હોંગકોંગ અગ્નિકાંડ માટે કોણ જવાબદાર? 4600 લોકોના ઘરો સ્વાહા, અત્યાર સુધી આટલા લોકોએ જીવ ગુમાવ્યા

26 નવેમ્બરના રોજ હોંગકોંગમાં એક એપાર્ટમેન્ટ કોમ્પ્લેક્સમાં લાગેલી ભીષણ આગ હજુ પણ કાબૂમાં આવી નથી. બહુમાળી રહેણાંક સંકુલમાં લાગેલી આગને કાબુમાં લેવા માટે ગુરુવારે બીજા દિવસે પણ બચાવ ટીમો સતત ઝઝૂમતી રહી. મૃત્યુઆંક વધીને 83 થઇ ગયો છે, જ્યારે 280થી વધુ લોકો ગુમ છે. અધિકારીઓએ તેને 70 વર્ષમાં શહેરની સૌથી ખરાબ દુર્ઘટના ગણાવી છે.

સમાચાર એજન્સી PTIના અહેવાલ મુજબ, અધિકારીઓએ જણાવ્યું હતું કે લગભગ 76 લોકો ઇજાગ્રસ્ત થયા છે, જેમાંથી 43 લોકો ગંભીર છે. મૃતકોમાં એક ફાયર ફાઇટરનો પણ સમાવેશ થાય છે. ઘણા લોકો હજુ પણ ઇમારતોમાં ફસાયેલા છે. 7 બ્લોકમાંથી 4 બ્લોકને ઘેરી લેતી ભીષણ આગ પર કાબુ મેળવી લેવામાં આવ્યો છે, જ્યારે બાકીના 31 માળના મકાનો સાંજે ઉપરના માળે આગ ચાલુ રહી હતી. એક વિશાળ બચાવ કામગીરી હજુ પણ ચાલુ છે અને ફસાયેલા રહેવાસીઓને ઇમારતોમાંથી બહાર કાઢવામાં આવી રહ્યા છે.

આગનું ચોક્કસ કારણ હજુ સુધી જાણી શકાયું નથી. સરકારે આ મામલે ફોજદારી તપાસનો આદેશ આપ્યો છે. અધિકારીઓએ જણાવ્યું છે કે 7 ઇમારતો સંપૂર્ણપણે સળગીને રાખ થઈ ચૂકી છે, જેમાં દરેક 32 માળની છે. હોંગકોંગ સરકારે અસરગ્રસ્ત લોકો માટે 30 કરોડ હોંગકોંગ ડોલરની રાહત સહાયની જાહેરાત કરી છે. સેંકડો વિસ્થાપિત રહેવાસીઓને કામચલાઉ આશ્રયસ્થાનોમાં સ્થાનાંતરિત કરવામાં આવ્યા છે.

Death Toll rises to 55 as many are left unaccounted for in Hong Kong's deadly fire.

firefighters are working tirelessly to extinguish the fire. pic.twitter.com/hq22wU5FD8

— Ali Raza (@AliDarwesh94) November 27, 2025

1983માં તાઈ પો જિલ્લામાં બનેલા વાંગ ફુક કોર્ટ સંકુલમાં 1,984 ફ્લેટ ધરાવતી 8 બહુમાળી ઇમારતો છે. 2021ની વસ્તી ગણતરી મુજબ, આ ઇમારતોમાં આશરે 4,600 લોકો રહેતા હતા. ચીનની સરકારી સમાચાર એજન્સી, શિન્હુઆ અનુસાર હોંગકોંગ પોલીસે 27 નવેમ્બરના રોજ જણાવ્યું હતું  કે અગ્નિકાંડના સંબંધમાં 3 લોકોની ધરપકડ કરવામાં આવી છે. પોલીસે ધરપકડ કરેલા 3 વ્યક્તિઓ એ બાંધકામ કંપનીના અધિકારીઓ છે, જે અ સામગ્રીઓને ઇમારતોના રિન્યુઅલ દરમિયાન લગાવવા માટે જવાબદાર છે.

🚨HONGKONG 🇭🇰: Hong Kong’s deadliest fire in 17 years has killed at least 36 people, including a firefighter, with 279 others reported missing after a massive blaze swept through multiple high-rise apartment buildings in Tai Po on Wednesday night. #china #fire #HongKong pic.twitter.com/IDe32IPEOX

— Washington Report (@Washington_Rep) November 26, 2025

પોલીસનું કહેવું છે કે જાળવણી કાર્ય દરમિયાન ઉપયોગમાં લેવાતા જ્વલનશીલ સ્કેફોલ્ડિંગ અને ફોમ મટિરિયલ્સને કારણે આગ આટલી ઝડપથી ફેલાઈ ગઈ હશે. ધ ગાર્ડિયનના અહેવાલ મુજબ, હોંગકોંગના પોલીસ સુપરિન્ટેન્ડેન્ટ ઈલીન ચુંગે જણાવ્યું હતું કે, ‘અમારી પાસે એવું માનવાનું કારણ છે કે કંપનીના જવાબદાર પક્ષોએ ખૂબ જ બેદરકારી દાખવી હતી, જેના કારણે આ અકસ્માત થયો અને આગ બેકાબૂ રીતે ફેલાઈ ગઈ. જેના કારણે મોટી સંખ્યામાં જાનહાનિ થઈ.’