WAR UPDATES

2026માં દુનિયા એક એવા સમયગાળામાં પ્રવેશી રહી છે જ્યાં રાજકીય પરિવર્તન, આર્થિક અનિશ્ચિતતા અને સરહદી વિવાદો નવા સંકટને જન્મ આપી શકે છે. સુરક્ષા નિષ્ણાતો અને દેખરેખ એજન્સીઓ ચેતવણી આપી રહ્યા છે કે આવનારું વર્ષ ઘણા દેશો માટે અત્યંત અસ્થિર સાબિત થઈ શકે છે. એક તરફ ઘણા પ્રદેશોમાં ચાલી રહેલા સંઘર્ષો અને નબળી સરકારો પરિસ્થિતિને વધુ ખરાબ કરી રહી છે. બીજી તરફ, વિવાદિત ચૂંટણીઓ, પ્રાદેશિક જોડાણોમાં ફેરફાર અને વધતી લશ્કરી પ્રવૃત્તિ નવા ભૂ-રાજકીય તણાવનું કારણ બની શકે છે.

અત્યારે સમગ્ર દેશના લોકો માટે દિલ્હીનું વાયુ પ્રદુષણ ચિંતાનો વિષય બન્યો છે. પરંતુ અહીં વાયુ પ્રદુષણની રેસમાં ભારતના અન્ય મોટા શહેરો પણ સામેલ થઇ ચુક્યા છે. દિલ્હીમાં પ્રદૂષણની જે ગંભીર સ્થિતિ સર્જાય છે તેવી જ ગંભીર હવામાન પરિસ્થિતિ હવે ગુજરાતના અમદાવાદ, રાજકોટ અને સુરત જેવા મેટ્રો શહેરમાં જોવા મળી રહી છે. શહેરમાં એર ક્વોલિટી ઈન્ડેક્સ (AQI)ના આંકડાઓ વધી રહેલા પ્રદુષણને દર્શાવી રહ્યા છે, જે 'ખૂબ જ ખરાબ' શ્રેણીમાં આવે છે. રાજકોટના અનેક વિસ્તારોમાં હવાનું પ્રદૂષણ ઉચ્ચતમ સ્તરે નોંધાયું છે.

આગાહી મુજબ કેરળ અને તમિલનાડુના દરિયાકાંઠાના વિસ્તારોમાં છેલ્લા ત્રણ-ચાર દિવસથી ભારે વરસાદ પડી રહ્યો છે.  ત્યારે આવનારા 24 કલાક આ રાજ્યો માટે વધુ મુશ્કેલીઓ ઊભી કરી શકે છે. બંગાળની ખાડીના ઉપરના ભાગમાં એક શક્તિશાળી ચક્રવાત સક્રિય થઈ રહ્યું છે, જે ટૂંક સમયમાં જ શક્તિશાળી ચક્રવાત સેન-યારમાં ફેરવાઈ શકે છે. આ વાવાઝોડાના કારણે અંદામાન અને નિકોબાર, તમિલનાડુ, તેલંગાણા અને આંધ્ર પ્રદેશમાં ભારે વરસાદ પડી શકે છે, જેના પગલે IMD દ્વારા એલર્ટ જારી કરવામાં આવ્યું છે.

ગુજરાતમાં એક તરફ ઠંડીનું જોર વધી રહ્યું છે તો બીજી તરફ વાવાઝોડાનું સંકટ મંડરાઈ રહ્યું છે. ત્યારે હવે જગતના તાતને ફરી ઘાતનો સામનો કરવો પડી શકે તેમ છે. હવામાન નિષ્ણાંત અંબાલાલ પટેલે આગાહી કરતાં જણાવ્યું છે કે, કાતિલ ઠંડી સાથે ભયંકર વાવાઝોડું આવી રહ્યું છે. આ વાવાઝોડાની ગતિ 100 કિમી પ્રતિ કલાકની રહેવાની શક્ચતા છે.

ચોમાસાની વિદાય બાદ ગુજરાતમાં ફરી એકવાર વાતાવરણ ખુબ જ ડહોળાય તેવી આગાહી હવામાન વિભાગ દ્વારા કરવામાં આવી છે. રાજ્યમાં કમોસમી વરસાદની આગાહી વચ્ચે આજે શનિવારે વહેલી સવારે મહેસાણા, ઊંઝા, પાલનપુર સહિત આસપાસના વિસ્તારમાં વાતાવરણમાં અચાનક પલટો આવ્યો હતો. કારતક મહિનામાં એકથી દોઢ ઇંચ વરસાદ ખાબકતાં અષાઢી માહોલ જામ્યો હતો. આગામી 3 દિવસ રાજ્યના કેટલાક વિસ્તારોમાં વરસાદની શક્યતા પણ હવામાન વિભાગ દ્વારા વ્યક્ત કરવામાં આવી છે.

અરબ સાગર અને બંગાળની ખાડીમાં સર્જાયેલી સિસ્ટમના કારણે આગામી 25 થી 27 ઓક્ટોબર સુધી રાજ્યમાં કમોસમી વરસાદની આગાહી કરવામાં આવી છે. હવામાન વિભાગે આગામી ત્રણ દિવસ માટે છૂટાછવાયા કમોસમી વરસાદની આગાહી કરી છે તો કેટલાક જિલ્લાઓમાં ભારે વરસાદ પડવાની સંભાવના વ્યક્ત કરી છે. દરિયાકાંઠે પવનની ગતિ વધીને 55 KMPH સુધી પહોંચવાની શક્યતા છે. જેને અનુસંધાને હવે દરિયો ન ખેડવા માટે સુચના આપવામાં આવી છે.

ફરી એકવાર રશિયા દ્વારા યુક્રેન પર એક મોટો હુમલો કરવામાં આવ્યો છે. મળતી માહિતી પ્રમાણે,ગુરુવારે વહેલી સવારે શક્તિશાળી વિસ્ફોટોથી કિવ હચમચી ઉઠ્યું, જેનાથી આકાશમાં પ્રકાશ છવાઈ ગયો અને ધુમાડાના ગોટા છવાઈ ગયા હતા. કારણ કે રશિયન પ્રોજેક્ટાઇલ્સે શહેરના અનેક જિલ્લાઓમાં ઇમારતોને નુકસાન પહોંચાડી નાશ કર્યો છે. યુક્રેનની રાજધાની પર થયેલા આ હુમલામાં બે બાળકો સહિત ઓછામાં ઓછા આઠ લોકો માર્યા ગયા છે, અને ડઝનબંધ લોકો ઘાયલ થયા છે.

રશિયા-યુક્રેન યુદ્ધને રોકવા માટે અમેરિકી રાષ્ટ્રપતિ ટ્રમ્પ ગમે તેટલા પ્રયાસો કરી રહ્યા હોય, પરંતુ આ યુદ્ધ અટકતું દેખાઈ રહ્યું નથી. યુક્રેને રવિવારે રશિયા પર મોટા પાયે ડ્રોન હુમલા કર્યા. જેના કારણે રશિયાના સૌથી મોટા પરમાણુ પાવર પ્લાન્ટમાંના એક કુર્સ્ક ન્યુક્લિયર પ્લાન્ટના રિએક્ટરની ક્ષમતામાં તીવ્ર ઘટાડો થયો અને મુખ્ય ઉસ્ત-લુગા ફ્યુઅલ નિકાસ ટર્મિનલમાં ભીષણ આગ લાગી.

રશિયન સંરક્ષણ મંત્રાલયના જણાવ્યા અનુસાર, 24 ઓગસ્ટના રોજ 12 થી વધુ રશિયન પ્રદેશોમાં 95 યુક્રેનિયન ડ્રોનને તોડી પાડવામાં આવ્યા હતા. આ હુમલો એ દિવસે થયો હતો જ્યારે યુક્રેન 1991માં સોવિયેત યુનિયનથી સ્વતંત્રતાની ઘોષણાની વર્ષગાંઠની ઉજવણી કરી રહ્યું હતું. યુક્રેનિયન સરહદથી લગભગ 60 કિમી દૂર આવેલા કુર્સ્ક ન્યુક્લિયર પ્લાન્ટ વહીવટીતંત્રએ જણાવ્યું હતું કે હવાઈ સંરક્ષણ વિભાગે એક ડ્રોનને તોડી પાડ્યું હતું. પરંતુ તેના વિસ્ફોટથી સહાયક ટ્રાન્સફોર્મરને નુકસાન થયું અને રિએક્ટર નંબર-3ની કાર્યકારી ક્ષમતા 50% ઘટી ગઈ.

ગુજરાતમાં આગામી પાંચ દિવસ ભારેથી અતિભારે વરસાદ પડવાની સંભાવના હવામાન વિભાગ દ્વારા વ્યક્ત કરવામાં આવી છે. ખાસ કરીને જુનાગઢ, સાબરકાંઠા સહિતના ૮ જિલ્લાઓમાં અતિભારે વરસાદ વરસી શકે તેવી આગાહી કરવામાં આવી છે. આ સંભવિત ખતરાને ધ્યાનમાં રાખીને તમામ બંદરો પર 3 નંબરનું સિગ્નલ લગાવી દેવામાં આવ્યું છે. જ્યારે દરિયામાં પવનની ગતિ 40થી 50 કિલોમીટર પ્રતિ કલાકની રહેવાની શક્યતાને કારણે માછીમારોને આગામી 5 દિવસ સુધી દરિયો ન ખેડવાની સૂચના આપવામાં આવી છે.

ગુજરાતમાં ૨૫ તારીખ સુધી ભારે વરસાદની આગાહી હતી. પરંતુ ગુજરાતના મોટાભાગના વિસ્તારોમાં બે દિવસથી વાદળ બંધાય છે પણ જોઈએ તેવો વરસાદ નથી પડી રહ્યો? ત્યારે એક હવામાન નિષ્ણાતે આ પાછળ કેટલાક કારણો જવાબદાર ઠેરવ્યા હતા.

ગુજરાતમાં સિસ્ટમ આવી અને માત્ર એક જ દિવસમાં અનરાધાર વરસાદ વરસાવીને જતી રહી. ત્યારે હવે વરસાદની માત્રા એકદમ ઘટી ગઈ છે. ગુજરાતના વાતાવરણમાં પૂરતો ભેજ હોવા છતાં જોઈએ એટલો વરસાદ નથી થઈ રહ્યો. કારણ કે, બંગાળની ખાડીમાંથી વાયા મહારાષ્ટ્ર થઈને જે સિસ્ટમ આવી હતી એ ગુજરાતમાં વધારે સમય રોકાવાના બદલે ખૂબ ઝડપથી પસાર થઈને રાજસ્થાન પહોંચી ગઈ હતી.

ગુજરાતમાં લાંબા સમયથી ગાયબ એવા વરસાદનો બીજો રાઉન્ડ ધડબડાટી બોલાવી રહ્યો છે. લાંબા વિરામ બાદ શરૂ થયેલ વરસાદ ચોતરફ મેઘમહેર વરસાવી રહ્યો છે. હવામાન વિભાગની માહિતી અનુસાર, જન્માષ્ટમીના રોજ સવારે 6 વાગ્યાથી બપોરે 12 વાગ્યા સુધીમાં અમદાવાદમાં 1.22 ઈંચ જેટલો વરસાદ ખાબક્યો હતો. આ સિવાય ગાંધીનગરમાં 0.94 ઈંચ, સુરતમાં 0.43 ઈંચ, છોટા ઉદેપુરમાં 0.39 ઈંચ અને નર્મદામાં 0.35 ઈંચ જેટલો વરસાદ નોંધાયો હતો. આ સિવાય તાપીમાં 0.24, વલસાડ 0.12, જૂનાગઢ અને બનાસકાંઠામાં 0.08, તેમજ મહેસાણા, કડી, ડાંગ, નવસારી અને તાપીમાં 0.04 ઈંચ વરસાદ નોંધાયો હતો. ગુજરાતમાં અત્યાર સુધી સીઝનનો 65 ટકા વરસાદ પડ્યો છે.