ઓડિશાના માલકાનગિરી જિલ્લાના ચિત્રકોંડા બ્લોકમાંથી એક વિચિત્ર ઘટના સામે આવી છે. અહીં હોસ્ટેલમાં રહેતી 10મા ધોરણની વિદ્યાર્થિનીએ ચિત્રકોંડા મેડિકલમાં પુત્રને જન્મ આપ્યો છે. ઘટના મુજબ, સ્થાનિક શાળાની હૉસ્ટેલમાં રહીને અભ્યાસ કરતી છોકરી હાલમાં ધોરણ 10ની પરીક્ષા આપી રહી છે. છોકરીના પિતાએ કહ્યું હતું કે એક દિવસ પહેલા સોમવારે અંગ્રેજીના પેપરની પરીક્ષા આપવાની વાત કહી હતી.
વિદ્યાર્થીના પિતાના જણાવ્યા મુજબ, શાળાના એક શિક્ષકે ફોન કરીને કહ્યું કે તેમની પુત્રી દેખાઇ રહી નથી. તેમણે પિતાને તાત્કાલિક શાળાએ આવવા કહ્યું. જ્યારે માતા-પિતા શાળાએ પહોંચ્યા અને છોકરી વિશે પૂછ્યું ત્યારે તેમણે કહ્યું કે એક મોટી ઘટના બની છે. તમારી દીકરીએ બાળકને જન્મ આપ્યો છે. આ સાંભળીને પિતાના પગ નીચેથી જમીન સરકી ગઇ.