શું તમે પણ કિડની સંબંધી સમસ્યાઓથી બચવા માંગો છો? તો આ શાકભાજીને ભૂલથી પણ આ રીતે ન ખાતા? જાણો વિગતે
આમ તો શિયાળામાં જોવા મળતા લીલા શાકભાજી હેલ્થ માટે ખૂબ ફાયદાકારક ગણાય છે. લીલા શાકભાજીમાં વિટામીન અને મિનરલ્સનો સારો સ્ત્રોત રહેલો છે, જે શરીરને ઘણી બધી બીમારીઓથી બચાવી શકે છે. લીલા શાકનું સેવન વજન ઓછું કરવામાં મદદરુપ સાબિત થાય છે, સાથે જ શરીરને જરૂરી પોષક તત્વ પણ મળી રહે છે. પણ જો કોઈ વ્યક્તિને કિડની સંબંધિત સમસ્યાઓ હોય તો તેના માટે કેટલાક લીલા શાકભાજી હાનિકારક સાબિત થઈ શકે છે. માટે આ સમસ્યા ધરાવતા લોકોએ આ શાકભાજીઓનું સેવન ટાળવું જોઈએ. આ ઉપરાંત કેટલાક લીલા શાકભાજી કાચા ખાવા પણ હાનિકારક સાબિત થાય છે. કારણ કે આવા શાકભાજીમાં બેક્ટેરિયા અને તેના અવશેષો હોઈ શકે છે. આ જીવાત કિડની સહિતના અંગોને નુકસાન કરી શકે છે.
કોબીની અંદર ટેપ વોર્મ નામની જીવાત હોઈ શકે છે. ટેપવોર્મ અને તેના ઈંડા એવા હોય છે જે નરી આંખે દેખાતા નથી. પરંતુ તે પેટમાં જાય તો સ્વાસ્થ્ય માટે ખતરનાક સાબિત થઈ શકે છે. ઉપરાંત ટેપવોર્મ જો લોહીમાં પહોંચી જાય તો ગંભીર બીમારીનું કારણ પણ બની શકે છે. તેથી કોબીનો ઉપયોગ કરતા પહેલા પણ તેને સારી રીતે સાફ કરી, પકાવીને જ ખાવી.
આમ તો પાલક સ્વાસ્થ્ય માટે ખૂબ ફાયદાકારક છે, પરંતુ ત્યારે જ જ્યારે તેને સારી રીતે રાંધીને ખાવામાં આવે. પાલકને ક્યારેય કાચી ખાવી જોઈએ નહીં. કાચી પાલકમાં ઓક્સલેટનું પ્રમાણ વધારે હોય છે જે કિડનીમાં પથરી થવાનું જોખમ વધારે છે. તેથી પાલકને ખાતા પહેલા હંમેશા તેને સારી રીતે સાફ કરી પાણીમાં બાફીને જ ઉપયોગમાં લેવી જોઈએ.
કેપ્સિકમ પણ સ્વાસ્થ્ય માટે ઘણું ફાયદાકારક છે. પરંતુ કેપ્સીકમનો ઉપયોગ કરવો હોય ત્યારે તેની ઉપરનો ભાગ અને બીજ સંપૂર્ણપણે કાઢી નાખવા જોઈએ. ત્યાર પછી શિમલા મિર્ચને ગરમ પાણીમાં સાફ કરીને જ ઉપયોગમાં લેવી જોઈએ. કેપ્સીકમમાં પણ ટેપવોર્મના ઈંડા હોઈ શકે છે. જે સ્વાસ્થ્યને નુકસાન કરે છે.
(Disclaimer: અહીં વિષય અંગેની સામાન્ય માહિતી આપવામાં આવી છે. અત્રે એ ઉલ્લેખ કરવો જરૂરી છે કે SidhiKhabar.com સ્વાસ્થ્યને લગતી કોઈપણ પ્રકારની સલાહ, સારવાર કે ઉપચાર પદ્ધતિની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા નિષ્ણાંત તબીબની સલાહ અવશ્ય લો.)
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp