જમ્મુમાં ફરી વાદળ ફાટ્યું, 8 લોકોના મોત, મચી ભારે તબાહી; જુઓ વીડિયો
જમ્મુના રિયાસી જિલ્લાના મહોરમાં પણ એક મોટું ભૂસ્ખલન થયું છે, જેના કારણે ઘણા ઘરો વહી ગયા છે. લગભગ 7 લોકો ગુમ થયાના અહેવાલ છે. તો, રામબન જિલ્લાના રાજગઢ વિસ્તારમાં પણ ભૂસ્ખલનથી ભારે નુકસાન થયું છે. અહીં 8 લોકોના મોત થયાના અહેવાલ છે, જ્યારે 2 લોકો ગુમ છે. વહીવટીતંત્ર અને બચાવ ટીમ રાહત કાર્ય કરી રહી છે. આ અકસ્માતમાં 2 ઘર અને એક શાળાને નુકસાન થયું છે.
શુક્રવારે રાત્રે જમ્મુ-કાશ્મીરના બાંદીપોરા જિલ્લાના ગુરેઝ સેક્ટરમાં વાદળ ફાટવાની ઘટના બની હતી. જોકે, તેમાં કોઈ જાનહાનિના અહેવાલ નથી. ઉત્તર કાશ્મીર જિલ્લાની સરહદે આવેલા ગુરેઝ સેક્ટરના તુલૈલ વિસ્તારમાં વાદળ ફાટવાની ઘટના બની હતી. જેના કારણે અચાનક ભારે વરસાદથી લોકોમાં ગભરાટ ફેલાયો હતો.
🚨🔵8 people have died and several people are missing as a Cloudburst Hit the Rajgarh village of Ramban District in Jammu and Kashmir.Many houses have been damaged..🇮🇳 pic.twitter.com/x66bQakupf — THE UNKNOWN MAN (@Theunk13) August 30, 2025
🚨🔵8 people have died and several people are missing as a Cloudburst Hit the Rajgarh village of Ramban District in Jammu and Kashmir.Many houses have been damaged..🇮🇳 pic.twitter.com/x66bQakupf
ઉત્તર રેલ્વેએ શુક્રવારે 30 ઓગસ્ટના રોજ જમ્મુ, કટરા અને ઉધમપુર રેલવે સ્ટેશનોથી આવતી-જતી 46 ટ્રેનો રદ કરવાની જાહેરાત કરી છે. મંગળવારે જમ્મુમાં ભારે વરસાદ અને અચાનક પૂરને કારણે છેલ્લા 4 દિવસથી રેલ ટ્રાફિક સ્થગિત છે. કઠુઆ અને ઉધમપુર વચ્ચે રેલ ટ્રાફિક સ્થગિત કરવામાં આવ્યો છે અને જમ્મુમાં અનેક સ્થળોએ રેલવે લાઇનો તૂટી પડવાના કારણે ટ્રેનો રદ કરવામાં આવી રહી છે. આ અગાઉ, ઉત્તર રેલવેએ 29 ઓગસ્ટના રોજ જમ્મુ, કટરા અને ઉધમપુર રેલ્વે સ્ટેશનોથી આવતી અને જતી 40 ટ્રેનો રદ કરવાની જાહેરાત કરી હતી.
જમ્મુ ક્ષેત્રમાં તાજેતરના રેકોર્ડ વરસાદ બાદ પરિસ્થિતિની સમીક્ષા કરવા માટે કેન્દ્રીય ગૃહમંત્રી અમિત શાહ રવિવારે (31 ઓગસ્ટ) આ વિસ્તારની 2 દિવસની મુલાકાતે જઇ શકે છે. વરસાદ સંબંધિત ઘટનાઓમાં 110થી વધુ લોકો મૃત્યુ પામ્યા છે, જેમાંથી મોટાભાગના યાત્રાળુઓ હતા અને 32 અન્ય ગુમ છે. ત્રણ મહિનામાં અમિત શાહની જમ્મુની આ બીજી મુલાકાત હશે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp