Nursing Students Harassment: નર્સિંગની વિદ્યાર્થિનીઓએ સાથે જાતિય સતામણી, 80 છોકરીઓએ લગાવ્યો ગંભીર આરોપ
80 Nursing Students Accused The Doctor Of Harassment: મધ્ય પ્રદેશના વિંધ્યની સૌથી મોટી હોસ્પિટલની નર્સિંગની વિદ્યાર્થીઓએ વિભાગના ડૉક્ટર પર જાતીય સતામણી, દુર્વ્યવહાર સહિતના ગંભીર આરોપો લગાવ્યા છે. વિદ્યાર્થિનીઓએ આ અંગે સામૂહિક રીતે ફરિયાદ નોંધાવી છે. આ મામલો સામે આવ્યા બાદ પ્રિન્સિપાલે નર્સિંગ વિદ્યાર્થિનીઓની સુરક્ષા માટે વોર્ડમાં જવા પર પ્રતિબંધ લગાવી દીધો છે. સાથે જ, ડીને મામલાની ગંભીરતાને ધ્યાનમાં રાખીને તપાસના આદેશ આપ્યા છે.
સંજય ગાંધી હોસ્પિટલના ENT વિભાગના ડૉક્ટરથી નર્સિંગની વિદ્યાર્થિનીઓ જોખમ અનુભવે છે. B.sc. નર્સિંગની 80 વિદ્યાર્થિનીઓએ ડૉ. અશરફ સામે લેખિતમાં ફરિયાદ કરી છે. વિદ્યાર્થિનીઓએ દલીલ કરી છે કે ડૉ. અશરફ વિદ્યાર્થીઓ સાથે અભદ્ર વર્તન કરે છે. તેમના વર્તનને કારણે વિદ્યાર્થિનીઓએ પોતાને અસુરક્ષિત ગણાવી છે. પત્રમાં કહેવામાં આવ્યું છે કે ડૉક્ટર અશરફનું વર્તન ઘણી વખત વિદ્યાર્થીઓ માટે માનસિક રૂપે અપમાનિત કરનારું રહ્યું છે.
વિદ્યાર્થિનીઓએ ફરિયાદમાં કહ્યું હતું કે તેમનો વ્યવહાર માનસિક રીતે હેરાન કરવાનારું છે. ડૉ. અશરફના વ્યવહારને કારણે ક્લિનિકલ લર્નિંગ વાતાવરણ પર પણ અસર પડી રહી છે. આ વોર્ડમાં થોડા દિવસો અગાઉ એક મહિલા દર્દીના સગીર એટેન્ડરે ગેંગરેપના ગંભીર આરોપો લગાવ્યા હતા. આ ઘટનામાં હોસ્પિટલના વોર્ડ બોય સામે કાર્યવાહી કરવામાં આવી હતી.
હવે નર્સિંગ વિદ્યાર્થિનીઓનો મામલો સામે આવ્યા બાદ હોસ્પિટલમાં હોબાળો મચી ગયો છે. વિદ્યાર્થિનીઓએ કોલેજના પ્રિન્સિપાલને લેખિતમાં આ અંગે ફરિયાદ કરી હતી. પ્રિન્સિપાલે તમામ વિદ્યાર્થિનીઓને વિભાગમાં પ્રવેશતા રોકી દીધી છે. આ મામલાની તપાસ મહિલાઓના કાર્યસ્થળ પર જાતીય સતામણી અધિનિયમ 2013 હેઠળ રચાયેલી આંતરિક ફરિયાદ સમિતિની ટીમ દ્વારા કરવામાં આવશે. S.S. મેડિકલ કોલેજના ડીન ડૉ. સુનિલ અગ્રવાલે જણાવ્યું હતું કે વિદ્યાર્થિનીઓની ફરિયાદની તપાસ માટે એક સમિતિની રચના કરવામાં આવી છે, જે 7 દિવસમાં પોતાનો રિપોર્ટ રજૂ કરશે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp