્રમ મિસ્રી આ સપ્તાહના અંતમાં ચીનની મુલાકાત લેશે. દોઢ મહિનાથી ઓછા સમયમાં ભારત તરફથી ચીનની આ બીજી ઉચ્ચ સ્તરીય મુલાકાત હશે. મિસરી 26 અને 27 જાન્યુઆરીએ બેઇજિંગ જશે.ચીને શુક્રવારે આ સપ્તાહના અંતે વિદેશ સચિવ વિક્રમ મિસરીની મુલાકાતનું સ્વાગત કર્યું. ચીને કહ્યું કે લદ્દાખમાં ચાર વર્ષથી વધુ સૈન્ય અવરોધ બાદ બંને દેશોના ટોચના નેતાઓ અને અધિકારીઓ વચ્ચેની વાતચીત બાદ આ વિકાસ થયો છે. ચીનના વિદેશ મંત્રાલયના પ્રવક્તા માઓ નિંગે અહીં એક પ્રેસ કોન્ફરન્સમાં જણાવ્યું હતું કે, અમે ચીન અને ભારત વચ્ચેના વિદેશ સચિવ-ઉપપ્રધાન મિકેનિઝમની બેઠક માટે વિદેશ સચિવ વિક્રમ મિસરીની આગામી ચીન મુલાકાતનું સ્વાગત કરીએ છીએ. 

Donald Trump on TikTok: અમેરિકાના રાષ્ટ્રપતિ ડોનાલ્ડ ટ્રમ્પે ગુરુવારે (23 જાન્યુઆરી) તેમના બીજા રાષ્ટ્રપતિ કાર્યકાળનું પહેલું ઇન્ટરવ્યૂ આપ્યું હતું. આ મુલાકાતમાં, રાષ્ટ્રપતિ ટ્રમ્પે ચીનની માલિકીના વીડિયો શેરિંગ પ્લેટફોર્મ TikTokથી રાષ્ટ્રીય સુરક્ષાના જોખમો અંગે ચિંતાઓ અંગે વાત કરી હતી. ફોક્સ ન્યૂઝ સાથે વાત કરતા, અમેરિકન રાષ્ટ્રપતિ ડોનાલ્ડ ટ્રમ્પે કહ્યું હતું કે, 'શું તે એટલું જરૂરી છે? શું ચીન યુવાનો અને નાના બાળકોની જાસૂસી કરવા માટે ક્રેઝી વીડિયો જોશે?' જોકે, ટ્રમ્પે કહ્યું હતું કે ચીન ભવિષ્યમાં અમેરિકન યુઝર્સની જાસૂસી કરવા માટે TikTokનો ઉપયોગ કરી શકે છે.

Mark Zuckerberg: અમેરિકાના 47માં રાષ્ટ્રપતિ તરીકે ડોનાલ્ડ ટ્રમ્પે શપથ લઇ લીધા છે અને ત્યારબાદ તેમણે કેટલાક એવા નિર્ણયો લીધા છે જેની ખૂબ ચર્ચા થઇ રહી છે, પરંતુ તેમના શપથગ્રહણ સમારોહમાં વિચિત્ર દૃશ્યો કે કહો કેટલાક છબરડા સામે આવ્યા છે. ચાલો એ ઘટનાઓ પર એક નજર કરીએ.

Mark Zuckerberg was caught fact-checking 😂 pic.twitter.com/guiFdmCOvR

— DogeDesigner (@cb_doge) January 20, 2025

Donald Trump releases Khan Mohammad: ડોનાલ્ડ ટ્રમ્પે સોમવારે (20 જાન્યુઆરી) અમેરિકામાં કાર્યભાર સંભાળ્યો. ખાન મોહમ્મદને આતંકવાદી ઓસામા બિન લાદેનની નજીકનો મિત્ર કહેવામાં આવે છે. જેને કાર્યભાર સંભાળ્યા બાદ, ટ્રમ્પે ગ્વાન્તાનામોને જેલમાંથી મુક્ત કરી દીધો. તેના જવાબમાં, અફઘાનિસ્તાનની તાલિબાન સરકારે પણ 2 અમેરિકન નાગરિકોને તેની જેલમાંથી મુક્ત કર્યા છે. જોકે, પાકિસ્તાની નાગરિક ડૉ. આફિયા અંગે અમેરિકન પ્રશાસને હજુ સુધી કોઈ નિર્ણય લીધો નથી.

ખાન મોહમ્મદ અફઘાન તાલિબાનનો સભ્ય હતો જે અમેરિકન લશ્કરી કાર્યવાહી દરમિયાન અફઘાનિસ્તાનમાં પકડાયો હતો. તેને 2008માં જેલમાં ધકેલી દેવામાં આવ્યો હતો. BBCના એક અહેવાલ મુજબ, મોહમ્મદ ખાન નામનો એક અફઘાન નાગરિક ડ્રગ હેરફેર અને આતંકવાદના આરોપસર કેલિફોર્નિયાની જેલમાં આજીવન કેદની સજા ભોગવી રહ્યો હતો.

તાલિબાને કથિત ગુનાઓના આરોપસર 3 અમેરિકન નાગરિકોને બંધક બનાવ્યા હતા. તાલિબાને અમેરિકા સમક્ષ માગણી કરી કે આ અમેરિકન નાગરિકોના બદલામાં અમેરિકન જેલમાં કેદ અફઘાન આતંકવાદીઓ અને એક પાકિસ્તાની આતંકવાદી ડૉ. આફિયાને મુક્ત કરી દેવામાં આવે. આ બાબતે અમેરિકા અને અફઘાન તાલિબાન વચ્ચે લાંબી વાટાઘાટો પણ થઈ હતી. પૂર્વ અમેરિકન રાષ્ટ્રપતિએ શરૂઆતના તબક્કામાં જ આ વાતચીતને નકારી કાઢી હતી. તેમનું માનવું હતું કે તાલિબાન સાથે કોઈ સમાધાન કરવામાં નહીં આવે.

બાંગ્લાદેશની યુનુસ સરકારે મોટી જાહેરાત કરી છે. કહેવામાં આવ્યું છે કે પૂર્વ પીએમ શેખ હસીનાને ભારતથી બાંગ્લાદેશ લાવવાના તમામ પ્રયાસો કરવામાં આવશે. ભારત માટે પણ એક મોટી વાત કહેવામાં આવી છે.બાંગ્લાદેશના પદભ્રષ્ટ વડાપ્રધાન શેખ હસીના હાલમાં ભારતમાં રહે છે અને તેમને ભારતથી બાંગ્લાદેશ પરત લાવવાના તમામ પ્રયાસો ચાલુ રહેશે. બાંગ્લાદેશની વચગાળાની સરકારે આ જાહેરાત કરી છે. આ સાથે કહેવામાં આવ્યું છે કે જો જરૂર પડશે તો શેખ હસીનાને પરત લાવવા માટે આંતરરાષ્ટ્રીય હસ્તક્ષેપની પણ માંગ કરવામાં આવશે. ઢાકાથી પ્રકાશિત 'ડેઈલી સ્ટાર' અખબારના સમાચાર અનુસાર, યુનુસ સરકારમાં કાયદાકીય બાબતોના સલાહકાર આસિફ નઝરુલે સચિવાલયમાં પત્રકારો સાથે વાતચીત કરતા કહ્યું કે જો ભારત હસીનાને પરત મોકલવાનો ઈન્કાર કરશે તો તે પ્રત્યાર્પણ સંધિનું ઉલ્લંઘન કરશે. બાંગ્લાદેશ અને ભારત વચ્ચેનું ઉલ્લંઘન થશે.

Donald Trump: ડોનાલ્ડ ટ્રમ્પે અમેરિકાના 47મા રાષ્ટ્રપતિ તરીકે શપથ લીધા છે. ટ્રમ્પ તેમના પરિવાર અને ઉપરાષ્ટ્રપતિ જેડી વાન્સ સાથે ઉજવણી કરતા જોવા મળ્યા. પોતાના પહેલા ભાષણમાં, ટ્રમ્પે જો બાઇડન પ્રશાસન અને સ્થળાંતર સંકટના તેના સંચાલન પર હુમલો કરવાનું યથાવત રાખ્યું હતું.