T20 વર્લ્ડ કપ જીતનારી બ્લાઇન્ડ ક્રિકેટ ટીમને મળ્યા PM નરેન્દ્ર મોદી, વીડિયો આવ્યો સામે
ભારતીય ટીમે નેપાળને હરાવીને મહિલા બ્લાઇન્ડ T20 વર્લ્ડ કપ 2025 જીત્યો હતો. ફાઇનલમાં ભારતે પડોશી દેશ નેપાળને 7 વિકેટથી હરાવ્યું. હવે વડાપ્રધાન નરેન્દ્ર મોદીએ વર્લ્ડ કપ વિજેતા ટીમના ખેલાડીઓ સાથે મુલાકાત કરી અને તેમને પ્રોત્સાહિત કર્યા. ટીમના ખેલાડીઓએ સાઇન્દ કરેલી બેટ ભેટમાં આપી. ત્યારબાદ વડાપ્રધાન નરેન્દ્ર મોદીએ એક બોલ પર સહી કરી અને ખેલાડીઓ સાથે વાત કરતા જોવા મળ્યા.
ભારતીય ટીમે મહિલા બ્લાઇન્ડ T20 વર્લ્ડ કપ 2025 જીત્યા બાદ, વડાપ્રધાન નરેન્દ્ર મોદીએ ટ્વીટ કરી હતી અને લખ્યું હતું કે, ‘પ્રથમ મહિલા બ્લાઇન્ડ T20 વર્લ્ડ કપ જીતવા બદલ ટીમને અભિનંદન. તેનાથી પણ વધુ પ્રશંસનીય વાત એ છે કે તેઓ સમગ્ર શ્રેણી દરમિયાન અજેય રહી. આ ખરેખર એક ઐતિહાસિક રમતગમત સિદ્ધિ છે. ખેલાડીઓએ સખત મહેનત, ટીમવર્ક અને દૃઢ સંકલ્પનું ઉત્તમ ઉદાહરણ સ્થાપિત કર્યું છે. દરેક ખેલાડી ચેમ્પિયન છે. ટીમને ભવિષ્યના પ્રયાસો માટે મારી શુભેચ્છાઓ. આ સિદ્ધિ આગામી પેઢીઓને પ્રેરણા આપશે.’
મહિલા બ્લાઇન્ડ T20 વર્લ્ડ કપ જીત્યા બાદ, ભારતીય ક્રિકેટ ટીમ ભારતમાં આવી ત્યારે ચાહકોએ તેમનું ઉષ્માભર્યું સ્વાગત કર્યું. ચાહકોએ એરપોર્ટ પર ત્રિરંગા ધ્વજ લહેરાવ્યા હતા અને માહોલ ઉત્સાહથી ભરેલો હતો. આ ક્ષણ દરેક ભારતીયો માટે અપાર આનંદથી ભરેલી હતી.
Saluting a team that Redefined DeterminationPM @narendramodi interacts with the Women’s Blind Cricket Team and congratulates them on their outstanding T20 World Cup win. #T20WorldCup #TeamIndia pic.twitter.com/ZAZBUhkGvt — MyGovIndia (@mygovindia) November 27, 2025
Saluting a team that Redefined DeterminationPM @narendramodi interacts with the Women’s Blind Cricket Team and congratulates them on their outstanding T20 World Cup win. #T20WorldCup #TeamIndia pic.twitter.com/ZAZBUhkGvt
મહિલા બ્લાઇન્ડ T20 વર્લ્ડ કપ 2025ની ફાઇનલમાં નેપાળે પ્રથમ બેટિંગ કરતા કુલ 114 રન બનાવ્યા. ભારતે 12 ઓવરમાં સરળતાથી લક્ષ્ય હાંસલ કરી લીધું. આ પહેલી વાર બ્લાઇન્ડ મહિલા T20 વર્લ્ડ કપ યોજાયો હતો, અને ભારતે તેના પ્રથમ પ્રયાસમાં ટ્રોફી જીતી લીધી. ભારતીય ટીમ માટે ફુલા સરીન અણનમ 44 રન સાથે સૌથી વધુ સ્કોરર રહી હતી. કરુણાએ 27 બોલમાં કુલ 42 રન બનાવ્યા. સેમિફાઇનલમાં ભારતે મજબૂત ઓસ્ટ્રેલિયાને 9 વિકેટથી હરાવ્યું હતું.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp