Gujarat

સુરત: શહેરના ગીચ વસ્તી ધરાવતા ઝાંપા  બજાર વિસ્તારમાં દેવડી મુબારક પાસેની ચાર ગલીઓ વ્હોરા સમાજના દાવત ટ્રસ્ટને ફાળવી દેવાનો તઘલખી નિર્ણય સુરત  મ્યુનિસિપલ કોર્પોરેશન દ્વારા લેવામાં આવ્યો હતો. એ પછી SidhiKhabar.comદ્વારા વખતોવખત આ મુદ્દે પ્રજાનો પક્ષ અને આક્રોશ રજુ કરાયો હતો. જો કે આ મામલે તંત્ર અગમ્ય કારણોસર સામી ચૂંટણીએ લોક રોષને અવગણતું આવ્યું છે.

ગુજરાતના મહેસાણા બાદ વધું એક જિલ્લામાંથી સગીર છોકરીઓના ગર્ભવતી થવાના ચોંકાવનારા આંકડા સામે આવ્યાં છે. જે સમાજ માટે ગંભીર ચિંતાનો વિષય બન્યા છે. બોટાદ જિલ્લા આરોગ્ય વિભાગના સત્તાવાર આંકડા મુજબ, છેલ્લા ત્રણ વર્ષમાં કુલ 427 સગીરા ગર્ભવતી બની હોવાનું સામે આવ્યું છે. જે તંત્રની કામગીરી અને સામાજિક જાગૃતિ સામે ગંભીર સવાલો ઊભા કરે છે. ઉલ્લેખનીય છે કે, હજુ સુધી આ મામલે આ તમામ બાળાઓના લગ્ન થયા છે કે નહીં એ સામે નથી આવ્યું.

સુરતમાં 7 વર્ષની બાળકીની દીક્ષા મામલે ફેમિલી કોર્ટએ મહત્વપૂર્ણ ચુકાદો આપ્યો છે. કોર્ટે સ્પષ્ટ કર્યું છે કે, બાળકના જીવન સંબંધિત મોટા નિર્ણયો બંને માતા-પિતાની સંમતિ અને કોર્ટની મંજૂરી વગર લઈ શકાતા નથી. હાલ કોર્ટની મંજૂરી મળ્યા વગર બાળકીની દીક્ષા નહીં થઈ શકે. સુરત શહેરમાં રહેતા એક પિતા દ્વારા કોર્ટમાં દાખલ કરાયેલી અરજી બાદ આ મામલો સામે આવ્યો છે.

પી.પી. સવાણી પરિવારના આંગણે દર વર્ષે યોજાતા પિતાની છત્રછાયા ગુમાવેલી દીકરીના ભવ્ય લગ્ન સમારોહમાં આજે બીજા દિવસે સમાજના અનેક મહાનુભાવો અને અધિકારીઓની હાજરીમાં કન્યા વિદાયના લાગણીશીલ દૃશ્યો સર્જાયા હતા. દરેક દીકરીના માથે હાથ મૂકીને મહેશ સવાણી પિતા તરીકેની હુંફ આપી હતી. આ અનોખા લગ્ન સમારોહ સમૂહમાં યોજાય છે, પણ એમાં દરેક દીકરીને પોતાનો પ્રસંગ લાગે એવી રીતે ઉજવાય છે.

પ્રજા પોલીસ પાસે સુરક્ષાની આશા રાખે છે, તે જ પોલીસ હવે પ્રજા સામે દાદાગીરી પર ઉતરી આવી હોય તેવા 2 શરમજનક કિસ્સા સામે આવ્યા છે, જેમાં એક અમદાવાદનાં પાલડીનો છે, જ્યારે અન્ય એક કિસ્સો સુરતથી પ્રકાશમાં આવ્યો છે. ગુજરાતના ગૃહરાજ્ય મંત્રી હર્ષ સંઘવી દ્વારા વારંવાર પોલીસને જનતા સાથે સૌમ્ય અને મર્યાદિત વર્તન કરવાની સૂચના આપવામાં આવે છે. ખાસ કરીને તેમને બે દિવસ અગાઉ જ અમદાવાદના એક કાર્યક્રમમાં પ્રજા સાથે પોલીસના વર્તનની પ્રશંસા કરી હતી, ત્યારે આ પ્રકારે કાયદાના રક્ષક મટીને ભક્ષક બનવાની ઘટનાઓ સામે આવતા તંત્રની કામગીરી પર ગંભીર સવાલો ઊભા થયા છે. ચાલો આ બંને જગ્યાએ બનેલી ઘટના અંગે માહિતી મેળવીએ.

અમદાવાદની એક કોર્ટે કોંગ્રેસ પાર્ટી અને તેના 4 નેતાઓને સોશિયલ મીડિયા પ્લેટફોર્મ પરથી વડાપ્રધાન નરેન્દ્ર મોદી અને ઉદ્યોગપતિ ગૌતમ અદાણીનો 'ડીપફેક' વીડિયો દૂર કરવાનો આદેશ આપ્યો છે. સાથે જ કોર્ટે કોંગ્રેસ અને તેના નેતાઓને શો કોઝ નોટિસ પણ આપી છે.

ચૂંટણી પંચ ભારતના ઘણા રાજ્યોમાં મતદાર યાદીઓ સુધારવા માટે સ્પેશિયલ ઇન્ટેન્સિવ રિવિઝન (SIR) પ્રક્રિયા હાથ ધરી રહ્યું છે. આ સંદર્ભમાં શુક્રવારે ગુજરાતમાં SIRના આંકડા જાહેર કરવામાં આવ્યા હતા. ચૂંટણી પંચના ડેટા અનુસાર, ગુજરાતમાં SIR હેઠળ મતદાર યાદીમાંથી આશરે 73.73 લાખ મતદારોને દૂર કરવામાં આવ્યા છે. SIR પ્રક્રિયા દરમિયાન ચૂંટણી પંચે રાજ્યમાં 4 કરોડ 34 લાખ મતદારોના નામ નોંધ્યા હતા. હાલમાં, આ ડ્રાફ્ટ મતદાર યાદી પર દાવા કરી શકાય છે. દાવાની અવધિ પૂર્ણ થયા બાદ તેને અંતિમ સ્વરૂપ આપવામાં આવશે.

રાજ્યમાં છેલ્લા દોઢ મહિનાથી SIR પ્રક્રિયા ચાલી રહી છે. પ્રક્રિયા પૂર્ણ થયા બાદ, ડ્રાફ્ટ મતદાર યાદી તૈયાર કરવામાં આવી છે. છેલ્લા દોઢ મહિનામાં રાજ્યમાં 4 કરોડ 34 મતદારોના નામ નોંધાયા છે. આ ઉપરાંત 5.08 કરોડ મતદારોમાંથી, 73.73 લાખ મતદારોને ડ્રાફ્ટમાંથી દૂર કરવામાં આવ્યા છે. ચૂંટણી પંચના જણાવ્યા અનુસાર, દાવો કરવા માંગતા કોઈપણ વ્યક્તિ 18 જાન્યુઆરી સુધી આમ કરી શકે છે. ત્યારબાદ, અંતિમ તબક્કાનું કામ 10 ફેબ્રુઆરી સુધીમાં પૂર્ણ થશે, ત્યારબાદ 17 ફેબ્રુઆરી 2026 સુધીમાં અંતિમ યાદી જાહેર કરવામાં આવશે.

ગુજરાતમાં SIR ના આંકડા

સ્થાનાંતરણ/ગેરહાજર - 51.86 લાખ, 10.20%

વિવિધ સ્થળોએ ERમાં નોંધાયેલા - 3.81 લાખ, 0.75%

મૃતકો - 18.07 લાખ, 3.55%

મતદારો પાસેથી EF એકત્રિત- 4.34 કરોડ, 85.50%

સુરતના ભીમરાડ વિસ્તારમાં બિલ્ડરની ઘોર બેદરકારીનો ભોગ નિર્દોષ મધ્યમવર્ગીય પરિવારો બન્યા છે. ભીમરાડ સ્થિત 'શિવ રેસિડેન્સી'ના 4 ટાવરના 15 વર્ષથી રહેતા 400 પરિવારોને પોતાના સપનાના ઘર છોડીને રસ્તા પર આવવાનો વારો આવ્યો છે. આ મામલે કાર્યવાહી કરતાં કોર્પોરેશને બિલ્ડર, એન્જિયર સહિત 4ના લાયસન્સ સસ્પેન્ડ કર્યા છે.

17 ડિસેમ્બરે અમદાવાદ, ગાંધીનગર, કલોલ સહિતની 26 શાળાઓમાં ધમકીભર્યા ઈ-મેલ મળ્યા હતા. ધમકીને લઈને અમદાવાદની કેટલીક સ્કૂલોમાં રજા જાહેર કરી દેવાઈ હતી. તો આજે વડોદરા કલેક્ટર કચેરીને બોંબની ધમકી મળી છે.

દાંતા તાલુકાના પાડલીયા ગામે જમીન વિવાદને લઈને સર્જાયેલી હિંસક ઘટના બાદ આદિવાસી સમાજમાં ભારે રોષ જોવા મળી રહ્યો છે. તો બીજી તરફ આ ઘટના હવે રાજકીય સ્વરૂપ ધારણ કરી રહી છે. પહેલા ધારાસભ્ય કાંતિભાઈ ખરાડીએ સ્થાનિક લોકો અને આગેવાનો સાથે બેઠક કરી હતી, ત્યારબાદ ડેડીયાપાડાના આમ આદમી પાર્ટી (AAP)ના ધારાસભ્ય ચૈતર વસાવા, વિદ્યાર્થી નેતા યુવરાજસિંહ જાડેજા સહિતના આપ નેતાઓ પણ ત્યાં પહોંચ્યા હતા. તેમણે આદિવાસી સમાજના લોકોને તેમની સાથે રહીને કાયદાકીય લડાઈ લડવામાં સાથ આપવા માટે તૈયારી દર્શાવી છે. ચૈતર વસાવાએ આ મામલે શું-શું કહ્યું? તેની વિગત જાણતા પહેલા પાડલીયા ગામે શું ઘટના બની હતી તેના પર એક નજર કરીએ.