ભાજપ-શિવસેના વચ્ચે ચાલી રહેલી ખટપટ વચ્ચે DyCM એકનાથ શિંદેનું મોટું નિવેદન, બોલ્યા- ‘અમારું ગઠબંધન..’
મહારાષ્ટ્રના નાયબ મુખ્યમંત્રી એકનાથ શિંદેએ શુક્રવારે કહ્યું કે, રાજ્યમાં સત્તાધારી મહાયુતિ ગઠબંધન વિચારધારા પર આધારિત છે અને તે આગળ પણ યથાવત રહેશે. શિવસેના-ભારતીય જનતા પાર્ટી (BJP) ગઠબંધન ભૂતપૂર્વ વડાપ્રધાન અટલ બિહારી વાજપેયી, વરિષ્ઠ નેતા લાલકૃષ્ણ અડવાણી અને શિવસેનાના સ્થાપક બાળાસાહેબ ઠાકરેના આદર્શો પર આધારિત છે.
શિંદેએ કહ્યું કે, ‘અમારું ગઠબંધન લાંબા સમયથી વિચારધારા પર આધારિત છે અને તે આગળ પણ યથાવત રહેશે. તેમણે મહારાષ્ટ્ર ભાજપ પ્રમુખ રવિન્દ્ર ચવ્હાણની ટિપ્પણીઓના જવાબમાં આ નિવેદન આપ્યું હતું. ગુરુવારે રવિન્દ્ર ચવ્હાણે કહ્યું હતું કે, ‘હું 2 ડિસેમ્બર સુધી ગઠબંધન બચાવવા માગુ છું. હું પછીથી આરોપોનો જવાબ આપીશ.’
2 ડિસેમ્બરથી શરૂ થનારી મહારાષ્ટ્ર સ્થાનિક સંસ્થાઓની ચૂંટણીઓ પહેલા શિવસેના અને ભાજપ વચ્ચે તણાવ વધી ગયો છે. આ દરમિયાન, OBC અનામત અંગે સુપ્રીમ કોર્ટમાં કાનૂની પડકાર પણ ગઠબંધન માટે મોટી સમસ્યા ઉભી કરે છે. 246 નગર પરિષદો અને 42 નગર પંચાયતોની ચૂંટણી 2 ડિસેમ્બરે યોજાવાની છે, જે ભાજપ, શિંદે જૂથની શિવસેના અને અજિત પવારની NCPના ગઠબંધન માટે પ્રથમ મોટી ચૂંટણી કસોટી છે.
કોર્ટે સ્પષ્ટ કર્યું છે કે 57 નગર નિગમોના પરિણામો જ્યાં 50 ટકા અનામત મર્યાદા ઓળંગાઈ છે ત્યાં પરિણામ તેના અંતિમ નિર્ણયને આધીન રહેશે. તો, ગઠબંધનમાં આંતરિક ખેચતાણ અને નેતાઓ અને કાર્યકરોના વિભાજનને કારણે તણાવ વધી રહ્યો છે, ખાસ કરીને થાણે અને કલ્યાણ-ડોંબિવલી જેવા વિસ્તારોમાં, જે એકનાથ શિંદેનો ગઢ માનવામાં આવે છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp