WAR UPDATES

Iran Nuclear Site: ઈરાને પહેલી વાર સ્વીકાર્યું છે કે રવિવારે અમેરિકાએ કરેલા હુમલામાં દેશના પરમાણુ પ્લાન્ટને ભારે નુકસાન થયું છે. ઈરાનના વિદેશ મંત્રાલયના પ્રવક્તા ઈસ્માઈલ બાઘેઈએ બુધવારે પોતાના 3 પરમાણુ પ્લાન્ટ ફોર્ડો, નતાન્ઝ અને ઈસ્ફહાનને થયેલા નુકસાનની પુષ્ટિ કરી હતી. કતારના સરકારી બ્રોડકાસ્ટર અલ જજીરા સાથે વાત કરતા બાઘેઈએ વિગતવાર માહિતી આપવાનો ઇનકાર કર્યો હતો, પરંતુ સ્વીકાર્યું કે રવિવારે અમેરિકાના B-2 બોમ્બરોએ બંકર બસ્ટર બોમ્બનો ઉપયોગ કરીને મોટા હુમલા કર્યા હતા. તેમણે કહ્યું કે, ‘અમારા પરમાણુ પ્રતિષ્ઠાનોને ખૂબ જ નુકસાન થયું છે, આ તો સ્પષ્ટ વાત છે.’

બુધવારે, ઈરાન અને ઈઝરાયલ વચ્ચે 12 દિવસની લડાઈ બાદ યુદ્ધવિરામ કાયમ થતો દેખાઈ રહ્યો છે, જેના કારણે હવે એવું લાગે છે કે બંને દેશો વચ્ચે શાંતિ સમજૂતી થઈ શકે છે. જોકે, ઈરાને સ્પષ્ટપણે કહ્યું છે કે તે કોઈ પણ પરિસ્થિતિમાં પોતાનો પરમાણુ કાર્યક્રમ નહીં છોડે. મંગળવારે ઇઝરાયલ અને ઈરાન વચ્ચે યુદ્ધના 12મા દિવસે યુદ્ધવિરામ લાગૂ થઈ ગયો, પરંતુ ત્યારબાદ પણ બંને દેશોએ એકબીજા પર તેનું ઉલ્લંઘન કરવાનો આરોપ લગાવ્યો, પરંતુ બુધવાર સુધીમાં મિસાઇલ, ડ્રોન અને બોમ્બના હુમલા આખરે બંધ થઈ ગયા.

Irans Missing 400kg Of Uranium: અમેરિકાના ઉપપ્રમુખ જેડી વાન્સે ABC ન્યૂઝને જણાવ્યું હતું કે ઈરાનના પરમાણુ સ્થળો પર 'બંકર બસ્ટર' બોમ્બ ફેંકાયા બાદથી 400 કિલો યુરેનિયમ ભંડારનો હિસાબ મળી રહ્યો નથી. અમેરિકાને ખબર નથી કે 10 પરમાણુ હથિયાર બનાવવા માટે પૂરતું આ યુરેનિયમ ક્યાં ગયું. આ ગુમ થયેલું યુરેનિયમ 60 ટકા સુધી શુદ્ધ છે. પરમાણુ હથિયાર તરીકે ઉપયોગ કરવા માટે, તેને લગભગ 90 ટકા સુધી શુદ્ધ કરવાની જરૂરિયાત હશે.

નિષ્ણાતોનું માનવું છે કે આ 400 કિલો યુરેનિયમનો ઈરાન એક શક્તિશાળી દાવના રૂપમાં એ સમયે ઉપયોગ કરી શકે છે, જ્યારે તે નવા પરમાણુ કરાર પર અમેરિકા સાથે વાતચીત ફરી શરૂ કરશે. એવા અહેવાલો છે કે ઈરાને હુમલાના થોડા દિવસો અગાઉ જ યુરેનિયમ ભંડાર તેમજ કેટલાક સાધનો ગુપ્ત સ્થળે ટ્રાન્સફર કરી દીધા હશે. આ દાવો ઇઝરાયલી અધિકારીઓ દ્વારા ધ ન્યૂયોર્ક ટાઇમ્સ સાથે વાત કરતા કરવામાં આવ્યો છે.

Iran Attacks US Base In Qatars Doha: પહેલી વાર કતારના નાગરિકોએ આટલો ભયાનક હવાઈ હુમલો અનુભવ્યો હશે. ગઈકાલે રાત્રે ઈરાને અલ- ઉદઇદ એરબેઝને નિશાન બનાવ્યું હતું, જે કતારમાં સૌથી મોટું અમેરિકાનું લશ્કરી થાણું છે. આ હુમલાને ઈરાનના જવાબી કાર્યવાહી તરીકે જોવામાં આવી રહ્યો છે. અગાઉ, અમેરિકાએ ઈરાનના પરમાણુ સાઇટ્સ પર બોમ્બમારો કર્યો હતો, જેના જવાબમાં આ હુમલો થયો હતો.

Israel-Iran Conflict: આજે ઈરાન અને ઈઝરાયલ વચ્ચેના યુદ્ધનો 12મો દિવસ છે. દરમિયાન, અમેરિકન રાષ્ટ્રપતિ ડોનાલ્ડ ટ્રમ્પે ઈરાન અને ઈઝરાયલ વચ્ચે પૂર્ણ અને સમગ્ર યુદ્ધવિરામની જાહેરાત કરી છે, પરંતુ તેમની જાહેરાતના થોડા કલાકો બાદ તેહરાને તેનો ઇનકાર કરતા કહ્યું કે કોઈપણ યુદ્ધવિરામ અથવા લશ્કરી કાર્યવાહી બંધ કરવા પર કોઈ સમજૂતી થઈ નથી. જોકે, ઈરાનના વિદેશ મંત્રી અબ્બાસ અરાઘચીએ કહ્યું કે તેમને આ યુદ્ધ ચાલુ રાખવામાં કોઈ રસ નથી, જો ઈઝરાયલ તેનું આક્રમણ બંધ કરી દે. અરાઘચીએ કહ્યું કે ઈરાને વારંવાર સ્પષ્ટ કર્યું છે કે ઈઝરાયલે ઈરાન પર યુદ્ધ શરૂ કર્યું છે અને જો ઈઝરાયલી શાસન ઈરાની લોકો સામે તેનું ગેરકાયદેસર આક્રમણને તેહરાન સમય મુજબ સવારે 4 વાગ્યા પહેલા બંધ કરે, ત્યારબાદ અમારો જવાબ ચાલુ રાખવાનો કોઈ ઈરાદો નથી.

Iran-Israel War: ઇઝરાયલી સેનાએ દાવો કર્યો છે કે તેણે ઇરાનના પશ્ચિમ, પૂર્વ અને મધ્ય વિસ્તારોમાં સ્થિત ઓછામાં ઓછા 6 એરપોર્ટ પર હવાઈ હુમલા કર્યા છે અને તેમને ભારે નુકસાન પહોંચાડ્યું છે. ઇઝરાયલી ડિફેન્સ ફોર્સે સોશિયલ મીડિયા પ્લેટફોર્મ પર એક પોસ્ટ શેર કરતા કહ્યું કે આ હુમલાઓમાં ઇરાનના ઓછામાં ઓછા 15 ફાઇટર જેટ અને હેલિકોપ્ટરને તબાહ કરી દેવામાં આવ્યા છે. આ હુમલાઓ રિમોટ કંટ્રોલ્ડ ડ્રોન દ્વારા કરવામાં આવ્યા હતા.

Israel-Iran conflict: અમેરિકાએ રવિવાર (22 જૂન 2025)ના રોજ વહેલી સવારે ઈરાનના 3 પરમાણુ સ્થળો, ફોર્ડો, નતાન્ઝ અને ઇસ્ફહાન પર હુમલો કર્યો હતો. અમેરિકન રાષ્ટ્રપતિ ડોનાલ્ડ ટ્રમ્પે દાવો કર્યો કે ઈરાનના પરમાણુ સ્થળોને પૂરી રીતે તબાહ થઈ ગયા. ફોર્ડો પરમાણુ સાઇટને લઈને એવો દાવો કરવામાં આવી રહ્યો છે કે અમેરિકાના હુમલાથી ત્યાં વધુ નુકસાન થયું નથી.

US launches strikes on 3 Iranian nuclear facilities: ઈરાન અને ઈઝરાયલ વચ્ચેના યુદ્ધમાં હવે અમેરિકા પણ સામેલ થઈ ગયું છે. અમેરિકાએ ઈરાનના 3 પરમાણુ સ્થળો- ફોર્ડો, નતાન્ઝ અને ઈસ્ફહાન પર હવાઈ હુમલો કર્યો છે. આ હુમલા પૂરી રીતે સફળ ગણાવવામાં આવ્યા છે. રાષ્ટ્રપતિ ડોનાલ્ડ ટ્રમ્પે સોશિયલ મીડિયા પ્લેટફોર્મ ટ્રૂથ સોશિયલ પર એક પોસ્ટમાં આ માહિતી આપી છે.

અમેરિકના પ્રમુખ ડોનાલ્ડ ટ્રમ્પે પોતાના નિવેદનમાં કહ્યું કે, ‘બધા અમેરિકન વિમાનો હવે ઈરાનના હવાઈ સીમાથી બહાર નીકળી ચૂક્યા છે અને સુરક્ષિત રીતે ઘરે પરત ફરી રહ્યા છે. મોટાભાગના બોમ્બ ફોર્ડો નામના સ્થળ પર ફેંકવામાં આવ્યા હતા. તેમણે અમેરિકની સેનાની વધુ પ્રશંસા કરતા કહ્યું કે, ‘અમારા મહાન યોદ્ધાઓને અભિનંદન! વિશ્વની કોઈ અન્ય સેના આમ કરી નથી શકતી.’ તેની સાથે જ તેમણે કહ્યું કે હવે શાંતિનો સમય છે.

તો અમેરિકાના હવાઈ હુમલા બાદ ઈરાને કહ્યું છે કે તેના પરમાણુ સ્થળોને કોઈ નુકસાન થયું નથી અને નાગરિકોને રેડિયેશનનો કોઈ જોખમ નથી. જોકે, ટ્રમ્પે પોતાના સંબોધનમાં આ હુમલાઓને સફળ ગણાવ્યા છે અને ઈરાનને શાંતિ તરફ આગળ વધવા કહ્યું છે. ઈરાનના પરમાણુ ઉર્જા સંગઠન (AEOI)એ પુષ્ટિ કરી છે કે દુશ્મને દેશમાં ફોર્ડો, નાતાન્ઝ અને ઇસ્ફહાન સહિત 3  પરમાણુ સ્થળો પર હુમલો કર્યો છે. સંગઠને તેને આંતરરાષ્ટ્રીય કાયદાનું ઉલ્લંઘન ગણાવ્યું અને આંતરરાષ્ટ્રીય પરમાણુ એજન્સી (IAEA) પર ઉદાસીનતા અને સંડોવણીનો આરોપ લગાવતા કહ્યું કે આ હુમલાઓ પરમાણુ ગતિવિધિઓ પર દેખરેખ રાખવા માટે જવાબદાર સંગઠનની દેખરેખ હેઠળ થયા છે. ઈરાને આંતરરાષ્ટ્રીય સમુદાયને આ હુમલાઓની સખત નિંદા કરવા અપીલ કરી છે અને સ્પષ્ટ કર્યું છે કે તે કોઈપણ કિંમતે તેના પરમાણુ કાર્યક્રમના વિકાસને રોકવા નહીં દે.

Israel strikes Iran’s Arak heavy water reactor: ઇઝરાયલે ઇરાનના અરાક હેવી વોટર રિએક્ટર પર હુમલો કર્યો છે. ઇરાનની સરકારી ટેલિવિઝન ચેનલે ગુરુવારે આ અંગે માહિતી આપી હતી. ચેનલે જણાવ્યું હતું કે હુમલા બાદ કોઈપણ પ્રકારના રેડિયેશનનો ભય નથી અને હુમલા અગાઉ જ કેન્દ્ર ખાલી કરાવી દેવામાં આવ્યું હતું. ઇઝરાયલે ગુરુવારે સવારે ચેતવણી આપી હતી કે તે રિએક્ટર પર હુમલો કરશે અને લોકોને વિસ્તાર છોડી દેવા કહ્યું હતું.

Israel-Iran Conflict: ઈરાનના સુપ્રીમ લીડર આયાતુલ્લાહ અલી ખામેનેઇએ રાષ્ટ્રને સંબોધન કરતા અમેરિકના રાષ્ટ્રપતિ ડોનાલ્ડ ટ્રમ્પને જડબાતોડ જવાબ આપ્યો. તેમના સંબોધનના થોડા સમય બાદ જ, ઇઝરાયલી વાયુસેનાએ તેહરાનના લવીજાન વિસ્તારમાં હવાઈ હુમલા કર્યા. લવીજાનને ખામેનેઇનું ગુપ્ત ઠેકાણું માનવામાં આવે છે.

યુક્રેને રશિયાના 4 મહત્ત્વપૂર્ણ એરબેઝ ઓલેન્યા અને બેલાયા પર હુમલો કર્યો છે. યુક્રેનિયન સેનાએ આ હુમલામાં ડ્રોનનો ઉપયોગ કર્યો છે. કહેવામાં આવી રહ્યું છે કે જે એરબેઝને નિશાન બનાવવામાં આવ્યા છે તે રશિયા-યુક્રેન સરહદની ખૂબ અંદર સ્થિત છે. યુક્રેનિયન મીડિયા રિપોર્ટ્સ અનુસાર, આ હુમલો યુક્રેનિયન સેના દ્વારા અત્યાર સુધીનો સૌથી મોટો ડ્રોન હુમલો હતો. યુક્રેને ખાસ કરીને એ એરબેઝને નિશાન બનાવ્યું છે, જેનો ઉપયોગ રશિયા બોમ્બમારો કરવા માટે કરી રહ્યું હતું.

યુક્રેને કહ્યું છે કે તેણે રશિયાની અંદર સ્થિત ઘણા એરબેઝ પર ડ્રોનથી હુમલો કર્યો છે, જેમાં 40થી વધુ રશિયન બોમ્બરોનો તબાહ કર્યા છે, જેનો ઉપયોગ રશિયા યુક્રેન પર બોમ્બમારો કરવા માટે કરી રહ્યું હતું. યુક્રેનનું કહેવું છે કે આ એજ વિમાનો છે જે ઘણીવાર યુક્રેન ઉપર ઉડાણ ભારે છે અને બોમ્બ ફેંકે છે. યુક્રેને રશિયાના મારમંસ્કમાં ઓલેન્યા એર બેઝ, ઇરકુત્સ્કમાં બેલાયા એરબેઝ, ઇવાનોવોમાં ઇવાનોવો એરબેઝ અને ડાયાગિલેવ એરબેઝને નિશાન બનાવ્યા છે.