Bajaj Launch 2 New Bike: બજાજે લોન્ચ કરી 2 નવી બાઈક્સ, અપાચે અને બુલેટને આપશે ટક્કર, જાણો ફીચર્સ અને કિંમત
Bajaj launch 2 new bike 2025 Dominar 400 and Dominar 250 in india: Bajaj ઓટોએ ભારતમાં 2025 Dominar 400 અને Dominar 250 લોન્ચ કરી દીધી છે. આ બાઇક્સમાં ઘણી નવી સુવિધાઓ જોડવામાં આવી છે. 2025 Dominar 250ની કિંમત 1.92 લાખ રૂપિયા રાખવામાં આવી છે અને 2025 Dominar 400ની કિંમત 2.39 લાખ રૂપિયા રાખવામાં આવી છે. બંને બાઇકમાં હવે નવા રાઇડિંગ મોડ્સ, નવું ડિજિટલ મીટર અને ફેક્ટરી-ફિટેડ એસેસરીઝ મળશે.
ડિઝાઇનમાં કોઈ ખાસ ફેરફાર કરવામાં આવ્યો નથી, પરંતુ હવે Dominar 400માં ઇલેક્ટ્રોનિક થ્રોટલ બોડી દ્વારા રાઇડ-બાય-વાયર ટેક્નોલોજી આપવામાં આવી છે, જે 4 રાઇડ મોડ્સ આપે છે, જેમાં રોડ, રેઇન, સ્પોર્ટ અને ઓફ-રોડનું ઓપ્શન છે. તો, Dominar 250માં હવે ચાર ABS રાઇડ મોડ્સ પણ મળે છે, જે મિકેનિકલ થ્રોટલ બોડી પર આધારિત છે. આ જ ટેકનોલોજી તાજેતરમાં Bajaj પલ્સર 250માં પણ જોવા મળી હતી.
હવે બંને બાઇક્સમાં બોન્ડેડ ડિજિટલ ઇન્સ્ટ્રૂમેન્ટ કન્સોલ મળશે, જેમાં સ્પીડો ફ્લૅપ પણ છે. તેનાથી સ્ક્રીન પરની માહિતી સ્પષ્ટ દેખાશે અને વરસાદ કે તડકાની અસર નહીં પડે. હેન્ડલબાર ડિઝાઇનમાં પણ બદલવામાં આવી છે, જેથી લાંબી રાઈડમાં હાથોને વધુ આરામ મળે. નવું સ્વીચગિયર (બટન સિસ્ટમ) ઇન્સ્ટોલ કરવામાં આવ્યું છે, જેથી નવી ટેક્નોલોજીને સરળતાથી કંટ્રોલ કરી શકાય. આ સાથે, કંપનીએ ફેક્ટરી-ફિટેડ કેટલાક એસેસરિઝનો પણ સમાવેશ કર્યો છે જેમ કે GPS માઉન્ટ કેરિયર.
Bajaj ઓટોના મોટરસાઇકલ બિઝનેસ યુનિટના પ્રમુખ સારંગ કનાડેએ કહ્યું કે, Dominar માત્ર એક બાઇક નથી, તે એક અનુભવ આપે છે. મુસાફરી એ અનુભવ આપે છે, જે પુસ્તકો નહીં આપી શકે. આ આત્મવિશ્વાસ, વિચાર અને નજરિયો વધારે છે. 2025 Dominar રેન્જ દ્વારા અમે ભારતમાં સ્પોર્ટ્સ ટુરિંગ કલ્ચરને વધુ આગળ વધારી રહ્યા છીએ. આ માત્ર અપડેટ નથી, પરંતુ એક સંદેશ છે કે રસ્તો તેનો જ છે જે રોકાય નહીં. નવી Bajaj Dominar રેન્જ એવા લોકો માટે છે જેઓ લાંબા અંતરની રાઇડિંગ, એડવેન્ચર અને આરામદાયક અનુભવ ઇચ્છે છે. નવી ટેક્નોલોજી, રાઈડ મોડ્સ અને એસેસરિઝ સાથે, આ બાઇક હવે વધુ શાનદાર થઈ ગઈ છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp