સિંહણને કચડવાના આરોપમાં ટ્રક ડ્રાઈવરને જેલ ભેગો કરાયો, જામીન અરજી ફગાવી
અમરેલી જિલ્લામાં એક ટ્રક ડ્રાઈવરને સિંહણને કચડવાના આરોપમાં ધરપકડ કરવામાં આવી છે. આ ઘટના 24 એપ્રિલના રોજ વહેલી સવારે અમરેલી-સાવરકુંડલા હાઇવે પર દેવળીયા ગામ પાસે બની હતી. આ કેસના આરોપી રાજેશ પડારિયાની ધરપકડ કરવામાં આવી છે. મંગળવારે વહેલી સવારે તે પુરપાટ ઝડપે વાહન ચલાવી રહ્યો હતો અને તેણે સિંહણને કચડી નાખી.
મદદનીશ વન સંરક્ષક (ACF) વિરલસિંહ ચાવડાએ જણાવ્યું હતું કે, ‘ઘટના બાદ, 3 અલગ-અલગ ટીમો બનાવવામાં આવી હતી, જેમણે CCTV ફૂટેજ અને ગુપ્તચર માહિતીના આધારે આરોપીઓની ઓળખ કરી અને ધરપકડ કરી. ઘટનાસ્થળની આસપાસ લાગેલા પેટ્રોલ પંપ અને CCTV કેમેરાના ફૂટેજ તપાસ્યા બાદ ટ્રકને શોધી કાઢવામાં આવ્યો હતો.
ડ્રાઇવર, રાજેશ પડારિયા, પર વન્યજીવન સંરક્ષણ અધિનિયમ, 1972 અને વન્યજીવન (સંરક્ષણ) સંશોધન અધિનિયમ, 2022 હેઠળ ગુનો નોંધવામાં આવ્યો છે. તેની સામે લાગેલા આરોપોમાં તેની જામીન અરજી ફગાવી દેવામાં આવ્યા બાદ તેને જેલમાં મોકલવામાં આવ્યો છે.
થોડા મહિના અગાઉ, અમરેલી જિલ્લામાંથી સિંહણના હુમલાના સમાચાર આવ્યા હતા. એક મજૂરના 5 વર્ષના પુત્રનું સિંહનના હુમલામાં મોત થઈ ગયું હતું, જ્યારે બાળક જાફરાબાદ તાલુકાના નવી જીકાદરી ગામના બગીચા વિસ્તારમાં ઝૂપડી બહાર રમી રહ્યો હતો. આ દરમિયાન સિંહણ અચાનક તેના પર હુમલો કરીને તેને લઈ ગઈ. સ્થાનિક લોકો અને વન વિભાગના કર્મચારીઓએ સાથે મળીને સમગ્ર વિસ્તારમાં સઘન શોધખોળ હાથ ધરી હતી. ત્યારબાદ મૃતદેહને જપ્ત કરીને હોસ્પિટલ મોકલવામાં આવ્યો હતો.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp