સુનિલ ગ્રોવર કેમ આવ્યો યુઝર્સના નિશાના પર? તૃપ્તિ ડિમરીને એનિમલ સંબંધિત પૂછ્યો હતો આ સવાલ
Sunil Grover Trolled: કપિલ શર્માનો 'ધ ગ્રેટ ઇન્ડિયન કપિલ શૉ' પોતાની બીજી સીઝન સાથે દર્શકોનું મનોરંજન કરી રહ્યો છે. શૉના અંતિમ એપિસોડમાં, ભૂલ ભૂલૈયા-3 ની સ્ટાર કાસ્ટ કાર્તિક આર્યન, વિદ્યા બાલન, તૃપ્તિ ડિમરી અને ડિરેક્ટર અનીસ બઝ્મી પહોંચ્યા હતા, જેમની સાથે કપિલે ઘણી વાતચીત અને મજાક કરી હતી. આ દરમિયાન સુનિલ ગ્રોવરે તૃપ્તિને કંઇક એવું પૂછી નાખ્યું કે, જેના કારણે તેને હવે ખૂબ ટ્રોલ કરવામાં આવી રહ્યો છે. સોશિયલ મીડિયા પર યુઝર્સ સતત સુનિલ ગ્રોવરની ટીકા કરી રહ્યા છે. ચાલો જાણીએ શું છે આખો મામલો.
નેટફ્લિક્સ પર 'ધ ગ્રેટ ઇન્ડિયન કપિલ શૉ' સાથે સંબંધિત એક શૉર્ટ વીડિયો વાયરલ થઇ રહ્યો છે. આ વીડિયોમાં સુનિલ ગ્રોવર 'ડફલી' બનીને શૉમાં એન્ટ્રી કરે છે. આ દરમિયાન, તે તૃપ્તિ ડિમરી પાસે જાય છે અને તેને પૂછે છે, 'શું તમે એ જ છો જે ફિલ્મ અમિનલમાં હતી?' અભિનેત્રી તેના પર હકારમાં જવાબ આપે છે. તૃપ્તિ કહે છે, 'મેં જોયું કે તમે મારા વિશે શું કહ્યું હતું.' ત્યારબાદ સુનિલ ગ્રોવર કહે છે, 'તમે જે રણબીર કપૂર સાથે કર્યું તે માત્ર એક શૂટિંગ હતું, નહીં, હકીકતમાં એવું કંઇ નહોતું?'
આ સાંભળીને બધા હસવા લાગે છે અને તૃપ્તિ કહે છે કે તેની સોય હજી ત્યાં જ અટકી છે. સુનિલ ગ્રોવર વધુમાં કહે છે, 'ઓરિજિનલમાં રણબીર કપૂર સાથે કંઇ નહોતું, ખરું ને?' તેના પર તૃપ્તિ કહે છે, 'ના, ઓરિજિનલમાં કંઇ જ નહોતું.' જેવો જ આ એપિસોડ ટેલિકાસ્ટ થયો અને આ ક્લિપ સોશિયલ મીડિયા પર વાયરલ થઇ, યુઝર્સે અભિનેત્રીને આવા અસહજ સવાલ પૂછવા બદલ સુનિલ ગ્રોવરને ટ્રોલ કરવાનો શરૂ કરી દીધો.
વાયરલ ક્લિપ પર પ્રતિક્રિયા આપતા એક યુઝરે લખ્યું, 'એ ખૂબ જ દુઃખદ છે કે તેની મજાક ઉડાવવામાં આવી રહી છે.' અન્ય એક યુઝરે લખ્યું, 'આ કમેન્ટથી તૃપ્તિ ખરેખર અસહજ થઇ ગઇ છે. તે આગળ વધવા માગે છે પરંતુ તેની સોય ખરેખર ત્યાં જ અટકી ગઇ છે. ત્રીજા યુઝરે લખ્યું, 'ડફલીએ રણબીરને આ સવાલ કેમ ન પૂછ્યો?' એક અન્ય યુઝરે લખ્યું, ' એક મહિલાને આ રીતે અસહજ કરનારી થર્ડ ક્લાસ કોમેડી બકવાસ છે.'
આ રીતે સોશિયલ મીડિયા યુઝર્સ પોતાની પ્રતિક્રિયા આપતા સુનિલ ગ્રોવરને ખરાબ રીતે ટ્રોલ કરી રહ્યા છે. ઉલ્લેખનીય છે કે, ફિલ્મ એનિમલમાં રણબીર કપૂર અને રશ્મિકા મંદાના લીડ રોલમાં જોવા મળ્યા હતા. તૃપ્તિ ડિમરી ફિલ્મના સેકન્ડ હાફમાં થોડો સમય રણબીર સાથે જોવા મળી હતી. બંનેએ ફિલ્મમાં ખૂબ જ બોલ્ડ સીન્સ આપ્યા હતા, જેના કારણે તૃપ્તિ રાતોરાત નેશનલ ક્રશ બની ગઇ હતી. લોકો તેને ભાભી 2નું ટેગ આપવા લાગ્યા હતા.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp