BLO પર કામના ભારણની ફરિયાદો વચ્ચે આ રાજ્યના BLO પર થયો ઇનામનો વરસાદ, જાણો હકીકત

BLO પર કામના ભારણની ફરિયાદો વચ્ચે આ રાજ્યના BLO પર થયો ઇનામનો વરસાદ, જાણો હકીકત

11/29/2025 National

SidhiKhabar

SidhiKhabar

BLO પર કામના ભારણની ફરિયાદો વચ્ચે આ રાજ્યના BLO પર થયો ઇનામનો વરસાદ, જાણો હકીકત

હાલ સમગ્ર દેશમાં એસઆઇઆર અને તેની કામગીરી સાથે જોડાયેલા બીએલઓ ચર્ચામાં છે. ત્યારે આ અંગે મધ્ય પ્રદેશમાંથી ચોંકાવનારા સમાચાર સામે આવ્યા છે. મધ્ય પ્રદેશમાં મતદાર યાદીના સ્પેશિયલ ઇન્ટેન્સિવ રિવિઝનની કામગીરીમાં નિર્ધારિત સમયમર્યાદા પહેલાં જ ટારગેટ પુરો કરનારા બૂથ-લેવલ ઓફિસરો (BLO) પર હાલમાં જિલ્લા વહીવટી તંત્ર તરફથી અનોખા ઇનામોનો વરસાદ કરવામાં આવી રહ્યો છે. ઉત્કૃષ્ટ કામગીરી કરવા બદલ આ BLOને આકર્ષક ઈનામો મળી રહ્યાં છે.


જબલપુરમાં BLO ને હેલિકોપ્ટરની રાઈડ

જબલપુરમાં BLO ને હેલિકોપ્ટરની રાઈડ

માહિતી મુજબ, મધ્યપ્રદેશના જબલપુર જિલ્લાના પનાગર વિધાનસભા મતવિસ્તારમાંથી સ્નેહલતા પટેલે ઉદાહરણરૂપ કામગીરી કરી હતી. તેણીએ તેના વિસ્તારના તમામ બૂથનું 100 ટકા ડિજિટાઇઝેશન પૂર્ણ કરનાર જિલ્લાની પહેલી BLO સુપરવાઇઝર બની હતી. તેણીએ સમય મર્યાદા પહેલાં કુલ 7,706 મતદાર ફોર્મ અપલોડ કરી દીધા હતા. તેથી કલેક્ટરની સૂચના અનુસાર, સ્નેહલતા પટેલને ઇનામ તરીકે પીએમ શ્રી હેલી ટુરિઝમ સર્વિસ દ્વારા વિશ્વ પ્રસિદ્ધ પર્યટન સ્થળો કાન્હા અને બાંધવગઢની હેલિકોપ્ટરની રાઈડ આપવામાં આવી હતી.


રીવામાં ટાઈગર સફારી અને મૂવી ટિકિટ

રીવામાં ટાઈગર સફારી અને મૂવી ટિકિટ

એવી જ રીતે, મધ્યપ્રદેશના રીવા જિલ્લામાં પણ BLOએ સમય કરતાં વહેલા કામગીરી પૂર્ણ કરીને અન્ય BLO માટે એક યોગ્ય ઉદાહરણ પૂરું પાડ્યું છે. જિલ્લામાં 12 BLOએ ચૂંટણી પંચની સમયમર્યાદા (ચોથી ડિસેમ્બર)ના 14 દિવસ પહેલાં જ મતદાર ગણતરી શીટનું 100 ટકા ડિજિટાઇઝેશન પૂર્ણ કર્યું છે. જિલ્લા કલેક્ટર દ્વારા આ 'સુપર BLO'નું કલેક્ટર કચેરી ખાતે સન્માન કરવામાં આવ્યું હતું. અને પુરસ્કાર તરીકે, તમામ BLOને પ્રમાણપત્ર તેમજ તેમના પરિવારો સાથે મુકુંદપુર વ્હાઇટ ટાઇગર સફારીની સફર અને મૂવી ટિકિટ આપવામાં આવી હતી.


તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.

Join WhatsApp

Comments

Top