રશિયાના એરબેઝ પર યુક્રેનનો ડ્રોન એટેક, બોમ્બ વરસાવનારા આટલા વિમાનોને તબાહ કરવાનો દાવો

યુક્રેને રશિયાના 4 મહત્ત્વપૂર્ણ એરબેઝ ઓલેન્યા અને બેલાયા પર હુમલો કર્યો છે. યુક્રેનિયન સેનાએ આ હુમલામાં ડ્રોનનો ઉપયોગ કર્યો છે. કહેવામાં આવી રહ્યું છે કે જે એરબેઝને નિશાન બનાવવામાં આવ્યા છે તે રશિયા-યુક્રેન સરહદની ખૂબ અંદર સ્થિત છે. યુક્રેનિયન મીડિયા રિપોર્ટ્સ અનુસાર, આ હુમલો યુક્રેનિયન સેના દ્વારા અત્યાર સુધીનો સૌથી મોટો ડ્રોન હુમલો હતો. યુક્રેને ખાસ કરીને એ એરબેઝને નિશાન બનાવ્યું છે, જેનો ઉપયોગ રશિયા બોમ્બમારો કરવા માટે કરી રહ્યું હતું.

યુક્રેને કહ્યું છે કે તેણે રશિયાની અંદર સ્થિત ઘણા એરબેઝ પર ડ્રોનથી હુમલો કર્યો છે, જેમાં 40થી વધુ રશિયન બોમ્બરોનો તબાહ કર્યા છે, જેનો ઉપયોગ રશિયા યુક્રેન પર બોમ્બમારો કરવા માટે કરી રહ્યું હતું. યુક્રેનનું કહેવું છે કે આ એજ વિમાનો છે જે ઘણીવાર યુક્રેન ઉપર ઉડાણ ભારે છે અને બોમ્બ ફેંકે છે. યુક્રેને રશિયાના મારમંસ્કમાં ઓલેન્યા એર બેઝ, ઇરકુત્સ્કમાં બેલાયા એરબેઝ, ઇવાનોવોમાં ઇવાનોવો એરબેઝ અને ડાયાગિલેવ એરબેઝને નિશાન બનાવ્યા છે.

યુક્રેનની સુરક્ષા સેવા (SBU)ના એક અધિકારીએ જણાવ્યું હતું કે તેમના ડ્રોન રશિયન ક્ષેત્રમાં ઊંડાણ સુધી જઈને Tu-95, Tu-22 જેવા મોટા બોમ્બર અને મોંઘા અને દુર્લભ A-50 જાસૂસી વિમાનોને નુકસાન પહોંચાડવામાં સફળ રહ્યા. SBUએ જણાવ્યું હતું કે આ હુમલો બેલાયા એરબેઝ પર થયો હતો, જે રશિયાના ઇર્કુત્સ્કના દૂરના વિસ્તારમાં આવે છે. આ ઉપરાંત, ઓલેન્યા એરબેઝ પર પણ આગ લાગવાના અહેવાલો છે, પરંતુ હજુ સુધી તેની સત્તાવાર પુષ્ટિ કરવામાં આવી નથી.

યુક્રેને કહ્યું કે તેમના પર હુમલો કરવામાં આવ્યો કારણ કે આ વિમાનો લગભગ દરરોજ રાત્રે યુક્રેનિયન શહેરો પર બોમ્બમારો કરે છે. યુક્રેનને આશા છે કે આ મોટા પાયે ડ્રોન હુમલાથી તેઓ બોમ્બમારો ઘટાડી શકશે. રશિયા અથવા અન્ય દેશો દ્વારા આ હુમલાની અત્યાર સુધી સત્તાવાર પુષ્ટિ કરવામાં આવી નથી, અને કેટલીક માહિતી બદલાઈ પણ શકે છે, પરંતુ જો તે સાચું હોય, તો તેને રશિયન વાયુ શક્તિ પર યુક્રેનનો અત્યાર સુધીનો સૌથી મોટો હુમલો માનવામાં આવશે. યુક્રેને કહ્યું છે કે તેના ડ્રોન ઉડવાનું ચાલુ રાખશે અને બદલો લેવાનું ચાલુ રાખશે.

આ વિમાનો રશિયા માટે ખૂબ જ મહત્વપૂર્ણ છે. જેમ કે Tu-95 1950ના દાયકાનું જૂનું વિમાન છે, પરંતુ તે હજુ પણ ઘણી ક્રૂઝ મિસાઇલો વહન કરવામાં સક્ષમ છે, જે દૂર-દૂરના શહેરોને નિશાન બનાવી શકે છે. તેમાં જેટ એન્જિનને બદલે મોટા ફરતા પ્રોપેલર્સ છે, અને તે લાંબા અંતરને આવરી શકે છે. Tu-22 એક હાઇ-સ્પીડ એરક્રાફ્ટ છે, જે ખાસ કરીને મિસાઇલો કેરી કરી શકે છે. યુક્રેન માટે આ વિમાનોના હુમલાઓને રોકવા સરળ નથી જ્યાં સુધી તેઓ અમેરિકા અથવા યુરોપની સૌથી અદ્યતન સુરક્ષા પ્રણાલીઓનો ઉપયોગ ન કરે. A-50 એક દુર્લભ અને મોંઘુ જાસૂસી વિમાન છે; રશિયા પાસે આવા લગભગ 10 વિમાનો છે, જેની કિંમત લગભગ 350 મિલિયન ડોલર છે. વિશ્વનું સૌથી મોટું બોમ્બર Tu-160, 1980ના દાયકામાં બનાવવામાં આવ્યું હતું, પરંતુ આજે પણ રશિયન વાયુસેનાનું સૌથી ખતરનાક વિમાન માનવામાં આવે છે. તે ઘણી શક્તિશાળી મિસાઇલો લઈ જવામાં સક્ષમ છે.