ભારત પર મંડરાય રહ્યો છે ભૂકંપનો મોટો ખતરો, જેમાં ગુજરાતના આ વિસ્તારો પણ સામેલ, જાણો વૈજ્ઞાનિકોએ શું કહ્યું?
ભારતમાં છેલ્લા કેટલાય સમયથી ઉત્તર-પૂર્વીય ક્ષેત્રના જમીની સ્તરે ભારે ચહલ-પહલ જોવા મળી રહી છે. હિમાલયન રેન્જના રાજ્યોમાં ભૂકંપનો સૌથી વધુ ખતરો મંડરાય રહ્યો છે. જમ્મુ-કાશ્મીર, હિમાચલ, ઉત્તરાખંડ, સિક્કિમ, અરૂણાચલ અને પૂર્વોત્તરના રાજ્યોમાં ગમે ત્યારે મોટો ભૂકંપ આવવાની સંભાવના છે. હિમાલયના પેટાળમાં ટેક્ટોનિક પ્લેટની હિલચાલથી આ વિસ્તારોને વધારે સંવેદનશીલ ગણવામાં આવ્યા છે. જ્યારે દક્ષિણ ભારતના વિસ્તારોમાં ભૂકંપનો ખતરો દેશના અન્ય ભાગ કરતાં ઓછો છે. આ અંગે ભૂકંપ વૈજ્ઞાનિકોએ નવો સિસ્મિક મેપ જાહેર કર્યો કરી ચેતવણી આપી છે.
ભૂકંપ અંગે સંશોધન કરતાં વૈજ્ઞાનિકોના નવા અહેવાલ મુજબ, દેશના 61 ટકા વિસ્તારમાં ભૂકંપની શક્યતા વધુ છે. અગાઉ આ વિસ્તાર 59 ટકા હતો. ભારતની ટેક્ટોનિક પ્લેટ દર વર્ષે ઉત્તર તરફ પાંચ સેન્ટિમીટર ખસતી હોવાથી પેટાળમાં હિલચાલ વધી છે. જેના પરિણામે ભૂકંપનો ખતરો પણ વધ્યો છે. દેશના બધા જ ભાગોને નવા સિસ્મિક મેપમાં પાંચ ઝોનમાં વહેંચવામાં આવ્યા છે. એ પ્રમાણે સમગ્ર હિમાલયન રેન્જને ખતરનાક ઝોનમાં રાખીને ચેતવણી આપવામાં આવી છે.
હિમાલયન રેન્જ પછી સૌથી વધુ ખતરો ગુજરાતના કચ્છમાં છે. સમગ્ર કચ્છને પણ પાંચમા ઝોનમાં રાખવામાં આવ્યું છે. ગુજરાતના બાકીના હિસ્સામાં સૌરાષ્ટ્રને ત્રીજા ઝોનમાં રાખ્યું છે, તેનો અર્થ એ કે સૌરાષ્ટ્રમાં ભૂકંપનો ખતરો પ્રમાણમાં ઓછો છે. કચ્છ-સૌરાષ્ટ્ર સિવાયના ગુજરાતના વિસ્તારને ચોથા ઝોનમાં રાખવામાં આવ્યા છે.
દેશનો લગભગ ત્રણ ચતુર્થાંશ વિસ્તાર સક્રિય ભૂકંપ ક્ષેત્રમાં આવે છે એટલે મોટી વસતિ પર ભૂકંપનું જોખમ સતત મંડરાતું રહેશે. જેને ધ્યાનમાં રાખીને વૈજ્ઞાનિકોએ ચેતવણી આપી હતી કે આ નવા મેપના કારણે દેશમાં અમુક પરિવર્તનો કરવા પડશે. ખાસ તો જૂની ઈમારતોનું ચેકિંગ કરવું જોઈએ. નવી ઈમારતોના બાંધકામમાં પણ માપદંડો બદલવા હિતાવહ છે. ઉપરાંત નદી કિનારે કે પોચી જમીનમાં બહુમાળી ઈમારતો ન બાંધવી જોઈએ. જૂની સ્કૂલ-કોલેજો અને હોસ્પિટલોને મજબૂત કરવાની દિશામાં પણ કામ કરવામાં આવે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp