Video: જેટ ફ્યુલ ભરેલું કાર્ગો વિમાન હવામાં થયું ક્રેશ, સમગ્ર વિસ્તારમાં આગ લાગી, અનેક ઘરો તબાહ

મંગળવારે સાંજે 5:00 વાગ્યે અમેરિકાના કેંટિકમાં લુઇસવિલે મુહમ્મદ અલી ઇન્ટરનેશનલ એરપોર્ટ પરથી ટેકઓફ કર્યા બાદ તરત જ એક UPS કાર્ગો વિમાન ક્રેશ થઇ ગયું, જેના કારણે આસપાસના વિસ્તારમાં ભીષણ આગ લાગી ગઈ. કહેવામા આવી રહ્યું છે કે, આ અકસ્માતમાં ઘરો સળગીને તબાહ થઈ ગયા. આ ઘટના બાદ અધિકારીઓએ એરપોર્ટ બંધ કરી દીધું અને નજીકના રહેવાસીઓને સુરક્ષિત સ્થળોએ આશ્રય લેવાનો આદેશ આપ્યો. અકસ્માતમાં 7 લોકો માર્યા ગયા અને 11 લોકો ઇજાગ્રસ્ત થયા. જોકે, અધિકારીઓનું કહેવું છે કે મૃત્યુઆંક વધી શકે છે.

ફેડરલ એવિએશન એડમિનિસ્ટ્રેશન (FAA)એ જણાવ્યું કે હોનોલુલુ જતી મેકડોનેલ ડગ્લાસ MD-11F વિમાન UPS ફ્લાઇટ 2976, સ્થાનિક સમય (4 નવેમ્બર) સાંજે 5:15 વાગ્યે ટેકઓફ થયા બાદ થોડીવારમાં જ ક્રેશ થઇ ગયું. આ એરપોર્ટ UPS વર્લ્ડપોર્ટનું ઘર છે, જે કંપનીનું એર કાર્ગો ઓપરેશન્સ માટેનું વૈશ્વિક કેન્દ્ર અને વિશ્વની સૌથી મોટી પેકેજ હેન્ડલિંગ સુવિધા કેન્દ્ર છે.

કેન્ટકીના ગવર્નર એન્ડી બેસેરે જણાવ્યું હતું કે લુઇસવિલેમાં થયેલા ભયાનક વિમાન દુર્ઘટનામાં ઓછામાં ઓછા 7 લોકો માર્યા ગયા અને 11 લોકો ઇજાગ્રસ્ત થયા. તેમણે ચેતવણી આપી હતી કે બચાવ કામગીરી હજુ પણ ચાલુ હોવાથી મૃત્યુઆંક વધી શકે છે. લુઇસવિલેના મેયર ક્રેગ ગ્રીનબર્ગે જણાવ્યું હતું કે આગ મોટા પ્રમાણમાં જેટ ઇંધણના કારણે લાગી હતી. ગ્રીનબર્ગે WLKY-TVને જણાવ્યું હતું કે, ‘હું સમજું છું કે બોર્ડમાં આશરે 280,000 ગેલન ઇંધણ હતું. આ ઘણી રીતે ચિંતાનું ગંભીર કારણ છે.’

સોશિયલ મીડિયા પર અકસ્માતના ઘણા વીડિયો વાયરલ થઈ રહ્યા છે, જેમાં એરપોર્ટની દક્ષિણે ફર્ન વેલી અને ગ્રેડ લેનમાંથી ગઢ કાળા ધુમાડા નીકળતા જોવા મળી રહ્યા છે. કટોકટી સેવા ટીમો ઘટનાસ્થળે પહોંચી ગઈ છે અને બચાવ કામગીરી હાથ ધરી રહી છે. લુઇસવિલે મેટ્રો પોલીસ વિભાગ (LMPD)એ જણાવ્યું કે અનેક એજન્સીઓ આગ અને કાટમાળમાં કામ કરી રહી રહી છે. વિભાગે ટ્વિટર પર એક ટૂંકી પોસ્ટમાં ઇજાઓના અહેવાલોની પુષ્ટિ પણ કરી છે.

વિભાગે ટ્વિટર (અગાઉ ટ્વિટર) પર એક ટૂંકી પોસ્ટમાં જણાવ્યું હતું ઇજાગ્રસ્તોની સૂચના મળી છે. બાદમાં, અધિકારીઓએ સ્ટુજેસ અને ક્રિટેન્ડેન વચ્ચેનો ગ્રેડ લેન અનિશ્ચિત સમય માટે બંધ કરી દીધો કારણ કે બચાવ કામગીરી ચાલુ હતી. લુઇસવિલે મુહમ્મદ અલી આંતરરાષ્ટ્રીય વિમાનમથકે પુષ્ટિ કરી હતી કે અકસ્માતમાં એક વિમાન સામેલ હતું અને કટોકટી સેવાઓ ઘટનાસ્થળે કામ કરતી વખતે એરસ્પેસ અસ્થાયી રૂપે બંધ કરવામાં આવ્યું હતું.

કેન્ટકીના ગવર્નર એન્ડી બેશિયરે ટ્વિટર પર આ ઘટના પર ટિપ્પણી કરતા કહ્યું કે, કેન્ટકી, અમને લુઇસવિલે આંતરરાષ્ટ્રીય એરપોર્ટ નજીક વિમાન દુર્ઘટનાના અહેવાલ મળ્યા છે. બચાવ ટીમો પહેલાથી જ ઘટનાસ્થળે પહોંચી ગઈ છે, અને અમે માહિતી ઉપલબ્ધ થતાંની સાથે શેર કરીશું. કૃપા કરીને પાઇલટ્સ, ક્રૂ અને અસરગ્રસ્ત તમામ લોકો માટે પ્રાર્થના કરો. અમે ટૂંક સમયમાં વધુ માહિતી શેર કરીશું.

Tragic UPS cargo plane crash in Louisville Kentucky!

Flight 2976 to Hawaii exploded mid-air with 3 crew members on board engine fire visible before impact. Heartbreaking loss of brave pilots.

RIP heroes. What caused this disaster? Prayers for their families. pic.twitter.com/eA3MPljTt4

— Arshad (@im__Arshu) November 5, 2025

સ્થાનિક મીડિયાએ, એરપોર્ટ અધિકારીઓ અને સાક્ષીઓને સંદર્ભે જણાવ્યું હતું કે આ અકસ્માતમાં UPS એરલાઇન્સનું કાર્ગો વિમાન સામેલ હતું, જે એરપોર્ટ કેમ્પસમાં સ્થિત કંપનીના વિશાળ લોજિસ્ટિક્સ સેન્ટરમાંથી કાર્યરત ઘણા વિમાનોમાંથી એક હતું. ફ્લાઇટ રડાર 24ના ફ્લાઇટ-ટ્રેકિંગ ડેટા દર્શાવે છે કે N259UP તરીકે નોંધાયેલ વિમાન, લુઇસવિલેથી સાંજે 5:10 વાગ્યે ઉડાન ભરી હતી અને રડારથી ગાયબ થતા પહેલાં થોડા સમય માટે ઉપર તરફ વધ્યું હતું.

🚨Louisville, Kentucky Plane Crash 🚨

A UPS Airlines cargo plane, identified as a McDonnell Douglas MD-11 (registration N259UP, flight 5X2976), crashed shortly after takeoff from Louisville Muhammad Ali International Airport (SDF) in Kentucky around 5:15 p.m. ET today. Horrible! pic.twitter.com/una235yYT0

— CreamyCornCob 🇺🇸 🏁 (@CreamyCornCob1) November 4, 2025

ફ્લાઇટ રડાર 24 ના ફ્લાઇટ-ટ્રેકિંગ ડેટા દર્શાવે છે કે ફ્લાઇટ (નોંધાયેલ N259UP) લુઇસવિલેથી સાંજે 5:10 વાગ્યે ઉડાણ ભરી હતી અને રડાર પરથી ગાયબ થયાના થોડા સમય અગાઉ વિમાન ઉપર તરફ વધી રહ્યું હતું. FAA અને નેશનલ ટ્રાન્સપોર્ટેશન સેફ્ટી બોર્ડ (NTSB)એ જાહેરાત કરી કે તેઓ અકસ્માતના કારણની તપાસ કરશે.