Star of The Day

પુષ્પા 2 પછી અલ્લુ અર્જુન કઈ ફિલ્મ કરશે, તે હજુ નક્કી થયું નથી. એવું કહેવામાં આવી રહ્યું છે કે તેણે ઘણા ડિરેક્ટરો સાથે વાત કરી, પરંતુ મામલો ઉકેલાયો ન હતો. હવે કદાચ તેણે તેની આગામી ફિલ્મ ફાઈનલ કરી લીધી છે.અલ્લુ અર્જુનની ફિલ્મ પુષ્પા 2 આ વર્ષે 6 ડિસેમ્બરે રિલીઝ થવાની છે. અગાઉ તે 15મી ઓગસ્ટે રિલીઝ થવાની હતી. પરંતુ કામ પૂર્ણ ન થવાને કારણે તેની રિલીઝ ડેટ મોકૂફ રાખવામાં આવી હતી. તેને વર્ષની સૌથી મોટી ફિલ્મ માનવામાં આવી રહી છે. ઘણા અહેવાલોમાં, તેને વર્ષની મોસ્ટ અવેટેડ ફિલ્મની યાદીમાં ટોચ પર રાખવામાં આવી છે. ટ્રેડ એનાલિસ્ટ્સ કહી રહ્યા છે કે તેનાથી ઓછામાં ઓછી રૂ. 1000 કરોડની કમાણી થશે.સ્વાભાવિક છે કે આ ફિલ્મ પછી અલ્લુ અર્જુનનું સ્ટારડમ વધુ વધશે. આવી સ્થિતિમાં તે પોતાની આગામી ફિલ્મની પસંદગી ખૂબ જ કાળજીપૂર્વક કરી રહ્યો છે. કહેવામાં આવી રહ્યું છે કે અલ્લુ 'પુષ્પા 2' પછી ત્રિવિક્રમની ફિલ્મમાં કામ કરશે.

જર્મન ભાષામાં રિલીઝ થયેલ AI-રચિત ગીત ટોપ-50ની યાદીમાં પ્રવેશ્યું. માનવ અવાજ કે સંગીતનાં સાધનોનો ઉપયોગ કરવામાં આવ્યો ન હતો, છતાં આ ગીતે ધૂમ મચાવી છે. આ ગીત લાખો વખત જોવામાં આવ્યું છે. જર્મન ભાષામાં બનેલા આ ગીતે હવે સંગીતકારોને ભવિષ્ય વિશે વિચારવા મજબૂર કરી દીધા છે.માનવ સંસ્કૃતિની શરૂઆતથી જ સંગીતની દુનિયા મનુષ્યોમાં અસ્તિત્વ ધરાવે છે. જેમ જેમ સમય બદલાયો તેમ તેમ સંગીતની શૈલી પણ બદલાઈ અને તે નવા નવા રૂપ લઈને લોકોના કાનમાં મધ ઉમેરતી રહી. પરંતુ હવે સંગીતની દુનિયામાં AI એટલે કે આર્ટિફિશિયલ ઈન્ટેલિજન્સનો પ્રભાવ પણ વધી રહ્યો છે. AIના આગમનથી, લોકો તેને દરેક ક્ષેત્રમાં અજમાવી રહ્યા છે. પરંતુ સંગીતની દુનિયામાં એઆઈએ એક ઉત્તમ ઉદાહરણ રજૂ કર્યું છે. જ્યારે AIએ ગીત બનાવ્યું ત્યારે લોકો તેના દિવાના થઈ ગયા. હવે આ ગીત 1 મહિનાથી સંગીતના સંદર્ભમાં વિશ્વના ચોથા સૌથી મોટા માર્કેટમાં ટ્રેન્ડ કરી રહ્યું છે. 

આ ગીતને લાખો વ્યુઝ મળ્યા છે અને સોશિયલ મીડિયાના દરેક પ્લેટફોર્મ પર લોકો તેને પસંદ કરી રહ્યા છે. એટલું જ નહીં આ ગીત યુરોપના સમૃદ્ધ દેશ જર્મનીના ટોપ 50 ગીતોની યાદીમાં પણ સામેલ થઈ ગયું છે. આ ગીતનું નામ છે 'Verknallt in einen Talahon'. તે જર્મન ભાષામાં બનાવવામાં આવે છે જેનો અર્થ થાય છે કોઈ ખાસ પ્રકારના યુવક પર ક્રશ હોવો.

રૂપાલી ગાંગુલીના પ્રખ્યાત ટીવી શો અનુપમામાં દરરોજ એક નવો ટ્વિસ્ટ આવતો રહે છે. પરંતુ હવે આ શોમાં એક મહત્વનો વળાંક આવવાનો છે. ટૂંક સમયમાં આપણે જોઈશું કે અનુપમાની વાર્તા 15 વર્ષ આગળ વધશે. આ પહેલા પણ આ શોમાં બે મોટી છલાંગ લાગી છે.કોરોનાના મુશ્કેલ સમયમાં રાજન શાહીએ રૂપાલી ગાંગુલીની સિરિયલ અનુપમા શરૂ કરી હતી. ઘણા લોકો માનતા હતા કે રાજન શાહીનો શો લાંબો સમય ચાલશે નહીં. પરંતુ પહેલા અઠવાડિયાથી જ આ શોએ ટીઆરપીના તમામ રેકોર્ડ તોડી નાખ્યા અને સતત ત્રણ વર્ષ સુધી આ શોએ ટીવીના ટોપ 5 શોમાં પોતાનું સ્થાન જાળવી રાખ્યું છે. અનુપમા-અનુજની આ પ્રખ્યાત પરંતુ અનોખી લવસ્ટોરીમાં ટૂંક સમયમાં 15 વર્ષનો મોટો છલાંગ જોવા મળશે. વાસ્તવમાં વનરાજના શાહ નિવાસના તમામ લોકો હાલમાં અનુપમાના આશ્રમ આશા ભવનમાં રહે છે. અનુપમાએ આ આશ્રમમાં તેના પૂર્વ સાસરિયાઓને જગ્યા આપી હતી. પરંતુ તેમની એક જ વિનંતી હતી કે દરેક વ્યક્તિએ આશ્રમના નિયમોનું પાલન કરવું જોઈએ. જ્યારે પાખી અને તોશુએ અનુપમાની શરત સ્વીકારવાની ના પાડી તો તેમની માતાએ તેમને આશ્રમની બહાર ફેંકી દીધા. હવે સાંભળવા મળે છે કે વાર્તાને વધુ રસપ્રદ બનાવવા માટે રાજન શાહીની ટીમે સિરિયલમાં 15 વર્ષનો મોટો લીપ પ્લાન કર્યો છે. પરંતુ લીપ વિશે સાંભળ્યા બાદ ચાહકોને હંમેશા ચિંતા સતાવે છે કે શું લીપ બાદ તેમનો ફેવરિટ એક્ટર સિરિયલ છોડી દેશે? તો ચાલો તમને જણાવીએ કે મેકર્સે અનુપમા અને અનુજ માટે શું પ્લાન બનાવ્યો છે.

ઋષિ કપૂર જીવતા હોત તો આજે ૬૮મો જન્મદિન ઉજવતે. કપૂર પરિવારના રાજકુમાર સમા ઋષિ કપૂરનો જન્મ ૪ સપ્ટેમ્બર, ૧૯૫૨ના રોજ થયો હતો. પંજાબી પરિવારમાં માતા કૃષ્ણા કપૂર અને પિતા રાજ કપૂરને ત્યાં મુંબઈના ચેમ્બુરમાં ઋષિનો જન્મ થયો હતો. હિન્દી ફિલ્મોના પીઢ કલાકાર – અભિનેતા, નિર્માતા, નિર્દેશક ઋષિ કપૂરને આપણે ચારેક મહિના પહેલાં ૩૦ એપ્રિલ, ૨૦૨૦ના રોજ કાયમી ગુમાવી દીધા છે.

મહાન શેહનાઈ (શરણાઈ) વાદક ઉસ્તાદ બિસ્મિલ્લાહ ખાન ૧૩વર્ષ પહેલાં, ૨૧ ઓગસ્ટ, ૨૦૦૬ના રોજ અલ્લાહને પ્યારા થઇ ગયા હતા. ત્યારે તેઓ ૯૦ વર્ષના હતા. ભારતમાં સદીઓથી જાણીતું લોકવાદ્ય આ ઉસ્તાદે દુનિયાભરમાં લોકપ્રિય બનાવ્યું. જે શેરીઓમાં, ખેતરોમાં કે મંગળ પ્રસંગે વગાડતું તે વાદ્ય શેહનાઈને ઉસ્તાદ મંચ પર લાવ્યા. સુરતના ચોકબજારના નગીનચંદ હોલમાં પણ તેઓ શેહનાઈ વાદન કરવા આવ્યા હતા.

આપણા દેશે ઉસ્તાદ બિસ્મિલ્લાહ ખાનને દેશના સર્વોચ્ચ સન્માન ‘ભારત રત્ન’થી ૨૦૦૧માં નવાજ્યા હતા. તેઓ એ સન્માન મેળવનારા એમ. એસ. સુબ્બુલક્ષ્મી, રવિ શંકર બાદ ત્રીજા શાસ્ત્રીય સંગીતકાર હતા.

હિન્દુસ્તાની શાસ્ત્રીય સંગીતના મેવાતી ઘરાણાના મહાન ગાયક પંડિત જસરાજ નથી રહ્યા. ૯૦  વર્ષની વયે ૧૭ ઓગસ્ટ, ૨૦૨૦ના રોજ અમેરિકાના ન્યુજર્સીમાં હૃદય રોગના હુમલાને કારણે તેમનું નિધન થયું છે. ૮૦ વર્ષ સુધી ફેલાયેલી તેમની સંગીતની કારકિર્દીને પરિણામે તેમણે રાષ્ટ્રીય અને આંતરરાષ્ટ્રીય લોકપ્રિયતા, સન્માન અને સંખ્યાબંધ સન્માનો મળ્યાં છે. તેઓ તેમની પાછળ મૂકી ગયા છે અનેક યાદગાર પ્રસ્તુતિ, જેમાં શાસ્ત્રીય,ઉપશાસ્ત્રીય, ભક્તિ સંગીત, હવેલી સંગીત કે મેવાતીઘરાણામાંઅનેકરૂપ નાવીન્ય લાવીને તેને લોકપ્રિય બનાવવાની તેમની કુનેહ. પંડિત જસરાજે અનેક શિખાઉ અને વ્યવસાયિક શિષ્યોને ભારત, યુરોપ, કેનેડા અને અમેરિકામાં સંગીત શિક્ષા આપી છે. તેમના શિષ્યોની લાંબી યાદીમાં કલા રામનાથ જેવાં વાયોલીનવાદક અને સંજીવ અભ્યંકર જેવાં મહાન ગાયકોનો સમાવેશ થાય છે.

૨૮ જાન્યુઆરી, ૧૯૩૦ના રોજ હરિયાણાના હિસ્સાર જીલ્લાના મંડોરી ગામે તેમનો જન્મ થયો હતો. તેમના પિતાજી પંડિત મોતીરામનું એ મધ્યમવર્ગનું એક બ્રાહ્મણ પરિવાર હતું. જસરાજ ચાર વર્ષના હતા ત્યારે પિતાજીનું નિધન થયું હતું. મીર ઓસ્માન અલી ખાનના દરબારમાં રાજ્યના સંગીતકાર રૂપે તેમની નિમણૂક થવાની હતી તેજ દિવસે પંડિત મોતીરામનું નિધન થયું હતું. જસરાજના મોટા ભાઈ પંડિત પ્રતાપ નારાયણ પણ સિદ્ધહસ્ત સંગીતકાર હતા અને તેમના બે હોનહાર દીકરાઓને આપણે જતીન-લલિત રૂપે અને દીકરીઓને આપણે ગાયિકા-અભિનેત્રી સુલક્ષણા પંડિત અને અભિનેત્રી વિજેતા પંડિત રૂપે ઓળખીએ છીએ. જસરાજના સૌથી મોટા ભાઈ પણ પંડિત મણીરામ  રૂપે મોટા ગવૈયા હતા.

ગુલઝાર એક માનવંત નામ છે, લાગણીનું, પ્રેમનું, દિલને સ્પર્શી જાય એવા કવિ, ગીતકાર, લેખક, નિર્દેશકનું. સંપૂર્ણ સિંઘ કાલરા આજે ૧૮ ઓગસ્ટે ૮૬ વર્ષના થશે. ૧૯૩૪માં હાલના પાકિસ્તાનના પંજાબના જેલમ જિલ્લાના દીના ગામે તેમનો જન્મ. તેઓ તેમના પેન-નેમ ‘ગુલઝાર’થી જ જાણીતા છે. ગુલઝારની કવિતા મુખ્યત્વે ત્રણ પુસ્તકોમાં પ્રકાશિત થઈ છે, ‘ચાંદ પુખરાજ કા’, ‘રાત પશમીને કી’ અને ‘પંદ્રહ પાંચ પચત્તર (૧૫.૫.૭૫)’. તેમની વાર્તાઓના ‘રાવી પાર’ અને ‘ધુઆં’નામે સંગ્રહો છે.

તેમના પ્રદાન માટે ભારત સરકારે ગુલઝારને ૨૦૦૪માં પદ્મભૂષણથી નવાજ્યા હતા. સાહિત્ય અકદામીએ તેમને ૨૦૦૨માં અકાદમી એવોર્ડ આપ્યો હતો. તેમણે સંખ્યાબંધ રાષ્ટ્રીય ફિલ્મ એવોર્ડ્સ અને ૨૦ ફિલ્મફેર એવોર્ડ્સ મેળવ્યાં છે. ૮૧માં ઓસ્કાર એવોર્ડ સમારોહમાં તેમને ‘સ્લમ ડોગ મિલિયોનેર’ના ‘જય હો’ ગીત માટે ઓસ્કાર એવોર્ડ મળ્યો હતો. ૨૦૧૦ની ૩૧ જાન્યુઆરીએ એજ ગીત માટે તેમને ગ્રેમી એવોર્ડ પણ મળ્યો હતો. ૩ મે, ૨૦૧૪ના રોજ ગુલઝારને દેશનું સર્વોચ્ચ સિને સન્માન ‘દાદા સાહેબ ફાળકે એવોર્ડ’ એનાયત થયું.

શમશેર રાજ કપૂર નામે જન્મેલા નાચતા કૂદતા અભિનેતા શમ્મી કપૂર નવ વર્ષ પહેલાં ૧૪ ઓગસ્ટ, ૨૦૧૧ના રોજ આ જગતને છોડી ગયા હતા. પચ્ચીસેક વર્ષ શમ્મી કપૂરે ધૂમ મચાવી હતી. જયારે પણ દેશના સૌથી મનોરંજક અભિનેતાને યાદ કરાશે ત્યારે શમ્મીને યાદ કરાશે. ધૂમ મચાવતા ગીત-સંગીતવાળી એક આખી મનોરંજક ફિલ્મ શ્રેણી શમ્મી કપૂરે આપી હતી.

‘જીવન જ્યોતિ’ (૧૯૫૩) એ એમની પહેલી ફિલ્મ. ત્યાર બાદ અઢાર નિષ્ફળ ફિલ્મો આપી ત્યાં સુધી ખુદ એમને પણ ખબર નહોતી કે નિયતિએ તેમને મનોરંજન કરવા મોકલ્યા છે. એકવાર ‘તુમસા નહીં દેખા’ આવ્યું, ત્યારે તેમને ખબર પડી કે તેમણે એવી ફિલ્મો કરવી જોઈએ. પછી તો હીટ ફિલ્મોની લંગાર આવી. ‘તુમસા નહીં દેખા’, ‘દિલ દે કે દેખો’, ‘સિંગાપોર’, ‘જંગલી’, ‘કોલેજ ગર્લ’, ‘પ્રોફેસર’, ‘ચાઈના ટાઉન’, ‘કાશ્મીર કી કલી’, ‘તીસરી મંઝીલ’, ‘એન ઇવનિંગ ઇન પેરીસ’, ‘બ્રહ્મચારી’ ‘અંદાઝ’ કે ‘સચ્ચાઈ’ સુધી તેઓ ચાલતા જ રહ્યા.

હિન્દી અને મરાઠી ફિલ્મોના સુપ્રસિદ્ધ ગાયક સુરેશ ઈશ્વર વાડકરનો ૬૫મો જન્મ દિન. ૭ ઓગસ્ટ, ૧૯૫૫ના રોજ કોલ્હાપુરમાં તેમનો જન્મ. તેમણે ભોજપુરી અને કોંકણી ફિલ્મોમાં પણ ગાયું છે. તેમના ભજનોના આલબમ પણ છે.

સુરેશજી સંગીતનું પદ્ધતિસરનું શિક્ષણ લઈને ‘પ્રભાકર’ પરીક્ષા પસાર કરીને મુંબઈના આર્ય વિદ્યા મંદિરના શિક્ષક બન્યા હતા. આજે તેમની મ્યુઝિક સ્કૂલ મુંબઈ, ન્યુ જર્સી અને ન્યુ યોર્કમાં ચાલે છે. ઓપન યુનિવર્સીટીની આસ્વામાં ઓનલાઈન મ્યુઝિક સ્કૂલમાં કોઈ પણ ભણી શકે.

ભારતીય શાસ્ત્રીય સંગીત ભણીને સુરેશ વાડકર ૧૯૭૬માં સૂર સિંગાર સ્પર્ધામાં ‘મદન મોહન એવોર્ડ’ જીત્યા ત્યારે જયદેવ નિર્ણાયક હતા. તેમણે સુરેશ પાસે ‘સિને મેં જલન – ગમન’ ગવડાવ્યું, પછી ‘પહેલી’માં પણ ગવડાવ્યું. ત્યારે તેમના અવાજથી પ્રભાવિત થયેલાં લતાજીએ લક્ષ્મીકાંત પ્યારેલાલ, કલ્યાણજી આનંદજી અને ખય્યામને જણાવ્યું અને આપણને ક્રોધી, પાંચ, પ્યાસા સાવન, પ્રેમ રોગ, હીના, પ્રેમ ગ્રંથ, રામ તેરી ગંગા મૈલી, બોલ રાધા બોલ, વિજય જેવી ફિલ્મોના ગીત મળ્યાં.

મહાન પાશ્વગાયક કિશોર કુમારનો ૯૧ મો જન્મ દિન. ૪ ઓગસ્ટ, ૧૯૨૯ના રોજ મધ્ય પ્રદેશના ખંડવા મુકામે તેમનો જન્મ થયો હતો. તેઓ સિને કલાના હરફન મૌલા હતા. સિનેમાના લગભગ તમામ વિભાગોના જાણકાર કિશોર કુમાર મુખ્યત્વે ગાયક કલાકાર રૂપે ઉભર્યા હતા. તેમણે પોતાની ફિલ્મોનું નિર્માણ કર્યું છે, લખી છે, તેમાં અભિનય કર્યો છે, નિર્દેશિત કરી છે,ગીતો લખ્યાં છે, ગાયા છે અને સંગીત પણ આપ્યું છે! ‘દૂર ગગન કી છાંવ મેં’, ‘દૂર કારાહી’, ‘ઝૂમરૂ’, ‘બઢતી કા નામ દાઢી’ એવી ફિલ્મો છે.

કિશોર કુમારે શ્રેષ્ઠ ગાયક તરીકેના આઠ ફિલ્મફેર એવોર્ડ્સ જીત્યાં છે જે કોઈ એક ગાયક માટેના સૌથી વધુ છે. તેમણે મધ્ય પ્રદેશ સરકાર દ્વારા ‘લતા મંગેશકર એવોર્ડ’ ૧૯૮૫-૮૬માં અપાયો હતો. તો૧૯૯૭માં મધ્ય પ્રદેશ સરકારે તેમની યાદમાં હિન્દી સિનેમામાં પ્રદાન માટે ‘કિશોર કુમાર એવોર્ડ’ની પણ શરૂઆત કરી હતી.હાલમાં ઓશિયન સિનેફેન ઓકસન, નવી દિલ્હી માં ૨૦૧૨માં કિશોર કુમારનું રીલીઝ ન થયેલું છેલ્લું ગીત ૧૫.૬ લાખ રૂપિયામાં વેચાયું હતું.

છેક પચાસના દાયકાથી ગીતો ગાતા કિશોર કુમાર માટે સુવર્ણ યુગ ત્યારે આવ્યો જયારે તેઓ પડદા પર રાજેશ ખન્નાનો અવાજ બન્યા. સચિનદેવ બર્મને ‘આરાધના’(૧૯૬૯)માં ‘મેરે સપનોં કી રાની’, ‘રૂપ તેરા મસ્તાના’ અને ‘કોરા કાગઝ થા યે મન મેરા’થી તેની શરૂઆત કરી હતી. કિશોરદાને ‘રૂપ તેરા’ માટે પહેલો ફિલ્મફેર એવોર્ડ મળ્યો તો તે સિવાયના એવોર્ડ્સ અન્ય અભિનેતાઓ માટે મળ્યાં.