એક તરફી પ્રેમ કરતા યુવાને પોતાની જાતને આગ ચાંપીને કરી આત્મહત્યા
અમદાવાદમાં એક ચોંકાવનારી ઘટના સામે આવી છે. એક યુવકે એક તરફી પ્રેમમાં મહિલા સાથેના ઝઘડા બાદ હોસ્પિટલમાં પોતાના પર પેટ્રોલ છાંટીને લાઇટરથી આગ લગાવી દીધી. ઘટનાસ્થળ પર ભીડ તેને જોતી જ રહી ગઈ. યુવકને તાત્કાલિક હોસ્પિટલમાં લઈ જવામાં આવ્યો હતો, પરંતુ તેનું મોત નીપજ્યું.
અહેવાલો અનુસાર, યુવક સરખેજની અલનુર હોસ્પિટલમાં મહિલાને મળવા ગયો હતો. તે મહિલાને એકતરફી પ્રેમ કરતો હતો. મહિલા સાથે ઝઘડા બાદ તેણે હોસ્પિટલમાં તોડફોડ કરી. ત્યારબાદ તેણે પોતાના પર પેટ્રોલ છાંટીને લાઇટરથી આગ લગાવી દીધી. જ્યારે તે નીચે પડ્યો ત્યારે તેને બચાવવાનો પ્રયાસ કર્યો પરંતુ યુવાન આગની ઝપેટમાં આવી ગયો હોવાથી કંઈ ન કરી શક્યા.
અમદાવાદના સરખેજ વિસ્તારમાં બનેલી ઘટનાથી લોકો હચમચી ગયા. વીડિયો એટલા ભયાનક છે કે તે વિચલિત કરી શકે છે એટલે અહી મૂકી રહ્યા નથી. જ્યાર સુધીમાં લોકો અગ્નિશામક સાધનો એકત્રિત કરે છે, ત્યાર સુધીમાં યુવાનનું મૃત્યુ થઇ ગયું હતું. આ ઘટના બાદ ઘટનાસ્થળે મોટી સંખ્યામાં લોકો ભેગા થઈ ગયા હતા.
એમ ડિવિઝનના ACP એબી વાદંડે જણાવ્યું હતું કે આ કેસની તમામ પાસાઓથી તપાસ કરવામાં આવી રહી છે. પોલીસના જણાવ્યા અનુસાર, હોસ્પિટલમાં કામ કરતી એક મહિલા સાથે એકતરફી પ્રેમ કર્યો હતો. મૃતક વ્યક્તિની ઓળખ કામરાન શાહિદ પઠાણ તરીકે થઈ છે. આ ઘટના ગુરુવારે રાત્રે 8:30 વાગ્યાની આસપાસ બની હતી.
પોલીસના જણાવ્યા અનુસાર, ફતેવાડીમાં સમા સ્કૂલ પાસે આવેલા આફરીન ડુપ્લેક્સમાં રહેતી 28 વર્ષીય સલેહા અબ્દુલકાદર શેખ, સરખેજમાં આવેલી અલ-નૂર હોસ્પિટલમાં રિસેપ્શનિસ્ટ તરીકે નોકરી કરે છે. છેલ્લા છ મહિનાથી તેના જ વિસ્તારમાં રહેતો કામરાન નામનો યુવક કથિત રીતે તેની સતત પજવણી કરી રહ્યો હતો.
ગુરુવારે સવારે લગભગ 8:30 વાગ્યે, કામરાન અલ-નૂર હોસ્પિટલ પહોંચ્યો હતો, જ્યાં સલેહા ડ્યુટી પર હતી. તેણે સલેહા સાથે કોઈ મુદ્દે દલીલ કરવાનું શરૂ કર્યું હતું. બંને વચ્ચે બોલાચાલી ઉગ્ર બનતા, કામરાને પોતાની સાથે લાવેલી પેટ્રોલની બોટલ કાઢી, પોતાના પર પેટ્રોલ છાંટ્યું અને લાઇટરથી આગ ચાંપી દીધી.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp