અક્કરમીનો પડિયો કાણો

માફ કરજો મિત્રોં..બાપજી પેલી બાજુ ભાગ્યા તો હમો એની ઉપર ઉડ્યા. બાપજીએ પેલી મિલ્ખાસિંઘવાળી ફિલમ પરથી પ્રેરણા લીધી લાગે છે. મેરેથોનમાં ભાગ લેવો હોય એમ જે રમરમાટ દોટ મૂકેલી હમો તો અચંબિત થઈ ગયા કે આ સિલિંડર ખાટલેથી તો રગડી જવાની તૈયારીમાં હતું ને એકદમ આટલી બધી એનર્જી આવી કેવી રીતે? આવા વિચારોમાં ઉડતા ઉડતા હમોને ખ્યાલ આવ્યો કે આપણી મેઈન સ્ટારકાસ્ટ તો મંદિરમાં જ છે. આ તો સાઈડ રોલ છે. ને તરત જ યુ ટર્ન લઈને પાછા મંદિરે આવ્યા. અહીં આવીને જોયું તો ખાલી-ખાલી તંબુ ને ખાલી-ખાલી ખુરસી..એ તો ભલું થજો પેલા બે બહેરા કાકાઓનું કે એ અહીં હતા તો એમની વાતો, ખરેખર તો ઘાંટાઓથી હમોને ઘટનાસ્થળનું સરનામું મળ્યું. ને હમો તો ત્યાં ફૂરરરર. આખે રસ્તે વિચાર આવ્યા કીધા કે પેલા પોલીસભાઈઓ ચિંટુ પિંટુને મારે નહીં તો સારુ. એ લોકોનો આમ પાછો કોઈ ઉપદ્રવ નથી. લોક બધું ભેગું થાય છે ને એમાં તો એ પેલા રથવાળા જાડા થોથાંમાંથી કંઈ વાંચેલું સંભળાવે છે અથવા મોબાઈલ પર ભજનો મૂકે ને બધા મંડળી જમાવે એટલું જ. જો કે કાયદો એટલે કાયદો. ટોળું નહીં કરવાનું ફરમાન હોય તો પાલન કરવું જ જોઈએ પણ તમે નહીં સુધરો. જવા દો..ભાગવત કરવાનો અર્થ નથી. એ બધું તો પછી ય થશે પણ પહેલાં તો આપણા હીરોલોગ કે ક્યા હાલ હે વો દેખેંગે હમ લોગ..

ચિંટુ: ભઈ પોલીશ, અમને ઓંય ચ્યમ લાયો છે ઈમ તો ફોડ પાડ કોંક..

પોલીસ ૧: એ ટણપા..ચૂપ રહે..અહીં સવાલ માત્ર પોલીસ જ પૂછે.. કહી દઉં છું તને..

પિંટુ: ચાલ  ઓ... પ્રભુ જોડે આ રીતે ની બોલવાનું કહી દેમ છું મેં...

પોલીસ ૧: એમ ? નહીં તો તું શું કરી લઈશ જાડિયા?

પિંટુ: મહારાજ આ ભઇને તમે હમજાવહો કે મેં હમજાવું?

ચિંટુ: ભઈ પિંટુ, તુ શોંતિ રાખ ઘડીક. આ પોલીશભઈને કોંક ગેરશમજ થઈ છ ઇમોં જ તે આપડાને ઓંય લાયા છ. હં તો પોલીશભઈ, કોહ તો ખરા? મારે કોરોનુની શમશ્યાનો ઉકેલ ઓંય જમા આલવાનો છ?

પોલીસ ૧: ઇન્સ્પેકટર સાહેબ કહેસે તને બધું.

પિંટુ:  લે, જવાબ સાહેબ આપહે? કિયારના તો તમે જ કહી દઉં છું કહી દઉં છું કેહ્યા કરતા છે તે કહી દેવની..

પોલીસ ૧: અડબોથ ખાવાના બહુ શોખ લાગે છે તને. કહી દઉં છું તને..

ચિંટુ: પિંટુ તું ચૂપ રેહ. તને મું એક મેલે એટલો ગુશ્શો આઈ રહ્યો છે. જેલમાં આ લોકો ચક્કી પીસાવશે બહુ ટઈડપઈડ કરી તો.. હજુ તારો આ લોકો શાથે પનારો નહે પડ્યો ઇમોં. બાકી તો તું ઢોંપલીનો ના થાત. પોલીશભઈ મું ઈના વતી શોરી. બશ?

પિંટુ: તમે હું કામ માફી માંગે પણ ? કોઈનો કંઈ વાંક છે જ ની તો માફી હાના હારુ માંગવાની? આપડે કંઈ ચોરીચપાટી થોડી કરેલી છે?

પોલીસ ૧: બધી હોંસિયારી તારા ખીચામાં મેકી દે પિલ્લુ વાળીને. ધીબેડી નાંખીસ કહી દઉં છું.

ચિંટુ: હે ભગવાન, જ્યોં જ્યોં નઝર મારી પડે નકરા વેરઝેર ભર્યા છ. ગોમમોં ય કોઇ ને કોઇ બબાલ ચાલતી જ હોય. કૃષ્ણજન્મ થયેલો ત્યોં તો પોલીશ નામદાર હોય એટલે ત્યોં ટંટાફશાદ ના હોય પણ ઓંય તો પોલીશભઈ જ ટંટાફશાદ કરે એવા છ.

પોલીસ ૨:  એ ય ચંગુ મંગુ.. ન્યા મંદિરમાં હુ લેવા અટલી ભીડ ભેગી કરશ? હમણાં બધી ટોળાબાજી બંધ રાખવાની ખબર સ્યે ને?

ચિંટુ: હા શાયેબ, પણ અમી તો બધા આઘા આઘા જ બેશીએ છીએ. ભગવાનનું નામ લઈએ ને પછી મું ગોમવારાઓને થોડું મનઅ ખબર પડઅ એવું ગનાન આલું.. હવડે તો આ કોરોનું વિસે ય હરખું ઠમઠોરું છું ગોમવારાઓને.. હેં ને પિંટુ?

પિટુ: તે જ ને હારા. આપડે કંઈ તાયફા કરવા ભેગા નથી થતાં વરી. મેં એમ કેઉં ઇન્સ્પેક્ટર સાહેબ કે કોઈ દહાડો તમે ય આવો મંદિરે.. પ્રભુની વાતોથી તમે હો પ્રભાવિત ની થઇ જાવ તો મારું નામ બદલી લાખજો જાવ..

પોલીસ ૨: એમ ? તારું નામ બદલીને હુ રાખવાનું નકી કયરુ શ ભૂરા, કહે જોય?

પિંટુ: બદલવું જ ની પડહે પણ.. એવી એવી વાતો કરહે ને પ્રભુ કે તમને હો એમને સલામ કરવાનું મન થઈ જહે.

પોલીસ ૧:  એય ચરબીની ભરેલી.. તુ એમ કહે કે તમારા આ ડાયરામાં ગામવારા સિવાય બહારનું કોઈ આવે ? શુ છે કે અમે એક ખૂનીને સોધીએ છીએ. બાજુના ગામમાંથી એક આદમી ખૂન કરીનો ભાગ્યો છે.

ચિંટુ: ઇમ ? કુણ હતું? મર્યું કે નહે મર્યું હજ્જુ હુંદી?

પોલીસ ૧:  અરે ઓ અક્કલના ઓથમીર.. મલી જ્યું હોય તો ઇને કોઈ હોધે ?

પિંટુ:  પેહલા તમે એમ કહેવ કે તમને કોણે કેહ્યું કે અમે અક્કલના ઓથમીર છે? જોતિસ છે કે હુ હારા? મારો હાથ જોઈ આપો ની ? મારે ફોરેન જવું છે તો જવાહે કે ની?

પોલીસ ૨: આ કમઅક્કલોને આપણે ખોટા ઉંચકી લાયવા. બેમાંથી એક્કેયને કંય ખબર નથ પડતી ને ઉપરથી આપણને મૂંજવી દ્યે છે ગય્ધના..

પોલીસ ૧: હા પણ આપણે કાંક કામ કરીએ સીએ એમ તો દેખાડવું ને ચોપડે.. હાલ એય મોટા.. નામ લખાવો તમારા બે યના..

ચિંટુ: લખો આ મારો ખાશંખાશ છ.. પિંટુનંદ સ્વામી

પોલીસ ૨: એને મોંઢામાં મગ ભયરાશ ભૂરા? તુ હુ લેવા ડાયો થાશ?

પિંટુ: ઓ ભઈ,  પ્રભુને કોઈ કંઈ ની કેહે.. ની તો જોવા જેવી થહે કેહી દેતો છે મેં.

પોલીસ ૧: આ એક ખાશે પછી જ સીધો થસે. આલુ એક સનસનાઈને? હવે જો દોઢ થયો તો પૂછ્યા વના જ મેલે એક ડાબા કાન નીચે..

ચિંટુ: સાંત ગદાધારી સાંત.. મારું નામ ચિંટુનંદ છે .

પોલીસ ૨: ક્યાં રેવાનું? ને કામબામ કંઈ ખરું કે?

ચિંટુ: ઓંય ગોમમાં મંદિર પોંહે જ એક શોશાયટી છ ઇમોં રહીયે છ બે ય જણા. કોમ તો હાથીગઢવાશીઓને શમશ્યા હોય તો મદત કરવાનું ..

પોલીસ ૧: ઓત્તારી ભલી થાય.. સુ મદત કરો છો મોટા તમે એ જરા જણાવવાની કીરપા કરસો માહરાજ?

પિંટુ: તમારી કોઈ સમસ્યા ઓય તો કહેવ.. ગુરુજી એનો ઉકેલ હો ટકા લાવી જ આપહે .

પોલીસ ૨: બાબાને મિડિયમ ઇંગ્લિશમાં ભણવા મૂકવો આપણે.. પણ ગય્ધના ડોનેસન માંગે છે. બધી ટ્રાય કરી જોઈ પણ કાંય મેળ નથી આવતો.. લ્યો આ કીધી તમને સમસ્યા.. લાવો ઉકેલ..

ચિંટુ: વત્શ.. બધા કર્મોના ફર છે. તમે જે કર્યું છ ઇનું જ આ ફર છ. તમે જી કરો એ કર્મના ફરની આસા મેકી દો પછી કરો.. પછી જૂઓ ચમત્કાર.. તમારું કોમ પાર પડશે જ. મું કઉ સુ ને?

પોલીસ ૧: તે સ્વામીજી, તમે ભગવાન છો?

પિંટુ: પ્રભુ તો માદેવજીના ડાયરેક કોન્ટેકમાં છે તેમાં જ એમને આવું બધું બોલતા આવડતું છે. ને એમને બધી જ ખબર ઓય જ..

પોલીસ ૨: પેલો ભાગેડુ ખૂની ક્યાં છે એ ખબર વોય તો ક્યો. બાકી જેશીક્રશ્ન.

ચિંટુ: તો અમે જઈએ હવે?

પોલીસ ૧: જાવ.. પણ સાહેબ બોલાવે ત્યારે આબબુ પડશી. ને તમારા ડાયરામાં કોઈ અજાણ્યું દેખાય તો જાણ કરજો અહીં. ને હા, સોશ્યલ ડિસ્ટન્સ જારવજો પાછા ડાયરામાં. નહીં તો એક એકને વીણી વીણીને સળિયા ગણતા કરી દઇસ. કહી દઉં છું તમને..

પિંટુ: એક મિલિટ, તમે ભીડ બધાયને જેલભેગા કરહો તો ભીડ જેલમાં થહે તેનું હુ?

પોલીસ ૧: તું જા ને હવે છાનીમાની વાયડીની થતી  ..

હેં? આ શું લશ્કર લડાવે છે? પોલીસ કોઈ ખૂનીને શોધી રહી છે એમાં આ બે અડફેટે ચડી ગયા. પણ હિંમત હારે એ બીજા.. ચિંટુલાલ-પિંટુલાલ નહીં. પોલીસ સ્ટેશનમાં ય પેલી જાડી કિતાબમાંથી જ કંઈક વાંચેલું યાદ આવી ગયું હશે તે ઠપકારી દીધું. અહીંથી તો બહાર આવી ગયા આ બે પણ સાલું કંઈક ગરબડ તો છે જ. તમને શું લાગે છે? એક કામ કરું.. જમવાનું પરવારી જઉં.. તમે ય જેસીક્રસ્ન થઈ જાવ.. મળ્યા પછી..

ગાંવવાલો..... હમકો લગતા હે કે હમ ગાંવ મેં જાયેંગે ઓર ઇધર કુછ નવાજૂની હોયેગી તો વો હમ કો કોય નય બતાયેગા.... તો ઉડના કેન્સલ.. એ લ્લે ..આ પિંટુલાલ ક્યાં દોડ્યા..ફૂરરરર...ફૂરરરરર... ઓ મારા ભગવાન આ કેટલું દોડશે ને? ચિંટુએ કંઈ કહ્યું હશે એટલે રિસાયો હશે કે શું? અલા ભઈ રોકાઇ જા હવે.. તને કોઈ વઢશે નહીં.. પાછો આય મારા વહાલા.. બાપ રે.. આમ ને આમ જ દોડતો રહ્યો તો આ ગાંડિયો પડોસી દેસમાં પહોંચી જસે.. પિંટુને કોઈ રોકો.. હમો ય થાકી ગયા આજે તો.. હાશ બાપા પિંટુડા.. એંહ.. આ તો નોટિસબોર્ડ પર કંઈ લીટા કરે છે.. હમોને વાંચતા આવડે છે પણ આવા ગરબડીયા અક્ષર હમો વાંચવાનું પસંદ કરતા નથી. લે આ તો પાછો ભાગ્યો. વાંહે કૂતરા બી નય પડા હે તો ય કેમ દોડતા હોગા યે પાગલ છોકરા? હાલો પાછા સીસીટીવી ડાળ પર.. ત્યાં પેલી પાર્ટી બહાર પધારી ગઈ હોય તો સારુ.

પિંટુ : ચિટુભાય...ઓ ચિંટુભાયયયયય...મેં લખી આઇવો છે પાટિયે તમે કેહ્યલુ તે પ્રમાણે જ..ચિંટુભાયયયયયય..

ચિંટુ : એ ય ગબલદાશ..રાડો પાડવાનું બંધ કર દિયોર..ઓંય કોય બેરુ નહે. હરખું વંચાય ઇમ લખ્યુ છ? કે તને બોલાવવો પડશે વોંચવા?

બાપજી: હરિ:ૐ .. ક્યા લિખા હે પાટિયે પે બચ્ચા? ભજન લિખા? અનૂપ જી બોત અચ્છે ભજન ગાતે થે..

પિંટુ : ચિંટુભાય .. હું કેવ છો? આ બાપજીને મેં હમણે હમજાવું કે તમે પછી હમજાવહો ?

બાપજી: હરિ: ૐ .. પિંટુ ..મેરે સેર.. તુ જો બોલ રહા હે વો મેરે પલ્લે નહીં પડ રહા.. ધીરે ધીરે બોલ તો શાયદ સમજ મેં આ જાય..

પિંટુ : બસ હોં બાપજી.. તુમેરા ઓર ખાસ તો મેરે આકા કા માન રખતા હું ઇસ લિએ મુંગા મરેલા હું પણ મેં જાની ગયલો છે કે તમે નોટંકી જ છે હારા..

ચિંટુ: પિંટુઉઉ.. તું છોનો રહીશ બાપા? ને બાપજી તમે ય અબ છોને રહો.. મું પછી તમને હમજાઈ દયે.. તેં પાટિયા પર શું લખ્યું ઇમ કહે.

પિંટુ: મેં એમ લખ્યું કે તમે કોરોનુની તકલીફનો એકદમ અક્સીર ઈલાજ આપ્પાના છે એટલે બધા ય આવી રેહજો .

ચિંટુ : બરાબર . ચેટલા વાગે આબ્બાનું એ તો લખ્યું ને? કે ભગો કર્યો છ ?

પિંટુ : ઓ મા.. એ તો લયખું જ ની .. હવે ? આ બાપજીના લીધે જ આવું થિયું બાકી મારું કામ ચોક્કસ જ ઓય.. તમે તો જાનતા જ છે ને?

ચિંટુ : તારો આ જ ત્રાશ છ .. આજ હુંદી એકોય કોમમોં ભલીવાર નહી આયો. કોંક તો ગોટારા કર્યા જ હોય ગબલદાશે. ચ્યોં હુંદી મારા ટેકે ટેકે હેંડીસ લા? મન ખબર છ કે તને ઉપરવારાએ અક્કલ ઓછી આલી છ પણ આલી છ એ તો કોય દારો વાપર.. હાવ કટઇ જઇ લાગે છ..

પિંટુ : સોરી ચિંટુભાઈ. હવે?

ચિંટુ : હવે શું? રાહ જોવાની આપડે .. બીજું શું?

હારા આ બે જણાનું ચસકી ગયું લાગે છે. જે રાક્ષસ સામે વિજય મેળવવા જગત આખું હજુ ફાંફા મારે છે એ કોરોનુની સમસ્યાનો ઉકેલ આ અક્કલમઠો આપશે? વોટેવર, આપણે તો ખેલ જોયા કરવાનો. પિંટુ પેલું ગરબડગોટાળા જેવું ચીતરી આવ્યો છે એ ઉકેલીને કેટલા આવે છે તે જોવાનું. મીનવ્હાઈલ હમો જરા લીંબુનો રસ પી લઈએ. આપણાને કોઈ કંઈ બનાવી નથી આપવાનું એ સત્ય સમજાઈ ગયું છે. એ હા, પાટિયા પર લખેલું બધાને સમજણ પડી લાગે છે. ધાડેધાડા આ તરફ આવી રહ્યા છે. દેખાય છે કોઈ સોશિયલ ડિસ્ટન્સીંગ અહી? મોટાભાગનાએ માસ્ક પણ નથી પહેર્યાં. પોતાને શું સમજતા હશે આ લોકો? આપણાને કંઈ ના થાય વાળી તમારી મેન્ટાલિટી સુધારો બૂડથલો. તમે દેવના દીધેલાં છો?તમને તો માનો કે કંઈ ના થાય પણ તમારા લીધે બીજાને કંઈ થાય તો તેનું શું? કોણ જાણે ક્યારે અક્કલ આવશે. હમણાં પોલીસ આવે તો બધાને ખબર પડી જાય. કોઈક ડાહ્યું નીકળે તો સારુ આ અક્કલમઠાની જમાતમાં..છગનલાલ, તમારી જ જરુર છે આજે .. જે હોય તે.. ચિંટુ કોરોનુનો ઉપાય બતાવે એટલે ગંગાનાહ્યા.

પિંટુ: ભાઈ.. આ બધા તો આવી લાઈગા..

ચિંટુ: હોવે.. મેં જોયું હોં ગબલદાશ .. કોડા નહીં આલ્યા ભગવાને ..

બાપજી: પિંટુ..મેરે સેર.. ક્યા હુઆ?

પિંટુઃ હુ આમ પાંચ પાંચ મિનિટે ક્યા હુવા ક્યા હુવાની રેકોડ વગાડતા ઓહે ને? જરીકવાર જાગો તો ખબર પડે ને .. અહીં કંઈ ક્રિકેટ મેચ ચાલતી છે જે તમને કોમેન્ટ્રી આઈપા કરવાની?

ચિંટુ: પિંટુ.. તું હવે શોંત થઈ જા જોય. તમે બે જો ઓમ જ હોમહોમી ગોરીબાર કરવાના હોવ તો ગોમની શમશ્યા તો બાજુ પર જ રહેસે ને મું તમારી વચ્ચે શમાધાન જ કરાયા કરે.. બાપજી, તમે ય ઘડીક મૂંગા રહો તો સારું. બે હાથ ને ત્રીજું માથું જોડું ભઈસાબ..

બાપજી : હરિ: ૐ ...ચિંટુ , યે તુમ મેરે કો કહે રહે હો? મેરે કો તુમ પર તો કિતની આશાયેં હે મેરે બચ્ચે.. ઔર તુમ હી મુજે એસે બોલોગે?

પિંટુ: જોયું ને ભાઈ? આ નરી નોટંકી છે .. ઈમોસનલ અત્યાચાર કરી કરીને તમને ને મને ગાંડા જેવા કરી મૂકહે હાચુ કેઉં છું મે.

ચિંટુ : પિંટુ બંધ થા દિયોર...આપડી પર્શનલ વાતો આપડે પછે હમજી લઈસુ . ઓમ ગોમ વચ્ચે તમાશો કરવાનું કોમ નહીં. હેંડ તું મારી જમણી બાજુ આઈ જા. બાપજી તમતમારે બેઠે રેના યે ખાટલે પર.. હેઠે રગડ મત જાના નીંદ મેં..હમ શમશ્યા કા શમાધાન કરને જા રહે હે .

બાપજી : હરિ: ૐ ...જાઓ મેરે બાઘડબિલ્લો..ફત્તે કરો.. જય ગિરનારી..માદેવજી સે મે બાત કરતા હું.

ચિંટુ : ગાંવવાલો... જેશા કે તુમ શબ કો પતા હે કે પૂરે વિસ્વ મેં રોગચારા વ્યાપા હે..

પિંટુ: ભાઈ.. ગુજરાતીમાં કહેવ .. આ લોકોને કંઈ ખબર ની પડહે .. હાવ અભણ હારાએ..

ચિંટુ : અલા. મું આ બાપજી ભેગો લમણાં લેવામાં ભુલી જ જ્યો તો.. હારુ થ્યુ ઇયાદ કરાયું તે મનઅ.

પિંટુ: તે એમ હો જીરીકવાર પછી તમે ગુજરાતી પર આવી જ જતે ને વરી.. તમારું હિન્દી મને ની ખબર ઓય એમ બને કે?

ચિંટુ : એક મેલે ને હવડે તો રાત પડે એ પહેલાં તારા દેખાઇ જસે હારા રોંચા.. હા તો વડીલો, ભાઈઓ અને બહેનો..આજે અરજન મીટીંગ બોલાવવાનું કારણ કોરોનુ છ. મું તમને ઇમ પૂછું છું કે તમને માશ્ક પેરવામોં વોંધો હુ છ? ચેટલા બધા વગર માશ્કે જ હેંડ્યા આયા છ .. હવડે જો પોલીશદાદા આઈ જસે તો બધા ય ને જેસીકૃસ્નના જનમસ્થાને હાગમટે જાતરા કરવા લઈ જસે..

ઓ મારા ભગવાન.. આને તો ઉપદેશ આપતા સારું ફાવી ગયું છે હવે. શું કહો છો? વાત જો કે સાચી કરી છે. એ એક મિનિટ.. પોલીસવાનની સાયરન સંભળાઈ તમને? કે હમોને એવો વહેમ ગયો છે? ના ના, સાચે આવી જ છે.. પોલીસને જોયા પછી અહીં એક્કે ય માઈનો લાલ ટકે તો આપણે નામ બદલી નાંખવું. ચાલો.. ભાગંભાગ ચાલુ.. ફિલમના સીન જેવું સર્જાઈ ગયું આ તો..

પોલીસ ૧: એ ય મોટા.... કેમ આ ટોળું કર્યું છે ? કાયદો ખબર નથી ?

પિંટુ: તે મેં એમ પૂછું કે તમેઆવું પૂછીને અમારી પરીક્સા લેવ છો કે તમને હો ખબર નથી એટલે ખરેખર પૂછતા છે?

પોલીસ ૨ : એ ય ચરબીની ભરેલી.. આ એક જ લાકડી પડશે ને તો ભોંયભેગો થઈ જઈશ. ને એ ય..પણે કોણ સૂતું છે? કોઈ માંદું છે ? ડોક્ટરને બોલાવ્યા? શું કહે છે ?

ચિંટુ : ના ના.. કોય મોંદુ નહી. શંતમારાજ છ.. અમારા બાપજી ..બારગામથી આયા છ ..થોડા દિવશ રેશે ને પછી હેંડ્યા જશે. પેલું કે ‘છ ને કે શાધુ તો ચલતા ભલા.. બાપજી..ઓ બાપજી.. આ પોલીશભઈને જરા મોંઢુ દેખાડો તો..

બાપજી: કોન? પોલીસ?

પિંટુ: લે , આ તો કૂતરુ પછાડી પઇડું ઓય એમ ભાઈગા .. કાં ના કાં પોંહચી ગીયા જરાકમાં તો.. ભાગવાનું હુ કામ છે જે? ચિંટુભાઈ કંઈ ખબર છે કે તમને?

પોલીસ ૧ : એ ય ..મોટા, હાલો તમે બે ય પોલીસચોકી ..

પિંટુ: પણ અમે હુ કઇરું છે જે?

ચિંટુ : ચ્યમ ? મારે શમશ્યાનું શોલ્યુશન પોલીસચોકીએ જમા આલવાનું છ?

પોલીસ ૨: છાનામાના ગાડીમાં બેહો બેય જણ..

હેં? આ શું થયું? પોલીસ કેમ આ બે ને પકડી ગઈ? ને બાપજી ભાગ્યા કેમ? હમો જઈએ છીએ પોલીસવાનની સાથે.. તમે ય જમવાનું પરવારતા આવો.. પછી વાત.. ફૂરરર..ફૂરરરર..

હેલો તિસમારખાંઓ.. કે હાલ હે ભાયા? આપડે તો જલસા છે હોં. એક મિનિટ, જલસો એટલે બચ્ચનસાહેબના ઘરની વાત નથી મિત્રોં..એ તો આપણે મુંબાયમાં છે. અમારું એન્ટિલા છે ને..તે મુંબાયયય..જલસો એટલે આપણે તો નર્યો આનંદ છે એમ. રાજેસબાબુ ને બાબુમોસાયવાળી આનંદ પિચ્ચરની વાત નથી. આજે કેમ તમને આવું બધું જ સૂઝે છે તે સમજાતું નથી. તમે તો હમોને ય મુંબાયની યાદ અપાવીને સુખડી યાદ કરાવી દીધી. મિસીંગ ઇટ ટુ મચ હોં. એ ય ને ધીમા તાપે ઘીમાં લોટ સેકાતો હોય ને એની ખુસ્બુ આખા એન્ટિલામાં ફરી વળે. એ સુગંધથી તો કોઈ અભાગિયુ હોય તે જ સુખડીનું દીવાનુ ન થાય, આઇ ટેલ યુ. પણ હમોએ હવે ક્યાં લેવા જવી કહો જોય. અહીં હાથીગઢમાં કોને કહેવું? એકવાર લખીડોસી બનાવી લાવેલી. સારી જ હતી પણ અમારે ત્યાં જેવી તો નહીં જ. જો કે, ની મામા કરતા કહેણો મામો ય ખોટો નહીં. ફરી ક્યારે બનાવશે ભગવાન જાણે. અન્ન આપે તેનો અનાદાર એટલે અન્નનો અનાદાર. અન્ન તો દેવતા કહેવાય દેવતા. પણ તમે તો તિસમારખાં..તમે તો જાત્તે પોત્તે જ પોતાને દેવતા માનો. સુખડીના નામે હમો દુ:ખી થઈએ તે યોગ્ય ન કહેવાય. એના તો નામમાં ય સુખ ભર્યું પડ્યું છે. હયમજા કે નય? વોટેવર, આપણે ચાલો પેલી ત્રિપુટી પાસે. ફૂરરર.. રરરર

ચિંટુ: ઓ ભગવાન..આ ચેવી વિટમણામાં મેકી દીધો છ તમારા ભગતને? ગોમવારા રશી લેવા માટે મોનતા નહીં ઇમને ચ્યમના હમજાવવા?  પિંટુ તનઅ કોંય હુજઅ છ? બાપજી તમે ય બોલજો હોં કોંય હૂજે તો ..

બાપજી: હરિ: ઓમ્મમમમમ..હમ કહાં હે?

ચિંટુ: આ પાલ્ટીને તો પોતે ચ્યોં છ ઇનુ ય ભોન નહે. એ શુ શમશ્યાનો હલ આલશે.. કોંય નહે..બાપજી રેને દો તુમતારે..ફેરથીન શો જાવ. મશ્ત નશકોરે બોલતે થે હોં..

પિંટુ: ચિંટુમારાજ..ઓ ચિંટુમારાજ..મેં હું કેતો છે કેઉં? આ બાપજી પોતે કંઈ હલ ની આપવો પડે એટલે હમ કહાં ને તુમ કહાં વારા નાટક કરતા લાગતા છે. હુ કેવ તમે?

ચિંટુ: જી હોય એ..આપડે શું હેં? તું મને કહે કંઈ ઉપાય છ તારી પોંહે? કોઈ જાદૂઇ લાકડી આલે તો હવડે ગોમ પર ફેવરી દઉં કે બધા ય રશી લઇ લે છોનામોના. વોંધો હુ છ એ જ નહીં હમજાતું. પિંટુ, છગનાને પુછ જોય. ઇને તો ખબર જ હશે. એની ડોશીને જ બહુ નાટક છ.

પિંટુ: ના, એ અદકપાંહરીને મેં કંઈ પૂછવા ની જાવ. તમને બો મનફાવે તેમ બોલતો છે. ને મારાથી એને મારી પડાહે તો તમને ની ગમહે.

બે યાર, આ લોકો ક્યારે સરખી રીતે બોલશે? કેટલું ધ્યાન રાખીને સાંભળવું પડે છે ત્યારે માંડ સમજાય છે. તમને સમજાયું? ન સમજાયું હોય તો હમો ભાષાંતર કરી દઈએ. આપણા સિલિન્ડર બાબાએ તો આ વખતે અહીં ખાટલો તોડવા જ પધરામણી કરી લાગે છે. જ્યારે જુઓ ત્યારે ચક્કી ચાલુ જ હોય. કે પછી ગાયની જેમ વાગોળતા હશે? છગનલાલને બોલાવવા ચિંટુલાલ જશે એમ લાગે છે.

ચિંટુ: હાર તો..બેશ તું..મું જ બોલઇ લાવું છગનને. આપડે આટલું બધું પેલા રથવારા થોથામોં રોજ વોંચીએ છીએ કે ગુશ્શો નહીં કરવાનો તો ય તને શેનો ગુશ્શો આવ છ? ગુશ્શો મુર્ખાની નિસાની છ. ચેટલીવાર હમજાવવાનો હારા બૂડથલ. બાપજીને જોજે..ખાટલેથી રગડી જશે ને તને ખબરેય નહી પડે.

પિંટુ: ના ના ચિંટુભાયયયય..તુમ રેને ડો..હમ જા કે બોલા લાતે હે છગને કો..વો કંઈ બી બોલેગા તો મેં કુછ ની બોલુંગા પછી છે કંઈ?

ચિંટુ: હં જો એમ ડાયો રેતો હોય તો ચેટલો વાલો લાગ છ. દોડતો જા ને દોડતો બોલાવતો આય. ઇને જતા રેહવાનું કુણે કહેલું ભગવાન જોણે. ભાવ ખાય છ હવડેનો બહુ..

પિંટુ: યસ મેરે આક્કા..વૃમમમમમમ વૃમમમમમમ..

ચિંટુ: એ ય, જા હવે ફટોફટ.. ઢોંપલી થતી..

પિંટુલાલ ટ્રેન છૂટી જવાની હોય એમ દોડ્યો છે પણ આ ચિંટુ પિંટુ ખરેખર કંઈ હલ લાવે એમ લાગતું નથી. ખાલી વાતોના વડાં જ કર્યા કરે છે. છગનને ખબર હશે કારણ તો ય એ આ પિંટુના કહેવાથી શું લેવા પાછો આવે? અથવા એમને કારણ પણ શું કામ કહે? ચિંટુ પિંટુને નીચાજોણાની એકેય તક ચૂકતો નથી એ ઝેરીલો માણસ નામે છગન આમને કોઠું નહીં જ આપે, લખી રાખો. પિંટુ તો ભારે ઝડપી નીકળ્યો. જોઇ લો બોસ..એકલો જ આવ્યો ને? લાલઘૂમ ચહેરો જોઈને કહી શકાય કે પેલાએ કંઈ ખરીખોટી કહી હશે. આપડે કહીએ એ ફાઈનલ જ હોય.

ચિંટુ: આઈ ય જ્યો અલા? પેલો ટણીમાસ્તર ના આયો ? મન ગરા શુધીની ખાતરી હતી કે એ નઈ જ આવ. કંઈ નહીં હેંડ. કશુ કહ્યું કે કેમ બધા રશીની ના કહે છે?

પિંટુ: તમને બો છે એ છગનીયાનું.. અવે જો એ તમારા વિસે ગમ્મે એમ બોયલો છે તો મેં એને ઓઝટ મારી મૂકા.

ચિંટુ: શોંત મારા ગદાધારી ભીમ શોંત.. તું આપડે મુદ્દાની જ વાત કર. ઇણે મને જી કીધુ હોય એ.. રશી નહીં લેવાનું કારણ કહ્યુ કે નય ?

બાપજી: આ ગયે મેરે સેર ? ક્યા સમસ્યા હે? માદેવજી સે અપની ડાયરેક બાત ચલ રહી હે.. જલદી બોલો..

પિંટુ: ચિંટુભાય..આ બાપજી નક્કી નોટંકી છે હારા..એમને હો એકુ દહાડે પરહાદી આપી મુકા મેં..જોજો તમે..

ચિંટુ: હવે તુ ડાહ્યલીનો થયા વિના જે પૂછું છું એનો જવાપ આલ દિયોર.

પિંટુ: હા, એ હમ્મેસના ડાહ્યલીપાંચમે એમ કહ્યું કે એની ડોશીને એમ છે કે રસી લેવાઠી એને એટેક આવહે. એટેક ની આવહે તો આંખે દેખાતું બંધ થઈ જહે..ની તો ચલાતુ બંધ થઈ જહે. કંઈ ની થહે તો એ ગાંડી થઈ જહે એવો એને પાક્કો ભરોહો છે.

ચિંટુ: હેં? ડોશી આવું બધું માન છ? ને બીજાને ય જડબેસલાખ મનાવડાવે છ? પણ હું તને કહું પિંટુડા..આમાંનું કશુય થતું નહીં. બધા ટાઢા પોરના ગપગોરા છ.

પિંટુ: તે મેં તો જાણતો જ છે આ બધું. તમે જ તો કેહ્યલું તે દિવસે હાંજે કે રસી લેવાઠી કઈ તકલીફો એક કે બે દાહડા પૂરતી થતી છે તે.  છગનો આ બધું બોયલો તે પહેલાં તમારી ઉડાવતો હુતો એટલે મને કાર બરેલો જ હતો ને એમાં ડોસી ગાંડી થઈ જહે એમ બોઇલો તે મેં કેહી આઇપું કે ડાહ્યા ઓય તે ગાંડા થાય. ને તારી ડોહી તો આખ્ખા ગામને ગાંડુ કરે એવી છે. એ હાની ગાંડી થાય? તો એ મારી પછાડી ચંપલ લેઈને દોડ્યો. એટલે મેં તો જીવ બચાવીને રમરમાટ ભાઈગો તે હીધ્ધો અહીં.

બાપજી: હરિ: ઓમ્મમમમ... ક્યા હુઆ ?

પિંટુ: કંઈ ની હુવા હે. હુઈ રેહવ. આમેય તમે કંઈ કામ લાગવાના નથી. ચિંટુભાઈ જ પહોંચી વરહે.

ચિંટુ: ડોશી તો જબરી તકલીફો લઈ આવી. એને મારું બેટુ હુજે ય ચ્યમનું છ આવું બધું? જી હોય એ..આનો હલ તો લાવવો જ પડશે બને એટલો જલદી. નહીં તો આપણા ગોમમોં ય પેલું કોરોનું ફોરોનું પેધુ પડી જતા વાર નહે લાગે. હેંડ થોડીવાર ધ્યાન ધરીએ ને પરશાદ ખઈશું તો જ મગજની બત્તી ચાલુ થશે..

પત્યું..પાર્ટી પાછી ઓરડીમાં જવાની. એ આવે એટલીવારમાં હમો ય જરા આમ તેમ પાંખ છૂટી કરતા આવીએ ને ટિફિનની વ્યવસ્થા કરતા આવીએ..તમે રહેજો હોં.. ચાલવા ન માંડશો...

ક્રાંઉ છો બધા? હમો તો ટનાટન છીએ. એ ય ને મોજ કરીએ છીએ હાથીગઢમાં.. કાચુંકોરું ખાઈએ છીએ ને વજન મેઇનટેઇન કરીએ છીએ. અઠવાડિયે એક દિવસ ચીટ-ડે રાખીએ. જે ખાવું હોય એ ખાવાનું એમાં. પીઝા,પેપ્સી, તળેલું,  તીખું બધું ય. કોઈવાર બે દિવસ પણ ચીટ-ડે થઈ જાય હોં. પણ પછી સાલી એવી ગિલ્ટ આવે ને.. એટલે પછી એક દિવસ નક્કોરડો ઉપવાસ ખેંચી કાઢીએ. નક્કોરડો એટલે સાવ કંઈ જ નહીં. પાણી જ પીવાનું. તમારી જેમ દર અર્ધા કલાકે ફરાર ને મોરો ફરાર, ફરારી લોટના પાતરા ને ઢોંસા ને એવું બધું ઝાપટીએ નહીં. આખો દિવસ ખાવામાં કાઢો ને પાછા એમ કહો કે અમારે આજે ઉપ્પાસ છે એટલે ખાસ ખાધું નથી તો સહેજ અશક્તિ લાગે છે. બાપરે.. આટલું બધું બકાસુરની જેમ ખાધા પછી ય એમ કહો કે ખાસ ખાધું નથી..પછી વજન ક્યાં જઈને અટકે? જાતે કોઈ કંટ્રોલ ન થાય એટલે ભરો તિજોરી રુજુતા દિવેકરોની..આ ખાવ ને પેલું બંધ કરો..ક્રેશ ડાયેટિંગ  ને કીટો કે લીટો ડાયેટિંગ કે એવું જ કંઈક નામ છે ને.. જે ખાવ એ મર્યાદામાં રહીને ખાવ તો આવું કશું ય કરવાનો વારો ન આવે. થાળીમાં જે પીરસાય એ ભૂખ કરતા થોડું ઓછું જ ખાવ તો કંઈ થાય નહીં. એ બધી મળતાની મસ્તી છે પણ ના, તમને તો કહેવાય નહીં ને.. તિસમારખાં તમે તો.... હુહહ.. જવા દો. માણસજાતને સમજાવવી અઘરી છે. એના કરતાં આપણે ચિંટુમહારાજ ને પિંટુમહારાજના કારસ્તાન જ જોઈએ. હમોએ પેલું શોલેવાળું કરી જોયું છે તે જાણશો. સળી ઉડાડી તો સીધી નીચે જઈને પડી. ડાબે ય ન ગઈ ને જમણે ય ન ગઈ. લો. બીજીવાર પણ ઉડાડી તો ય એવું જ થયું એટલે છેવટે હમો અહીં જ ટીંગાઈ રહ્યા છીએ. સોચના ક્યા જો ભી હોગા વો દેખા જાયેગા. ઓહો.. ગામમાંથી પબ્લિક આવતી દેખાય છે. હાશ.. સારુ થયું હમોએ અહીં રાહ જોઈ. નહીં તો અહીં કંઈક ખેલ પડી જાત ને હમો જોવાના રહી જતે.

છગન: ચિંટુ..એ..ય ચિંટુ..

પિંટુ: ચલ એ ય છગનિયા.. ચિંટુમારાજ કેતા હું જોર પડતું છે? બાપજી મારાજ હો અવે તો એમને ચિંટુમારાજ કેતા છે. એમનું જોયને તો કંઈ હીખ હારા ..

છગન: પિંટુડા એક અડબોથ પડસે ને હવડે તો રાત પડે એ પહેલાં જ તારામંડળ દેખાવા માંડસે.

પિંટુ: આને હાની આટલી બધી ચરબી છે તે જ હમજ નથી પડતી.. માદેવજી અને બાપજીની ડાયરેક કૃપાથી હવે ચિંટુમારાજ એકદમ જાનકાર થઈ ગયેલા છે. જોયેલું કે ની ગવરી ગાય કેવી હોધી કાઢેલી અહીં બેઠા બેઠા જ?

ચિંટુ: ભઈ પિંટુ, તું જરાક ટાઢો પડ જોય..આમ વાતેવાતે બોઇલર ફાટે તે શેજ્જે હારો નહીં લાગતો. જીવનમોં શમતા ના હોય તો જીવન ખાડે જ્યુ તારુ..બાપજીએ શીખડાયેલું ને આપડાને કે મગજ શોંત રાખવાનું. કોઈ ગુશ્શો કર ને હોમો તું ય ગુશ્શો કર તો તારામોં ન ઈનોમોં શું ફેર ર્યો કહે જોય?

પિંટુ: પણ એ છગનો જેમ ફાવે તેમ કેહ તે તો કોઈ કાળે ની ચલાવી લેવા મેં..

બાપજી: હરિ ૐ..પિંટુ..મેરે સેર.. દિમાગ ઠંડા રખને સે હર સમસ્યા કા હલ મિલતા હૈ. બતા, ક્યા સમસ્યા હૈ?

પિંટુ: યે છગન હી જાત્તે પોત્તે એક સમસ્યા હે એમ કેઉં. જાં જાય તાં હારો કંઈક મુસ્કેલી લેઈને જ જાય.

છગન: તું ચુપ રહેવાનું શું લેસે પિંટુડા? બાપજી, આને સમજાવી દેજો.

ચિંટુ: એના બદલે મું તારી માફી માંગુ, બશ? બોલ, શું કોમ છ?

છગન: હું શું કહું છું

પિંટુ: આઈવો તારનો હાંગડહુંગડ કઇરા કરે પણ કેહ ની તાં હુધી કેમની ખબર પડે?

ચિંટુ: પિંટુ બેટા.. ચૂપ રહે જોય..નહેં તો મું જ તને એક અડબોથ મારે હવે..બોલ છગન..

છગન : ચિંટુ.. આપણા હાથીગઢમાં કોરોનુ હજ્જુ સુધી તો આવ્યો નથી પણ બધાએ રસી તો લેવી જ જોઇએ. મેં મારા મોબાઈલમાં સમાચાર આવે છે એમાં કોણે કોણે રસી લેવી પડશે એ વાંચેલું. એ સૂચનાપત્ર મુજબ બધાએ તો નથી લેવાની પણ જેને લેવાની થાય છે એવા ગામવાળાઓ રસી લેવાની ના પાડે છે. હવે તું જ સમજાવ. હું તો થાક્યો સમજાવી સમજાવી ને.

બાપજી: ક્યા હૂવા?

છગન: બાપજી..સો રહે થે ક્યા? મેંને સોચા કે આંખ બંધ હે પર સુન તો રહે હોંગે. ગઈ ભેંસ પાની મેં..

પિંટુ: લે, તું ભેંસ લી આવેલો? મેં તો કંઈ ની જોયેલું તારી હાથે. એકલો જ આવેલો ને? ને એ ય સ્લોબુધ્ધિ..તલાવડી તો પેલી મેર છે તો તારી ભેંસ તે બાજુ જતી કોઈએ જોઈ ની? મને લાગતું છે કે જોઈ તો ઓહે જ પણ તું બધે હારો લાકડા લડાવતો જ ફરે એટલે તારી મદદ કોણ કરે? લડાકુ મરઘી કેથેની..

છગન: પિંટુઉઉઉ..

પિંટુ: ધીમે બોલ જીરીક.. હજુ મારા કાનપુરમાં હડતાલ નથી થઈ ગયલી છે. હંભરાતું છે. પડી કે હમજ? પણ આમ મારા કાનમાં ચિલ્લંચિલ્લી કરહે તો હો ટકા હડતાલ થઈ જહે આજે.

બાપજી: હરિ ૐ...ક્યા હુવા?

ચિંટુ: કોંય નહેં થ્યુ. શુ દર પોંચમી મિલિટે ક્યા હુવા ક્યા હુવા ના જાપ જપો છો? છગનો ને પિંટુ બાઝશે આજે ઇમ લાગ છ. છગન કી શમશ્યા ઓર ચિંતા શચ્ચી હૈ પર પિંટુ શમજતા નઈ હે ઓર ઢાંપલા હો રહા હે. જાગો અબ હેંડો.

બે યાર આ લોકો શું કરી રહ્યા છે. ને છગન ને પિંટુ એક દિવસ નક્કી ઝગડશે. લખી રાખો. ચિંટુ મારો બેટો જબરો મોટોભા થાય છે. ને બાપજી આજે ઉંઘ્યા જ કરે છે. ગામવાળા રસી લેવા તૈયાર નથી ને છગનલાલા એમ માને છે કે ચિંટુ ગામવાળાને સમજાવી શકશે. ચિંટુની નેતાગીરી એણે અંદરખાને સ્વીકારી લીધી લાગે છે. બાકી આમ ચિંટુની મદદ માગે એવો નમ્ર નથી. હમો એવું જોઈ રહ્યા છીએ કે ચિંટુની નેતાગીરી ભલે સ્વીકારી લીધી પણ પિંટુને છગનલાલ પોતાનાથી હોશિયાર માની જ નહીં શકે. એને ને પિંટુને બારમો ચંદ્રમા રહેશે જ.

બાપજી: હરિ ૐ.. ના ના ચિંટુમારાજ, મેં સબ સુન રહા હું. જરા માદેવજી મિલ ગયે થે તો ઉન સે સલાહ મશવરા કર રહા થા કે હાથીગઢ પર ઉનકી કિરપા હંમેસા કેસે બની રહે.

ચિંટુ: હા તો માદેવજી શે પૂછો ને કે ગામવાલો કો કેશે શમજાયે રશી લેને કે લિએ..

બાપજી: હરિ ૐ.. હાં બચ્ચા હમ ને બાત કી માદેવજી સે..ઓર ભોલેનાથને બોલા કે ચિંટુમારાજ હે તો તુમ કો ચિંતા કરને કી જરુરત નહીં હે. બસ ઇતના બતાયા ઓર ફિર ભોલેનાથ ગાયબ હો ગયે.

ચિંટુ: હાયહાય..એશા કહા ? શચ મેં? ઓ મેરે ભોલે..તુમને મુજે કેશી મુશીબત મેં મેક દિયા..

શું લાગે છે ? ચિંટુલાલ શું કરશે ? ગામવાળા રસી લેવા તૈયાર થશે? સેવમમરાનો ફાકો મારી આવું એક..જતા નહીં હોં..

ફૂરરર.. ફૂરરર..

હારી હમોને કેમ ગડ ન બેઠી કે ગવરી ગાય વિશે ચિંટુલાલને કેવી રીતે ખબર પડી?  એક્ચ્યુઅલી સ્પિકીંગ, આ ગામમાં રહીને હમોની મતિ સ્લો થવા માંડી છે. મૂળ કારણ છે ખોરાક. ખાવાનું બહુ બેક્કાર મળે છે અહીં. અમારા દાદા તો એમ કહેતાં કે ગામમાં તો એમણે ચોક્ખા ઘીમાં બનાવેલા લાડવા ને હાઈક્લાસ સિંગતેલમાં તળેલી સુંવાળી પુરી રીતસર ઝાપટી જ છે. એટલે જ્યારે હમો એન્ટિલિયાથી હાથીગઢ ગામમાં શિફ્ટ  થવાનો વિચાર કર્યો ત્યારે દાદાની વાતો યાદ કરીને સુંવાળી પુરી, લાડુ ને બીજા મિષ્ટાન્ન પકવાનનાં એટલાં સપનાં જોયેલાં ને વાત જ જવા દો. એકે ય રાત સપનાં વિનાની નહોતી બોલો. એનીવેય્ઝ, ચિંટુલાલ આણિ મંડળીની વાત સાંભળીએ તો જ ખબર પડશે. બાપજીએ કંઈ જંતરમંતર શીખવાડ્યા હોય તો નવાઇ નહીં. પાછા પેલી જાદૂઈ ઓરડી ભેગા થઇ ગયાં છે. મારે ય સુખડી ખાવી છે. માળા શું ચક્કર ચલાવે છે ભગવાનજાણે. ખબર નહીં ક્યારે આવશે બહાર..એ હા..સંભારતાવેંત જ પાર્ટી બહાર આવી. પાર્ટી પરથી યાદ આવ્યું.. યે હમારા હાથીગઢ હે.. યે હમ હે ઔર યહાં પાવરી હો રી હૈ.. ફૂરરર..

પિંટુ: તે હેં ચિંટુભાઈ, મેં હુ પૂછતો છે કે તમે કેવી રીતે જાન્યુ કે ગવરી ગાય કાં છે ? જોતિસ જોતા છે કે ? મારી કૂંડળી હો જોઈ આપજો એકુ દહાડે..

બાપજી: હરિ ૐ..બાત તો પતે કી પૂછી હે પિંટુને..તુમ કો કેસે પતા ચલા ગૈયા કે બારે મેં?

ચિંટુ: દિયોર પિંટુ, જા દોડતો જઈને ચંપા ટી શ્ટોલેથીન હરખી ખોંડવારી તૈણ ચ્હા લેતો આય. પૈશા મારા ખાતામોં લખાઈ દેજે. ને એં..એને પૂશજે કે કોય શ્કીમ છ ચ્હામોં રોજ તારે ત્યોંથી ચ્હા મંગાઈએ છીએ તો કોય દારો એમ નહીં થતું કે હેંડો મોપતની ચ્હા પીવડાઇએ ને પુન કમઈએ..

પિંટુ: તે જ ને ભગવાન. કંજુસ કેથેનો.

બાપજી:  બચ્ચો યે સબ તુમ ક્યા બોલ રહે હો જ્યાદા સમજ મેં નહીં આતા પર થોડાબોત સમજ લેતા હું..

ચિંટુ: કોંય કોમ નહે તમારે બધુ હમજીને.. જગત આખા સે જ્યાદા તુમ શમજતે હો..

ઓ મારા ભગવાન આ લોકોએ પાછું ચાલુ કર્યું ભળતું સળતું બોલવાનું. માંડમાંડ સમજાય છે. તમને સમજાય તો હમોને સમજાવજો. જોઈએ શું થાય છે તે. એક મિલિટ.. આ પિંટુ ચ્હા લેવા ગયો છે તો ત્યાં ય એ અહીં બોલતો હતો એવું જ હુ છે જાન્યું છે ને એવું જ બોલતો હશે ? તો પેલા ચ્હાવાળાને સમજ પડતી હશે? કે હારાઓ નૌટંકી કરે છે? જે હોય તે, આ તો ચ્હા લઈને આવી ય ગયો. તૈયાર ચ્હા બઝાડી લાગે છે ચંપા ટી સ્ટોલવાળાએ..

પિંટુ: યે લેવ મારાજ.. ગરમાગરમ ચ્હા લગાવો.

બાપજી: વાહ વાહ મેરે સેર.. તુમ તો એકદમ ફૂરતીલે હો ગયે હો. અભી અભી ગયે થે ઔર પલક ઝપકતે તો આ બી ગયે. 

પિંટુ: ચિંટુસર, અબ તુમ યે બતાવ કે તુમને વો ગવરી કો કેસે ઢૂંઢા?

ચિંટુ: અરે કુછ નઈ, યાદ હે વો હમ સામ કો આ રેલે થે ને ઓર મુજે અપના પુરાના ભઇબંધ મિલ ગયા થા તો હેંડતે હેંડતે મેં પીછુ રે ગયા થા. તુમ તો પીછે કુતરે પડે હો એશે દોટ મેલી થી .

પિંટુ: અવે વાતમાં મોણ નાંઈખા વિના કહેવની હીધેહીધુ.

ચિંટુ: ભઈશાબ તુમકો બોત ઉતાવળ હે શબ જોનને કી. શોંતિ રખ્ખો. તો હુવા યું કે મેં ચંપા ટી શ્ટોલ કે પાશ પહોંચનેવાલા થા તબ મેંને ગલેમેં નયેનક્કોર રંગીન ફૂમતેવારી ગાય કો ડાફેરિયા મારતે દેખા ઓર ઉશકે હાવભાવ શે મેં શમજ ગયા કે યે ગાય ભૂલી પડી હે. તો મેં ને તો ફટ્ શે ઉસકો ઝાલ લિયા ઓર ચંપા ટી શ્ટોલ કે પાશ વો ખંબા હે ને વહાં બાંધ દિયા. શ્ટોલ મેં ભગવાન કે ગોખલે સે કંકુ લિયા ,પોણી છોંટકે ભેના કિયા ઓર કપારે મસ્ત મઝાની ટીલી કરી મેલી. ને નાથુકાકા કો બોલા કે યે મેરી ટીલડી કો ઈધર બોંધતા હું. બાદ મેં લે જાઊંગા. ને પછે યહાં આઈ જ્યો. પછે કી શ્ટોરી તો શબ જોનતે હે.

બાપજી: ચિંટુ..મેરે બચ્ચે, તુમ તો એકદમ હુસિયાર હો ગયે હો ઇતને દિનોં મેં. બોત આગે જાઓગે એસા દેખ રહા હું મેં.

પિંટુ: હા બાપજી, મેં હો હે ના ચિંટુભાઈ કે સાથ? મેરે બિના તો ચિંટુભાઈ કેથે જાતે ની હે.. હેં ને વડીલ?

ચિંટુ: હા હોં.. યે પિંટુ તો મેરા શાયા હે શાયા. એશા શાયા કે અંધેરે મેં બી શાથ શાથ રેતા હે.

બાપજી: તુમારી દોસ્તી દેખ કે મેરે કો એક ફિલ્મ યાદ આ ગયી. એસી હી દોસ્તી થી દોનોં મેં.. ફિલમ કા નામ યાદ નહીં હે અબ તો..પૂર્વાશ્રમ મેં દેખી થી.

પિંટુ: લગે રહો મુન્નાભાઈ ઓહે. એમાં હો બે દોસ્તાર છે.

ચિંટુ: ટણપા, બાપજી પૂર્વાસ્રમ કહે છ હમજણ નહે પડતી? પૂર્વાસ્રમ એટલે એ બાવાજી થયા એ પહેલાં જોયેલી ઇમ કહે છ. તારી મુન્નાભઈ તો હવડે જ આયેલી.

પિંટુ: તે જો ઓય તે.. આપડે હું જે? એ ચિંટુભઈ, ચાલોની આપડે હો પિચ્ચર જોવા જીએ એકુ..

બાપજી: કોઈ ભગવાન યા માતાઝી કી ફિલમ હો તો મેં ભી આઉંગા સાથ મેં..

ચિંટુ: પિંટુમારાજ..અબી યે કોરોનુ કે ટેમ મેં તુમ કો ફિલીમ દેખને કા ધખારા હે? યે શરકાર, ટીવીવાલે છાપાવાલે શબ લોગ ટોળા ભેગા નઈ કરને કી રાડારાડી કરતે હે વો શમજ મેં નઈ આતા? ઓર ક્યા બાપજી તુમ ભી ચાલુ ગાડી મેં કૂદકા મારકે બેઠ જાતે હો. ઈસકો તો ભગવાનને કમ અક્કલ દી હે પર આપ તો બુધ્ધિવાલે હો કર એસી બાત કરતે હો? વાવડી ચસક ગઇ હે?

અલા આ લોકોને કોઈ સમજાવો. આ જે કંઈ પણ લવારા કરે છે એ સમજવામાં કેટલી તકલીફ પડે છે. ગામવાળાને કેવી રીતે સમજાઈ જાય છે આવું બધું ? આ મોબાઈલના જમાનામાં લોકોની અક્કલ થોડી વધી હોય એમ લાગે છે. છગનો આવે તો આ ત્રણેય જરાક કાબૂમાં રહે એમ લાગે છે. પણ આજે કેમ કોઈ ગામવાળા દેખાતા નથી ? એકેય જણ નથી. ગામમાં આંટો મારવો પડશે. પાંખ છૂટી થાય એવી ય લાલચ છે ને પણ આ ત્રણના કારનામાઓ વધારે ઇન્ટરેસ્ટિંગ હોય છે તે જતા કરવા પડે.  બાવો કહેતો હતો તે ફિલમનું નામ શોલે.. હમો ગમ્મે એટલી બૂમરાણ મચાવીએ પણ તમને માણસોને કોઈ દિવસ બીજાંનું કહેલું સાંભળવાની કે સમજવાની ક્યાં પડી હોય છે? વોટેવર, એમાં જય ને વીરુ સિક્કો ઊછાળતા હોય છે ને તેવું કરી જોઇએ. સિક્કો નથી પણ સળી ઉછાળી જોઇએ. પવનથી એ ડાબી બાજુ જાય તો ગામમાં જવું ને જમણી બાજુ જાય તો ન જવું.. ચાલો.. સળી તો છે જ માળામાં એક્સ્ટ્રા ..

એ જી રેયયયયયયયયય મારો હેલ્લો સાંભળો હો જી રે... ક્યા હાલ હૈ માય ડીયર પિપ્પલ? ઑલ ઓકે? હમ ભી મસ્ત મજે મેં હે. જબ સે યે બાપજી મહારાજ આયે હે તબ સે કુછ જોરદાર ધમાકા હોને કી રાહ દેખ રહે હે હમ લોગ.. પણ યે બાપજી તો સુરસુરિયા નિકલેગા કે ક્યા? તમને શું લાગે છે? એ હા, વળી પાછો દેકારો ચાલુ થયો. તમને લોકોને યાર સહેજે ય જંપ નથી. વાંદરાય શાંત બેસે એક સમયે પણ તમે ? ના.. તમે શાંત ન રહો. બાપજી તો પ્રસન્ન મુદ્રામાં ઢોલિયે ઢળેલા જ છે ને પેલા બે અક્કરમીય પગચંપી કરતા બેઠા છે નીચે. ઓહો..આજે કેમ ચિંટુ મહારાજ રાજાપાઠમાં નથી જણાતા?  ને પિંટુલાલ પણ ડાહ્યાડમરા વર્તાય છે. કંઈક તો ગરબડ છે જ આજે. હમણાં ખબર પડી જશે. પહેલાં આ ગોકીરો શું છે તે જોઇએ.. આવો છો કે તમે મારી સાથે?

ગામવાસી ૧: જે બાપજી મારાજ..અબ મેરી નાવડી તુમારે હાથ હે..પાર લગા દો ભઇસાબ

પિંટુ: એયય, સાંતિ જાળવો બધા. બાપજી આરામમાં છે. એમને કોઈ ડિસ્ટોપ નહીં કરે કહી દઉ છું.

ગામવાસી ૨: પણ હમેરે કો સમસ્યા હે તો ક્યા કરે?

પિંટુ: તો હમ છે ને.. તમતમારે તપલીપ કહો.. ડાગળી ચસકી ગઇ કે શું? ચિંટુભાઈ ચપટી વગાડતા એનો પાર લાઈ દેસે. હેં ને ચિંટુભાઈ?

ચિંટુ: પિંટુ..તું હવે જરાક ધીમે બોલ. અહીં કોઈ બહેરું નથી. તપલીપ નહીં તકલીફ કહેવાય. ને બોલવામાં જરા નાના-મોટાનું ભાન રાખતો જા ભાઈ. હાથીગઢના કે આજુબાજુના લોકો આપણી પાસે તારી આવી વાતો સાંભળવા નથી આવતા.

પિંટુ: પણ મેં શું કર્યું છે ચિંટુભાઈ? આપણે પહેલાં તો કેવું કેવું બોલતા હતા ત્યારે તો તમે ના નહોતા કહેતા. હવે કેમ ના કહો છો આમ બોલવાની?

ચિંટુ: તારી સર્વિસ પછી કરીશ.. કાકા, તમારી સમસ્યા જણાવશો?

આ ચિંટુ મારો બેટો કારણ વિનાનો નમ્ર થાય છે એવું નથી લાગતું? પેલાં બાપજીવાળા થોથાંમાંથી શીખ્યો લાગે છે. જે હોય તે, સાંભળવામાં તો સારું જ લાગે છે હોં. એ શું ને કારણ વિના મોટેમોટેથી કે મનફાવે એમ બોલવાનું? અમારે એન્ટિલિયામાં કોઈ મોટેથી તો શું ધીમેથી ય ન બોલે. કેટલીકવાર તો હમોને વહેમ જાય કે આ મહેલમાં કોઈ રહે છે ખરું?  પણ પછી નિતનવા વાનગી મિઠાઈઓ બનતી જોઇએ એટલે ખ્યાલ આવે કે અહીં તો ગામ આખું રહેતું લાગે છે. બેક ટુ દેસી એન્ટિલિયા.. આઈ મીન, પિપલે કા ઝાડ..

ગામવાસી ૧: વાત એમ છે ને કે અં..અં..

પિંટુ: સુ અં અં કરો છો કાકા?

ગામવાસી ૨: ભઈ પિંટુ.. તુ ઇનઅ બોલવા દે..ઓમ ઘઘલાય ઘઘલાય ના કર.. ઇની ગવરી ગાય કશે હેંડી જઈ છ ઇમાં ઇને સોટ લાગ્યો છ તો બોલવામાં ગોટા વારઅ છઅ..ઇનઅ ઇમ છ કે ચિંટુમારાજને ઇની ગવરી ચ્યોં છ એ ખબર હશે..

પિંટુ: કાકા..જીબાન સંભાળીને બોલજો હોં..તમારી ગાય ખોવઈ ગઈ છે એ તો બરાબર પણ તમને એમ છે કે તમારી ગાય ચિંટુભાઈએ સંતાડી છે? તમારે ધ્યાન રાખવું જોઇએ ને ગવરીનું.. એમ કેમ હેંડી જાય કસે.. પેલું પિચ્ચર આયું તું એક ખબર છે કે દીકરી ને ગાય દોરે ત્યાં જાય..? પણ હવે એ જમાના ગયા.. છોડીઓ હમજદાર થઈ ગઇ છે ને ગાય બી એમ કંઇ કોઇ દોરી જાય ને જતી રહે એવી નથી. પડી કે ખબર?

ગામવાસી ૨: ભઈ પિંટુ, તારી પાંહે રાશનક્યાર્ડ છ કે ભાષણક્યાર્ડ ? આયા ત્યારનો ભાષણ આલ આલ કર છ તે..મગજ કોણું કરી નાંખ્યું..

ચિંટુ: કાકા, તમારી ગવરી કેવી દેખાય છે ? ધોળી છે કે કાળી? કંઈ નિશાની છે કે એને?

ગામવાસી ૨: ધોરી ધજા જેવી ને બગલાની પોંખ જેવી છ અમારી ગવરી.. આજે જ ઇને મશ્ત રંગીન ફૂમતાવારી દોરી બોંધી તી..ને એક ઘંટડી હો છ.. ટીનીનટીનીન થાય હેંડે ત્યારે..

પિંટુ: તે છેલ્લે એ હેંડીને ગઈ ત્યારે ટીનીનટીનીન નતું થ્યું?

ચિંટુ: પિંટુ..જા ચ્હા લેતો આય બધા ય માટે.. ને પૈસા લખી લેવા કહેજે. મહિનો પૂરો થાય એટલે હું  હિસાબ કરી આપીશ એમ ખાસ કહેજે. કાકા તમારે કંઈ નાસ્તો કરવો છે ? ખારી ? કે ચવાણું ? સેવમમરા ? જે ગમે તે હોં..

ગામવાસી ૧: ના ના.. તું અં ..અં.. ચ્હા જ મગાય અં..ખાલી..

ગામવાસી ૨: એ પિંટુ, લે આ પૈસા..તારો કાકો બેઠો છ હજુ..તારા ઘેર આવુ તે દહાડે તુ ચ્હા પાજે.. હવડે તારી પાંહે ખરચો કરાવું તો પાપમાં પડું..

પિંટુ: ગઈ વખતના ય બાકી છે એ ય આલી દો..

ચિંટુઃ એયય પિંટુ..કાકા મહેમાન કહેવાય..આપણાને એમનો એક પૈસો ય ન ખપે.. આજે તો એ આગ્રહ કરે છે એટલે આજના જ પૈસા લે.. બીજાં આપણે પછી સમજી લઇશું. ને ચ્હાવાળા પાસે મેં એક ટીલી મુકી છે તે લેતો આવજે.

પિંટુ: ટીલી? એ શું છે પાછું?

ચિંટુ: એ તો ચ્હાવાળો સમજી જશે તું દોડતો જા ને દોડતો આય મારા ભઈ..ને કાકા.. તમે ચિંતા ન કરો. પિંટુ ચ્હા લઈને આવે એટલામાં તમારી ગવરી ય અહીં હશે એમ મારું જ્યોતિષ કહે છે.

ઓ મારા ભગવાન.. બહુ ઉસ્તાદ આ બે જણા તો.. મફત ચ્હા નાસ્તો કરવાના.. પણ ગવરી કેવી રીતે શોધી લાવશે તેમાં જ આપણાને તો ખરો રસ છે. જ્યોતિષવાળો દાવ તો જોરદાર કર્યો. ને બાપજી તો પડ્યા પડ્યા નિરાંતજીવે ખેલ જોયા કરે છે. જબરો આળસુ છે આ તો.. આખો દિવસ આમ પથરાઈ રહેવાનું કેમનું ગમતું હશે એ ખબર નથી પડતી. હમો તો દસ મિલિટ આમ સ્ટેચ્યુ થઈને બેસી રહીએ તો પાંખો સજ્જડ થઈ જાય.. પેલું તમે કહો છો ને.. ખાલી ચડી જાય.. સાચ્ચે બસ? અમારે એન્ટિલિયામાં મોટા જાડિયાભાઈના નાના જાડિયા બાબાનો ડોગી છે એ ય આવો જ આળસુ છે. કોઈવાર તો ભસવામાં ય આળસ કરે. ખાલી નજર ફેરવે પડ્યો પડ્યો.. આંખ ઊંચી કરવાથી જો કામ પતતું હોય તો માથું ય ઊંચુ ન કરે એટલો આળસુનો પીર છે. હમોને એન્ટિલિયા ને પેલો સુખડીનો ડબ્બો એટલા યાદ આવી રહ્યા છે ને.. પણ શું કરીએ.. એમ બધું પડતું મૂકીને જતું ય ન રહેવાય. ઓ જિસસ.. આ પિંટુડો ચ્હાને બદલે ગાય લઈને આવતો દેખાય છે.

પિંટુ: લો કાકા, તમારી ગવરી.. પકડો આ રંગીન ફૂમતાવાળી દોરી.. શાંતિથી માંખો ઉડાડતી હતી બેઠીબેઠી, ને કંઈક વાગોળતી હતી.

ગામવાસી ૧: ઓ મારી ગવરી...મારી માવડી..ચ્યોં હેંડી જઈ તી આ તારા બાલુડાને મેલીને? ચેટલા ગભરઈ જ્યા’તા તારા વિના તો.. ખાવું ય ગળે ઉતરતું નોતું ..

ગામવાસી ૨: ચિંટુમારાજની જેય્ય હો.. તમે તો સાકસાત ભગવાન સો.. ચેવી હોધી કાઢી ગવરીને ટપ્પ લઈને...આજથી હું તમારો ચેલકો..

ચિંટુ: અરે અરે..કાકા આ શું કરો છો? મને પગે લાગીને તમારે મને નરકમાં મોકલવો છે કે શું? મેં તો માત્ર ફરજ બજાવી છે. હવે ધ્યાન રાખજો ગવરીનું..

ગામવાસી ૧: હા વાલીડા મારા.. તારો લાખ લાખ ઉપકાર..

ખરું કૌતુક કહેવાય આ તો..ગવરી ગામ આખાને ન મળી ને આ ચિંટુને કેવી રીતે ખબર પડી? તમને પડી ખબર? પહેલાં કંઈક ખાવું પડશે તો જ મગજ ચાલશે.. ભૂખ્યા પેટે અશક્તિ આવી જશે..પછી મળીએ પાછા.. ફૂરરરરર..

હેલો પિપલ ..કેમ છો બધા? હમો તો સખ્ખત કંટાળ્યા છીએ આ ચિંટીયા પિંટીયાની વિચિત્ર વાણીથી.. બાપજીની ઓરડીમાં આંટો મારી આવે પછી ભગવાનજાણે શું લવારા કરે છે ?હાથીગઢવાળા આમ તો ચિંટુ પિંટુથી જરાક જ વધારે હોંશિયાર દેખાય છે પણ એમને આ બેના લવારામાં જબરી સમજ પડી જાય છે. બાપજી આવેલા છે પણ એ સિલિંડર તો નિરાંતે ઢોલિયે ઢળેલું જ રહે છે આખો દિવસ ને એય ને મઝેથી ઉંઘ્યા કરે છે. પણ હા, બપોરે ને રાત્રે જમવાનો સમય ચોક્કસ સાચવી લે છે હારો નૌટંકી. જેવો હરિહરનો સાદ પડે સડાક કરતો બેઠો થઈ જાય હરિ ૐ હરિ ૐ કરતોક..ખબર નહીં હજુ કેટલા દિવસ અહીં રોકાવાનો છે.પણ એક વાત હમોએ બરાબર નોટિસ કરી છે કે ચિંટુ પિંટુ હવે બાપજી પાછળ પહેલાંની જેમ ઘેલાં નથી થતાં. બાપજી ય આ વાત પામી ગયા છે એવું આપણું અનુમાન છે. ને અનુમાનની બાબતમાં હમો હજ્જુ સુધી ખોટા નથી પડેલા. મારવી છે શરત? એનીવેય્ઝ, આપણા નમૂનાઓ શું કરે છેતે જોઈએ. પાછું પેલું હમોને ઓછું સમજાય છે એવી જ રીતે બોલશે તો બંનેના માથે એક એકવાર ચાંચ મારી આવીશ ,લખી રાખો.
પિંટુ : પ્રભો..ઓ પ્રભો..

ચિંટુ : આગર બોલીશ કે પ્રભો ફ્રભો જ ઝૂડ્યા કરીશ હારા રોંચા?

પત્યું..આ બે ચાંચના લાગના જ છે આઈ સ્વેર. “ ચમ છ ચ્યોં છ હું કેય વાટ જ જવા ડેવ” જેવું તો જો કે સમજાવા માંડ્યું છે ,ખોટું શું બોલવાનું? પણ એવું બહુ વધુ પડતું બોલશે તો ડિક્શનરી લેવી પડશે. ડિક્શનરી પરથી યાદ આવ્યુ. તમારે પેલા ભાઈ છે ને એક સસી થરુ કે જે હોય તે.. ભયંકર ભારે ભારે અંગ્રેજી બોલે છે ,નહીં? ડિક્શનરીવાળા ય બિચારા કામે લાગી જતા હશે તમને કહું. અમારે એન્ટિલિયામાં નિરાંત. કોઈ કોઈની જોડે ખાસ બોલે જ નહીં. લો, આઈ જ જાવ. એ હા, પાછી કંઈક માણસરોળ થઈ . તમને માણસોને શાંતિથી રહેતા શું કાંટા વાગે છે એ ખબર પડતી નથી. જીવો અને જીવવા દો બાપા..છગનો રાતોપીળો થતો બાપજી બાજુ જતો દેખાય છે. ચિંટુલાલ પિંટુલાલ એઝ યુઝુઅલ પોતાનામાં જ મસ્ત છે. ઓહો, લખીડોશી ને ભીખીડોશી ય અત્યારે રસોડાને બદલે અહીં? મામલા જરા જ્યાદા ગરબડ લગતા હે.. હાલો હાલો જલદી ..

છગન : બાપજી યે આપ કે ચેલકે ચિંટુમારાજ પિંટુમારાજ કો બોલો હોં, મેરે મામલે મેં ડબડબ નહીં કરને કા.

બાપજી : હરિૐ ,સાંત બચ્ચા સાંત.. ક્રોધ સે બાત બિગડતી હે. હુઆ ક્યા હે વો બતાવો. ક્યા કિયા મેરે ભોલેભાલે બચ્ચોને? મરતે કો વો મર નહીં કહેતે.. કિસીકા કુછ નહીં બિગાડતે.. સબકા ભલા ચાહતે હે .. તુમારી બી મદદ કરને કો તૈયાર હોતે હે.. ગામ મેં કિસી કો કુછ વાંધા નહીં હે ઓર તુમ કો એસે ગાય જેસે ચિંટુપિંટુ સે ઈતના વાંધા ક્યું હે?

છગન : વાંધા યહી હે કે મેં ઇન સે જ્યાદા લાયક હું પર મેરી બાત કોઇ નહીં માનતા હે હાથીગઢ મેં ઓર યે લોગ તો માંડ માંડ બારમી પાસ હે તો ય આજુબાજુ કે ગામ મેં સે બી લોક સલાહ લેને આ જાતે હે. વો બી ઠીક હો ચલો પર મેરી સાદી નહીં હોતી તો યે લોક મેરી લખીડોશીકો સમજાને કે બદલે ભડકાતે હે કે મેરા હી વાંક હે ઇસ લિએ મેરી સાદી નહીં હો રહી ઓર યે બાત માન કે મેરી ડોસી મેરે વાંહે લગ જાતી હે.

બાપજી : મેરે બચ્ચોંને કહા હે તો ગલત નહીં હોગા. તુમારી માતાજી ક્યા કહેતી હે?

છગન: વો તો ચિંટુડે પિંટુડે ને જો પટ્ટી પઢાઈ હે વો હી બોલતી હે. વો બોલતી હે કે મેં ઇરસાલુ ઓર બહોત ગુસ્સેવાલા હું ઈસલિએ કોઈ બી લડકી મેરે કો સાદી કે લિએ બિના સોચે હી ના બોલ દેતી હે. બોલો, ઈન લોગોને કિતના મગજ મેં ભરાયા હોગા કે મેરી હી ડોસી મેરે કો એસા બોલતી હે.

લખીડોશી: હા તે બરાબર જ છે ચિંટુમારાજ ખોટું બોલે જ નય. તું છે જ એક નંબરનો ઈરસાળુ. ને ગુસ્સે થાય ત્યારે તો સાકસાત દુરવાસા જ જોઈ લો. ચિંટુમારાજને કહે કે તને કંઈ ઉપાય દેખાડે. તું ઘર માંડે પછી મને છો જમડો લઈ જાય.

ભીખીડોશી : તે હેં છગના, પેલી અંબેરિખાવારીને તેં ચમ ના કહી ? કેવી હારી છોડી હતી ઇમ કવ સુ. ધોરી ધોરી ને ગોટપીટ ગોટપીટેય પટપટ બોલતી તી, નઇ લખી?

પિંટુ : એ ભીખીમાહી, એ અંબેરિખાવારીએ આપડા નમૂનાને ના કહ્યલી ઓહે. આનો ગુસ્સો તો એના કરતાં ય પહેલો બઢે પોંહચી જતો છે હાચ્ચે. આ હવે ફેહબુકના જમાનામાં કંઈ છૂપું ની મલે. તમે એક રાડ પાડો ને એ રાડ પૂરી ઠાય તે પહેલાં તો ફેહબુક પર હો આવી જાય કે છગનલાલ વિફર્યા છે.

ચિંટુ: ભાઈ પિંટુ,તુ શોંતિ રાખ હવઅ. ભેંશના શિંગડા ભેંશને ભારી..

છગન : દેખા બાપજી? દેખા આપને? યે આપકે લાડકેને મેરે કો ભેંશ બોલા સબ કે સામને. ઓર મેરે કો શિંગડે હે એસા ભી બોલા.

બાપજી: હરિૐ... છગન, મેરે બચ્ચે તુમ કો તો મેં હુસિયાર સમજતા થા પણ તુમ તો ચિંટુપિંટુ સે થોડે સે હી જ્યાદા હુસિયાર હો. મેરે કો સમજ મેં આ ગયા કે ચિંટુને સિર્ફ કહેવત કહી હે. તુમ કો ભેંશ નહીં બોલા. અસલ મેં તુમ હુસિયાર તો હો પર અભી તુમારા મગજ ગુસ્સે મેં ઓર કુછ સોચને કી હાલત મેં નહીં હે.

ચિંટુ : જી બાપજી ,આ છગનો હાવ લઠ્ઠબુધ્ધિનો છ. હોંભર લઠ્ઠ.. ક્રોધથી મૂઢતા આવે, મૂઢતા સ્મૃતિને હરે, સ્મૃતિ લોપે બુધ્ધિનાશ, બુધ્ધિનાશે વિનાશ છે..મતબલ કે, તું જેટલો રાતોપીરો થયે તો વધારે ગોંડો થઈ જઈશ.. ને તનઅ કશું હારુ હૂજશે ય નઈ.. કશું હારુ કરવાનું ઈયાદ જ નઈ આવે .. ને કશું હારુ ના કર્યું હોય તો એવું આયખુ નકકોમુ.. બુધ્ધિ વનાના કામો કરીને દુખી થવાનું જ આવઅ ટણપા.. માટે કરીને ગુશ્શો થુંકી કાઢ મારા ભઈ.

બાપજી : વાહ વાહ ચિંટુ મારાજ, તુમ તો સચ મેં બોત વિદ્વાન હો ગયે ઈતને દિનોં મેં..વો મેં ને કિતાબેં દી થી ઉસકા મનન ચિંતન તુમ કો પુરી જિંદગી કામ આયેગા દેખના.

પિંટુ: બાપજી .. મેરા ક્યા હોગા એમ કહેવ જોમ..

બાપજી : તુમ ચિંટુ કા સાથ મત છોડના બચ્ચા, ભવસાગર પાર હો જાયેગા ..

છગન : એ ચિંટુ, હવે જો તુ મારી બાને મારા વિશે આડુતેડુ કહીશ તો મારા જેટલો ભૂંડો કોઈ નથી યાદ રાખજે.

પિંટુ: રઘલા કરતા હો ભૂંડો?

છગન : બાપજી મેં આપ કી સરમ ભર રહા હું ઈસ લિએ ચૂપ હું. બાકી યે પિંટુ કો અબ્બી કે અબ્બી ધો ડાલતા.. છો મેરે કો જેલ મેં જાના પડતા..

બાપજી: બસ બસ, ક્રોધ પર કાબૂ રખો બેટા.. પિંટુ, તુમ જા કે ઇન સબ કો પરસાદ દો.. પર ધ્યાન રહે વો ડબ્બાવાલા નહીં દેના હે. વો સિર્ફ તુમ દોનોં કે લિએ હે. ડબ્બે મેં અબ કિતના બચા હે વો ભી દેખ લો. ખતમ હોને કો હે તો મેં કુ઼છ વ્યવસ્થા કરતા હું પરસાદ કી..

ઓ મારા ભગવાન, ચિંટુ તો જબરી ઊંચી વાત કરી ગયો જોયું ને તમે? ને એ બોલતી વખતે એક હાથમાં કંઈ ઘૂમાવતો હોય એમ હાથ ઊંચો કરી દીધેલો એ જોયું? હમોને સુખડી ગજ્જબ યાદ આવી રહી છે.. ક્યાંકથી મળી જાય તો સારુ.. એન્ટિલિયા આંટો મારવો પડશે કે શું?

હાય ઑલ.. ક્યા હાલ હૈ? તમારો કોરોના ગયો કે નહીં? વચ્ચે તો અમારે ય બર્ડફ્લુ નામનું કંઈક ગતકડું આવેલું. તમે લોકો તો પ્રથમીમાતાનું નિકંદન કાઢવા બેઠેલા છો. રોજ ઉઠીને નિતનવા નામવાળા રોગચાળા લઈને હાજર થઇ જાવ છો. આ નહીં તો પેલું..પેલું નહીં તો બીજું.. કંટાળો આવી જાય છે સાચ્ચે. એ બર્ડફ્લુને લીધે અમને તમારાવાળા ઠરીને બેસવા ય નહતા દેતા. માંડમાંડ સેટ થઇએ કે કોઇક તો પથરો લઈને આવી જ જાય. તમે તો કલાપી ય નથી કે તમને અમારા પર પથરો ફેંકીને  ‘તે  પંખીની ઉપરપથરો ફેંકતા ફેંકી દીધો ...’ એવો પસ્તાવો થાય.વોટ્ટેવર, એ વાત જ જવા દો. બાત નિકલેગી તો દુર તલક જાયેગી.. આપડે બાપજી આણિ મંડળીની વાત કરીએ અત્યારે. બાપજી ઓરડીમાંથી બહાર આવી રહેલા દેખાય છે. બાપજીનું કંઈક તો રહસ્ય છે જ હોં. અહીં પોલીસને જોઈને રફુચક્કર થઇ ગયેલો યાદ છે હમોને બરાબર. ત્યાં ય કંઈક સીનસપાટા કર્યા હોય તો નવાઈ નહીં. પણ આ ચિંટુપિંટુ કેમ જરા જૂદું વરતી રહ્યાં છે ? ભાષા સાવ બદલાઈ જાય છે અમુક સમયે તો. પેલી રકાબીમાં એવું તે શું હતું જે ખાધા પછી આ બે આમ રાજાપાઠમાં આવી જાય છે. હમોને જરા જરા શંકા તો થવા જ માંડી છે કે કંઈક નશો કરે છે પાર્ટી.. પણ જ્યાં સુધી એ લોકો કોઇને નુકસાન ન કરે ત્યાં સુધી તેરી બી ચૂપ ને મેરી બી ચૂપ..

બાપજી : ચિંટુ..મેરે ભોલે.. હમને સુના હૈ કે હર શામ કો બોહત રંગ જમાતે હો તુમ દોનોં? ગુરુ કરતા ચેલે સવાયે હો ગયે હેં? ચલો અચ્છા હે.. ગુરુ શિષ્ય પરંપરા તો હમારી ઇસંશ્કૃતિ હે... કિસનાજી ભી ગુરુ કે પાસ ગયે થે તભી ઉનકો ઠીક સે છિક્છા મિલી થી ઓર ઉન્હોને બડે બડે કૌભાંડ કિયે. જેશ્રીકિસ્ના..

ચિંટુ : બાપજી..કૌભાંડ નહીં.. કનૈયેને કૌભાંડ નહી પણ પરાક્રમ કિયે થે. પિંટુડા..બાપજીને ગરમ ગરમ ચા પીવડાય અશ્શલ ટેશની.. ચકભમ થઈ જ્યા લાગઅ છઅ..

મારું હાળું આ છિક્છા શું હશે પાછું? બાપજી ય નશામાં લાગે છે. બોલવાનું ભાન નથી. ચ્હા પીવે તો કદાચ ભાનમાં આવે એમ બને.. પહેલા તો આ ચિંટુપિંટુ બોલતા હતા એમાં ખબર નહતી પડતી તે બાપજી ઉમેરાયા..ડિક્શનરી લાવવી પડશે ક્યાંકથી..

પિંટુ : એ ચિંટુભાઈ .. આ બાપજી હું કેય ને? એમને કહેવની કે પાધરુ બોલે.. કંઈ હમજ ની પડે હારા.. છિક્છા એટલે હું? રિકસા ખબર છે પણ છિક્છા તો પેલવારકુ હાંભલ્યુ.

ચિંટુ : હે ભગવાન, આ હારો હજ્જુ ગબલદાશ જ રહ્યો. છિક્છા એટલે શિક્ષા. ભણવાનું.. હવઅ ઉતર્યું તારા ભેજામોં ? એં.. જરા અક્કલગરો ખાતો જા દિવશમોં તો કોંક બુધ્ધિ આવશે. આખો દહારો રખડઅ છઅ ઇના કરતા કશું ચોપડું લાઈને ઓંચ.

પિંટુ : ચાલો.. બાકી ઉતા તે આ હો હવે મને ભણવાનું કેહે.. અરે ભાઈ ભણવું હોતે તો તે જ વખતે ની ભણી લેતે કે? હવે તો કમાવાની ઉંમર છે એમ કેઉં.. એ બધી વાત જવા દેવ ને એમ કહેવ કે આ કોરોનાની રસીવાળું હુ છે?

ચિંટુ : તારે ને મારે અત્યારે જરુર નથી. હૌ પહેલા તો શિનિયર શિટીજનનો વારો છ. પછી પચ્ચા વરસથી ઉપરના હોય ઇને આલવાના છ. મોબિલમોં વોંચ્યુ તુ મી. બાપજીનો વારો આઈ જશે .. શિનિયર શિટિજન છ એટલે. આપડો વારો આવતા આવતા છ મઈના થઈ જશે. લખી રાખ.

પિંટુ : તે તાં હુધી આપડે મોઢે પાટા બાંધવાના એમ?

ચિંટુ : અરે ઓ શ્લોબુધ્ધિ.. રશી મેલાયા પછી ય શાવચેતી તો રાખવાની જ છ.

બાપજી : ક્યા સમસ્યા હૈ બચ્ચોં.. હરિ ૐ ?

