OTT Web Series

Sunil Grover Trolled: કપિલ શર્માનો 'ધ ગ્રેટ ઇન્ડિયન કપિલ શૉ' પોતાની બીજી સીઝન સાથે દર્શકોનું મનોરંજન કરી રહ્યો છે. શૉના અંતિમ એપિસોડમાં, ભૂલ ભૂલૈયા-3 ની સ્ટાર કાસ્ટ કાર્તિક આર્યન, વિદ્યા બાલન, તૃપ્તિ ડિમરી અને ડિરેક્ટર અનીસ બઝ્મી પહોંચ્યા હતા, જેમની સાથે કપિલે ઘણી વાતચીત અને મજાક કરી હતી. આ દરમિયાન સુનિલ ગ્રોવરે તૃપ્તિને કંઇક એવું પૂછી નાખ્યું કે, જેના કારણે તેને હવે ખૂબ ટ્રોલ કરવામાં આવી રહ્યો છે. સોશિયલ મીડિયા પર યુઝર્સ સતત સુનિલ ગ્રોવરની ટીકા કરી રહ્યા છે. ચાલો જાણીએ શું છે આખો મામલો.

IC-814 The Kandahar Hijack: વિજય વર્મા, નસીરુદ્દીન શાહ, પંકજ કપૂર, દિયા મિર્ઝા, પત્રલેખા, પૂજા ગૌર અને કુમુદ મિશ્રા જેવા ઘણા સ્ટાર્સ IC-814: The Kandahar Hijack વેબ સિરીઝમાં જોવા મળ્યા છે. આ શ્રેણી દ્વારા જ અનુભવ સિન્હાએ OTTની દુનિયામાં પ્રવેશ કર્યો છે. પરંતુ તેની ડેબ્યૂ સિરીઝને લઈને જ હોબાળો થયો છે. વેબ સિરીઝના વિવાદમાં કેન્દ્રીય માહિતી અને પ્રસારણ મંત્રાલયે નેટફ્લિક્સ ઇન્ડિયાના કન્ટેન્ટ હેડને સમન્સ જારી કર્યું છે. સમાચાર એજન્સી ANIએ સૂત્રોને ટાંકીને જણાવ્યું છે કે પ્લેટફોર્મની ઈન્ડિયા કન્ટેન્ટ હેડ મોનિકા શેરગીલને આવતીકાલે એટલે કે મંગળવારે હાજર થવા માટે કહેવામાં આવ્યું છે.

KBC 16: સોની ટીવીએ અમિતાભ બચ્ચન સાથે 'કૌન બનેગા કરોડપતિ'ની સીઝન 16ની ભવ્ય શરૂઆત કરી છે. અત્યાર સુધી આ સીરીઝમાં ઘણા સ્પર્ધકો 3 લાખથી લઈને 50 લાખ રૂપિયા સુધીની રકમ જીતી ચૂક્યા છે. દરેક સામાન્ય માણસને આશા આપતો આ શો છેલ્લા 24 વર્ષથી દર્શકોનું મનોરંજન કરી રહ્યો છે. સોની ટીવીના ક્વિઝ રિયાલિટી શો 'કૌન બનેગા કરોડપતિ'ની સીઝન 16એ ફરી એકવાર નાના પડદા પર જોરદાર કમબેક કર્યું છે. અમિતાભ બચ્ચન ફરી એકવાર આ શો દ્વારા દર્શકોનું મનોરંજન કરી રહ્યા છે. આ શોનો પહેલો એપિસોડ 24 વર્ષ પહેલા એટલે કે વર્ષ 2000માં ઓન એર થયો હતો. પરંતુ આ શોની પ્રથમ ત્રણ સીઝન સોની ટીવી પર નહીં પરંતુ સ્ટાર પ્લસ પર પ્રિમિયર કરવામાં આવી હતી. અમિતાભ બચ્ચનની કૌન બનેગા કરોડપતિ સાથે જોડાયેલી ઘણી બાબતો છે, જે કદાચ તમે નહીં જાણતા હોવ.