Politics

Uttarakhand Cabinet Approves UCC Manual: સોમવારે સવારે યોજાયેલી બેઠકમાં ઉત્તરાખંડ કેબિનેટે UCC નિયમોને મંજૂરી આપી દીધી છે. આનો અર્થ એ થયો કે રાજ્યમાં ટૂંક સમયમાં UCC લાગૂ કરવામાં આવશે. મુખ્યમત્રી ધામીએ સંકેત આપ્યો છે કે સરકાર આ મહિને UCCને સૂચિત કરશે. સૂત્રો કહે છે કે 26 જાન્યુઆરીએ તેનો અમલ થઇ શકે છે કારણ કે તે દિવસે પ્રજાસત્તાક દિવસ છે. જોકે, UCCની સૂચનાની તારીખ અંગે હજુ સુધી કોઇ સત્તાવાર માહિતી નથી. આ દરમિયાન, સંબંધિત સરકારી વિભાગો મંગળવારે રાજ્યભરમાં UCC પોર્ટલની મોક ડ્રિલ કરશે. છેલ્લા કેટલાક અઠવાડિયામાં UCC પોર્ટલ સંભાળતા સરકારી અધિકારીઓને તાલીમ આપવામાં આવ્યા બાદ આ વાત સામે આવી છે.

ઉત્તરાખંડના મુખ્યમંત્રી પુષ્કર સિંહ ધામીએ જાહેરાત કરી હતી કે રાજ્યમાં જાન્યુઆરી 2025થી 'યુનિફોર્મ સિવિલ કોડ' એટલે કે UCC લાગૂ કરવામાં આવશે. આ માટેની લગભગ બધી તૈયારીઓ પૂર્ણ થઇ ગઇ છે. જો આવું થશે, તો ઉત્તરાખંડ સ્વતંત્રતા બાદ 'સમાન નાગરિક સંહિતા' લાગૂ કરનાર રાજ્ય બની જશે. વાસ્તવમાં, સમાન નાગરિક સંહિતા લગ્ન, છૂટાછેડા, ભરણપોષણ, મિલકતના અધિકારો, દત્તક અને ઉત્તરાધિકાર જેવા ક્ષેત્રોને આવરી લે છે. UCC એ બધા લોકો માટે સમાન કાયદો છે, પછી ભલે તેમનો ધર્મ, જાતિ કે સંપ્રદાય કોઇ પણ હોય. 2015માં સુપ્રીમ કોર્ટમાં UCCના અમલીકરણ માટે પહેલી વાર અરજી દાખલ કરનાર વકીલ અશ્વિની ઉપાધ્યાય કહે છે કે તેમનો ધર્મ સાથે કોઇ સંબંધ નથી. UCCના અમલીકરણ સાથે કયા નિયમ કાયદા બદલાશે અને કોને કયા અધિકારો મળશે તે જાણવું પણ મહત્ત્વપૂર્ણ છે.

Siddaramaiah: કર્ણાટકના મુખ્યમંત્રી સિદ્ધારમૈયા અને અન્ય લોકો સાથે સંકળાયેલા MUDA મની લોન્ડ્રિંગ કેસમાં લગભગ 300 કરોડ રૂપિયાની 140 થી વધુ સ્થાવર મિલકતો જપ્ત કરવામાં આવી છે. એન્ફોર્સમેન્ટ ડિરેક્ટોરેટે શુક્રવારે એક નિવેદનમાં આ વાત કહી. મૈસુર શહેરી વિકાસ ઓથોરિટી (MUDA) દ્વારા જમીન ફાળવણીમાં કથિત ગેરરીતિઓના મની લોન્ડ્રિંગ તપાસના સંદર્ભમાં આ જપ્તી કરવામાં આવી છે.

BJP Manifesto: ભારતીય જનતા પાર્ટી (BJP)એ આજે ​​શુક્રવારે (17 જાન્યુઆરી, 2025) દિલ્હી વિધાનસભા ચૂંટણી 2025 માટે પોતાનો ઢંઢેરો બહાર પાડ્યો. ભાજપ અધ્યક્ષ જે.પી. નડ્ડાએ જણાવ્યું હતું કે દિલ્હીની મહિલાઓ માટે મહિલા સમૃદ્ધિ યોજના માટે દર મહિને 2500 રૂપિયાનું બિલ પ્રથમ કેબિનેટમાં પસાર કરવામાં આવશે. LPG સિલિન્ડર પર 500 રૂપિયાની સબસિડી મળશે.

ભાજપનો દિલ્હી વિધાનસભા ચૂંટણી 2025 માટેનો ઢંઢેરો

મહિલા સમૃદ્ધિ યોજના માટે દર મહિને 2500

LPG સિલિન્ડર પર 500 રૂપિયાની સબસિડી મળશે.

હોળી અને દિવાળી પર એક વધારાનો સિલિન્ડર મળશે.

માતૃત્વ સુરક્ષા યોજના હેઠળ ગર્ભવતી મહિલાઓને 21000 રૂપિયા આપવામાં આવશે.

ગર્ભવતી મહિલાઓને 6 ન્યૂટ્રિશનલ કીટ અલગથી આપવામાં આવશે.

5 લાખ રૂપિયા સુધીનો વધારાનો આરોગ્ય વીમો આપવામાં આવશે.

આયુષ્યમાન ભારત યોજનાને દિલ્હીમાં લાગૂ કરાશે.

અટલ કેન્ટિન યોજનાને લોન્ચ કરીશું. ઝુપડપટ્ટીમાં 5 રૂપિયામાં રાશન આપવામાં આવશે.

વરિષ્ઠ નાગરિકોને 3000 રૂપિયા સુધીનું પેન્શન આપવામાં આવશે.

મોહલ્લા ક્લિનિકમાં ભ્રષ્ટચારની તપાસ થશે.

BJP Releases Fourth List of Candidates: ભારતીય જનતા પાર્ટી (BJP)એ દિલ્હી વિધાનસભાની ચૂંટણી 2025 માટે ઉમેદવારોની ચોથી યાદી જાહેર કરી છે. આ યાદીમાં કુલ નવ બેઠકો માટે ઉમેદવારોના નામ જાહેર કરવામાં આવ્યા છે. દિલ્હીમાં કુલ 70 વિધાનસભા બેઠકો છે અને ભાજપે અત્યાર સુધીમાં 68બેઠકો માટે ઉમેદવારો નક્કી કરી દીધા છે. એવું માનવામાં આવે છે કે બાકીની 2 વિધાનસભા બેઠકો નીતિશ કુમાર અને ચિરાગ પાસવાનની પાર્ટી માટે બે બેઠકો છોડી દેવામાં આવી છે. JDU બુરાડીથી અને LJP (R) દેવલીથી ચૂંટણી લડી શકે છે.

Arvind Kejriwal Poll Affidavit: શું તમે જાણો છો કે દિલ્હીના પૂર્વ મુખ્યમંત્રી અને આમ આદમી પાર્ટી (AAP)ના કન્વીનર અરવિંદ કેજરીવાલ પાસે કેટલા કરોડની સંપત્તિ છે? જો નહીં તો અમે તમને જણાવી રહ્યા છીએ. AAPના રાષ્ટ્રીય સંયોજક અરવિંદ કેજરીવાલના ચૂંટણી એફિડેવિટ મુજબ, તેમની કુલ સંપત્તિ 1.73 કરોડ રૂપિયા છે. બુધવારે અરવિંદ કેજરીવાલે આગામી દિલ્હી વિધાનસભા ચૂંટણી માટે નવી દિલ્હી મતવિસ્તારથી ઉમેદવારી નોંધાવી હતી. તેમાં દાખલ કરવામાં આવેલી એફિડેવિટમાંથી આ માહિતી મળી છે.

Who is Chandrabhanu Paswan: અયોધ્યાની મિલ્કીપુર પેટાચૂંટણીમાં, ભાજપે પાસી સમુદાયના ઉમેદવારને મેદાનમાં ઉતારીને સ્પર્ધાને રસપ્રદ બનાવી છે. હવે આ બેઠક પરનો મુકાબલો પાસી વિરુદ્ધ પાસી બની ગયો છે. ભાજપના ઉમેદવાર ચંદ્રભાનુ પાસવાને લગભગ 10 કરતા વધુ દાવેદારોને હરાવીને ટિકિટ જીતી લીધી છે. ચંદ્રભાનુ પાસવાનને ટિકિટ આપીને ભાજપે માત્ર રાજકીય પંડિતોને જ નહીં, પરંતુ સમાજવાદી પાર્ટીને પણ આશ્ચર્યચકિત કરી દીધી છે.

નીચંદ્રભાન પાસવાન પણ RSS પૃષ્ઠભૂમિ ધરાવે છે. તેમના પિતા રામલખન દાસ ગામના સરપંચ છે અને RSS સાથે જોડાયેલા છે. આ ઉપરાંત ચંદ્રભાનુ પાસવાન કપડાં અને કાગળનો જથ્થાબંધ વ્યવસાય કરે છે, જેના કારણે તેમનો વ્યવસાય સુરત અને અમદાવાદ સુધી ફેલાયેલો છે. રાજકીય અનુભવની વાત કરીએ તો, તેઓ રૂદૌલીથી જિલ્લા પંચાયત સભ્ય પણ રહી ચૂક્યા છે. તેમની પત્ની કંચન હાલમાં રૂદૌલીથી જિલ્લા પંચાયતના સભ્ય છે. તેથી, ચંદ્રભાનુ પાસવાનને પણ ચૂંટણીનો અનુભવ છે.

Rahul Gandhi Slams Mohan Bhagwat: લોકસભામાં વિપક્ષના નેતા અને કોંગ્રેસના સાંસદ રાહુલ ગાંધીએ મોહન ભાગવતના બંધારણ પરના નિવેદન પર આકરા પ્રહારો કર્યા. તેમણે કહ્યું કે, "મોહન ભાગવત દ્વારા આપવામાં આવેલું નિવેદન બંધારણ પર સીધો હુમલો હતો. તેમણે કહ્યું કે, બંધારણ આપણી સ્વતંત્રતાનું પ્રતિક નથી, જે બિલકુલ ખોટું છે. આ સાથે ભાગવતે એમ પણ કહ્યું કે પંજાબમાં હજારો લોકો, કાશ્મીર અને ઉત્તર-પૂર્વમાં અમારા કાર્યકરોએ પોતાનો જીવ ગુમાવ્યો, જે ફક્ત બંધારણનું જ નહીં પરંતુ આપણા મૂલ્યોનું પણ ઉલ્લંઘન કરે છે. રાહુલ ગાંધીએ એમ પણ કહ્યું કે ભારતનો અભિગમ પશ્ચિમી વિચારધારાથી સંપૂર્ણપણે અલગ છે જે પોતાને સમજવા પર ધ્યાન કેન્દ્રિત કરે છે, જ્યારે પશ્ચિમ બહારની દુનિયા પર ધ્યાન કેન્દ્રિત કરે છે.

રાહુલ ગાંધીએ મોહન ભાગવતના નિવેદનને દેશદ્રોહ ગણાવ્યું. તેમણે કહ્યું કે, "મોહન ભાગવતમાં હિંમત હોય તો તેઓ કે 2-3 દિવસમાં બતાવે સ્વતંત્રતા સંગ્રામ અને બંધારણ વિશે શું વિચારે છે. તેમનું કહેવું કે સંવિધાન અને સ્વતંત્રતા સંગ્રામ ગેરકાયદેસર હતા. આ એક મોટો ગુનો છે. આ કહેવું આપણા દેશની સ્વતંત્રતા અને દરેક ભારતીયનું અપમાન છે." જો આ નિવેદન બીજા કોઈ દેશમાં આપવામાં આવ્યું હોત, તો ભાગવતની ધરપકડ કરવામાં આવી હોત અને ન્યાયિક કાર્યવાહી કરવામાં આવી હોત. આ સમય છે કે આપણે આ પ્રકારની બકવાસ બંધ કરીએ જે કેટલાક લોકો સમજ્યા-વિચાર્યા વિના જાહેરમાં બોલે છે.

Home Ministry approves ED to prosecute AAP leaders Arvind Kejriwal: દિલ્હી વિધાનસભા ચૂંટણી માટે બ્યૂગલ ફૂંકાઇ ગયું છે. આમ આદમી પાર્ટી (AAP)ના વડા અરવિંદ કેજરીવાલ હેટ્રિક જીત પર નજર રાખી રહ્યા છે. હાલમાં તેઓ પોતે ચૂંટણી સભાઓ કરવામાં વ્યસ્ત છે. આ દરમિયાન, એવા સમાચાર આવ્યા છે, જે તેમનું ટેન્શન વધારશે. દિલ્હી વિધાનસભાની ચૂંટણી અગાઉ દારૂ કૌભાંડનો મુદ્દો ફરી એકવાર બહાર આવ્યો છે. ગૃહ મંત્રાલયે દિલ્હી દારૂ કૌભાંડ સંબંધિત મની લોન્ડ્રિંગના કેસમાં અરવિંદ કેજરીવાલ સામે કાર્યવાહી કરવા માટે ED એટલે કે એન્ફોર્સમેન્ટ ડિરેક્ટોરેટને મંજૂરી આપી દીધી છે. અરવિંદ કેજરીવાલ વિશે આ સમાચાર એવા સમયે આવ્યા છે જ્યારે દિલ્હીમાં 5 ફેબ્રુઆરીએ મતદાન થવાનું છે અને પરિણામો 8 ફેબ્રુઆરીએ આવશે.

ટાઇમ્સ ઓફ ઇન્ડિયાના સમાચાર અનુસાર, અરવિંદ કેજરીવાલ વિરુદ્ધ કેસ નોંધવાની આ પરવાનગી ગૃહ મંત્રાલય દ્વારા પ્રિવેન્શન ઓફ મની લોન્ડ્રિંગ એક્ટ (PMLA) હેઠળ EDને આપવામાં આવી છે. દિલ્હીની એક ખાસ PMLA કોર્ટે અરવિંદ કેજરીવાલ સામે આરોપો નક્કી કરવા રોક લગાવી દીધી હતી. વાસ્તવમાં અરવિંદ કેજરીવાલે દિલ્હી હાઇકોર્ટનો દરવાજો ખખડાવ્યો હતો. તેમણે કહ્યું હતું કે ટ્રાયલ કોર્ટે PMLA હેઠળ કાર્યવાહી કરવા માટે જરૂરી મંજૂરી વિના ચાર્જશીટ પર ધ્યાન આપ્યું હતું.

Omar Abdullah praises PM Modi for Sonamarg tunnel: પ્રધાનમંત્રી નરેન્દ્ર મોદીએ આજે ​​સોનમર્ગ વિસ્તારમાં Z-મોડ ટનલનું ઉદ્ઘાટન કર્યું. આ પ્રસંગે PM મોદીની સાથે LG મનોજ સિંહા, CM ઓમર અબ્દુલ્લા અને કેન્દ્રીય મંત્રી નીતિન ગડકરી પણ હાજર હતા. PM મોદીએ જાહેર સભાને સંબોધિત કરી હતી. તેઓ ટનલ બાંધકામમાં રોકાયેલા મજૂરોને પણ મળ્યા. આ પ્રસંગે, જમ્મુ અને કાશ્મીરના મુખ્યમંત્રીએ પણ જનતાને સંબોધિત કરી હતી. તેમના ભાષણે ન માત્રા કાશ્મીરના લોકોનું ધ્યાન ખેંચ્યું, પરંતુ તેમનો અવાજ દિલ્હી સુધી પહોંચ્યો. તેમણે પોતાના સંબોધનમાં PM મોદીની ખૂબ પ્રશંસા કરી. આ ટનલની સાથે-સાથે, તેમણે PM મોદીના સરહદ સુરક્ષા કાર્યની પણ પ્રશંસા કરી.

Delighted to be amongst the wonderful people of Sonamarg. With the opening of the tunnel here, connectivity will significantly improve and tourism will see a major boost in Jammu and Kashmir. https://t.co/NQnu19ywpi

— Narendra Modi (@narendramodi) January 13, 2025

પોતાના સંબોધનમાં, જમ્મુ અને કાશ્મીરના મુખ્યમંત્રીએ PM મોદીની ખૂબ પ્રશંસા કરી. જો આપણે તેમના ભાષણ અને તેમના તાજેતરના નિવેદનોને એક-સાથે જોઈએ, તો ઇન્ડિયા ગઠબંધન અને કોંગ્રેસ માટે જોખમની ઘંટડી વાગી રહી છે. પોતાના સંબોધનમાં, સૌ પ્રથમ તેમણે Z-ટનલ પર આતંકવાદી હુમલામાં માર્યા ગયેલા મજૂરો અને ડૉક્ટરોના નામ લીધા. તેમણે તેમના બલિદાનને રાષ્ટ્ર માટેનું બલિદાન ગણાવ્યું.

Awadh Ojha: પૂર્વ મુખ્યમંત્રી અરવિંદ કેજરીવાલે આરોપ લગાવ્યો કે અમારા ઉમેદવાર અવધ ઓઝાને ચૂંટણી લડતા રોકવાનો પ્રયાસ કરવામાં આવ્યો છે. તેમણે કહ્યું કે અમારા પટપડગંજના ઉમેદવાર અવધ ઓઝાનો ગ્રેટર નોઈડામાં મત નોંધાયેલ હતો. તેમણે 26 ડિસેમ્બરે ગ્રેટર નોઈડામાં પોતાનો મત રદ કરાવવા માટે અરજી કરી હતી પરંતુ તેમને ત્યાંથી કોઈ જવાબ મળ્યો નહોતો. જેના પર તેમણે 7 જાન્યુઆરીએ પોતાનો મત દિલ્હી ટ્રાન્સફર કરવા માટે અરજી કરી.

આજ દિવસે ફોર્મ સબમિટ કરવાની છેલ્લી તારીખ હતી. દિલ્હીના મુખ્ય ચૂંટણી અધિકારીએ અગાઉ આદેશ જાહેર કર્યો હતો કે મતદાન માટે અરજી કરવાની છેલ્લી તારીખ 7 જાન્યુઆરી છે. પરંતુ તેના એક દિવસ બાદ, એક નવો આદેશ જાહેર કરવામાં આવ્યો જેમાં તેમણે કહ્યું કે છેલ્લી તારીખ 7 નહીં, પણ 6ઠ્ઠી જાન્યુઆરી છે. આ કેમ કરવામાં આવ્યું, તે કાયદાની અંતર્ગત નથી. એવું લાગે છે કે અવધ ઓઝાને રોકવા માટે એમ કરવામાં આવ્યું છે.

કેજરીવાલે કહ્યું કે એવું લાગે છે કે કોઈ ષડયંત્ર રચાઈ રહ્યું છે, દિલ્હીના મુખ્ય ચૂંટણી અધિકારીએ બીજો આદેશ કેમ આપવો પડ્યો? આ અંગે, અમે આજે દિલ્હીના મુખ્ય ચૂંટણી અધિકારીને મળીશું અને તેમને તેમના આદેશ પર પુનર્વિચાર કરવા વિનંતી કરીશું. તો, બીજો મુદ્દો એ છે કે ભારતીય જનતા પાર્ટી (BJP)ના ઘણા સાંસદો અને કેન્દ્રીય મંત્રીઓના મત બનાવવા માટે મોટા પાયે અરજીઓ કરવામાં આવી છે. આ અંગે પણ, આજે અમે દિલ્હીના મુખ્ય ચૂંટણી અધિકારીને મળીશું અને તેમની સાથે વાત કરીશું.