પિ્ટુ : અબી તક તો ની હે કોઈ સમસ્યા પણ અબ આયેગી. છગન મારાજ આ ગયે હે તે.

છગન :  ઓહોહો.. બાપજી આયે હે..  સરસ સરસ.. પાય લાગુ .. ચિંટુડા, બાપજી આઈ ગયા તો  તારી ખૂરશી ગઇ પાછી. દે ત્તાલી..

ચિંટુ : એ ટણપા.. બાપજી કાયમ માટે નથી આયા પાછા. હવડે તો એ હવાફેર માટે આયા છ. થોડા દિવશ પછી જતા રહેશે.હે ને બાપજી?

બાપજી : હરિ ૐ .. ઘર આયે મેમાન સે એસે બાત નહીં કરતે બચ્ચા.

પિંટુ : બાપજી આપ ઇસ છગને કા પક્સ મત લો.. એક નંબર કા અડેખા હે યે.. ગામવાલે પ્રભુજી કી બાત માનતે  હે યે ઉસસે ડેખા ની જાતા હે. તો હમકો નીચા ડિખાને કે લિએ યે એસે એસે વાંધેવચકે નિકાલતા હે કે બાત જ જવા ડેવ.

બાપજી : યે પ્રભૂજી કોન હે ઇધર?

પિંટુ : લ્લે.. યે રહે હમારે પ્રભૂજી.. ચિંટુનંદસ્વામીજી..ઓર મેં ઇનકા ચેલકા હું.. પિંટુનંદસ્વામી. એક જોરડાર વાત કહેઉ મેં તમને..પ્રભૂજી જબ વો ચક્કર હાથ મેં ઉંચકતે હે તબ સાકસાત  કૃષ્ન ભગવાન કે દરશન હોતે હે. ઓર વો ખાટલે પર બેઠકર જબ ભાષણ દેતે હે તો મુજે ગીતાજી સુનાઈ દેતી હે બોલો.

બાપજી : તુમેરા મતબલ હૈ કે તુમકો ઇસ ચિંટુ મેં કિસનાજી ઓર ખૂદ મેં અર્જુનજી મહેસુસ હોતે હે?

ચિંટુ : હા બાપજી. એશા હી કુછ શમજો . શબ આપ કી કિરપા હે મેં તો કેતા હું. આપને વો જાદૂઇ પરશાદ દિયા હે ને.. ઉસકા પરચા અપરંપાર હે.

છગન : એ વાયડાઓ. આ કોરોનાની રસીવાળો મામલો શું છે તે કહો. ક્યારે આવશે આપણા ગામમાં?  એની કંઈ આડઅસર છે ? એ બધી વાત કરો. જો કે.. રહેવા દો.. તમને અત્યારે તમારી કંઈ ગતાગમ નથી તો કોરોનાની રસીનું તો ક્યાંથી ખબર હોય?

પિંટુ : એ ય .. તું ચુપ રહેજે.. તને હજુ પ્રભૂજીના પરચા મઇલા નથી એટલે ડોઢ થતો છેપણ જે દહાડે એમની છટકહે ને તે દહાડે ચક્કર તારા પર જ આઇવું હમજી લેજે.

ચિંટુ : પિંટુનંદસ્વામી..  શોંત થઈ જા. શાસ્તરમોં લખ્યું  છ ક મૂરખાઓ શાથે દલીલ નઈ કરવાની. એમને શમજ તો પડતી ના હોય એટલે ઢંગધડા વનાની દલીલો ઝૂડ્યા કરે.ટાઈમ વેશ્ટ કરે.. શરવાળે આપડે એમની વાત માનવામાં શાણપણ છ. આપડો ટાઈમ બચે . મગજ ખરાબ થતું અટકે. ઇમને આપડી વાત મનાવવા આપડે એમના શ્તર હૂંદી જવું પડે. તો પછી આપડામાં ને ઇમનામાં કોંય ફેર ના રહે. હેંડ મગજ ના તપાઈશ.

બાપજી : હરિ ૐ મેરે બચ્ચો. તુમને તો બહોત ગહન બાત કહે દી બાત બાત મે..છગન..બેટા ઇન લોગો સે કુછ સીખો. ઇર્ષ્યા તુમ કો હી ખા જાયેગી.

ચિંટુ : ઓર ફિર છગન , દુનિયા મેં એક હી નીલકંઠ હો શક્તે હે ..વો હે મેરે માદેવજી.. તુમેરા રંગ ઇર્સા કી વજેહ શે  સાપ જેસા લીલા હો જાયેગા તો તુમેરા નામ લીલકંઠ પડ જાયેગા.

છગન : એ લીલકંઠની વહુ..બંધ થા.. એક ઝાપટ પડશે તો બધી હોસિયારી બહાર આવી જશે.

પિંટુ : એ ય છગના..બો માથાકૂટ ની જોયે.. લખીમાહી ને રમણમાહાને લીધે મેં ચુપ છે.બિચારા બે ય હાવ ભગવાનનું માણહ છે. એમને પેટે આવો  અડેખો પથરો કાંથી પાઈકો ને..

ઓયહોય.. આ કોરોનાની રસી તો આવશે ત્યારે આવશે.. અહીં યુંધ્ધ થઈ જશે એમ લાગે છે. સળગવાનું મસ્ત.. હવે બીજા ગામવાળા આવે તો જરા વધારે સળગે. દેખાય છે કોઈ?

ફૂરરરર ..ફૂરરરર.. આજે હમો ફિલીંગ રાજા મહારાજા ટાઈપ્સ. રાજારજવાડાં હતાં ત્યારે રાજા રોજ દિનચર્યા જોવા નીકળતા ને? એક્ઝેટલી એ જ રીતે હમો ય ગામમાં જોવા નીકળેલા કે ખરેખર શું કારણસર પેલો સમારંભ બંધ રહ્યો. આ તમે માણસજાત બહુ જ વિચિત્ર. કોઈ દિવસ બોલેલું પાળે નહીં. બોલવાનું આવે ત્યાં બધા શુરાપુરા. હવે આમ તમને કંઈ ખબર ન હોય એમ મોંઢુ વકાસીને ન જૂઓ ભાઈસાબ. અહીં હાથીગઢમાં સિનિયર સિટીજનનો સન્માન સમારંભ થવાની વાત તો યાદ છે ને ? કે તમારે પેલા ગજિની આમિર ખાનની માફક શોર્ટ ટર્મ મેમરી લોસની તકલીફ છે? હં, એ જ. એ જ સિનિયર સિટીજન  સન્માન સમારંભ બંધ રહ્યો,બોલો. કેટલાં સપનાં જોયેલાં કે સારું સારું ખાવાનું મળશે. રોજ એકનું એક ખાઈને કંટાળો આવે છે. હમોને જે હોટલનું મેનુ પસંદ છે તે આ તમારા કોરોના ફોરોનાના પાપે બંધ થઈ ગઈ. ભગવાન જાણે પાછી ક્યારે ખુલશે.  ખૂલશે ખરી કે નહીં એ ય ખબર નથી. રોજ રાત્રે જમીને એ તરફ ઉડવા જઈએ છીએ પણ હોટલના પાટિયા હજ્જુ સુધી પડેલાં જ છે. કંઈ નોટિસ બી નથી મુકતા કે ખબર પડે. અમારે ય અરમાનો ના હોય? અમને મન થાય કે નહીં સારુ સારુ ખાવાનું? બધા અભરખાઓ તમને જ થાય? અમે જીવ નથી? તમારે શું ફેર પડે છે કોઈને કેવું ફીલ થાય છે તે જાણીને? તમને તો બસ તમારી જ પડી છે. વોટ્ટેવર, સોનાની જાળ પાણીમાં નાંખવાનો અર્થ નથી. જે કરવું હોય તે કરો. હવે અહીં ચિંટુ મહારાજ પિંટુ મહારાજ શું કરે તે જોવાનું. ઓવર ટુ સીસીટીવી ડાળ.  જો છે હારા.. ગામ આખું ભેગું તો થયેલું છે તો પેલો સમારંભ કરી દેવાનો હતો. બધા મઝા કરતે ને ખાઈ પીને..  કોરોનાને લીધે ૧૦૦ માણસથી વધારે ભેગાં નહીં થવાનું એવું તૂત મોબાઈલમાં આવ્યું કે આપણા છગનલાલ, ધ ગ્રેટ વાંકદેખા પટમાં આવી ગયા. એણે જ ઉંબાડિયું કર્યું. હાથીગઢમાં તો એકેય કિસ્સો નથી આવ્યો પણ છગનલાલ હાથમાં આવેલી તક ચૂકે કે?  છગના.. આવતે જન્મે તું બળેલી ભાખરી થજે, જા. આ છગનથી બિચારા ચિંટુપિંટુને કોઈ સારી વાતનો જશ મળે એ સહન જ નથી થતું. એક તો એ બે જડબુધ્ધિ પેલી ઓરડીમાં જઈને આવે પછી જે લવારા કરે છે એ માંડમાંડ સમજાય છે. અલા.. પેલું કોણ આવે છે ને ? બાવો પાછો આવ્યો કે શું?  ઓહ એ જ છે આ તો. લે, આ તો સીધો મંદિરભેગો થઈ ગયો ને આરતી કરવા માંડ્યો.

બાપજી : અલખ નિરંજન....  જય આદ્યા સક્તિ મૈયા જય આદ્યા સક્તિ ..

ગામવાસી 1: ઓ બાપજી, કેસે હો?  હેં? ને આ તો મહાદેવજીનું મંદિર છે અહીં ક્યાં માતાજીની આરતી કરવા માંડ્યા ને? ભુલી ગયે લગતે હે થોડે દિવસ બહાર રહે તો..

બાપજી: ના ના બચ્ચા.. ભગવાન તો એક હી હૈ.. માદેવજી કહો કે માતાજી.. હર જીવ મેં શિવ હૈ.

ગામવાસી ૨: પ્રણામ બાપજી.. એકદમ સાચી વાત કહી હૈ આપ ને તો.
બાપજી : વો દોનો અવતારી બચ્ચે કહાં હૈ? દિખાઈ નહીં દે રહે આસપાસ મેં..

ગામવાસી ૧: કોન? ચિંટુભાઈ પિંટુભાઈ? અભી અભી ગામ મેં ગયે વો દોનો તો. આરતીટાણે વાપસ આયેંગે ઓર એં બાપજી આપ દેખના કેસે વો લોગ સત્સંગ મેં રંગ જમાતે હે.

ગામવાસી ૨: હા બાપજી.. કભી કભી તો ગામ કે ઉધ્ધાર તે લિયે વો ખૂદ કો આપ કી ઓરડી મેં બંધ કર દેતે હે ઓર ફિર ધ્યાન મેં સે બાહર આને કે બાદ કોઈ બી સમસ્યા કા ઉકેલ યું ચપટી વગાડતે આ જાતા હે, બોલો. બડી ચમત્કારી ઓર પાવન ઓરડી હે સચ્ચ હોં.

બાપજી : ક્યાઆઆઆ? વો ઓરડી મેં જા કે સમસ્યા કા હલ મિલ જાતા હે ઉન કો?

ગામવાસી ૨: હા વળી.. ખોટા ક્યું બોલને કા હમારે કો? બહાર આ કે ઉન મેં કોઈ આત્મા પરવેસ જાતા હે ઓર વો હાવેહાવ જૂદા જ  બોલતે હે.

બાપજી : અયસા ક્યા બોલતે હે દોનો? સુનના પડેગા. જાવ તો .. કિસી કો ભેજ કે બુલાવો તો સહી મેરે પ્યારે બચ્ચો કો..

ગામવાસી ૧ : બાપજી આપ તો ધન્ય હો હોં.. વો દેખો આપને બોલાને કો કહા ઓર વો જાત્તે હી આ રહે હે ઈધર. આપ કે મન કી બાત એમના તક પહોંચી ગઈ..

ચિંટુપિંટુ : બાપજીઈઈઈઈ..

બાપજી : આયુષ્યમાન ભવ: ..સદા ખૂશ રહો બચ્ચો..

ચિંટુ : બાપજી, હમ આપ કો બહોત યાદ કરતે થે. પૂછો પિંટુ કો.. હેં ને પિંટુ?

પિંટુ : હા બાપજી.. મુજે તો એક દો બાર રોના ય આયા થા..

ચિંટુ : તબિયત તો અચ્છી હૈ ના આપકી ? નબળે જેસે દિખ રહે હો. ખાનાવાના તો અચ્છા મિલ જાતા હે ને વહાં પર?

બાપજી : હાં.. વહાં કે લોગ બી તુમ લોગ કી તરાહ બહુત અચ્છે હૈ.  દો વક્ત ખાના, તીન વક્ત ચાય દે જાતે હે દયાલુ લોગ. તો અપની ગાડી ચલતી રહેતી હૈ. તુમ બતાવો. ક્યા હાલ હૈ? આવો ચલો હમ વો ઓરડી મેં આરામ સે બેઠકર બાતે કરતે હૈ. તબ તક યહાં આરતી કા સમય હો જાયેગા.

ચિંટુ : હા યે ઠીક રહેગા.

ઓ મારા ભગવાન.. બાવો તો પાછો આવ્યો. નક્કી ત્યાં કંઈક કારસ્તાન કરીને જ આવ્યો લાગે છે. જો કે થોડો સુકાયેલો તો દેખાય છે. આમ તો જરુર હતી જ એને વજન ઉતારવાની. પીપડા જેવો થયેલો અહીં હતો ત્યારે તો. છેલ્લે છેલ્લે તો કસરત કરવાની ય બંધ કરી દીધેલી. એ ય ને ખાઈ પી ને જલસા જ કરતો હતો. નસીબનો બળિયો તો ખરો જ. આ તમારી માણસજાતનું આ દુ:ખ. આવા બનીબેઠેલા બાપજીઓને બહુ જ  માથે ચડાવી મૂકે. એ કહે તે જ પૂર્વ દિશા. આટલો બધો આંધળો વિશ્વાસ જ ડૂબાડે. જે હોય તે.. હમો ય ક્યાં તમારી પંચાતમાં ચંચુપાત કરીએ છીએ ને.. એના કરતા ચાલો પેલી ઓરડીમાં. ફૂરરરર..

વાહ.. સિલિંડર ઉર્ફે બાપજી તો ખાટલે ઢળી પડવાના. થાકી ગયા હશે બિચારા. ને પેલા બે હાથ જોડીને  બેસી શું રહ્યા હશે ભગવાન જાણે. ઓહો.. રકાબીમાં કંઈક મુક્યું પિંટુડાએ.. અલા, ચિંટુડાએ એમાંથી જ ચમચી ભરીને  મોંઢામાં મુક્યું ને બીજી ચમચીમાં પિંટુડાને ય આપ્યું.  હમોને ચટપટી થાય છે કે આખિર બાત ક્યા હે? બાપજી ધીમું ધીમું મલક્યા કરે છે એટલે કૂછ તો ગરબડ હે. હવે આ લોકો નાટક બંધ કરીને બહાર આવે તો સારુ. બાપજી આવ્યાની ખબર આખા હાથીગઢમાં થઈ ગઇ છે એટલે બધી નવરી બજારો હૂડૂડૂહફફ કરતી આ તરફ આવવા જ માંડશે જોજો.

ચિંટુ : એ ય શ્લોબુધ્ધિ.. હોંભર..

પિંટુ : જી પ્રભુ.. હું કહેતા છે?

ચિંટુ : આ આપડે બાપજી આયા છ તો કોં, ચા-પોણીનો બંદોબશ્ત કર જોય.. ઠોયા જેવો મારી હોમે શુ તાકી રયો છે? તારા ઘરમોં મેમાન આવઅ તિયારે ઓમ તાક્યા કરઅ છઅ ઇમને?

પિંટુ : ની રે.. મારી એવી મજાલ છે કે ? મારી ઢરમપટ્ની જરીક આંખ જ ફેરવે કે મેં તો ફટ્ટદેતાંક સુરતી લોચો કે ઇદડાં કે એવું કંઈ લી આવું.

બાપજી : અરે બચ્ચો.. યે ક્યા બોલ રહે હો? ચિંટુ તુમ તો જેસે પિંટુ કે ભગવાન હો એસે બાત કરતે હો.. ઓર યે પિંટુ તુમારા ભગત હો એસે..

આ બાપજી, ભગવાન ને ભગત ગામમાં ઉધમ મચાવશે હવે. પણ બાવો ભગવાન ને ભગતવાળું તો સાવ નવું જ તિકડમ લાવ્યો. શું કહો છો?

ચા..લો... હમો નિજગૃહે પરત થઈ ગયેલ છે. હમો જલેબીના સહેજ પણ આશિક નથી એટલે માત્ર ઉંધિયુ ને પૂરીનું ટેઈક અવે પાર્સલ કરાવી લીધું. ટાઈમ ઓછો બગડે. ત્યાં બેસીને જમવામાં ય વાંધો નથી પણ પછી અહીં ચિંટુપિંટુવાળી ઇવેન્ટમાં જે મઝા છે એ લહાવો રહી જાય . બહુ ટાઈમ બગડે. એક તો ત્યાં ભીડ પણ બહુ હોય છે. પાછું સોશિયલ ડિસ્ટન્સીંગના નામે મીંડુ. ફટાફટ પેક કરાવી લીધું ને ઉડવા જ માંડ્યું. આ તમે માણસજાત ઘરે રાંધતી જ નથી કે શું હવે?કોરોનાએ ગામ આખાને ઘરે રાંધતું કરી દીધેલું. એય ને જાત જાતનું ને ભાત ભાતનું બનાવતી તી પબ્લિક. જરાક છૂટ મૂકી કે ખલાસ. દીઠુ ભાળ્યું ન હોય એમ તૂટી પડ્યા. ખૈર.. આપણે શું, હેં?  જેને જે કરવું હોય તે કરે. પંચાત કરવાનું ગમે જ નહીં આપણે તો. એ ચાલો ચાલો બહુ વાતો થઈ. હવે ચિંટુપિંટુ શું કરે છે તે જોઇએ. ચિંટુએ સિનિયર સિટીઝનને શાલ ઓઢાડવાનો આઈડિયા તો સારો આપ્યો પણ એ કાર્યક્રમ કરશે કેવી રીતે તે જાણવામાં જ આપણને ભારી રસ છે.

માણેક મુખી : એ ય છોકરાઓ, કાં આમ મૂંગા છો? મોંઢામાં મગ ભર્યાં છે? હવે આગળ શું કરવાનું ?

છગન : મેં કહેલું ને કાકા કે આ બેને માથે બેસાડવા જેવા નથી. બોલી જાણે છે એટલું જ. કામ કરવાનું આવે કે મિંદડી મ્યાઉં થઈ જાય. સિનિયર સિટીજનને સાલ ઓઢાડીએ એમ કહેવાથી જાણે અલ્લાદીનનો ચિરાગ સાલ ઓઢાડી જવાનો હોય એમ કૂદતા હતા. ક્યાં ગઈ બધી હોશિયારી? ક્યાં ગયા માદેવજી અને બાપજીના આસીરવાદ? ટાંયટાંયફીસ?

પિંટુ : છગન, તું ચૂપ રહે. ચિંટુભાઈએ બધું વિચારીને જ કહ્યું હોય. કેમ ને ચિંટુભાઈ? આ છગનને તમે ફડફડાવીને કહી દો એટલે એ મૂંગો રહે.

ચિંટુ : પિંટુ, ઘડીક શાંતિ રાખ. તમારા બધાની કચકચથી મારા મનમાં બધો પિલાન વેરવિખેર થઈ જાય છે. મને લાગે છે કે મારે થોડીવાર ધ્યાનમાં બેસવું પડશે. ભાઈ છગન, તું અહીં કોઈ ભજન કે એવું કંઇ ગવડાવ અથવા તારા મોબાઈલમાં કંઈ ચેનલ પર ભજન મૂક. અમે થોડીવારમાં આવીએ. બાપજીની ઓરડીમાં જવાથી અમને જ્ઞાન પ્રાપ્ત થાય છે.ચાલ પિંટુ.

ઓત્તારી.. આ પાછું શું નવું તૂત કાઢ્યું ચિંટુલાલે?  શાલ ઓઢાડવાની વાતે ભેરવાઈ ગયા લાગે છે. પણ આ બાપજીની ઓરડીમાં જ્ઞાન પ્રાપ્ત થાય છે એ શું હશે?  બીજા માળેથી બરાબર દેખાય છે ઓરડી. ત્યાં જઇને જોઉં. પણ આ બે બારદાન જો ઓરડીનું બારણું બંધ કરી દેશે તો તકલીફ. હે મહાદેવજી, આ બારણું બંધ ન કરે એવું કરજો. તમને પાંચ દીવા કરીશ. હત્તેરી.. બંધ જ કરી દીધું બારણું.  હવે અહીં બેસીને બંધ બારણું તાક્યા કરવાનો અર્થ નથી. બેક ટુ મુખ્ય ઘટનાસ્થળ. ફૂરરર..

છગન : કાં અમથાકાકા, તમારા વાલીડાઓ તો ઓરડીમાં જંતરમંતર કરવા જતા ર્યા ને? એમ કંઈ માદેવજીના આસીરવાદ રેઢા નથી પડ્યા કે આ અક્કરમીઓને મળી જાય. એમ કંઈ રાતોરાત બુધ્ધિ ના આવી જાય કોઈનામાં . તમે બધાએ તો જમાનો જોયો છે તો ય આમની વાતોમાં આવી ગયા.

માણેક મુખી : આ છગનની વાત તો વિચારવા જેવી ખરી હોં અમથાભઈ.  મને સાલો વેમ તો ગ્યો જ છે કે આપડે આમને ખોટું પ્રોત્સાન આલીએ છીએ.

અમથાકાકા : તમે ખોટા વેમાવ છો મુખી. યાદ કરો આ જ છોકરાઓએ મારા પૈશા ચેવા પાછા અલાયા તા પેલા ભારાડી પોંહેથી? ને બાપજી મોંદા હતા તે ચેવા બેઠા કરી દીધા પટ્ટ લઈને.. કંઈક તો ખૂબી છ જ ચિંટુપિંટુમાં.. ઇમનીમ તો આવા ચમત્કાર નહી થ્યા હોય ને?

ભીખીડોશી : હા હોં.. બાપજીમાં શત તો હતું જ. મારું ડોબું ખોળી આલ્યું તું કે નય? એવા શંતમાત્માના આસીરવાદ ફોગટ ના જાય. પથ્થરમોંથી ય પોણી  કાઢી આલે એવું ઝગમગ શત હતું બાપજીનું. આપડે તો ભગવાનનો આભાર મોનવાનો કે એવો પુનશાળી આત્મા આપડા હાથીગઢનો મેમાન થયો.

લખીડોશી : હાચી વાત. જો ને મારી હેડકી ય બેહાડી દીધી તી કે નહી? આ છોકરાઓ ના હોત તો હું તો રામ બોલો ભઈ રામ જ થઈ જાત તે દિવસે.  ભજન મેલ તું ઇના કરતા. ક્યારનો ડહાપણ કરે છે તે. આ ગામવારા ય બચારા આપડી વાતો હોંભરીને તોબા પોકારી જશે.

ઓહોહો.. ચિંટુપિંટુનો તો વટ્ટ છે બાકી. ચૂંટણી લડે તો અબઘડી જીતી જાય. બધા ય વોટ એમને જ મળે એવો માહૌલ છે . કહેવું પડે. લો, નામ લેતાં જ પધાર્યા. સો વરસના થવાના. પણ કેમ આમ આંખો લાલ દેખાય છે? માર બેટા નોટંકી છે બે ય. ઓત્તારી, બાપજીવાળો ખાટલો પાથરીને પિંટુ નીચે બેઠો ને ચિંટુલાલ ખાટલે બિરાજ્યા.

છગન : એ ય ચિંટુડા.. આ વડીલો નીચે ભોંય પર બેઠા છે ને તું ખાટલે બેઠો છે? શરમા જરા શરમા.

પિંટુ : ઓ મિત્ર.. તમે જરીક ચૂપ રેહો કે? મારાજ ઢ્યાનમાંઠી ઉઠીને હીધ્ધા જ અહીં આવેલા છે તે દેખાય કે ની? મારાજ તમે તો ઓરખતા જ છે ને આ છગનને ..એને તો ટેવ પડી ગયલી છે કંઈ બી બોઇલા કરતો છે . તમે મન પર ની લેતા કંઈ હો. ગુસ્સે થેઈને કંઈ શ્રાપ ની આપી દેતા અમ અબૂધોને..

ચિંટુ : એ ય શર્કિટ્ટ.. ક્યા શમશ્યા હે?

પિંટુ : વ..વ..વો સિનિયર સિટીજન કો સાલ ઓઢાડને કી બાત હે મુન્નાભાઈ..કોઈ શમશ્યા નહીં હે.

ચિંટુ : બશ ઈતની શી બાત? ઈશશે બી કિતની બડી શમશ્યા ચપટી વગાડ કે શુલઝા દી હે હમને તો મુખીકાકા..

માણેકમુખી : ઇમ ? હવડે તો તું અમને આ સાલ ઓઢાડવાવાળું જ પાર લાય એટલે ઘણું.

ચિંટુ : જૂઓ કાકા.. પેહલાં તો આપડે છે ને બધી કમેટિ બનાઈ દઈએ. લિશ્ટ કમેટિ શાલ ઓઢાડવાની હોય તેના નામ લખી લાવશે.  પછી હારતોરા કમેટિ ,સ્વાગત કમેટિ,, ચાનાશ્તાપાણી કમેટિ, ને હવથી મહત્વની શાલ ઓઢાડો કમેટિ. હારતોરા કમેટિ હારતોરા લાવશે એનાથી સ્વાગત કમેટિ સ્ટેજ પર બેઠા હોય એ બધાયનું સ્વાગત કરશે. ચાનાશ્તાપાણી કમેટિ બધાય માટે ચા નાશ્તાની શગવડ કરશે. ને શાલ ઓઢાડો કમેટિ સિનિયર શિટીજનોને શાલ ઓઢાડશે.

પિંટુ : બોલો ચિંટુમારાજ કી જે..

ચિંટુ : એ ય..

છગન : એક મિનિટ.. તું કહે છે એમ કમેટિ બનાઈએ પણ બધું લાવવાનું કેવી રીતે? ખર્ચો કોણ કરશે?

ભીખીડોશી : છગન , આ પેલ્લી ફેરી હો ટચના હોનાની વાત કરી તેં. લખી, તારો છોકરો હુશિયાર તો છે હોં.. તો ય કેમ એનું કશે ગોઠવાતું નહીં?

લખી : ઇને તો અંબેરિકાનું ઘેલું લાગ્યું છે તે શુ થાય કો જોય.. ગોટપીટવારી જ જોઈએ છે લાટશાહેબને..

અમથાકાકા : ભીખી, તું મોંઢું બંધ રાખવાનું શું લઈસ?  તારાથી તો કંટારી જ્યા બાપા .. અહીં આપડે વાત શુ ચાલે છે ને તું ડપકા હાના મેલે  છે..

ભીખીડોશી  : અમે જ વધારાના છીએ એમ કહોને ભઈ.. અમારે અહીં ટેકો કરનાર કોય નહે એટલે બધા કહી જાવ ને..

માણેકમુખી : કહું છું શાંતિ રાખો. વાત હાવ આડે પાટે જતી રહી. ભીખીમાસી, અમથાભઈ બે હાથ ને ત્રીજું માથું જોડું.. સાંભળો તો ખરા ..ભઈ ચિંટુ.. કહે તું..

ચિંટુ : જેને ત્યાં શિનિયર શિટિજન હોય એ બધા કમેટિમાં હારતોરા, શાલનો ખર્ચો માથાદીઠ આલી દે. ને ચા નાસ્તામાં તો આપડે બધા પોતપોતાને ઘેરથી લઇ આઇશુ ને ભેગા બેહીને ખઈશુ. બોલો માદેવ હરરરરરર.....

ઓ મારા ભગવાન.. જબરો ખેલ પાડ્યો. પેલી કહેવત યાદ આવી ગઇ . નાત નાતનું જમે છે, મુસાભાઈના વા પાણી.. શાલ ઓઢાડવાનો કાર્યક્રમ  થશે?  કે પછી સુરસુરિયું?  છગન શું કરશે? ને ચિંટુ પિંટુ? ઓરડીમાં જઈ આવે પછી તેવર બદલાયેલા લાગ્યા.. તમને લાગ્યું એવું?