Gujarat

વડોદરામાં એક જ સમુદાયના બે જૂથો વચ્ચે ભારે પથ્થરમારો અને તલવારબાજી થઈ, જેમાં અનેક લોકો ગંભીર રીતે ઇજાગ્રસ્ત થયા. પોલીસે ગુનો નોંધ્યો છે. આ ઘટના લાલબાગ બ્રિજ નીચેના વિસ્તારમાં બની હતી. એક જ સમુદાયના બે જૂથો વચ્ચે તલવારબાજી અને પથ્થરબાજી થઈ, જેમાં અનેક લોકો ગંભીર રીતે ઇજાગ્રસ્ત થયા હતા. ઘટના બાદ, ઇજાગ્રસ્તોને તાત્કાલિક 108 ઈમરજન્સી સેવા દ્વારા હોસ્પિટલમાં ખસેડવામાં આવ્યા હતા. પોલીસ ઘટનાસ્થળે પહોંચી અને પરિસ્થિતિને કાબુમાં લીધી. વધુ તપાસ ચાલી રહી છે.

દક્ષિણ ગુજરાતમાંથી ફરી એક ધર્માંતરણને લઈને મોટા ખુલાસાઓ સામે આવ્યા છે. માહિતી મુજબ, દક્ષિણ ગુજરાતના આદિવાસી પટ્ટામાં ચાલતા કથિત ધર્માંતરણના કાળા કારોબાર પર પોલીસે સકંજો કસ્યો છે. પોલીસને સુરતના માંડવી તાલુકામાં સામે આવેલા ધર્માંતરણ કેસમાં વધુ એક મોટી સફળતા મળી છે. જેમાં મીનાબેન ચૌધરી નામની મહિલા શિક્ષિકાની ધરપકડ કરવામાં આવી  છે. આ સાથે જ કુલ આરોપીઓની સંખ્યા 6 પર પહોંચી છે.

નર્મદા જિલ્લાના સાગબારા તાલુકામાં એકલવ્ય મોડેલ સ્કૂલના લોકાર્પણનો કાર્યક્રમ યોજાયો હતો. આ કાર્યક્રમમાં સાંસદ મનસુખ વસાવા સહિતના મંત્રી-સ્થાનિક આગેવન અને જિલ્લા કલેક્ટર ઉપસ્થિત રહ્યા હતા. પરંતુ ત્યાં ધારાસભ્ય ચૈતર વસાવાને કાર્યક્રમમાં આવવા માટે આમંત્રણ ન અપાતા તેઓ નર્મદા જિલ્લાના કલેક્ટર પર ગરમ થઇ ગયા હતા. ઉપરાંત ચૈતર વસાવાએ સ્ટેજ પરથી વડાપ્રધાનના કાર્યક્રમમાં થયેલા ખર્ચની વાત કરતા મનસુખ વસાવાએ વળતો જવાબ આપ્યો હતો. આ દરમિયાન મામલો વધુ ગરમાયો હતો.

અમરેલી જિલ્લામાં ભાડેર ગામની સીમમાં આવેલી વશરામ સેંજલીયાની વાડીમાં કોઈનું શબ દાટેલું હોવાની માહિતી પોલીસને મળી હતી. આ માહિતીના આધારે ધારી પોલીસ કાફલો ઘટનાસ્થળે દોડી ગયો હતો. મામલતદાર તંત્રની હાજરીમાં જમીનનું ખોદકામ કરવામાં આવતા અંદરથી માનવ હાડપિંજર મળી આવ્યું હતું. આ અંગે પોલીસે તપાસ કરતા ચોંકાવનારો ખુલાસો થયો છે. સગા પિતાએ જ પોતાના પુત્રની હત્યા કરી મૃ*તદેહને જમીનમાં દાટી દીધો હતો. ઘટનાને પગલે પોલીસે હાલ આરોપી પિતાની અટકાયત કરી છે.

છેલ્લા કેટલાય સમયથી ચર્ચાય રહેલા કલેક્ટર રાજેન્દ્ર પટેલના જમીની કૌભાંડમાં ચોંકાવનારા ખુલાસાઓ બાદ તપાસનો ધમધમાટ શરૂ છે. ત્યારે હવે સુરેન્દ્રનગરના તત્કાલીન કલેક્ટર રાજેન્દ્ર પટેલની ED  દ્વારા ધરપકડ કરવામાં આવી છે. માહિતી મુજબ, અંદાજે 1500 કરોડ રૂપિયાના જમીન કૌભાંડ મામલે EDની ત્રણ ટીમોએ ગાંધીનગર સ્થિત તેમના નિવાસસ્થાને લાંબી પૂછપરછ કર્યા બાદ આ કડક કાર્યવાહી કરી છે. ઉપરાંત, તેમને વિશેષ અદાલતમાં રજૂ કરીને રિમાંડની માગ કરવામાં આવશે.

વડોદરાથી એક ચોંકાવનારા સમાચાર પ્રકાશમાં આવ્યા છે. સંસ્કારી નગરી ગણાતા વડોદરામાં પ્રેમસંબંધમાં હત્યાની એક હચમચાવી દે તેવી ઘટના સામે આવી છે. શરૂઆતમાં અકસ્માત કે આત્મહત્યા લાગતી આ ઘટનામાં પોસ્ટમોર્ટમ રિપોર્ટે સત્ય ઉજાગર કર્યું હતું. એક યુવકને યુવતી જેમની વચ્ચે છેલ્લા ત્રણ વર્ષથી પ્રેમ સંબંધ હતા. પરિવારની સહમતીથી તેમની સગાઇ પણ થઈ ગઈ હતી અને ટૂંક સમયમાં લગ્ન થનાર હતા. અને અચાનક આ હત્યાએ આ સંબંધને કરુણ અંજામ આપ્યો હતો.

નવા વર્ષના વધામણા વચ્ચે વાતાવરણમાં પલટો આવતા લોકોમાં ચિંતામાં મુકાયા છે. ખાસ ખેડૂતોની હાલત કફોડી બની છે. ગુજરાતમાં હાલ વેસ્ટર્ન ડિસ્ટર્બન્સની અસરને કારણે મિશ્ર વાતાવરણનો અનુભવ થઈ રહ્યો છે. નવા વર્ષની આગળની સાંજે રાજ્યમાં અનેક સ્થળોએ વરસાદી ઝાપટાં પડ્યા છે, તો બીજી તરફ સવારે ઠંડીનો ચમકારો પણ જોવા મળ્યો છે. અને હવામાન વિભાગની આગાહી અનુસાર આવનારા 12 કલાક પણ ગુજરાતનું હવામાન આમ જ ડામાડોળ રહેશે. વહેલી સવારથી જ પોરબંદર અને દ્વારકાના ગ્રામ્ય વિસ્તારોમાં ઝરમર વરસાદ પડતા શિયાળુ પાકને નુકસાન થવાની ભીતિ સેવાઈ રહી છે.

બગદાણા ધામ વિવાદ મુદ્દે મોટા સમાચાર સામે આવ્યા છે. લોક સાહિત્યકાર માયાભાઈ આહીર દ્વારા મેનેજિંગ ટ્રસ્ટી શબ્દનો ઉપયોગ કરવાના વિવાદમાં નવો વળાંક સામે આવ્યો છે. સેવક નવનીતભાઈને અજાણ્યા ઇસમો માર મરતા હોવાનો વીડિયો સોશિયલ મીડિયામાં વાયરલ થયો છે. ત્યારે ચાલો જાણીએ શું છે આખો મામલો?

હાલ ગુજરાતમાં સમાજના ઠેકેદારો પ્રેમ લગ્નને મુદ્દો બનાવી ભારે હોબાળો કરી રહ્યા છે. તાજેતરમાં જ કિંજલ દવેની સગાઈનો વિવાદ ખૂબ ચર્ચામાં રહ્યો હતો. ત્યારે હવે સુરતની જાણીતી પાટીદાર સિંગર આરતી સાંગાણીના પ્રેમ લગ્નને લઈને સર્જાયેલો વિવાદ થંભવાનું નામ નથી લઈ રહ્યો. જે હવે તેના વ્યવસાયિક કાર્યક્રમો સુધી પહોંચ્યો છે. માહિતી મુજબ, શહેરના કતારગામ સ્થિત મોટી વેડ વિસ્તારમાં આયોજિત એક લગ્ન પ્રસંગમાં પાટીદાર યુવાનો દ્વારા ઉગ્ર વિરોધની શક્યતાને પગલે આરતી સાંગાણીનો કાર્યક્રમ આયોજકો દ્વારા છેલ્લી ઘડીએ રદ કરવામાં આવ્યો હતો.

તાજેતરમાં જ અમદાવાદનો સુભાષ બ્રિજ તોડીને નવો બનાવવાની જાહેરાત કરવામાં આવી હતી. આ સાથે જ 2 લેનનો નવો બ્રિજ પણ બનાવવાની વાત કહેવામાં આવી હતી, ત્યારે હવે એવી માહિતી મળી રહી છે કે અમદાવાદનો વધુ એક બ્રિજ તોડીને નવો બનાવવામાં આવશે. ચાલો જાણીએ આ અંગે વિસ્તૃત માહિતી.