દિલ્હીમાં લાલ કિલ્લા પાસે ધમાકો, 10 લોકોના મોત, રાજધાની હાઇએલર્ટ પર; જુઓ વીડિયો

દેશની રાજધાની દિલ્હીથી એક મોટા સમાચાર સામે આવ્યા છે. અહેવાલો અનુસાર, દિલ્હીના લાલ કિલ્લા પાસે વિસ્ફોટના સમાચાર મળી રહ્યા છે. આ વિસ્ફોટ એક કારમાં થયો હતો. એવું કહેવામાં આવી રહ્યું છે કે વિસ્ફોટ મેટ્રો ગેટ નંબર-1 પાસે થયો હતો. આ વિસ્તાર ખૂબ જ ભીડભાડવાળો છે. આ ઘટનામાં 10 લોકોના મોત જ્યારે 30 લોકો ઇજાગ્રસ્ત થયા હોવાના અહેવાલ છે. સાંજે થયેલા આ વિસ્ફોટથી આસપાસના વિસ્તારમાં ગભરાટ ફેલાઇ ગયો છે. કારમાં થયેલો આ  વિસ્ફોટ એટલો શક્તિશાળી હતો કે તેનો અવાજ દૂર-દૂર સુધી સંભળાયો. કારની નજીક પાર્ક કરેલા અન્ય વાહનો આગની ઝપેટમાં આવી ગયા હતા.

વિસ્ફોટ એટલો શક્તિશાળી હતો કે તેનાથી નજીકની દુકાનોની બારીઓના કાચ તૂટી ગયા. આટલું જ નહીં ઘણા વાહનોના ફુરચેફુરચા ઊડી ગયા. દિલ્હી પોલીસ હવે તપાસ કરી રહી છે કે વાહનની અંદર કોઈ વિસ્ફોટક સામગ્રી હતી કે વિસ્ફોટ પાછળ કોઈ અન્ય કારણ હતું. ઘટના બાદ, દિલ્હી પોલીસની એક ટીમ ઘટનાસ્થળે પહોંચી. વિસ્તારના ડેપ્યુટી પોલીસ કમિશનર (DCP) પણ હાજર છે. લાલ કિલ્લા પાસેનો વિસ્તાર જ્યાં વિસ્ફોટ થયો હતો તે ખૂબ જ ભીડભાડવાળો વિસ્તાર છે. વિસ્ફોટના સ્થળે હાલમાં ટ્રાફિકની અવરજવર બંધ છે.

.

#WATCH | A call was received regarding an explosion in a car near Gate No. 1 of the Red Fort Metro Station, after which three to four vehicles also caught fire and sustained damage. A total of 7 fire tenders have reached the spot. A team from the Delhi Police Special Cell has… pic.twitter.com/F7jbepnb4F

— ANI (@ANI) November 10, 2025

લાલ કિલ્લા પાસે થયેલા વિસ્ફોટ બાદ સમગ્ર દિલ્હીમાં હાઇ એલર્ટ જાહેર કરવામાં આવ્યું છે. કેન્દ્રીય તપાસ એજન્સીઓ પણ ઘટનાની તપાસ માટે પહોંચી રહી છે. ગૃહ મંત્રાલયના સૂત્રોના જણાવ્યા અનુસાર, લાલ કિલ્લા પાસે જોરદાર અવાજ સંભળાયો હતો, ત્યારબાદ આગ લાગી હતી. NIA અને NSGની ટીમો પણ ઘટનાસ્થળે પહોંચી રહી છે અને ટૂંક સમયમાં વિસ્ફોટના કારણની તપાસ કરશે.

BIG BREAKING NEWS 🚨

▪️Twin car blasts reported near the Red Fort in New Delhi.

▪️Several vehicles engulfed in flames, multiple injuries reported.

▪️17 person feared dead; 30 injured

▪️Terrorist angle not ruled out #RedFort #Blast #Delhi pic.twitter.com/fcxrSmwlbk

— Sarcastic Monkey 🐒 (@Monkey4Survey) November 10, 2025