SRKs Mannat: શાહરૂખના ‘મન્નત’ પર પહોંચી BMCની ટીમ, CRZ નિયમ તોડવાના આરોપમાં તપાસ, જાણો શું છે મામલો?
SRKs Mannat inspected by BMC: શાહરૂખ ખાન છેલ્લા 4 મહિનાથી પોતાના બંગલા મન્નતનું નવીનીકરણ કરી રહ્યો છે અને પોતે નજીકમાં ભાડા પર રહે છે. મન્નતના નવીનીકરણને લઈને લોકો દ્વારા તેને ઘણી વખત નિશાન બનાવવામાં આવ્યો છે. લોકોએ તેને ટ્રોલ કર્યો છે. હવે એવું જાણવા મળ્યું છે કે BMC અધિકારીઓએ મન્નત જઈને નવીનીકરણની તપાસ કરી હતી. મન્નત મુંબઈના બાંદ્રા વિસ્તારમાં દરિયા કિનારે આવેલું છે. BMCને ફરિયાદ મળી હતી કે બંગલાના નવીનીકરણમાં કોસ્ટલ રેગ્યુલેશન ઝોન (CRZ) એક્ટનું ઉલ્લંઘન થઈ રહ્યું છે.
ત્યારબાદ જ, BMCની એક ટીમ શાહરૂખ ખાનના બંગલા મન્નત પર જઈને નિરીક્ષણ કર્યું. હાલમાં શાહરૂખ ખાનના બંગલા મન્નતનું નવીનીકરણ ચાલી રહ્યું છે અને શાહરૂખ ખાન તેના આખા પરિવાર સાથે નજીકમાં રહે છે. BMC તપાસ કરી રહી છે કે CRZના નિયમોનું ઉલ્લંઘન થયું છે કે નહીં.
તાજેતરમાં જ, મન્નતના નવીનીકરણનો એક વીડિયો પણ સોશિયલ મીડિયા પર વાયરલ થયો હતો. આ વીડિયોમાં એવું જોવા મળ્યું હતું કે નવીનીકરણ કરનારા વર્કર મન્નતના ઉપરના માળે કામ કરી રહ્યા છે. તેઓ કામ માટે દોરડા અને અન્ય જરૂરી વસ્તુઓ બાંધી રહ્યા છે. આખું ઘર ખાલી છે. શાહરૂખ ખાન અને તેનો પરિવાર મન્નતમાંથી બહાર જતા રહ્યા છે.
એવો દાવો કરવામાં આવી રહ્યો છે કે શાહરૂખ ખાનની 'મન્નત'નું નવીનીકરણ 2 વર્ષમાં પૂર્ણ થશે. શાહરૂખ, ગૌરી અને બાળકો બાંદ્રાના પોશ પાલી હિલમાં એક વૈભવી એપાર્ટમેન્ટ સંકુલમાં જતા જોવા મળ્યા હતા. હિન્દુસ્તાન ટાઈમ્સના અહેવાલ મુજબ, શાહરૂખે નિર્માતા વાશુ ભગનાની પાસેથી આ એપાર્ટમેન્ટનો ફ્લોર ભાડે લીધો છે. શાહરૂખે વાશુના પુત્ર અને અભિનેતા જેકી ભગનાની અને દીપ્તિ દેસાઈ સાથે ડીલ કરી છે, જેઓ આ પ્રોપર્ટીના માલિક છે.
વર્ક ફ્રન્ટ વિશે વાત કરીએ તો, શાહરૂખ ખાન ફિલ્મ 'કિંગ'માં જોવા મળશે. તેની પુત્રી સુહાના ખાન તેમાં મુખ્ય ભૂમિકામાં હશે. અભય વર્મા પણ ફિલ્મમાં મહત્ત્વપૂર્ણ ભૂમિકા ભજવશે. લોકર્નો ફિલ્મ ફેસ્ટિવલમાં શાહરૂખ ખાને ફિલ્મ 'કિંગ' લોન્ચ કરશે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp