બોલિવૂડના વરિષ્ઠ અભિનેતા અને પૂર્વ સાંસદ ગોવિંદાને મંગળવારે રાત્રે જુહુની ક્રિટિકેર હોસ્પિટલમાં દાખલ કરવામાં આવ્યા છે. 61 વર્ષીય અભિનેતા પોતાના ઘરે અચાનક બેહોશ થઈ ગયા હતા, ત્યારબાદ તેમને તાત્કાલિક હોસ્પિટલ લઈ જવામાં આવ્યા હતા. તેમના મિત્ર અને કાયદાકીય સલાહકાર લલિત બિંદલે આ માહિતી આપી હતી.
લલિત બિંદલે કહ્યું કે, ગોવિંદાજી અચાનક બેભાન થઈ ગયા બાદ તેમને ક્રિટિકેર હોસ્પિટલમાં લઈ જવામાં આવ્યા હતા. હાલમાં તેઓ ડૉક્ટરોની દેખરેખમાં છે. અભિનેતાના તમામ મહત્ત્વપૂર્ણ પેરામીટર પર નજર રાખવામાં આવી રહી છે અને ડૉક્ટરો જરૂરી પરીક્ષણો કરી રહ્યા છે.