WAR UPDATES

યુક્રેને રશિયાના 4 મહત્ત્વપૂર્ણ એરબેઝ ઓલેન્યા અને બેલાયા પર હુમલો કર્યો છે. યુક્રેનિયન સેનાએ આ હુમલામાં ડ્રોનનો ઉપયોગ કર્યો છે. કહેવામાં આવી રહ્યું છે કે જે એરબેઝને નિશાન બનાવવામાં આવ્યા છે તે રશિયા-યુક્રેન સરહદની ખૂબ અંદર સ્થિત છે. યુક્રેનિયન મીડિયા રિપોર્ટ્સ અનુસાર, આ હુમલો યુક્રેનિયન સેના દ્વારા અત્યાર સુધીનો સૌથી મોટો ડ્રોન હુમલો હતો. યુક્રેને ખાસ કરીને એ એરબેઝને નિશાન બનાવ્યું છે, જેનો ઉપયોગ રશિયા બોમ્બમારો કરવા માટે કરી રહ્યું હતું.

યુક્રેને કહ્યું છે કે તેણે રશિયાની અંદર સ્થિત ઘણા એરબેઝ પર ડ્રોનથી હુમલો કર્યો છે, જેમાં 40થી વધુ રશિયન બોમ્બરોનો તબાહ કર્યા છે, જેનો ઉપયોગ રશિયા યુક્રેન પર બોમ્બમારો કરવા માટે કરી રહ્યું હતું. યુક્રેનનું કહેવું છે કે આ એજ વિમાનો છે જે ઘણીવાર યુક્રેન ઉપર ઉડાણ ભારે છે અને બોમ્બ ફેંકે છે. યુક્રેને રશિયાના મારમંસ્કમાં ઓલેન્યા એર બેઝ, ઇરકુત્સ્કમાં બેલાયા એરબેઝ, ઇવાનોવોમાં ઇવાનોવો એરબેઝ અને ડાયાગિલેવ એરબેઝને નિશાન બનાવ્યા છે.

રશિયાએ રવિવારે (25 મે, 2025) એક મોટો આરોપ લગાવ્યો હતો કે યુક્રેને રાષ્ટ્રપતિ પુતિનના હેલિકોપ્ટર પર ડ્રોન હુમલો કર્યો હતો. રશિયન પક્ષનો આરોપ છે કે આ અઠવાડિયે પુતિનની કુર્સ્ક મુલાકાત દરમિયાન, તેમનું હેલિકોપ્ટર ડ્રોન હુમલા હેઠળ આવ્યું હતું છતા ઉડતું રહ્યું. રશિયન એર ડિફેન્સે રાષ્ટ્રપતિ પુતિનની સુરક્ષા સુનિશ્ચિત કરી.

ઇઝરાયેલના લેબનોનમાં હવાઇ હુમલા ચાલુ છે. આ હુમલાઓમાં ઇઝરાયેલે હમાસની લેબનોન શાખાના કમાન્ડર ફતેહ શેરિફને મોતને ઘાટ ઉતારી દીધો છે. ઇઝરાયેલની વાયુસેનાએ આ જાણકારી આપી છે. ઇઝરાયેલી રક્ષા દળ (IDF)એ સોમવારે (30 સપ્ટેમ્બર) જણાવ્યું હતું કે તેણે એક હુમલો કર્યો, જેમાં હમાસની લેબનોન શાખાના વડા ફતાહ શેરિફનું મોત થયું. IDFએ સોશિયલ મીડિયા પ્લેટફોર્મ X (અગાઉ ટ્વીટર) પર એક પોસ્ટમાં જણાવ્યું હતું કે હુમલો વહેલી સવારે ચોકસાઇ સાથે કરવામાં આવ્યો હતો.

શેરિફ આજે દક્ષિણ લેબનીઝ શહેર ટાયરમાં અલ-બાસ શરણાર્થી શિબિર પર હવાઇ હુમલામાં તેની પત્ની અને બાળકો સાથે માર્યો ગયો હતો. લેબનોનમાં આતંકવાદી પ્રવૃતિઓના સંકલન પર દેખરેખ રાખતો શેરિફ માત્ર હમાસમાં જ મુખ્ય વ્યક્તિ જ નહોતો, પરંતુ તેણે હમાસને હિઝબુલ્લાહના ઓપરેટિવ્સ સાથે જોડવામાં પણ ભૂમિકા ભજવી હતી.

પહેલા પેજર વિસ્ફોટ, પછી રેડિયો સેટ અને વોકી-ટોકીના વિસ્ફોટ બાદ, ઇઝરાયેલી સેનાએ સતત બીજા દિવસે હિઝબુલ્લાહ પર હવાઈ હુમલા ચાલુ છે. એક રિપોર્ટ અનુસાર, પોતે ઈઝરાયેલની સેનાએ આ જાણકારી આપતા કહ્યું કે તેણે બેરૂતમાં કેટલીક જગ્યાઓ પર હુમલો કર્યો છે.

આ હુમલા બાદ માહિતી આપતા લેબનીઝ સ્વાસ્થ્ય મંત્રાલયે કહ્યું કે બેરૂતના ઉપનગરીય વિસ્તારોમાં ઈઝરાયેલના હુમલામાં ઓછામાં ઓછા આઠ લોકો માર્યા ગયા અને 59 લોકો ઘાયલ થયા. જ્યારે ઈઝરાયેલના એક અધિકારીએ જણાવ્યું કે બેરૂતમાં ઈઝરાયેલ દ્વારા કરવામાં આવેલા હુમલામાં વરિષ્ઠ હિઝબુલ્લાહ સૈન્ય અધિકારી ઈબ્રાહિમ અકીલને નિશાનો બનાવવામાં આવ્યો હતો. આ હુમલાને લઇને ઈઝરાયેલે દાવો કર્યો છે કે હિઝબુલ્લાહના વરિષ્ઠ અધિકારી ઈબ્રાહિમ અકીલ બેરૂત પર તેના હવાઈ હુમલામાં માર્યો ગયો.

આ અગાઉ ઇઝરાયેલી સેનાએ જણાવ્યું હતું કે હિઝબુલ્લાહે શુક્રવારે ઉત્તરી ઇઝરાયેલ પર 140 રોકેટ છોડ્યા હતા. હિઝબુલ્લાના નેતા હસન નસરલ્લાહ દ્વારા ઇઝરાયેલ પર મોટા પ્રમાણમાં બોમ્બ ધડાકા કરીને બદલો લેવાની પ્રતિજ્ઞા લીધાના એક દિવસ બાદ આ હુમલો થયો છે. ઇઝરાયેલી સેનાએ જણાવ્યું હતું કે શુક્રવારે બપોરે ત્રણ વખત રોકેટ છોડવામાં આવ્યા હતા અને જે લેબનાન સાથે તબાહ થઇ ચૂકેલી સરહદ પરના સ્થળોને નિશાનો બનાવવામાં આવ્યા હતા.

રશિયાના સરાતોવમાં 38 માળના વોલ્ગા સ્કાય રેસિડેન્શિયલ કોમ્પ્લેક્સમાં યુક્રેનનો એક ડ્રોન ટકરાઇ ગયો, જે શહેરની સૌથી ઊંચી ઇમારત છે. જેના કારણે ત્યાં ખળભળાટ મચી ગયો હતો. એ સિવાય આ બાબતથી વાકેફ યુક્રેની અધિકારીના જણાવ્યા અનુસાર, યુક્રેને દાવો કર્યો કે તેણે શુક્રવારે સવારે તેણે મોરોવોસ્ક એર બેઝ પર હુમલો કરીને 6 રશિયન ફાઇટર બોમ્બર્સને નષ્ટ કરી દીધા, જે ફ્રન્ટલાઇનથી લગભગ 350 કિલોમીટર દૂર સ્થિત છે. રશિયન સંરક્ષણ મંત્રાલયે ટેલિગ્રામ પર જણાવ્યું કે યુક્રેને રશિયાના રોસ્તોવ, સરાતોવ, કુર્સ્ક અને બેલગોરોડ વિસ્તારોને નિશાનો બનાવતા મોટો હુમલો કર્યો.

Ukraine Russia War: રશિયા અને યૂક્રેન વચ્ચે યુદ્ધ ચરમસીમાએ પહોંચી ગયું છે. યૂક્રેનની સેનાએ રશિયાના ઘણા વિસ્તારો પણ કબજે કર્યા છે. હવે સમાચાર આવ્યા છે કે યૂક્રેને રશિયાની રાજધાની મૉસ્કો પર અત્યાર સુધીનો સૌથી મોટો ડ્રોન હુમલો કર્યો છે. બુધવારે યૂક્રેનથી મૉસ્કો પર અનેક ડ્રૉન છોડવામાં આવ્યા હતા. જો કે, રશિયન સેનાએ તેને તોડી પાડ્યા હતા. રશિયન સેનાએ કહ્યું કે સેનાએ યૂક્રેનના 11 ડ્રૉન તોડી પાડ્યા છે. અધિકારીઓએ જણાવ્યું હતું કે ફેબ્રુઆરી 2022 માં યૂક્રેનમાં યુદ્ધ શરૂ થયા પછી રાજધાની પર આ સૌથી મોટો ડ્રૉન હુમલો હતો.

Middle East, Iran-Israel war: 07 ઓક્ટોબર, 2023ના દિવસે હમાસે હુમલો કરીની અનેક ઈઝરાયેલી નાગરિકોને માર્યા, અનેકને બંધક બનાવ્યા અને અનેક ઈઝરાયેલી સ્ત્રીઓ પર બળાત્કારો કરવામાં આવ્યા. એ પછી મિડલ-ઈસ્ટની પરિસ્થિતિ વકરી છે. ઇઝરાયેલ-હમાસ વચ્ચેના યુધ્ધમાં હિઝબુલ્લાહ અને ઈરાન પણ કૂદી પડ્યા છે. હિઝબોલ્લાહ નેતાઓની હત્યા બાદ ઈઝરાયેલ ઈરાન અને તેના પ્રોક્સીઓ તરફથી સંભવિત હુમલાઓ માટે હાઈ એલર્ટ પર છે. ઈરાને હમાસ નેતાની હત્યા માટે "કઠોર સજા" કરવાની પ્રતિજ્ઞા લીધી છે અને લશ્કરી કવાયત શરૂ કરી છે. જેના કારણે પ્રાદેશિક સંઘર્ષની શક્યતા અંગે ચિંતા વધી છે. એમાં હવે અમેરિકા પણ મેદાને ઉતર્યું છે.

Hezbollah Targets Israel: 2023ની 07 ઓક્ટોબરે હમાસે હિચકારો હુમલો કરીને ઇઝરાયેલના અનેક નિર્દોષ લોકોને મોતને ઘાટ ઉતાર્યા, અને અનેકનું અપહરણ કર્યું. કેટલીય મહિલાઓ પર બળાત્કાર ગુજારીને મોતને ઘાટ ઉતારવામાં આવી. એ પછી મધ્ય-પૂર્વ ભડકે બળી રહ્યું છે. હમાસ અને ઇઝરાયેલની લડાઈમાં હિઝબુલ્લાહ પણ કૂદી પડ્યું છે. એ પછી મધ્ય પૂર્વમાં તણાવ વધી રહ્યો છે. થોડા દિવસો પહેલા ઈઝરાયેલે હિઝબુલ્લાહના સૈન્ય પ્રમુખ ફુઆદ શુકરને એક હુમલામાં મારી નાખ્યો હતો, જેના કારણે હિઝબુલ્લાહ અને યહૂદી રાજ્ય વચ્ચે તણાવ ચરમસીમાએ પહોંચી ગયો હતો. શુકરની હત્યાના થોડા કલાકો પછી, હમાસની રાજકીય પાંખના નેતા ઇસ્માઇલ હાનિયાની તેહરાનમાં હત્યા કરવામાં આવી હતી. ઈરાન, તેના લેબનીઝ સાથી હિઝબુલ્લાહ અને પેલેસ્ટિનિયન જૂથ હમાસે આ હત્યાઓ માટે ઈઝરાયેલને જવાબદાર ઠેરવ્યું છે. શુકરની હત્યાની જવાબદારી ઇઝરાયલે લીધી છે, પરંતુ હનિયા અંગે સત્તાવાર રીતે ટિપ્પણી કરી નથી. તાજા ઘટનાક્રમ મુજબ હિઝબુલ્લાએ રવિવારે રાત્રે ઉત્તરી ઇઝરાયેલ પર લગભગ 30 શેલ છોડ્યા હતા. અહેવાલ મુજબ, હિઝબુલ્લાહ સાથે જોડાયેલી અલ-મયાદીન સાઇટ અનુસાર, હિઝબુલ્લાહે આ બોમ્બ ધડાકાની જવાબદારી લીધી છે. ઈરાન સમર્થિત જૂથે દાવો કર્યો છે કે તેનું લક્ષ્ય લશ્કરી થાણું હતું.

ઇઝરાયેલના અન્ય એક દુશ્મનના મોતની પુષ્ટિ થઇ છે. વાસ્તવમાં ઇઝરાયલે કહ્યું છે કે હમાસના ટોચના સૈન્ય કમાન્ડર મોહમ્મદ દાઇફ જુલાઇમાં માર્યો ગયો હતો. મોહમ્મદ દાઇફ 7 ઓક્ટોબરે ઇઝરાયેલ પર થયેલા હુમલાનો માસ્ટરમાઇન્ડ હતો. એર ​​સ્ટ્રાઇકમાં મોહમ્મદ દાઇફનું મોત થયું હતું. ઇઝરાયેલની સેનાએ ગુરુવારે એક નિવેદન જારી કરીને કહ્યું હતું કે હમાસનો લશ્કરી કમાન્ડર મોહમ્મદ દાઇફ જુલાઇમાં એર સ્ટ્રાઇકમાં માર્યો ગયો હતો. આ એર સ્ટ્રાઇક ગાઝાના દક્ષિણ વિસ્તાર ખાન યુનિસમાં કરવામાં આવી હતી. ઇઝરાયેલ સેનાનું આ નિવેદન હમાસની રાજકીય શાખાના વડા ઇસ્માઇલ હાનિયાના મોતના એક દિવસ બાદ જ આવ્યું છે. હાનિયાની બુધવારે ઇરાનની રાજધાની તેહરાનમાં હત્યા કરી દેવામાં આવી હતી.

ઇઝરાયલે 7 ઓક્ટોબરે પોતાના દેશમાં થયેલા ખૂન-ખરાબાનો બદલો પૂરો કર્યો છે. છેલ્લા 9 મહિનાથી બદલાની આગમાં સળગી રહેલા ઇઝરાયલે બુધવારે સવારે હમાસ ચીફ ઇસ્માઇલ હાનિયાને ઉડાવી દીધો છે. ચોંકાવનારી વાત એ છે કે હાનિયાને ગાજા, પેલેસ્ટાઇન કે કતરમાં નહીં, પરંતુ ઇરાનની રાજધાની તેહરાનમાં માર્યા છે. હમાસે પોતે નિવેદન જાહેર કરીને પોતાના ચિફના મોતની પુષ્ટિ કરી છે. ઉલ્લેખનીય છે કે હમાસ ચીફ ઇસ્માઇલ હાનિયા મંગળવાર (30 જુલાઇ)એ ઇરાનના નવા રાષ્ટ્રપતિ મસૂદ પેજેશ્કિયાનના શપથ ગ્રહણ સમારોહમાં સામેલ થાય હતા. આ દરમિયાન હાનિયાએ ઇરાનના સર્વોચ્ચ નેતા અયાતુલ્લા અલી ખામેનેઇ સાથે પણ મુલાકાત કરી હતી. તેના આગામી દિવસે (બુધવારે) એટલે કે આજે સવારે સવારે ઇઝરાયલે એ ઘરને જ ઉડાવી દીધું, જેમાં ઇસ્માઇલ હાનિયા રોકાયો હતો.