Politics

ભારતીય જનતા પાર્ટી (BJP)એ એક મોટો સંગઠનાત્મક ફેરફાર કર્યો છે, જેમાં બિહાર સરકારના મંત્રી નીતિન નબીનને પાર્ટીના રાષ્ટ્રીય કાર્યકારી અધ્યક્ષ તરીકે નિયુક્ત કરવામાં આવ્યા છે. બિહારમાં શહેરી વિકાસ અને ગૃહનિર્માણ મંત્રી તરીકે અગાઉ સેવા આપી ચૂકેલા નીતિન નબીનને રાષ્ટ્રીય સ્તરે આ નવી જવાબદારી સોંપવામાં આવી છે. પટનાના બાંકીપુર વિધાનસભા મતવિસ્તારના ધારાસભ્ય નીતિન નબીન હાલમાં બિહાર સરકારમાં મંત્રી છે. તેઓ ભાજપના એક યુવા અને તેઓ તેજ નેતા નેતા તરીકે જાણીતા છે.

કેન્દ્રીય મંત્રીમંડળની બેઠકમાં 3 મોટા નિર્ણયો લેવામાં આવ્યા છે. 2027ની વસ્તી ગણતરી માટે 11,718 કરોડનું બજેટ મંજૂર કરવામાં આવ્યું છે. આ દેશવ્યાપી વસ્તી ગણતરીની તૈયારીઓ માટે એક મોટી નાણાકીય ફાળવણી કરી છે. બીજો નિર્ણય કોલસા જોડાણ નીતિમાં મોટા સુધારાઓને લઈને છે, જેમાં CoalSETUને મંજૂરી આપવામાં આવી છે. આ કોલસા પુરવઠો અને પારદર્શિતા વધારવા માટે નવી નીતિ લાગુ કરવાનો નિર્ણય છે. ત્રીજા નિર્ણયમાં 2026ના કોપરા સીઝન માટે MSP પર નીતિગત મંજૂરીનો સમાવેશ થાય છે, જે નાળિયેર ખેડૂતોના હિતમાં એક મહત્ત્વપૂર્ણ નિર્ણય છે.

CoalSETU અંગે કેન્દ્રીય મંત્રી અશ્વિની વૈષ્ણવે જણાવ્યું હતું કે કોઈપણ સ્થાનિક ખરીદનાર લિંકેજ હરાજીમાં ભાગ લઈ શકે છે. કોલસા જોડાણ ધારકો 50% સુધી નિકાસ કરી શકે છે. બજારમાં હેરાફેરી અટકાવવા માટે વેપારીઓને ભાગ લેવાની મંજૂરી આપવામાં આવશે નહીં. તેમણે એમ પણ કહ્યું કે કેબિનેટે 2027ની વસ્તી ગણતરી માટે 11,718 કરોડ રૂપિયાનું બજેટ મંજૂર કર્યું છે.

કોંગ્રેસના વરિષ્ઠ નેતા અને ભૂતપૂર્વ કેન્દ્રીય ગૃહમંત્રી શિવરાજ પાટિલનું લાતુરમાં નિધન થઇ ગયું. તેઓ 91 વર્ષના હતા. તેમણે સવારે લગભગ 6:30 વાગ્યે લાતુરમાં તેમના નિવાસસ્થાને અંતિમ શ્વાસ લીધા હતા. તેઓ લાંબા સમયથી બીમાર હતા અને લાતુરમાં સારવાર લઈ રહ્યા હતા. શિવરાજ પાટિલ તેમના લાંબા રાજકીય કારકિર્દી દરમિયાન અનેક મહત્ત્વપૂર્ણ હોદ્દાઓ સંભાળી ચૂક્યા હતા, જેમાં લોકસભાના અધ્યક્ષ તરીકે સેવા આપવી અને કેન્દ્રીય મંત્રીમંડળમાં વિવિધ મુખ્ય વિભાગો સંભાળવા સહિતનો સમાવેશ થાય છે.

શિવરાજ પાટિલ મહારાષ્ટ્રના લાતુરથી 7 વખત સંસદ સભ્ય રહ્યા હતા. તેમણે પંજાબના રાજ્યપાલ અને ચંદીગઢના પ્રશાસક તરીકે પણ સેવા આપી હતી. તેમને UPA સરકારમાં ગૃહમંત્રી તરીકે નિયુક્ત કરવામાં આવ્યા હતા. તેમણે દેશના સંરક્ષણ મંત્રી તરીકે પણ સેવા આપી હતી.

ગુરુવારે ભારતના વડાપ્રધાન નરેન્દ્ર મોદીએ અમેરિકાના રાષ્ટ્રપતિ ડોનાલ્ડ જે. ટ્રમ્પ સાથે ટેલિફોન પર વાતચીત કરી હતી. બંને નેતાઓએ ભારત-અમેરિકા વ્યાપક વૈશ્વિક વ્યૂહાત્મક ભાગીદારીમાં પ્રગતિની સમીક્ષા કરી અને તમામ ક્ષેત્રોમાં દ્વિપક્ષીય સહયોગ સતત મજબૂત થવા પર સંતોષ વ્યક્ત કર્યો. વડાપ્રધાન નરેન્દ્ર મોદીએ ટ્રમ્પ સાથેની તેમની વાતચીત વિશે માહિતી આપી, તેને ખૂબ જ ઉષ્માભરી ગણાવી.

દેશની સૌથી મોટી રાજકીય પાર્ટી જે છેલ્લા કેટલાય સમયથી સતત પરાજયનો સામનો કરી રહી છે. ત્યારે હવે સંસદના ચાલુ સત્રમાં છેલ્લા કેટલાક દિવસોથી ચાલી રહેલા રાજકીય ઘટનાક્રમોએ કોંગ્રેસ પાર્ટીની આંતરિક ગતિવિધિઓ અને નેતૃત્વના સંતુલન પર નવા પ્રશ્નો ઊભા કર્યા છે. સંસદની પરંપરા મુજબ વડાપ્રધાનના સંબોધનનો જવાબ વિપક્ષના નેતાએ આપવાનો હોય છે. પરંતુ 'વંદે માતરમ્' પરની ચર્ચા દરમિયાન રાહુલ ગાંધી ગૃહમાં ગેરહાજર રહ્યા હતા. ત્યારે કોંગ્રેસ પક્ષ તરફથી આ જવાબદારી તેમના બહેન પ્રિયંકા ગાંધી વાડ્રાણે માથે આવી હતી.

પ્રક્રિયાગત હેરફેર દ્વારા મુખ્ય ચૂંટણી કમિશનર (CEC)ની સ્વતંત્રતાને કથિત રીતે નબળી પાડવા બદલ કેન્દ્ર સરકારની ટીકા કર્યાના એક દિવસ બાદ, લોકસભામાં વિરોધ પક્ષના નેતા રાહુલ ગાંધીએ બુધવારે લગભગ દોઢ કલાક સુધી વડાપ્રધાન નરેન્દ્ર મોદી અને ગૃહમંત્રી અમિત શાહ સાથે બેહક કરી. બેઠકનો મુખ્ય વિષય મુખ્ય માહિતી કમિશનર (CIC), 8 માહિતી કમિશનર અને એક વિજિલન્સ કમિશનરની નિમણૂકો પર ચર્ચાનો હતો.

ચૂંટણી સુધારાઓ પર ચર્ચા દરમિયાન, કેન્દ્રીય મંત્રી અમિત શાહે ચૂંટણી સુધારાઓ, SIR, ઘુસણખોરો અને વિપક્ષ વિશેના પ્રશ્નોના નિખાલસતાથી જવાબ આપ્યા. તેમણે સ્પષ્ટતા કરી કે, SIR મતદાર યાદીઓને શુદ્ધ કરવાની પ્રક્રિયા છે. વિદેશી નાગરિકો મતદાર યાદીમાં ન હોવા જોઈએ. અમે એક પણ ઘુસણખોરને તેમાં રહેવા નહીં દઈએ. કેટલીક પાર્ટીઓ એવી છે જેમને ભારતીય નાગરિકો મત આપતા નથી, ફક્ત વિદેશી નાગરિકો જ આપે, પરંતુ હવે જ્યારે તે બધા વિદેશી નાગરિકોને મતદાર યાદીમાંથી દૂર કરવામાં આવશે, ત્યારે તેઓ પણ મત આપી નહીં શકે. તેના માટે હું તે પાર્ટીઓ માટે સહાનુભૂતિ અનુભવું છું. સરકાર ઘુસણખોરોને બહાર કાઢવા માટે 3D પોલિસી પર કામ કરી છે.

ચૂંટણી પ્રક્રિયામાં સુધારાની જરૂરિયાત વ્યક્ત કરતા શિવસેનાએ મંગળવારે માંગ કરી હતી કે સરકાર એક જ મતદાર યાદી અને રિમોટ વોટિંગ’નો અધિકાર સુનિશ્ચિત કરે. તેમણે ચૂંટણી લડવા માટેની લઘુત્તમ વય 18 કે 21 વર્ષ કરવાનું પણ સૂચન કર્યું. લોકસભામાં ચૂંટણી સુધારા પર ચાલી રહેલી ચર્ચા દરમિયાન શિવસેનાના સાંસદ શ્રીકાંત શિંદેએ જણાવ્યું હતું કે ચૂંટણી પ્રક્રિયામાં વ્યાપક સુધારાની જરૂર છે અને સરકાર દ્વારા આ હાંસલ કરવા માટે કરવામાં આવી રહેલા તમામ પ્રયાસો, જેમાં સ્પેશિયલ ઇન્ટેન્સિવ રિવ્યૂ (SIR)નો પણ સમાવેશ થાય છે, તે યોગ્ય દિશામાં છે.

લોકસભામાં વડાપ્રધાન મોદીના ભાષણથી વંદે માતરમ પર ચર્ચા શરૂ થઈ. આ ચર્ચા વંદે માતરમની 150મી વર્ષગાંઠ નિમિત્તે યોજાઈ રહી છે. જ્યારે વડાપ્રધાન મોદી લોકસભામાં બોલી રહ્યા હતા, ત્યારે એક TMC સાંસદે તેમને ટોકી દીધા, ત્યારબાદ વડાપ્રધાન નરેન્દ્ર મોદીએ તેમની સાથે મજાક પણ કરી હતી.

નવજોત સિંહ સિદ્ધુના પત્ની નવજોત કૌરને કોંગ્રેસ પાર્ટીમાંથી સસ્પેન્ડ કરી દેવામાં આવ્યા છે.  નવજોત કૌર સિદ્ધુએ મુખ્યમંત્રીની ખુરશી માટે  500 કરોડ રૂપિયાનો ઉલ્લેખ કરતાં ટિપ્પણી કરી હતી અને કોંગ્રેસે આ મામલે તેમના પર કાર્યવાહી કરતાં સસ્પેન્ડ કર્યા છે.

નવજોત સિદ્ધૂના નિવેદન બાદ રાજ્યભરમાં રાજકીય ગરમાવો આવી ગયો હતો.. સોમવારે (8 ડિસેમ્બર) કોંગ્રેસે તેમને પાર્ટીમાંથી સસ્પેન્ડ કર્યા. પંજાબ કોંગ્રેસના વડા અમરિંદર સિંહ રાજા વારિંગે તેમની સામે કાર્યવાહી કરી. એક આદેશમાં વારિંગે જણાવ્યું કે, ‘ડૉ. નવજોત કૌર સિદ્ધુને તાત્કાલિક અસરથી પાર્ટીના પ્રાથમિક સભ્યપદમાંથી સસ્પેન્ડ કરવામાં આવ્યા છે.’