U and PA Shape Seating Arrangement: આ રાજ્યની શાળાઓમાં હવે કોઈ બેક બેન્ચર નહીં રહે, ‘U’ અને ‘PA’ આકારમાં બેસશે બાળકો
Tamil Nadu News: તમિલનાડુના વર્ગખંડોમાં હવેથી વિદ્યાર્થીઓ અંગ્રેજીમાં ‘U’ આકારમાં અથવા ‘PA’ આકારમાં બેસાડવામાં આવશે. તેનો હેતુ શિક્ષકોને વિદ્યાર્થીઓની આંખો મળાવવા, વર્ગનું વધુ અસરકારક રીતે દેખરેખ કરવામાં, પદાનુક્રમની ભાવના ઘટાડવામાં અને વાતચીતને પ્રોત્સાહન આપવાનો છે. આ વ્યવસ્થા પાયલટ ધોરણે લાગૂ કરવામાં આવશે અને તેની સફળતાના આધારે તેનો વિસ્તાર કરવામાં આવશે. દરેક વર્ગમાં વિદ્યાર્થીઓની સંખ્યા વર્ગના આકાર પર આધારિત રહેશે. તામિલનાડુ સરકાર તરફથી એક પ્રેસ રીલિઝમાં કહેવામાં આવ્યું છે કે, ‘દરેક અવાજ સાંભળવો અને જોવો જોઈએ. શીખવું એક વ્યાખ્યાન નથી, પરંતુ એક વાતચીત બની જવી જોઈએ.’
U ક્રમનો અર્થ એ છે કે વર્ગમાં બધા વિદ્યાર્થીઓની બેઠક U આકારમાં હશે. કોઈ પણ વિદ્યાર્થી એક-બીજાની સામે કે પાછળ નહીં બેશે. તમે તેને અર્ધવર્તુળની જેમ સમજી શકો છો. આ વ્યવસ્થામાં ડેસ્ક અને ખુરશીઓ એવી રીતે મૂકવામાં આવે છે કે તેઓ એક મોટા U જેવા દેખાય. શિક્ષક Uના ખુલ્લા ભાગમાં ઊભા રહીને બધા વિદ્યાર્થીઓને જોઈ શકે છે અને વિદ્યાર્થી પણ એક-બીજાના ચહેરા પણ જોઈ શકે છે. તેનાથી શિક્ષક અને વિદ્યાર્થીઓ વચ્ચે સંપર્ક અને વાતચીત સરળ થાય છે.
‘ப’ તમિલ મૂળાક્ષરોનો એક અક્ષર છે, જે અર્ધ વર્તુળ અને સીધી રેખા જેવો દેખાય છે. આ આકારમાં બેઠક વ્યવસ્થા પણ એક પ્રકારનું અર્ધ વર્તુળ અથવા વર્તુળ પણ બનાવે છે, જે વિદ્યાર્થીઓને એક-બીજાને જોવા અને વાતચીત કરવામાં મદદ કરે છે. તે બરાબર U જેવું જ છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp