કચ્છ-સૌરાષ્ટ્ર

Rameshbhai Tilara: ગુજરાત કોમી તોફાનોનો ઇતિહાસ ધરાવે છે. કોમી તોફાનો પછી સંપત્તિની ખરીદ-વેચાણની ફરિયાદો વધી જતી હતી. અશાંત ધારો એવા સ્થાન પર લગાવાય છે જ્યાં વારંવાર બે કોમ વચ્ચે તણાવ થતો હોય. બે કોમ વચ્ચે વર્ચસ્વ વધારવા માટે મિલકત ખરીદીને સામેની કોમ પર દબાણ ઊભું કરાતું હોય. જેના પગલે આ અશાંત ધારાનો કાયદો લાગૂ કરવામાં આવ્યો. આ સંજોગોમાં વર્ષ 1991માં તત્કાલિન મુખ્યમંત્રી સ્વ. ચીમનભાઇ પટેલે વર્ષ 1986ના અશાંત ધારામાં કેટલાક સુધારા સાથે તેને લાગૂ કરવાની જાહેરાત કરી હતી.

ઉલ્લેખનીય છે કે, જે વિસ્તારમાં અશાંત ધારો લાગૂ કરાવમાં આવ્યો હોય તે વિસ્તારમાં મકાન કે દુકાન વેચવી હોય તો નિયંત્રણ લાગે, અને જો મિલકત વેચવી હોય તો કલેક્ટરને જાણ કરવી પડે છે. સાથે મિલકત કોને વેચી રહ્યા છો તેની વિગતો આપવી પડે છે. જિલ્લા કલેક્ટર ખરીદનાર અને વેચનારની સુનાવણી હાથ ધરે છે, અને કલેક્ટરને યોગ્ય લાગે તો જ આ ડીલ થયેલી ગણાય છે.

અશાંત ધારામાં કલેક્ટરને કેટલીક વિશેષ સત્તાઓ આપવામાં આવી છે. અશાંત ધારા હેઠળના વિસ્તારોમાં કોઈ સંપત્તિ ટ્રાન્સફર થઇ હોય અને તેમાં કલેક્ટરને કોઈ શંકા જાય તો ‘સુઓ મોટો’ ફરિયાદ દાખલ કરી પોતાની રીતે તપાસ કરીને મિલકત ટ્રાન્સફર માટે તૈયાર થયેલા માલિકને તેની સંપત્તિ પાછી અપાવી શકે એવી સત્તા અપાવામાં આવે છે. હવે ભાજપના ધારાસભ્યએ રાજકોટના કેટલાક વિસ્તારોમાં અશાંતધારા લાગૂ કરવા માટે કલેક્ટરને રજૂઆત કરી છે.

GSRTC to launch Rajkot-Nathdwara, Rajkot-Bhuj Volvo bus services: ગુજરાતની ભૂપેન્દ્ર પટેલ સરકાર રાજ્યને દરેક ક્ષેત્રે આગળ લઈ જવા માટે સતત કાર્યરત છે. તેની સાથે રાજ્ય સરકાર દ્વારા રાજ્યના લોકોની આવશ્યક સુવિધાઓની કાળજી લેવામાં આવી રહી છે, જેના થકી ગુજરાત દેશના અન્ય રાજ્યોથી ખાસ બની રહ્યું છે. આ શ્રેણીમાં ગુજરાત સરકારે પ્રથમ વખત રાજકોટથી નાથદ્વારા વાયા અમદાવાદ સુધી STની વૉલ્વો બસ સેવા શરૂ કરી છે. તેના માટે ગુજરાત રાજ્ય ST નિગમ દ્વારા રાજકોટ ST ડિવિઝનને 5 નવી વૉલ્વો બસો ફાળવવામાં આવી છે. આ બસો ભુજ અને નાથદ્વારા રૂટ પર દોડશે. આ બસમાં મુસાફરોને ફ્લાઈટ જેવી સુવિધા પણ મળશે.

State GST team raid in Rajkot toy company: ગુજરાતમાં છેલ્લા કેટલાક સમયથી GST વિભાગ સતત સર્ચ ઓપરેશન હાથ ધરી રહ્યો છે. એક બાદ એક રાજ્યના વિવિધ શહેરોમાં સેન્ટ્રલ અને સ્ટેટ GST દ્વારા દરોડા પાડવામાં આવી રહ્યા છે. થોડા દિવસ અગાઉ રાજકોટમાં પ્રાઇડ ગ્રુપ અને વન વર્લ્ડ ગ્રુપ પર સેન્ટ્રલ GST વિભાગે દરોડા પડ્યા હતા. આડ ગ્રુપ સાથે જોડાયેલા બિલ્ડરના ઘરે GSTની ટીમ દ્વારા તપાસ કરવામાં આવી હતી. હવે રાજકોટમાં રમકડાની પેઢીના શૉરૂમ પર સ્ટેટ GST વિભાગે તવાઈ બોલાવી છે.

Accident between ST Bus and Private Bus: ભરૂચ જિલ્લાનાં અંકલેશ્વર નજીક નેશનલ હાઇવે નંબર 48 પર સરકારી બસ અને ખાનગી બસ વચ્ચે અકસ્માત સર્જાતા ખાનગી બસ પલટી મારી ગઇ હતી અને મુસાફરો બસમાં ફસાઇ ગયા હતા, જ્યારે સરકારી બસ રોડની બાજુમાં ખાડામાં ખાબકતા બચી ગઇ હતી. આ અકસ્માતમાં 15થી વધુ મુસાફરોને નાની-મોટી ઇજાઓ થઇ છે, જેમને સારવાર માટે નજીકની હૉસ્પિટલ ખસેડવામાં આવ્યા છે.

અંકલેશ્વરની વાલિયા ચોકડી નજીક આવેલ આમલાખાડીના ઓવરબ્રિજ પર ખાનગી લક્ઝરી બસ અને સરકારી ST બસ વચ્ચે અકસ્માત સર્જાયો હતો. અકસ્માતના કારણે ટ્રાફિકજામની સ્થિતિ સર્જાઈ ગઇ હતી. ઘટનાની જાણ થતા જ પોલીસ કાફલો પણ ઘટનાસ્થળે દોડી આવ્યો હતો.

Earthquake tremors in Kutch: કચ્છમાં સપ્ટેમ્બર માસમાં ભૂકંપના આંચકા અનુભવાયા બાદ અહીં વધુ એક વખત ભૂકંપના આંચકા અનુભવાયા છે. 1:59 વાગ્યે 2.8ની તીવ્રતાનો આંચકો અનુભવાયો હતો. ભૂકંપનું કેન્દ્રબિંદુ રાપરથી 12 કિમી દૂર હોવાનું કહેવામાં આવી રહ્યું છે.

Youth commits suicide in Surat and Rajkot: આત્મહત્યાની ઘટનાઓ સતત વધતી જઇ રહી છે. હવે તો લોકો નાની-નાની વાતે પણ આત્મહત્યા કરતા થઇ ગયા છે. કોઇ નાની વાતે ઠપકો આપો તો પણ આત્મહત્યા કરી હોય તેવી ઘટનાઓ સામે આવી ચૂકી છે, તો આવીય ઘટના સામે આવી છે કે કોઇ વસ્તુ અપાવવાની ના પાડી દેવાતા બાળકોએ આત્મહત્યા કરી હોય. ખેર આ વધી ઘટનાઓ વિશે જાણીને ક્યારેક તો મનમાં એવો પણ સવાલ થાય કે લોકો આત્મહત્યા કરતા શું કામ હશે? આત્મહત્યા કરવાનું મન કઇ રીતે થતું હશે? એમ કરવા અગાઉ પરિવાર કે માતા-પિતા, પત્ની, બાળકોનો પણ ખ્યાલ ન આવતો હોય? શું આત્મહત્યા જ કોઇ સમસ્યાનું સમાધાન હોય શકે, બીજો કોઇ ઉપાય નહીં હોય? હોય દરેક સમસ્યાનો ઉકેલ હોય છે, પરંતુ એ નીકળતું નથી આપણે સમજદારીથી ઉકેલ લાવવો પડે. આ બધું એટલે કહેવું પડી રહ્યું છે કેમ કે અત્યારે જ સુરત અને રાજકોટથી આત્મહત્યાના સમાચાર મળી રહ્યા છે.

Attack On Deputy Mayor In Rajkot: રાજ્યમાં સતત કાયદો-વ્યવસ્થા કથળી રહી છે અને ગુજરાત ગુનાની દુનિયા તરફ આગળ વધી રહ્યું હોય તેવું પ્રતિત થાય છે. રોજ મારા-મારી, હત્યા કે અત્યાચાર વિશેની કોઇક ને કોઇક ઘટના સામે આવતી હોય છે. તાજેતરમાં જ રાજકોટના ડેપ્યુટી મેયર પર છરા વડે હુમલો કરવાની ઘટના બની છે, જ્યારે સંસ્કારી નગરી વડોદરામાં પૂર્વ કૉર્પોરેટરના પુત્રની હત્યા થઇ ગઇ છે. સવાલ તો એ ઉઠે છે કે જો સત્તામાં બેઠા લોકો અને તેમના પરિવારજનો પણ સુરક્ષિત ન હોય તો પછી સામાન્ય જનતાની તો વાત જ શું થાય?

Gujarat medical student dies during ragging: તમે ફિલ્મોમાં કોલેજના વિદ્યાર્થીઓ કે શાળાના વિદ્યાર્થીઓને રેગિંગ કરતા હોય એવા દૃશ્ય જોયા જ હશે, જેમાં સીનિયર વિદ્યાર્થીઓ જુનિયર વિદ્યાર્થીઓનું રેગિંગ કરતા હોય છે. એવું જ કઈક બન્યું છે ગુજરાતની એક કૉલેજમાં પણ એવી જ કઈક ઘટના બની છે, જેમાં એક વિદ્યાર્થીનું મોત થઇ ગયું છે.

M.B.B.S.ના પહેલા વર્ષમાં અભ્યાસ કરતા સુરેન્દ્રનગર જિલ્લાના જેસડા ગામના વિદ્યાર્થીનું મોત થઇ જતા હાહાકાર મચી જવા પામ્યો છે. અનિલ નટવરભાઈ મેથાણિયા (ઉંમર ૧૮ વર્ષ) નામનો યુવક પાટણની ધારપુર મેડિકલ કૉલેજમાં અભ્યાસ કરતો હતો. પરિવારજનોએ આરોપ લગાવ્યો છે કે ગઈ કાલે પ્રથમ વર્ષના વિદ્યાર્થીઓનું સીનિયર વિદ્યાર્થીઓએ રેગિંગ કર્યું હતું. જેના કારણે અનિલનું મોત થઇ ગયું.

મળતી મહિતી પ્રમાણે પાટણની ધારપુર મેડિકલ કોલેજમાં વિદ્યાર્થીની રેગિંગ કેસને લઈને મોટુ અપડેટ આવ્યુ છે. રેગિંગ કેસને લઈને મોટી કાર્યવાહી કરવામાં આવી છે. પાટણની ધારપુર મેડિકલ કૉલેજમાં વિદ્યાર્થીની રેગિંગ કેસમાં 15 વિદ્યાર્થીઓને સસ્પેન્ડ કરવામાં આવ્યા છે. તેમજ વિદ્યાર્થીઓ સામે FIR નોંધવા કાર્યવાહી હાથ ધરવામાં આવી છે.

હાલમાં રાજયમાં બેવડી ઋતુનો અનુભવ થઈ રહ્યો છે, બપોરે ગરમી તેમજ વહેલી સવારે ગુલાબી ઠંડી અનુભવાઇ રહી છે, રાજકોટ સિવિલ હૉસ્પિટલમાં પણ રોજ OPDમાં લાંબી લાઈનો લાગે છે,રાજકોટ કોર્પોરેશનની આરોગ્ય વિભાગની ટીમે સમગ્ર રાજકોટમાં હાલ ફોંગિગની અને દવાની છંટાકાવ કામગીરી શરૂ કરી દીધી છે.

ગુજરાતના રાજકોટમાં 10 હોટલમાં બોમ્બની ધમકી મળી છે. આ ધમકીભર્યો મેલ મળતાં ખળભળાટ મચી ગયો છે.ગુજરાતના રાજકોટમાં 10 હોટલોમાં બોમ્બની ધમકી મળી છે. ધમકીભર્યો મેલ મળ્યા બાદ પોલીસે સઘન ચેકિંગ પણ હાથ ધર્યું છે. તપાસના અંતે કોઈ વાંધાજનક વસ્તુઓ મળી ન હોવાથી પોલીસ અને હોટલ માલિકોએ રાહતનો શ્વાસ લીધો હતો.