Trump Tariff: ટ્રમ્પે BRICS દેશોને આપી દીધી એક્સ્ટ્રા ટેરિફની ધમકી, શું ભારત પર પણ વધારશે ટેક્સ?
Trump Threatens 10 percent Tariff for Anti American BRICS Policies: અમેરિકાના રાષ્ટ્રપતિ ડોનાલ્ડ ટ્રમ્પે BRICS દેશોના સભ્યોને ચેતવણી આપી છે. તેમણે કહ્યું છે કે, તેઓ અમેરિકા વિરોધી કોઈપણ નીતિનું સમર્થન કરનારા દેશો પર વધારાનો ટેરિફ લગાવશે. તેમના મતે, અમેરિકાનો વિરોધ કરવા પર BRICS દેશોના સભ્યો પર વધારાનો 10 ટકા ટેરિફ લગાવશે. ટ્રમ્પનું આ નિવેદન BRICS 2025 શિખર સંમેલનમાં ઈરાન પર અમેરિકા અને ઇઝરાયલના હુમલાઓની નિંદા બાદ આવ્યું છે.
બ્રાઝિલમાં આયોજિત BRICS 2025 શિખર સંમેલન, 10 સભ્ય દેશો- બ્રાઝિલ, ચીન, ઇજિપ્ત, ઇથોપિયા, ભારત, ઇન્ડોનેશિયા, ઈરાન, રશિયન સંઘ, દક્ષિણ આફ્રિકા, સંયુક્ત આરબ અમીરાત (UAE)એ ઈરાની પરમાણુ અને લશ્કરી સુવિધાઓ પર અમેરિકા-ઇઝરાયલના હુમલાઓની નિંદા કરી અને હુમલાઓને ગેરકાયદેસર ગણાવ્યા. આ ઉપરાંત, બ્રાઝિલ શિખર સંમેલનમાં, ભારતના વડાપ્રધાન નરેન્દ્ર મોદીએ વૈશ્વિક દક્ષિણમાં હુમલાના મામલાઓમાં આતંકવાદ પ્રત્યેના બેવડા ધોરણોનો પર્દાફાશ કર્યો.
BRICS દેશોના સંયુક્ત ઘોષણામાં જમ્મુ-કાશ્મીરના પહેલગામમાં થયેલા હુમલાની નિંદા કરવામાં આવી. BRICS દેશોએ આતંકવાદીઓની સરહદ પારની હિલચાલ, આતંકવાદને ભંડોળ અને સુરક્ષિત આશ્રયસ્થાનો સામે લડવા હાકલ કરી. નિવેદનમાં કહેવામાં આવ્યું છે કે, ‘અમે આતંકવાદ પ્રત્યે શૂન્ય સહિષ્ણુતા સુનિશ્ચિત કરવા અને આતંકવાદ સામે લડવામાં બેવડા ધોરણોને નકારવા વિનંતી કરીએ છીએ.’
આ ઉપરાંત, સંયુક્ત ઘોષણાપત્રમાં અમેરિકાનું નામ લીધા વિના ટેરિફમાં આડેધડ વધારાની ટીકા કરવામાં આવી હતી અને કહેવામાં આવ્યું હતું કે આવા પગલાં વૈશ્વિક વેપારને નબળા પાડવા અને વૈશ્વિક પુરવઠા શૃંખલાઓને વિક્ષેપિત કરવાનો ભય છે. ઉલ્લેખનીય છે કે, અમેરિકાએ પહેલાથી જ ચીન અને ભારત પર ભારે ટેરિફ લગાવવાની જાહેરાત કરી છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp