કચ્છ-સૌરાષ્ટ્ર

ભારત સરકારે પાકિસ્તાનમાં આતંકવાદીઓને ખતમ કરવા માટે ઓપરેશન સિંદૂર ચલાવ્યું હતું, જે સફળ રહ્યું હતું. હવે ગુજરાત સરકારે કચ્છમાં ઓપરેશન સિંદૂરને સમર્પિત એક સ્મારક બનાવવાની યોજના બનાવી છે. આ અંગે ઇન્ડિયન એક્સપ્રેસ સાથે વાત કરતા અધિકારીઓએ જણાવ્યું હતું કે આ પાર્ક સુરક્ષા દળો પ્રત્યે સન્માન સાથે જ રાષ્ટ્ર દ્વારા પ્રદર્શિત એકતાને પ્રતિબિંબિત કરશે. ગુજરાત સરકાર દ્વારા આયોજિત આ પાર્કનું નામ ‘સિંદૂર વન’ રાખવામાં આવશે. તે ભારત-પાકિસ્તાન સરહદ પર આવેલા કચ્છ જિલ્લામાં બનાવવામાં આવશે. અધિકારીઓએ જણાવ્યું હતું કે આ સ્મારક લગભગ દોઢ વર્ષમાં તૈયાર થવાની અપેક્ષા છે. તેમણે એમ પણ કહ્યું કે જમીન પર પ્રારંભિક કાર્ય શરૂ થઈ ગયું છે.

પહેલગામમાં થયેલા આતંકવાદી હુમલા બાદ ભારત અને પાકિસ્તાન વચ્ચે તણાવ ચરમસીમાએ છે. આ હુમલા બાદ ભારત સતત મોટી-મોટી કાર્યવાહી કરી રહ્યું છે. પછી સિંધુ જળ સંધિ રદ કરવાની હોય કે પાકિસ્તાની વસ્તુઓની આયાત બંધ કરવાની. આ સાથે જ ભારતે પાકિસ્તાનીઓના તમામ વિઝા રદ કરી દીધા છે અને તેમને વહેલી તકે પાકિસ્તાન પરત ફરવા કહેવામા આવ્યું છે, ત્યારે ગુજરાતમા ગેરકાયદેસર રહેતા પાકિસ્તા અને બાંગ્લાદેશીઓની ઓળખ કરીને ડિપોર્ટ કરવાની કાર્યવાહી કરવામાં આવી રહી છે. આ અનુસંધાને ગત દિવસોમાં ઘણા શહેરોમાં મોટી કાર્યવાહી કરવામાં આવી હતી અને અનેક બાંગ્લાદેશીઓની ધરપકડ કરવામાં આવી હતી. એજ રીતે રાજકોટમાંથી 4 પાકિસ્તાની અને 6 બાંગ્લાદેશી ઝડપાયા છે.

અમરેલી જિલ્લામાં એક ટ્રક ડ્રાઈવરને સિંહણને કચડવાના આરોપમાં ધરપકડ કરવામાં આવી છે. આ ઘટના 24 એપ્રિલના રોજ વહેલી સવારે અમરેલી-સાવરકુંડલા હાઇવે પર દેવળીયા ગામ પાસે બની હતી. આ કેસના આરોપી રાજેશ પડારિયાની ધરપકડ કરવામાં આવી છે. મંગળવારે વહેલી સવારે તે પુરપાટ ઝડપે વાહન ચલાવી રહ્યો હતો અને તેણે સિંહણને કચડી નાખી.

Rajkot Food Poisoning News: રાજકોટના ભવાનીનગરમાં છાશ પીધા બાદ 25 બાળકોને ફૂડ પોઈઝનિંગની અસર થઈ હોવાના સમાચાર મળી રહ્યા. આ છાશનું વિતરના છેલ્લા 3 દાયકાથી અનેક સેવાકીય પ્રવૃત્તિ સાથે જોડાયેલ ખાનગી ટ્રસ્ટ દ્વારા કરવામાં આવ્યું હતું. 10 બાળકો સરકારી હોસ્પિટલમાં તેમજ 15 જેટલા બાળકોને ઘરે જ સારવાર અપાઇ હોવાની વાત સામે આવી છે. છે. મળતી માહિતી મુજબ આ 25 બાળકોમાથી એક બાળક જયરાજસિંહ ઝાલાની તબિયત વધારે લથડતા તેને ICUમાં દાખલ કરવામાં આવ્યો હતો. જોકે, અન્ય બાળકોની તબિયત હાલમાં સ્થિર હોવાની માહિતી મળી છે.

Rajkot: ગુજરાતમાં છેલ્લા ઘણા સમયથી બનતી ક્રાઇમ અને હિટ એન્ડ રનની ઘટના શાંત ગુજરાતીઓને હચમચાવી રહી છે અને તેને કારણે લોકોમાં રોષ પણ જોવા મળી રહ્યો છે. હોળીની રાત્રે અમદાવાદના વસ્ત્રાલમાં એક છાકટા કાર ચાલકે ઘણા વાહનોને અડફેટે લઇ લીધા હતા, જેમાં એક મહિલાનું ઘટનાસ્થળે જ મોત થઇ ગયું હતું, જ્યારે 7 જેટલા લોકો ઇજાગ્રસ્ત થયા હતા. આ ઘટના બાદ પોલીસ એક્શનમાં છે, પરંતુ હજી પણ ગુનેગારોના પેટનું પાણી પણ હલતું ન હોય તેમ એક બાદ એક ઘટના આવી બની રહી છે, જે પોલીસ સામે સવાલ ઉભા કરે છે.

Rajkot: રાજકોટમાં ગેમ ઝોનની દુર્ઘટના બાદ પણ આગની ઘટનાઓ અટકવાનું નામ લઇ રહી નથી. તંત્ર આગ લાગે ત્યારે કૂવો ખોદે તેવી રીતે કામગીરી કરી રહી હોવાની લોકોમાં ચર્ચા થઇ રહી છે. આજે લાગેલી આગમાં કોઈ જાનહાનિ થઈ નથી. આજે સવારે 9:30 વાગ્યાની આસપાસ નમકીન બનાવતી KBZ નામની કંપનીમાં આગ લાગતા હાહાકાર મચી ગયો હતો.

આ બનાવની જાણ થતા રાજકોટથી ફાયર બ્રિગેડની 5 જેટલી ગાડીઓ ઘટનાસ્થળ પર પહોંચી હતી. વાંકાનેરથી પણ ફાયર અને મામલતદારની ટીમ ઘટનાસ્થળે પહોંચી છે. આ કંપનીમાં 50 જેટલા માણસો કામ કરતા હતા. હાલ તેઓ સુરક્ષિત હોવાનું કહેવામાં આવી રહ્યું છે. તંત્ર માલિકો પાસેથી વિગતો મેળવી રહ્યું છે. કંપની મોટાભાગની બળીને ખાખ થઈ ગઈ છે.

ગોંડલમાં UPSCની તૈયારી કરી રહેલા યુવકનું શંકાસ્પદ હાલતમાં મોત થતા, આ મામલે હવે પૂર્વ ધારાસભ્ય જયરાજ સિંહ જાડેજાના પુત્રનું નામ જોડાયું છે. મળતી માહિતી મુજબ, ગોંડલમાં રહેતા અને પાઉંભાજીનો ધંધો કરનાર રતનલાલ જાટે SPને ફરિયાદ કરી હતી કે 2 માર્ચે તેએ પુત્ર રાજકુમાર બાઈક પર ઘરે જઈ રહ્યા હતા. ત્યારે તેઓ મોટેથી બોલતા પૂર્વ ધારાસભ્ય જયરાજ સિંહ જાડેજાના બંગલા પાસેથી પસાર થયા હતા. ત્યારે ગણેશ જાડેજા અને 8-10 લોકોએ તેના પુત્ર સાથે બંગલામાં મારામારી હતી હતી.

ત્યારબાદ બંને ઘરે જતા રહ્યા હતા. પછી એજ દિવસે તેમનો પુત્ર રહસ્યમય રીતે ગુમ થઇ ગયો. ત્યારબાદ જિલ્લા પોલીસે જુદી-જુદી ટીમો બનાવીને ગુમ થયેલા રાજકુમારની શોધખોળ હાથ ધરી હતી. ગઈ કાલે પોલીસે રાજકોટ નજીક તરઘડીયા પાસે તેનું અકસ્માતમાં મોત થયું હોવાનું જાહેર કર્યું હતું.

વડાપ્રધાન નરેન્દ્ર મોદીએ જામનગરમાં વન્યજીવ બચાવ, પુનર્વસન અને સંરક્ષણ કેન્દ્ર, વનતારાનું ઉદ્ઘાટન કર્યું. ત્યારબાદ PMએ વનતારાની વિવિધ સુવિધાઓનું નિરીક્ષણ કર્યું. વનતારા 2000થી વધુ પ્રજાતિઓ અને દોઢ લાખથી વધુ બચાવવામાં આવેલા લુપ્તપ્રાય અને સંકટગ્રસ્ત પ્રાણીઓનું ઘર છે. PM મોદીએ વનતારામાં વિવિધ સુવિધાઓ વિશે માહિતી મેળવી. સાથે જ અલગ-અલગ જગ્યાએથી રેસ્ક્યૂ કરાયેલા પ્રાણીઓની વિવિધ પ્રજાતિઓ પાસે જઇને તેમને ખવડાવ્યા અને સ્નેહ કર્યો. વડાપ્રધાને વનતારા ખાતે વન્યજીવન હૉસ્પિટલની મુલાકાત લીધી. તેમાં પ્રાણીઓ માટે MRI, CT સ્કેન, ICU અને અન્ય સુવિધાઓ છે અને તેમાં વન્યજીવન એનેસ્થેસિયા, કાર્ડિયોલોજી, નેફ્રોલોજી, એન્ડોસ્કોપી, દંત ચિકિત્સા, આંતરિક ચિકિત્સા વગેરે વિભાગો પણ છે.

On World Wildlife Day, PM Shri @narendramodi Ji inaugurated Vantara—India’s pioneering wildlife rescue, rehabilitation, and conservation centre in Jamnagar, Gujarat.

Explore this remarkable facility, reinforcing the vision of a sustainable and harmonious future for nature and… pic.twitter.com/ACrJeV8NpB

— Sambit Patra (@sambitswaraj) March 4, 2025

PM મોદી અહીં વિવિધ પ્રજાતિના સિંહ બાળો સાથે રમ્યા અને તેમને પ્રેમ કર્યો. આમાં એશિયાટિક વાઘના બચ્ચા, સફેદ સિંહના બચ્ચા, કારાકલ બચ્ચા અને ક્લાઉડેડ ચિત્તાના બચ્ચાનો સમાવેશ થાય છે. ક્લાઉડેડ ચિત્તો એક લુપ્તપ્રાય પ્રજાતિ છે. PMએ જે સફેદ સિંહના બચ્ચાને દૂધ પીવાડ્યું હતું, તેમનો જન્મ કેન્દ્રમાં ત્યારે થયો હતો, જ્યારે તેમની માતાને રેસ્ક્યૂ કરીને વનતારામાં લાવવામાં આવી હતી. ભારતમાં એક સમયે કારાકલની સંખ્યા ઘણી બધી હતી, પરંતુ હવે તે દુર્લભ બની રહી છે. કારાકલને એક સંવર્ધન કાર્યક્રમના ભાગ રૂપે વનતારામાં ઉછેરવામાં આવે છે અને તેમના સંરક્ષણ માટે તેમને કેદમાં રાખવામાં આવે છે અને પછીથી જંગલમાં છોડી દેવામાં આવે છે.

Lion with lion 🦁#PhotoofTheDay#Vantara pic.twitter.com/v5yNei4fND

— Vineet Vats Tyagi (@vineetvatstyagi) March 4, 2025

રાજકોટ જિલ્લાની એક કોર્ટે બળાત્કાર કેસમાં મહત્ત્વપૂર્ણ ચૂકાદો આપ્યો છે. ધોરાજી શહેરની એક કોર્ટે 14 વર્ષની છોકરી પર બળાત્કાર કરવાના કેસમાં 22 વર્ષીય યુવકને દોષિત ઠેરવ્યો. આ કેસની ખાસ વાત એ છે કે, બળાત્કાર બાદ છોકરી ગર્ભવતી થઈ ગઈ. DNA રિપોર્ટમાં બાળકનો પિતા આરોપી ન નીકળ્યો, છતાં અન્ય પુરાવાઓ અને પીડિતાના નિવેદનના આધારે કોર્ટે તેને દોષિત ઠેરવ્યો. સાથે જ, કોર્ટે રાજકોટ પોલીસ અધિક્ષક (SP)ને તપાસ અધિકારી (IO) સામે વિભાગીય તપાસ કરવાનો આદેશ આપ્યો છે.

આ તપાસ એટલા માટે કરવામાં આવી કારણ કે 2 અન્ય શંકાસ્પદો, જેમને છોકરીની ફોઇ દ્વારા દાખલ કરવામાં આવેલી ફરિયાદમાં તેમના મિત્રો બતાવ્યા હતા, તેમની તપાસ કરવામાં આવી નહોતી. ગુનેગારને 20 વર્ષની જેલની સજા ફટકારવામાં આવી છે.

થોડા દિવસ અગાઉ સ્વામીનારાયણ સંપ્રદાયને લજાવે તેવો કિસ્સો સામે આવ્યો હતો, જેમાં દાવો કરવામાં આવ્યો હતો કે, સ્વામીનારાયણ ગુરુકુળના સ્વામીએ એક યુવક સાથે સૃષ્ટિ વિરુદ્ધનું કૃત્ય કર્યું હતું. આમ તો સ્વામીનારાયણના સાધુઓ અવારનવાર વિવાદિત નિવેદનને લઈને ચર્ચામાં આવતા હોય છે, એવી જ રીતે વધુ એક સ્વામીનારાયણના સાધુનો બફાટ સામે આવ્યો છે.

સ્વામીએ કહ્યું હતું કે, આ અન્નક્ષેત્ર ગુણાતીત સ્વામી પાસેથી જલારામ બાપાએ આશીર્વાદ લીધા બાદ ચાલુ કર્યું હતું. જો કે, આ નિવેદન બાદ જલારામ બાપાના અનુયાયીઓએ જોરદાર વિરોધ નોંધાવ્યો હતો. જલારામ બાપના અનુયાયીઓના વિરોધ બાદ સુરતના જ્ઞાનપ્રસાદ સ્વામીએ માફી માગવાનો વારો આવ્યો છે. તેને માફી માગતો વીડિયો જાહેર કર્યો છે.