અમેરિકાએ વેનેઝુએલા પર કર્યો હુમલો, કારાકાસ સહિત ચાર શહેરોમાં બોમ્બમારો; રાષ્ટ્રપતિ માદુરોએ રાષ્ટ્રીય કટોકટી જાહેર કરી

વેનેઝુએલા સરકારે અમેરિકા પર તેના નાગરિક અને લશ્કરી સ્થાપનો પર હુમલો કરવાનો આરોપ લગાવ્યો છે. નિકોલસ માદુરોની સરકારે અમેરિકાના હુમલાઓની નિંદા કરી છે, તેમને લશ્કરી આક્રમણ ગણાવ્યું છે. કારાકાસ, તેમજ મિરાન્ડા, અરગુઆ અને લા ગુએરા રાજ્યોમાં બોમ્બમારા થયા છે. માદુરો સરકારે જણાવ્યું હતું કે વેનેઝુએલાને ડરાવવા અને ધમકાવવાના આવા અમેરિકાના પ્રયાસો સફળ થશે નહીં. રાષ્ટ્રપતિ નિકોલસ માદુરોએ દેશમાં રાષ્ટ્રીય કટોકટી જાહેર કરી છે. અમેરિકન રાષ્ટ્રપતિ ડોનાલ્ડ ટ્રમ્પે વેનેઝુએલા પર અમેરિકા હુમલાની પુષ્ટિ કરી.

શનિવારે વહેલી સવારે વેનેઝુએલાની રાજધાની કારાકાસમાં ઘણા મોટા વિસ્ફોટો સાંભળવામાં આવ્યા હતા અને નીચા ઉડતા વિમાનો જોવા મળ્યા હતા. રોઇટર્સના જણાવ્યા અનુસાર, આકાશમાં ગર્જના કરતા વિમાનોએ કારાકાસમાં બોમ્બ ફેંક્યા હતા, જેનાથી ઇમારતો હચમચી ગઈ હતી અને શહેર પર ધુમાડાના ગોટેગોટા ફેલાઈ ગયા હતા. વેનેઝુએલાની રાજધાનીના દક્ષિણ ભાગ, જ્યાં એક મુખ્ય લશ્કરી થાણું છે, જેએસ વિસ્ફોટોને પગલે અંધારામાં ડૂબી ગયો હતો. એસોસિએટેડ પ્રેસના જણાવ્યા અનુસાર, ઓછામાં ઓછા સાત વિસ્ફોટો સંભળાયા હતા, જેના કારણે લોકો તેમના ઘરોમાંથી બહાર નીકળી ગયા હતા. સોશિયલ મીડિયા પર વાયરલ વીડિયોમાં શહેરમાં થયેલા વિસ્ફોટોની ક્ષણ કેદ થઈ ગઈ હતી.

અમેરિકન રાષ્ટ્રપતિ ડોનાલ્ડ ટ્રમ્પે વેનેઝુએલા પર અમેરિકા હુમલાની પુષ્ટિ કરી છે. તેમણે તેમના સોશિયલ મીડિયા પ્લેટફોર્મ, ટ્રુથ સોશિયલ પર પોસ્ટ કર્યું કે, ‘અમેરિકાએ વેનેઝુએલા અને તેના નેતા, રાષ્ટ્રપતિ નિકોલસ માદુરો સામે સફળ, મોટા પાયે હુમલો શરૂ કર્યો છે. માદુરો અને તેમની પત્નીને પકડીને દેશમાંથી બહાર લઈ જવામાં આવ્યા છે. આ કાર્યવાહી અમેરિકન એજન્સીઓના સહયોગથી કરવામાં આવી હતી. વિગતવાર માહિતી ટૂંક સમયમાં જાહેર કરવામાં આવશે. માર-એ-લાગોમાં એક પ્રેસ કોન્ફરન્સ યોજાશે. આ બાબત પર ધ્યાન આપવા બદલ આભાર!"

View this post on Instagram

A post shared by SidhiKhabar (@sidhikhabar)

કોલંબિયાના રાષ્ટ્રપતિએ વેનેઝુએલાની રાજધાની કારાકાસમાં અમેરિકન હવાઈ હુમલાથી પ્રભાવિત લક્ષ્યોની સૂચિ પ્રકાશિત કરી છે. આ સૂચિમાં લશ્કરી અને સરકારી સુવિધાઓ તેમજ દેશના ભૂતપૂર્વ રાષ્ટ્રપતિ હ્યુગો ચાવેઝનું સ્મારક શામેલ છે. અમેરિકાએહવાઈ ​​હુમલામાં અમેરિકાના જે સ્થળોને નિશાન બનાવ્યા છે તેમાં ફોર્ટ ટુના - કારાકાસનું મુખ્ય લશ્કરી મથક, લા કાર્લોટા - કારાકાસનું મુખ્ય હવાઇ મથક, એલ વોલ્કેન - મુખ્ય રડાર સ્ટેશન, લા ગુએરા બંદર- વેનેઝુએલાનું મુખ્ય બંદર, ઇગુએરોટ એરપોર્ટ - મિરાન્ડા સ્ટેટનું એરપોર્ટનો સમાવેશ થાય છે.

વેનેઝુએલાના રાષ્ટ્રપતિ નિકોલસ માદુરોએ જણાવ્યું હતું કે આ હુમલાઓનો હેતુ દેશના વ્યૂહાત્મક સંસાધનો, ખાસ કરીને તેલ અને ખનિજો પર કબજો કરવાનો અને રાજકીય સ્વતંત્રતાઓને બળજબરીથી ખલેલ પહોંચાડવાનો છે. તેમણે દેશમાં રાષ્ટ્રીય કટોકટીની જાહેરાત કરી છે. માદુરોએ એ પણ નિર્દેશ આપ્યો છે કે તમામ રાષ્ટ્રીય સંરક્ષણ યોજનાઓ યોગ્ય સમયે અને યોગ્ય પરિસ્થિતિઓમાં અમલમાં મૂકવામાં આવે. તેમણે દેશના તમામ સામાજિક અને રાજકીય દળોને આ સામ્રાજ્યવાદી હુમલા સામે એક થવા અને લડવા માટે પણ અપીલ કરી છે.