આણે તો હદ કરી! પાગલ પ્રેમીએ એક્સ ગર્લફ્રેન્ડ પર નજર રાખવા ઘર પાછળ કેમેરા લગાવી દીધા
પ્રેમિકાએ ઠુકરાવી દીધા બાદ એક પ્રેમીએ તો હદ કરી દીધી. તેણે તેની પૂર્વ પ્રેમિકાના ઘરની નજીક એક હિડેન કેમેરા લગાવી દીધો. તેના દ્વારા તે તેના પર 24 કલાક નજર રાખતો હતો. આ સનસનાટીભરી ઘટના મહેસાણા જિલ્લાના કડીમાં બની. પાગલ પ્રેમીએ ગુપ્ત કેમેરાથી 24 કલાકની રેકોર્ડિંગ કરી. પોલીસે મહિલાના ગોપનીયતામાં દખલગીરીનો કેસ દાખલ કર્યો છે. આ ખુલાસા બાદ દરેક સ્તબ્ધ છે.
મહેસાણા પોલીસના વરિષ્ઠ અધિકારીઓના જણાવ્યા અનુસાર, ફરિયાદી કડી તાલુકાના એક ગામમાં આંગણવાડી કાર્યકર છે. તે લગભગ 10 વર્ષથી આરોપી સાથે સંબંધમાં હતી. લગ્ન બાદ પણ આ સંબંધ ચાલુ રહ્યો, પરંતુ જ્યારે તેના પતિને તેમના મેસેજિસ અને કોલની ખબર પડી, ત્યારે સંબંધ તૂટી ગયા. ત્યારબાદ, મહિલા અને તેના પતિએ વ્યક્તિને મળ્યા અને તેને બધા સંપર્કો તોડી નાખવા કહ્યું, ત્યારબાદ તેણે તેને મળવાનું બંધ કરી દીધું. TOIના અહેવાલ મુજબ, આરોપીએ તેને હેરાન કરવાનું ચાલુ રાખ્યું. તે આંગણવાડી કાર્યકરનો તેના કાર્યસ્થળ પર પીછો કરતો રહ્યો અને તેના ઘરની નજીક ફરતો રહ્યો, તેની ગતિવિધિઓ પર નજર રાખતો રહ્યો.
બાવલુ પોલીસ ઇન્સ્પેક્ટર એસ.આર. ચૌધરીએ જણાવ્યું હતું કે એક દિવસ, તેમના ઘરની પાછળના વિસ્તારમાં સફાઈ કરતી વખતે દંપતીને ઝાડીમાં છુપાયેલો એક નાનો સીસીટીવી કેમેરા મળ્યો. ગરબડીની શંકા જતા, પતિએ ડિવાઇસનું મેમરી કાર્ડ તપાસ્યું. ફૂટેજમાં આરોપી કેમેરાની સામે ઊભો દેખાયો હતો, જેનાથી પુષ્ટિ થઈ કે તેણે મહિલાની દૈનિક ગતિવિધિઓ પર નજર રાખવા માટે તેને ઇન્સ્ટોલ કર્યો હતો. પતિએ બાદમાં બાવલુ પોલીસ સ્ટેશનમાં ફરિયાદ નોંધાવી, જેના પગલે કેસ નોંધવામાં આવ્યો.
ચૌધરીએ જણાવ્યું હતું કે પ્રાથમિક તપાસમાં એવું પણ બહાર આવ્યું છે કે આરોપીએ મહિલાની ગતિવિધિઓ પર નજર રાખવા માટે વિસ્તારમાં અન્ય એક CCTV કેમેરાનો ઉપયોગ કર્યો હતો. પોલીસે BNS એક્ટ હેઠળ પીછો કરવાનો કેસ નોંધ્યો છે. આ મામલાની સંપૂર્ણ તપાસ કરવામાં આવી રહી છે. પોલીસે કહ્યું કે આવી ગતિવિધિઓ ગોપનીયતાનું ગંભીર ઉલ્લંઘન છે અને પીડિતોને માનસિક તકલીફ આપે છે. પોલીસના જણાવ્યા અનુસાર, તપાસમાં કેમેરા અને મેમોરી કારનું ફોરેન્સિક વિશ્લેષણ કરવામાં આવી રહ્યું છે. પોલીસ એ પણ તપાસ કરી રહી છે કે ફૂટેજ અન્યત્ર શેર આવી હતી કે ક્યાક સ્ટોર કરવામાં આવી છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp