મધ્ય ગુજરાત

ક્યારેક-ક્યારેક મોડું થવું સારું હોય છે. સમયસર દરેક જગ્યાએ પહોંચવાની આદત પ્રશંસનીય હોઈ શકે છે, પરંતુ ક્યારેક મોડું પહોંચવાથી જીવ બચી જાય છે. કંઈક આવું જ બન્યું. અમદાવાદથી લંડન જતી એર ઇન્ડિયાની ફ્લાઇટ બોર્ડ ન કરી શકનારી ભરૂચની ભૂમિ ચૌહાણ સાથે. ભૂમિ ચૌહાણ પોતાની ફ્લાઇટ પકડવામાં 10 મિનિટ લેટ થઈ ગઈ અને એર ઇન્ડિયાએ તેને ચેક ઇન કરવા ન દીધી. આ માટે, તેણે CISF જવાનો સાથે ઝઘડો કર્યો, ખૂબ દલીલો પણ કરી, પરંતુ એરપોર્ટ સિક્યોરિટી ન માની તો ન જ માની. ભૂમિને આ વાતથી ખૂબ દુઃખ થયું હશે. તેણે વિચાર્યું હશે કે લંડનની આટલી મોંઘી ટિકિટ બરબાદ થઈ ગઈ, લંડનની સફર ન કરી શકી અથવા કોઈ કામ અટકી ગયું. જોકે, જ્યારે તેણે આ જ વિમાનના ક્રેશના સમાચાર સાંભળ્યા ત્યારે તે સ્તબ્ધ થઈ ગઈ.

Air India Plane Crash: આજનો દિવસ ગુજરાત અને દેશ માટે કાળમુખો સાબિત થયો છે. અમદાવાદમા મોટો વિમાન અકસ્માત થયો છે. સરદાર વલ્લભભાઈ પટેલ આંતરરાષ્ટ્રીય એરપોર્ટ પરથી ઉડાણ ભર્યાના થોડા જ સમય બાદ આ દુર્ઘટના થઈ છે. લંડન જતું આ વિમાન BJ મેડિકલ કોલેજની હોસ્ટેલ સાથે અથડાયું હતું, જ્યાં કેટલાક રેસિડેન્શિયલ ડૉક્ટરો જમવા માટે ગયા હતા. તેમનો પણ કોઈ અતોપતો ન હોવાનું કહેવામા આવી રહ્યું છે. સૂત્રો પાસેથી મળતી માહિતી મુજબ, અત્યાર સુધી 210 લોકોના મોત થઈ ચૂક્યા છે, આ આંકડો હજી પણ વધી શકે છે. કારણ કે આ વિમાન દુર્ઘટના ખૂબ જ ગોઝારી હતી. આ ઘટનાને લઈને વડાપ્રધાન નરેન્દ્ર મોદીની પણ પ્રતિક્રિયા સામે આવી છે.

અમદાવાદમાં ગુરુવારે એક મોટી વિમાન દુર્ઘટના બની. અમદાવાદથી લંડન જઈ રહેલું એર ઈન્ડિયાનું વિમાન ઉડાણ ભરતા જ ક્રેશ થઈ ગયું. જે સમયે આ અકસ્માત થયો, એ સમયે વિમાનમાં લગભગ 242 લોકો સવાર હોવાનું કહેવાય છે. આ દરમિયાન, વિમાન દુર્ઘટને લઈને અનેક પ્રકારની માહિતી સામે આવી ગઈ છે, જેમાંથી સૌથી મહત્ત્વની જાણકારી એવી પણ આવી છે કે વિમાનના પાયલોટે ક્રેશ અગાઉ નજીકના ATCને સિગ્નલ મોકલ્યું હતું, જે જોખમનો અંદાજો બતાવી રહ્યો હતો અને તેના થોડા સમય બાદ વિમાન ક્રેશ થયું. અત્યાર સુધી 133 લોકોના મોત થયા હોવાના અહેવાલ છે. આ ઘટના બાદ કેન્દ્રિય ગૃહ મંત્રી અમિત શાહ અમદાવાદ આવી પહોચ્યા છે.

અમદાવાદમાં આજે એક વિમાન ક્રેશ થયું છે. મેઘાણી નગરમાં એરપોર્ટ નજીક IGP ગ્રાઉન્ડ પર આ અકસ્માત થયો હતો. અકસ્માતનો ભોગ બનેલું વિમાન એર ઇન્ડિયા એરલાઇન્સનું હોવાનું કહેવામાં આવી રહ્યું છે. વિમાન ક્રેશ થયા બાદ આકાશમાં ધુમાડાના ગોટેગોટા ઊડી રહ્યા હતા. પ્રાથમિક માહિતી મુજબ, ક્રેશ થયેલ વિમાન એક પેસેન્જર વિમાન છે. લોકોએ પોલીસને અકસ્માતની જાણ કરી હતી. માહિતી મળતા જ પોલીસ ટીમો ઘટનાસ્થળે પહોંચી ગઈ હતી. 7 ફાયર બ્રિગેડ વાહનો અને એમ્બ્યુલન્સ પણ અકસ્માત સ્થળે પહોંચી ગઈ છે. બચાવ કામગીરી શરૂ કરવામાં આવી છે. NDRFની 2 ટીમો પણ બચાવ કામગીરીમાં રોકાયેલી છે. ગુજરાત રાજ્ય પોલીસ કંટ્રોલ રૂમે વિમાન ક્રેશની પુષ્ટિ કરી છે.

ગૃહમંત્રી અમિત શાહે વિમાન ક્રેશ અકસ્માત અંગે ગુજરાતના મુખ્યમંત્રી ભૂપેન્દ્ર પટેલ અને પોલીસ કમિશનર સાથે વાત કરી છે. તેમને કેન્દ્ર સરકાર તરફથી શક્ય તમામ મદદની ખાતરી આપવામાં આવી છે. સૂત્રોના જણાવ્યા અનુસાર, ગુજરાતના ભૂતપૂર્વ મુખ્યમંત્રી વિજય રૂપાણી અકસ્માતનો ભોગ બનેલા વિમાનમાં સવાર હોવાનું જાણવા મળ્યું છે. અત્યાર સુધી 40 લોકોના મોત થયા હોવાની માહિતી મળી રહી છે.

Ramdevpir Mandap Accident: ગુજરાતના પોરબંદરમાંથી મોટા સમાચાર મળી રહ્યા છે. પોરબંદરના ચોપાટી મેળા ગ્રાઉન્ડ ખાતે રામદેવપીરના મંડપ મહોત્સવના ધાર્મિક કાર્યક્રમનું આયોજન કરવામાં આવ્યું હતું. એમા મંગળવારની રાત્રિના જ મોટી સંખ્યામા લોકો ઊમટી પડ્યા હતા. આજે બુધવારે સવારના સમયે મંડપ ઊભો કરવાનું મુહૂર્ત હતું. જ્યારે મંડપ ઊભો કરવામાં આવી રહ્યો હતો ત્યારે  એક દોરી તૂટતા, તે અચાનક નીચે પડી ગયો હતો, જેના કારણે એક વ્યકિતનું મોત થઈ ગયું, જ્યારે લગભગ 16 જેટલા લોકોને ઇજા થઈ. મંડપ પડતા ઘટનાસ્થળે અફરાતફરી મચી જવા પામી હતી. તમામ ઇજાગ્રસ્તોને સારવાર માટે સરકારી હોસ્પિટલમાં ખસેડવામાં આવ્યા હતા ઘટનાની જાણ થતા જ પોલીસે ઘટનાસ્થળે પહોંચી લોકોને હટાવ્યા હતા.

આ વિસ્તારના લોકો રામદેવપીર પ્રત્યે અતૂટ શ્રદ્ધા ધરાવે છે. સમય-સમય પર ચોપાટી ખાતે મંડપ મહોત્સવનું આયોજન કરવામાં આવે છે. આવી દુર્ઘટના ભાગ્યે જ બને છે. આ ઘટનાને લઈને વિસ્તારમાં ભારે ચર્ચા જોવા મળી રહી છે.

ગુજરાતની 3 પ્રતિષ્ઠિત યુનિવર્સિટીઓના સંશોધકોએ સંયુક્ત રીતે એક નવું ડિવાઇસ વિકસાવ્યું છે, જે સૌર ઉર્જાની મદદથી અશુદ્ધ પાણીને પીવાલાયક બનાવવામાં સફળ છે. આ નેનો ટેકનોલોજી આધારિત ડિવાઇસ એમ.એસ. યુનિવર્સિટી, ગુજરાત ટેક્નોલોજીકલ યુનિવર્સિટી અને નેશનલ ફોરેન્સિક સાયન્સ યુનિવર્સિટીના વૈજ્ઞાનિકોએ મળીને વિકસિત કરવામાં આવ્યું છે. આ ડિવાઇસની સૌથી સારી વાત એ છે કે તે પૂરી રીતે પોર્ટેબલ છે અને સૌર ઉર્જા પર ચાલે છે. એવામાં, તે એવા વિસ્તારોમાં પણ ઉપયોગી સાબિત થાય છે, જ્યાં વીજળી નથી.

અમદાવાદના ચંડોળા તળાવ અને આસપાસના વિસ્તારમાં કરવામાં આવેલા ગેરકાયદે દબાણને હટાવવાના પહેલા ફેઝમાં લગભગ 1.5 લાખ ચોરસ મીટર જમીન ખાલી કરાવવામાં આવી હતી. એવામાં આજથી ડિમોલિશનનો બીજો ફેઝ શરૂ થઈ ગયો છે. અમદાવાદ મ્યુનિસિપલ કોર્પોરેશન અને પોલીસ દ્વારા વિશેષ તૈયારીઓ કરવામાં આવી છે. ડિમોલિશનની કાર્યવાહી સવારે 7:00 વાગ્યાથી બપોરના 1:00 વાગ્યા સુધી, તેમજ બપોરે 3:00 વાગ્યાથી સાંજના 6:00 વાગ્યા સુધી ચાલશે. જેના માટે 35થી વધુ JCBનો ખડકલો કરી દેવાયો છે. 4 દિવસમાં ડિમોલિશન પૂર્ણ કરી બાઉન્ડ્રી વોલ બનાવવામાં આવશે. 

અમદાવાદના વટવા GIDC ઔદ્યોગિક વિસ્તારમાં આવેલી એક કેમિકલ ફેક્ટ્રીમાં ભીષણ આગ લાગી ગઇ છે. આ ઘટના શુક્રવારે બપોરે બની હતી. આગ લાગવાની તાત્કાલિક જાણ ફાયર વિભાગને કરવામાં આવી હતી. માહિતી મળતા જ ફાયર બ્રિગેડની ટીમ ઘટનાસ્થળે પહોંચી ગઈ છે.

હરણી બોટકાંડ તો બધાને યાદ જ હશે, જેમાં બાળકો અને શિક્ષકો સહિત 14 લોકોએ જીવ ગુમાવ્યા હતા. તેમાં સંધ્યા નિઝામ અને સરલા શિંદેએ પણ પોતાના બાળકો ગુમાવ્યા હતા. હરણી બોટકાંડના 469 દિવસ બાદ જ્યારે માતા ન્યાય માગવા ઊભી થઈ ત્યારે મુખ્યમંત્રી ભૂપેન્દ્ર પટેલે કહ્યું કે, ‘તમે કોઈ સ્પેશિયલ એજન્ડા આવ્યા છો બેન.. ત્યારે મહિલાઓ કહે છે દોઢ વર્ષથી તમને મળવા ધક્કો ખાઈએ છીએ સાહેબ. તો મુખ્યમંત્રી તરફથી ફરી એમ કહેવામા આવે છે કે તમે કોઈ સ્પેશિયલ એજન્ડા સાથે આવ્યા હોય એવું લાગે છે. આ રીતે ન હોય, પછી મને  મને મળીને જ જજો.

અમદાવાદ મ્યુનિસિપલ કોર્પોરેશન (AMC)એ મંગળવારે ચંડોળા તળાવ નજીક ગેરકાયદેસર વસાહતો તોડી પાડી. સંયુક્ત પોલીસ કમિશનર (ક્રાઈમ) શરદ સિંઘલના જણાવ્યા અનુસાર, અહીં મોટાભાગના બાંગ્લાદેશીઓ રહેતા હતા. આ દરમિયાન, ગુજરાત હાઈકોર્ટે ચંડોળા તળાવમાં ગેરકાયદેસર બાંધકામ સામે બુલડોઝર કાર્યવાહી પર રોક લગાવવાનો ઇનકાર કરી દીધો છે. દબાણ વિરોધી ઝુંબેશ સામે દાખલ કરાયેલી અર્જન્ટ અપીલને પણ હાઇકોર્ટે ફગાવી દીધી છે.