શું 'છાતી પર હાથ રાખવો' અને 'નાળું ખોલવું' એ બળાત્કાર નથી ગણાતો? આપણા દેશમાં શું છે બળાત્કારની પરિભાષા?
Rape Definition In India: તાજેતરમાં, અલ્હાબાદ હાઈકોર્ટના એક ન્યાયાધીશે એક સગીર છોકરી પર બળાત્કારના કેસમાં ચૂકાદો આપ્યો હતો. તેમનું કહેવું છે કે મહિલાના સ્તનને હાથ લગાવવો અને તેના પાયજામાનું નાડું ખોલવુંબળાત્કાર કે બળાત્કારનો પ્રયાસની શ્રેણીમાં આવતું નથી. તેમના આ નિવેદન પર દેશભરમાં હોબાળો મચી ગયો છે. કેન્દ્ર સરકારની એજન્સી, નેશનલ ક્રાઈમ બ્યૂરો અનુસાર, ભારતમાં દર 20 મિનિટે એક મહિલા બળાત્કારનો ભોગ બને છે. આવા સંજોગોમાં, જ્યારે આવો નિર્ણય સંભળાવાય, ત્યારે અરાજકતા તે ફેલાશે જ. પરંતુ સુપ્રીમ કોર્ટે આજ પ્રકારના કેસોમાં અલગ ચૂકાદો આપ્યો છે. ચાલો જાણી લઇએ.
આ કેસમાં, છોકરીની માતાએ આરોપ લગાવ્યો હતો કે જ્યારે તે 10 નવેમ્બર, 2021ના રોજ સાંજે 5 વાગ્યે પોતાની 14 વર્ષીય પુત્રી સાથે નણંદ ઘરેથી પાછી ફરી રહી હતી, ત્યારે આરોપી તેને રસ્તામાં મળ્યો. આરોપીએ તેણીને પૂછ્યું કે તે ક્યાંથી આવી રહી છે, અને આનો જવાબ આપતાં, એક આરોપીએ મહિલાની સગીર પુત્રીને તેની બાઇક પર બેસવાની ઓફર આપી અને કહ્યું કે તે તેને ઘરે છોડી દેશે. તેમના પર વિશ્વાસ કરીને, મહિલાએ પોતાની પુત્રીને આરોપી સાથે છોડી દીધી, પરંતુ રસ્તામાં, આરોપીએ છોકરીના ગુપ્તાંગનો સ્પર્શ કર્યો, તેના પાયજામાનું નાડું તોડી નાખ્યું અને તેને એક નાળા નીચે ખેંચી ગયો. ચીસો સાંભળીને 2 લોકો આવ્યા અને તેમને બંદૂક બતાવીને ધમકાવ્યો, તો આરોપી ભાગી ગયો. પીડિતા અને સાક્ષીઓના નિવેદનો નોંધ્યા બાદ, કોર્ટે આરોપીને બળાત્કારના આરોપમાં સમન્સ પાઠવ્યું.
હાઈકોર્ટે આ મામલે કહ્યું કે પીડિતાના ગુપ્ત ભાગોને પકડવા, તેના કપડાં કાઢવાનો પ્રયાસ કરવો એ પૂરતા તથ્યો નથી કે આરોપીએ પીડિતા પર બળાત્કાર કરવાનો પ્રયાસ કરવાનો દૃઢ ઈરાદો બનાવ્યો હતો. હાઈકોર્ટે ટ્રાયલ કોર્ટને કહ્યું કે આરોપી પર ભારતીય દંડ સંહિતા (IPC)ની કલમ 354(B) હેઠળ કપડાં ઉતારવાના ઈરાદાથી હુમલો કરવા અને POCSO એક્ટની કલમ 9 અને 10 (વધુ ગંભીર જાતીય હુમલો) હેઠળનો કેસ ચલાવી શકાય છે.
બોમ્બે હાઈકોર્ટની નાગપુર બેન્ચમાંથી આવો જ એક કેસ સુપ્રીમ કોર્ટમાં પહોંચ્યો હતો, જેમાં સુપ્રીમ કોર્ટે આવા નિર્ણયને પલટી દીધો. વર્ષ 2021 માં, સુપ્રીમ કોર્ટે કહ્યું હતું કે બાળકના ગુપ્ત ભાગોને સ્પર્શ કરવો એ કાયદાની કલમ 7 હેઠળ જાતીય હિંસા ગણવામાં આવશે. તેમાં ત્વચાનો સંપર્ક થયો હોય કે નહીં. હાઈકોર્ટના નિર્ણય વિરુદ્વ એટર્ની જનરલ વેણુગોપાલે કહ્યું હતું કે આ નિર્ણય મુજબ, કોઈપણ વ્યક્તિ મોજા પહેરીને મહિલાના ગુપ્તાંગને સ્પર્શ કરી શકે છે, પરંતુ તેને જાતીય હુમલાનો દોષી નહીં માનવામાં આવે. તેમણે કહ્યું હતું કે આવા નિર્ણયો એક ખતરનાક ઉદાહરણ સ્થાપિત કરે છે, એટલે તેને બદલવું જોઈએ અને હવે તેને બદલી દીધું છે. આવું એટલા માટે કહેવામાં આવ્યું કારણ કે બોમ્બે હાઈકોર્ટના એડિશનલ જજ પુષ્પા ગણેડીવાલાએ આરોપીને નિર્દોષ જાહેર કરતા કહ્યું હતું કે ત્વચાનો કોઈ સંપર્ક થયો નથી.
કલમ 375 બળાત્કારને પરિભાષિત કરે છે, જે મુજબ જ્યાં સુધી મોઢું કે પ્રાઇવેટ પાર્ટમાં લિંગ કે કોઇ વસ્તુંનો પ્રવેશ ન થાય તો તે બળાત્કારની શ્રેણીમાં આવતું નથી. જસ્ટિસ મિશ્રાની બેન્ચે આ કેસમાં સ્પષ્ટ કર્યું હતું કે કલમ 376, 511 IPC અથવા 376 IPC અને POCSO એક્ટની કલમ 18નો મામલો બનતો નથી.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp