દક્ષિણ ગુજરાત

Gujarat Khair Wood Smuggling in ‘Pushpa’ Style: ગુજરાતમાં પુષ્પા સ્ટાઇલના લાકડાની ચોરી અને તસ્કરીના કેસમાં એક મોટો ખુલાસો થયો છે. આ લાકડાના તસ્કરોની લિંક આંતરરાષ્ટ્રીય સ્તર સુધીની છે. ગુજરાતના વનમંત્રી મુકેશ પટેલે આ આંતરરાષ્ટ્રીય લાકડાની તસ્કરી અંગે માહિતી આપી છે. નવાઈની વાત એ છે કે આ આંતરરાષ્ટ્રીય લાકડાની તસ્કરીની કહાની સુપરસ્ટાર અલ્લૂ અર્જૂનની હિટ ફિલ્મ 'પુષ્પા-2' જેવી જ છે. ફિલ્મમાં બતાવ્યા પ્રમાણે તેનું નેટવર્ક આંતરરાષ્ટ્રીય સ્તર સુધીનું છે.

Surat: સુરતથી વાલીઓ માટે લાલબત્તી સમાન કિસ્સો સામે આવ્યો છે. ઉધના રેલવે સ્ટેશનની બાંધકામ સાઇટ પર પાણીની ટાંકીમાં પડી જવાથી એક માસૂમ બાળકનું મોત થઇ ગયું છે. આ મામલે બાળકના પરિવારે ઉધના રેલવે તંત્ર પર બેદરકારી રાખવાનો આરોપ લગાવ્યો છે. ઉધના રેલવે પોલીસે હાલ અક્સ્માતે મોતનો ગુનો નોંધીને વધુ કાર્યવાહી હાથધરી છે.

મળતી માહિતી મુજબ, મૂળ બિહારના રહેવાસી અને લીંબાયત સરદાર નગરમાં રહેતા મોહમ્મદ આલમ શેખનો 8 વર્ષનો દીકરો ઇબાદુલ્લાહ ત્રીજા ધોરણમાં ભણતો હતો. તે રવિવારે બપોરે મિત્રો સાથે રમવા નીકળ્યો હતો. આ દરમિયાન ઉધના રેલવે કોલોની પાસે કોન્ક્રિટ પ્લાન્ટમાં પાણી ભરેલી ખુલ્લી ટાંકીમાં બાળક પડી ગયો હતો, જેના કારણે તેનું મોત થઇ ગયું હતું. કોઈક વ્યક્તિએ તેને ટાંકીમાંથી બહાર કાઢ્યો હતો અને 108 માર્ફતે હૉસ્પિટલ લઇ જવામાં આવ્યો હતો, પરંતુ હૉસ્પિટલના ડૉક્ટરોએ તેને મૃત જાહેર કર્યો હતો.

ગુજરાતના બહુચર્ચિત અમદાવાદની ખ્યાતિ હૉસ્પિટલ કાંડ વિશે તો બધાને ખબર છે. આયુષ્યમાન કાર્ડના માધ્યમથી સરકારી નાણા ખંખેરી લેવાનો તેમનો કારસો સામે આવ્યો આવ્યો. બે લોકોને ખોટી રીતે સ્ટેન્ટ મુક્યા બાદ મોત થઇ જતા પરિવારજનોએ હોબાળો કરી દીધો હતો, ત્યારબાદ આ કાંડ સામે આવ્યો હતો. હવે સુરતની નવી સિવિલ હૉસ્પિટલ પર એક માતાએ ગંભીર આક્ષેપ લગાવ્યા છે. સુરતની નવી સિવિલ હૉસ્પિટલમાં સારવાર દરમિયાન ડૉક્ટરોની બેદરકારીના કારણે ૩ મહિનાની બાળકીનું મોત થયું હોવાનો આક્ષેપ માતા દ્વારા લગાવવામાં આવ્યો છે.

નવી સિવિલ હૉસ્પિટલમાં ઇન્ટર્નશિપ કરતી યુવતીએ ગળે ફાંસો ખાઇને જીવન ટૂંકાવી લેવાની ઘટના પ્રકાશમાં આવી છે. આત્મહત્યા કરનાર યુવતીની ઓળખ જાનવી (24 વર્ષ)ના રૂપમાં થઇ છે. તેણે પોતાના જ ઘરે પંખા સાથે ઓઢણી બાંધી ફાંસો ખાઇ લીધો હતો. મૃતક યુવતી M.B.B.S.નો અભ્યાસ પૂર્ણ કરીને નવી સિવિલ હૉસ્પિટલમાં ઇન્ટર્નશિપ કરી રહી હતી. ઘટનાની જાણ થતા વરાછા પોલીસે તપાસ હાથ ધરી છે.

મળતી માહિતી મુજબ વરાછા વિસ્તારમાં હીરાબાગ પાસે આવેલી રામેશ્વર સોસાયટીમાં રહેતા મહેશ વઘાસીયા (મૂળ અમરેલી ધામેલ ગામના વતની) કાપડ વેપારી છે. તેના પરિવારમાં પત્ની અને ૩ સંતાનો છે. તેની 24 વર્ષીય દીકરી જાનવી M.B.B.S.નો અભ્યાસ પૂર્ણ કરીને, અત્યારે નવી સિવિલ હૉસ્પિટલમાં ઇન્ટર્નશિપ કરી રહી હતી. તેણે બુધવારે રાત્રે 11:30 વાગ્યાના સમયગાળા દરમિયાન આત્મહત્યા કરી લેતા પરિવારજનો સ્તબ્ધ થઇ ગયા હતા.

Uttarayan 2025: ઉતરાયણને હવે વધારે દિવસ બચ્યા નથી. પતંગ રસિયા તો ઉત્તરાયણ અગાઉ જ પતંગ ચગાવવાની મજા માણી રહ્યા છે. ઉત્તરાયણના સમયગાળા દરમિયાન ઘણા લોકોના ગળા કપાવાના કિસ્સા સામે આવતા હોય છે, જેના કારણે લોકોને ઈજા પહોચતી હોય છે, કેટલાક કિસ્સામાં તો લોકોએ જીવ પણ ગુમાવવા પડે છે. હાલમાં જ સુરતમાં એક એવી જ ઘટના સામે આવી છે, જે માતા-પિતાઓ માટે લાલબત્તી સમાન કિસ્સો છે.

HMPV Virus: અત્યારે ચીનમાં ફેલાયેલા HMPV વાયરસને લઈને ભારત સહિત દુનિયામાં ફફડાટ ફેલાયો છે. એ ફફડાટ એટલે ફેલાયો છે કેમ કે અત્યારે ચીનમાં મોટા પાયે આ HMPV વાયરસના કેસ નોંધાઈ રહ્યા છે. જ્યારે કોરોના પણ ચીનથી જ દેશ-દુનિયામાં પ્રવેશ્યો હતો અને ત્યારે કોરોનાએ દુનિયાભરમાં ભારે તબાહી મચાવી હતી. અને હવે HMPVના કેસ સતત વધી રહ્યા છે, જેના ભારતમાં પણ કેસો જોવા મળી રહ્યા છે, એટલે ભારત સહિત દુનિયામાં ફફડાટ ફેલાય એ સ્વભાવિક છે. પરંતુ તેનાથી ડરવાની જરૂર નથી. નિષ્ણાંતોનું માનવું છે કે એ માત્ર શરદી-ખાંસી છે. આ વારયસનું અસ્તિત્વ 25 વર્ષથી એટલે કે વર્ષ 2001થી છે.

Surat Gas Cylinder Blast: સુરતના પુણા ગામમાં વહેલી સવારે ગેસ સિલિન્ડર બ્લાસ્ટ થવાની મોટી દુર્ઘટના ઘટી હતી. ગેસ સિલિન્ડર બ્લાસ્ટ થતા 2 રૂમમાં આગ લાગી ગઇ હતી. ગેસ સિલિન્ડર બ્લાસ્ટ થવાના કારણે સ્થાનિકો જાગી ગયા હતા. આ ઘટનામાં 6 લોકો દાઝી ગયા છે. તમામને સારવાર માટે 108 એમ્બ્યુલન્સ માર્ફતે સ્મિમેર હૉસ્પિટલ લઇ જવામાં આવ્યા છે. જેમાં ૩ લોકોની હાલત ગંભીર હોવાનું કહેવામાં આવી રહ્યું છે. તમામને વધુ સારવાર માટે ખાનગી હૉસ્પિટલમાં ખસેડવામાં આવ્યા છે.

આગને જોઇને તાત્કાલિક ફાયર વિભાગને જાણ કરવામાં આવતા ફાયર વિભાગ અને પોલીસની ટીમ પણ સ્થળ પર પહોંચી છે. સમગ્ર ઘટનાને લઇને ફાયર ઓફિસરે કહ્યું હતું કે, તમામ લોકો 30-40 ટકા દાઝી ગયા હતા. 6:44 વાગ્યે ફાયર કંટ્રોલ રૂમને ફોન આવ્યો હતો. ત્યારબાદ બાદમાં કાપોદ્રા અને ડુંભાલ ફાયર વિભાગની 4 ગાડી ઘટનાસ્થળે પહોંચી હતી.

Navsari Rape Case: નવસારીની એક કોર્ટે 16 વર્ષની વિદ્યાર્થિની પર બળાત્કાર ગુજારનાર આરોપીને આજીવન કેદની સજા ફટકારી છે. નવસારી POCSO કોર્ટના ન્યાયાધીશ ટી.એસ. બ્રભટ્ટે જણાવ્યું હતું કે ઓક્ટોબર 2021માં આરોપી મોહમ્મદ સાદિક ખત્રી દ્વારા કરવામાં આવેલી જાતીય સતામણી નૈતિક ક્ષતિનું કૃત્ય હતું. જ્યારે પોલીસે તેની ધરપકડ કરી ત્યારે તેની પાસેથી યૌનવર્ધક ગોળીઓ પણ મળી આવી હતી. જેની બાબતે કોર્ટે કહ્યું હતું કે અસહાય બાળકોનો શિકાર કરવામાં તેની વિકૃત માનસિકતા દર્શાવે છે.

Hazira Steel Plant News: વર્ષ 2024એ વિદાઇ લીધી અને વર્ષ 2025નું આગમન થઇ ગયું છે, પરંતુ વર્ષ 2025ની સવાર જોવાનું હજીરાની એક કંપનીમાં કામ કરતા 4 લોકોના નસીબમાં જ નહોતું. વર્ષના અંતિમ દિવસની સાંજે હજીરા ખાતે આવેલી AM/NS કંપનીના કોરેક્સ-2 પ્લાન્ટમાં આગની દુર્ઘટના સર્જાતા 4 મજૂરોના કમકમાટીભર્યા મોત નીપજ્યા હતા, જ્યારે એક કર્મચારી ગંભીર રીતે દાઝી ગયો હોવાનું સામે આવ્યું છે. તમામ ઈજાગ્રસ્ત લોકોને સારવાર અર્થે હૉસ્પિટલ ખસેડાયા હતા. ઘટના બનતા જ નોટિફાઇડ એરિયાની ફાયરની ટીમ સ્થળે પહોંચી હતી.

Surat Police Creative Approach: આજે થર્ટી ફર્સ્ટ એટલે વર્ષ 2024નો છેલ્લો દિવસ છે. આજના દિવસે દેશ જ નહીં દુનિયાભરના લોકો ધામધૂમ અને ઉત્સાહપૂર્વક આવનાર નવા વર્ષ (વર્ષ 2025)ને આવકારે છે, પરંતુ આ દરમિયાન કેટલાક અસામાજિક તત્વો દારુ ઢીંચીને કે અન્ય નશો કરીને ઉત્પાત મચાવતા હોય છે. જેથી તણાવ ઉત્પન્ન થવાની સ્થિતિ બની જાય છે. પરંતુ સુરત પોલીસે આ વખતે થર્ટી ફર્સ્ટે અસામાજિક તત્વોને સમજાવવા માટે ક્રિએટિવ અંદાજ અપનાવ્યો છે.

આમ તો મોજીલા સુરતીઓના સુરતમાં અસમાજિક તત્વોનો આતંક દિવસે ને દિવસે વધી રહ્યો છે. કેટલાક અસામાજિક તત્વો શહેરમાં ખુલ્લેઆમ હથિયારો લઈને ફરે છે અને સ્થાનિકોમાં ભયનો માહોલ ઉભો કરી દેતા હોય છે. જો કે, પોલીસ દ્વારા તેમની સામે કાર્યવાહી પણ કરે છે. સુરત પોલીસે ઘણા અસામાજિક તત્વોને પાઠ ભણાવ્યો છે. અસામાજિક તત્વોનું સરઘસ કાઢવામાં આવે છે.