Politics

રેખા ગુપ્તાએ દિલ્હીમાં મુખ્યમંત્રી તરીકે શપથ લીધા છે. તેમની સાથે 6 ધારાસભ્યોએ પણ પદ અને ગોપનીયતાના શપથ લીધા છે. હવે આ કેબિનેટ મંત્રીઓના વિભાગો પણ વિભાજિત થઈ ગયા છે. ચાલો જાણીએ કે કયા મંત્રીને કયો વિભાગ આપવામાં આવ્યો છે.

રેખા ગુપ્તા સાથે, પ્રવેશ વર્મા, મનજિંદર સિંહ સિરસા, આશિષ સૂદ, પંકજ સિંહ, રવિન્દ્ર ઇન્દ્રજ અને કપિલ મિશ્રાએ દિલ્હીમાં મંત્રી તરીકે શપથ લીધા છે.

CM Rekha Gupta: રેખા ગુપ્તાએ આજે દિલ્હીના મુખ્યમંત્રી તરીકે શપથ લીધા છે. પદના શપથ લેતાની સાથે જ તેઓ એક્શન મોડમાં આવી ગયા છે. દિલ્હી કેબિનેટની પ્રથમ બેઠક પણ આજે જ યોજાશે.

Ekanath Shinde: મહારાષ્ટ્રના નાયબ મુખ્યમંત્રી એકનાથ શિંદેને જીવથી મારી નાખવાની ધમકીનો મામલો સામે આવ્યો છે. ગોરેગાંવ પોલીસને એક અજાણ્યા વ્યક્તિ તરફથી ઈ-મેલ મળ્યો છે. જેમાં એકનાથ શિંદેની કારને બોમ્બથી ઉડાવી દેવાની ધમકી આપવામાં આવી છે. આવો જ ધમકીભર્યો મેલ મંત્રાલય અને જેજે માર્ગ પોલીસ સ્ટેશનમાં પણ મળ્યો છે, જેણે ધમકીભર્યો ઈમેલ મોકલ્યો હતો.

રેખા ગુપ્તાએ વડાપ્રધાન નરેન્દ્ર મોદીની હાજરીમાં રામલીલા મેદાનમાં દિલ્હીના મુખ્યમંત્રી તરીકે શપથ લીધા છે. તેઓ દિલ્હીના ચોથા મહિલા મુખ્યમંત્રી બન્યા છે. આ પાર્ટી માટે ઐતિહાસિક દિવસ છે કારણ કે ભાજપ 27 વર્ષ બાદ રાજધાનીમાં સત્તામાં પાછી આવી છે. સુષ્મા સ્વરાજ, શીલા દીક્ષિત અને આતિશી બાદ રેખા ગુપ્તા દિલ્હીના ચોથા મહિલા મુખ્યમંત્રી છે.

દિલ્હીના મુખ્યમંત્રી રેખા ગુપ્તા બાદ, પરવેશ વર્મા, આશિષ સૂદ, મનજિન્દર સિંહ સિરસા, રવિન્દર ઈન્દરાજ, કપિલ મિશ્રા અને પંકજ સિંહે કેબિનેટ મંત્રી તરીકે શપથ લીધા.

Delhi CM Rekha Gupta: દિલ્હીને પોતાના આગામી મુખ્યમંત્રી મળી ગયા છે. ફરી એકવાર દિલ્હીની કમાન એક મહિલાને સોંપવામાં આવી છે. સુષ્મા સ્વરાજ, શીલા દીક્ષિત અને આતિશી માર્લેના બાદ, રેખા ગુપ્તા દિલ્હીના મુખ્યમંત્રી બનનારા ચોથા મહિલા હશે. દિલ્હીને સુષ્મા સ્વરાજના રૂપમાં પ્રથમ મુખ્યમંત્રી મળ્યા હતા. ભાજપે તેમને દિલ્હી સરકારના બચેલા 52 દિવસ માટે મુખ્યમંત્રી બનાવ્યા હતા. હવે રેખા ગુપ્તાને મુખ્યમંત્રી બનાવ્યા બાદ, 27 વર્ષ અગાઉની આ કહાની ખૂબ યાદ આવી રહી છે.

હકીકતમાં, જ્યારે 1993માં દિલ્હીમાં વિધાનસભાની ચૂંટણીઓ યોજાઈ હતી, ત્યારે ભાજપ 70 માંથી 49 બેઠકો જીતીને સ્પષ્ટ બહુમતી સાથે સત્તામાં આવી હતી, પરંતુ તે સમયે પાર્ટીની સ્થિતિ આજ જેટલી મજબૂત નહોતી. એવામાં, ભારતીય જનતા પાર્ટીને તે સમયના 5 વર્ષમાં દિલ્હીમાં 3 મુખ્યમંત્રી આપવા પડ્યા. પહેલા મદન લાલ ખુરાનાને 2 વર્ષ માટે મુખ્યમંત્રી બનાવવામાં આવ્યા, ત્યારબાદ સાહિબ સિંહ વર્મા અઢી વર્ષથી વધુ સમય માટે મુખ્યમંત્રી રહ્યા, અંતે સુષ્મા સ્વરાજને 52 દિવસ માટે આ પદ આપવામાં આવ્યું હતું.

કોંગ્રેસના વરિષ્ઠ નેતા અને રાહુલ ગાંધીના નજીકના સાથી સેમ પિત્રોડાએ એક મોટો દાવો કરીને નવો વિવાદ ઉભો કરી દીધો છે. સેમ પિત્રોડાએ કહ્યું છે કે ચીન તરફથી જોખમ ઘણીવાર અતિશયોક્તિપૂર્ણ હોય છે. તેમનું કહેવું છે કે ભારતે ચીનને પોતાનો દુશ્મન માનવાનું બંધ કરી દેવું જોઈએ. હવે સમય આવી ગયો છે કે આપણે આપણા પાડોશી દેશને ઓળખીએ અને તેનું સન્માન કરીએ. ભારત-ચીન સંબંધો પર પિત્રોડાએ કહ્યું કે ભારતે પોતાની માનસિકતા બદલવાની અને ચીન દુશ્મન છે તેવી ધારણા છોડી દેવાની જરૂર છે.

પિત્રોડાએ કહ્યું કે ભારતનો અભિગમ હંમેશાં ટકરાવવાળો રહ્યો છે, જે દુશ્મનાવટ પેદા કરે છે. આ વિચારસરણી બદલવી જોઈએ. એ જરૂરી નથી કે આપણે હંમેશાં ચીનને દુશ્મન માનીએ અને આ ફક્ત ચીન માટે જ નહીં પરંતુ દરેક માટે હોવું જોઈએ. મને ખબર નથી કે ચીનથી શું જોખમ છે. મને લાગે છે કે આ મુદ્દાને ઘણીવાર અતિશયોક્તિપૂર્ણ રજૂ કરવામાં આવે છે, કારણ કે અમેરિકાએ હંમેશાં તેના દુશ્મનને ઓળખવો પડે છે.

દિલ્હીના મુખ્યમંત્રીનો શપથ ગ્રહણ સમારોહ માટે તારીખ અને સમય નક્કી થઇ ગયો છે. નવા મુખ્યમંત્રી કેબિનેટ સભ્યો સાથે રામલીલા મેદાનમાં શપથ લેશે. આ માટેની તૈયારીઓ રામલીલા મેદાનમાં શરૂ થઈ ગઈ છે. શપથ ગ્રહણ અને સરકારની રચનાને લઈને 19 ફેબ્રુઆરીએ ભાજપની બેઠક થશે. બેઠકમાં ધારાસભ્ય દળની બેઠકનો સમય અને તારીખ નક્કી કરવામાં આવશે. શપથ ગ્રહણ સમારોહના પ્રભારી વિનોદ તાવડે અને તરુણ ચૂગ બેઠકમાં હાજર રહેશે. દિલ્હી બીજેપી અધ્યક્ષ વીરેન્દ્ર સચદેવા અને દિલ્હી ભાજપ સંગઠનના અધિકારીઓ પણ હાજર રહેશે. આ બેઠકમાં શપથગ્રહણની તૈયારીઓ, બેઠક વ્યવસ્થા અને ગેસ્ટ લિસ્ટને આખરી ઓપ આપવામાં આવશે. શપથ ગ્રહણ સમારોહ માટે તારીખ માટે જુઓ નીચે આપેલો વીડિયો.

View this post on Instagram

A post shared by SidhiKhabar (@sidhikhabar)

Chhattisgarh Urban Body Election Results: છત્તીસગઢમાં મ્યુનિસિપલ ચૂંટણી માટે મતદાન થયા બાદ આજે સવારે 9 વાગ્યાથી મતગણતરી શરૂ થઈ ગઈ છે. સૌ પ્રથમ, પોસ્ટલ બેલેટની ગણતરી કરવામાં આવી. ત્યારબાદ, સવારે 9:30 વાગ્યે EVM (ઈલેક્ટ્રોનિક વોટિંગ મશીન) મતોની ગણતરી શરૂ થઈ હતી. આજે 10 મ્યુનિસિપલ કોર્પોરેશનોમાં મેયર અને કાઉન્સિલર પદ માટેના ઉમેદવારો તેમજ 49 મ્યુનિસિપલ કાઉન્સિલ અને 114 નગર પંચાયતો સહિત 173 શહેરી સંસ્થાઓમાં ચેરમેન અને કાઉન્સિલર પદ માટેના ઉમેદવારોનું ભાવિ નક્કી થશે. મત ગણતરી માટે ગણતરી કેન્દ્રો પર કડક સુરક્ષા વ્યવસ્થા કરવામાં આવી છે.

Best Prime Minister: દેશના શ્રેષ્ઠ વડાપ્રધાન કોણ છે? આ ચર્ચાનો વિષય છે. કોંગ્રેસીઓ નહેરુ અને ઇન્દિરાને શ્રેષ્ઠ માને છે. જ્યારે, ભાજપના નેતાઓ PM મોદી અને અટલ બિહારી વાજપેયીને. અવારનવાર PM મોદીની સરખામણી નહેરુ અને ઇન્દિરા સાથે કરવામાં આવે છે. દરેક વ્યક્તિ પોતાની રીતે શ્રેષ્ઠ PMનું અર્થઘટન કરે છે. દરમિયાન, સામાન્ય લોકો દ્વારા વ્યક્ત કરાયેલા અભિપ્રાય કેટલાક લોકોને આશ્ચર્યચકિત કરી શકે છે. જીં હાં, લોકોએ અત્યાર સુધીના ભારતના શ્રેષ્ઠ PM કોણ છે જે જણાવ્યું છે?

ખરેખર, ઇન્ડિયા ટુડે-C વોટરે એક ઓપિનિયન પોલ હાથ ધર્યો છે. નામ છે મૂડ ઓફ ધ નેશન. આ સર્વેમાં લોકોને પૂછવામાં આવ્યું હતું કે અત્યાર સુધીના શ્રેષ્ઠ વડાપ્રધાન કોણ છે? જનતાએ આપેલો જવાબ ભાજપની તરફેણમાં છે. જી હાં, મોટાભાગના લોકો માને છે કે PM નરેન્દ્ર મોદી અત્યાર સુધીના શ્રેષ્ઠ પ્રધાનમંત્રી છે. 50 ટકાથી વધુ લોકો PM મોદીના પક્ષમાં છે.

PM Narendra Modi: મહારાષ્ટ્રના મુંબઈમાં પોલીસના મુખ્ય કંટ્રોલ રૂમમાં એક ધમકીભર્યો ફોન આવ્યો છે. ફોન દ્વારા ધમકી આપવામાં આવી છે કે વડાપ્રધાન નરેન્દ્ર મોદીના વિમાન પર આતંકવાદી હુમલો કરવામાં આવશે. કોલ મળતા જ પોલીસ સક્રિય થઈ ગઈ અને એલર્ટ મોડ પર આવી ગઈ અને આવો દાવો કરનાર વ્યક્તિની શોધ શરૂ કરી દીધી છે.

વડાપ્રધાન નરેન્દ્ર મોદી પર આતંકવાદી હુમલો થવાની ધમકી આપનાર એક વ્યક્તિના ફોન બાદ સુરક્ષા એજન્સીઓને એલર્ટ પર રાખવામાં આવી છે. મંગળવારે (11 ફેબ્રુઆરી) મુંબઈ પોલીસના કંટ્રોલ રૂમને એક ફોન આવ્યો જેમાં ચેતવણી આપવામાં આવી હતી કે આતંકવાદીઓ હાલમાં અમેરિકાના પ્રવાસે રહેલા વડાપ્રધાન મોદીના વિમાન પર હુમલો કરી શકે છે.