'પાકિસ્તાન આતંકવાદી દેશ છે, તેના પર પ્રતિબંધ લગાવી....' આ દેશના નેતાએ કાઢી પાકિસ્તાનની ઝાટકણી, જુઓ શું કહ્યું?
ફરી એક દેશના નેતા દ્વારા પાકિસ્તાનની ઉઘાડી કરવામાં આવી છે. બેલ્જિયમની ફ્લેમિશ સંસદના સભ્ય અને વ્લામ્સ બેલાંગ પાર્ટીના વરિષ્ઠ નેતા ફિલિપ ડેવિંટરે પાકિસ્તાનને ખુલ્લેઆમ 'આતંકવાદી દેશ' કહી આખા યૂરોપમાં પાકિસ્તાન પર સંપૂર્ણપણે પ્રતિબંધ લગાવવાની માંગણી કરી છે. તેમણે વધુમાં કહ્યું કે, પાકિસ્તાન આતંકવાદી સંગઠનોને પૈસા, હથિયાર અને દરેક પ્રકારની સુવિધા આપે છે. ભારત અને યુરોપનો એક જ કોમન દુશ્મન છે અને તે કટ્ટર ઇસ્લામિક આતંકવાદ છે. બેલ્જિયમના આ નેતા હાલમાં નવી દિલ્હીમાં ચાલી રહેલી 'ગ્લોબલ પેટ્રિઓટ્સ મીટ 2025'માં ભાગ લેવા માટે આવ્યા છે.
#WATCH | Delhi: Speaking at Global Patriots Meet 2025, Filip Dewinter, Member of the Flemish Parliament, says, "The main aim is cooperation. Cooperation between the patriotic parties all over the world. BJP is one of the major players in India, and we try to exchange ideas and… pic.twitter.com/ZYSYs1bunh — ANI (@ANI) November 28, 2025
#WATCH | Delhi: Speaking at Global Patriots Meet 2025, Filip Dewinter, Member of the Flemish Parliament, says, "The main aim is cooperation. Cooperation between the patriotic parties all over the world. BJP is one of the major players in India, and we try to exchange ideas and… pic.twitter.com/ZYSYs1bunh
ડેવિંટરે આ અંગે વિસ્તારથી વાત કરતાં કહ્યું કે, "ભારત અને પશ્ચિમી દેશો એક જ ખતરાનો સામનો કરી રહ્યા છે, કટ્ટર ઇસ્લામી આતંકવાદ. આપણો દુશ્મન એક જ છે. પાકિસ્તાન આ કટ્ટર જેહાદી આંદોલનો અને આતંકવાદી જૂથોને પૈસા, લોજિસ્ટિક્સ મદદ અને તમામ પ્રકારની સુવિધાઓ આપીને સમર્થન આપે છે. થોડા અઠવાડિયા પહેલા દિલ્હીમાં થયેલ કાર બ્લાસ્ટ આનો પુરાવો છે. અમારા દેશમાં પણ આવું જ થાય છે. તેથી, પાકિસ્તાન એક આતંકવાદી દેશ છે અને યુરોપે તેના પર સંપૂર્ણપણે પ્રતિબંધ લગાવી દેવો જોઈએ. ફિલિપ ડેવિંટર બેલ્જિયમના જમણેરી, ફ્લેમિશ રાષ્ટ્રવાદી પાર્ટી વ્લામ્સ બેલાંગના અગ્રણી નેતા છે.
ઉલ્લેખનીય છે કે, ગ્લોબલ પેટ્રિયોટ્સ મીટ 2025નું આયોજન દિલ્હીના ઇન્ડિયા ઇન્ટરનેશનલ સેન્ટર ખાતે થયું છે. જેમાં ભાગ લેવા વિશ્વભરના રાષ્ટ્રવાદી પક્ષોના નેતાઓ, વિચારકો અને સાંસદ ભારત આવ્યા છે. આ કોન્ફરન્સનો ઉદ્દેશ ભારતના લાંબા આતંકવાદ-વિરોધી સંઘર્ષ અને 'રાષ્ટ્ર પ્રથમ' નીતિમાંથી બોધપાઠ લેવાનો છે. ડેવિંટરે પણ આ કોન્ફરન્સ અંગે વાત કરતા વધમાં કહ્યું હતું કે, 'તેનો સૌથી મોટો ઉદ્દેશ વિશ્વભરના દેશભક્ત પક્ષો વચ્ચે સહયોગ વધારવાનો છે. ભારતમાં શાસક ભારતીય જનતા પાર્ટી આ ક્ષેત્રમાં સૌથી મોટી શક્તિ છે. અમે વિચારોનું આદાન-પ્રદાન કરી રહ્યા છીએ અને સહકારના નવા માર્ગો શોધી રહ્યા છીએ.'
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp